定期送上世界各地最新、最地道嘅旅遊資訊!

【大阪必食2018】Top 5 大阪必食餐廳推介!

📖延伸閱讀:【日本冬天好去處】五大日本滑雪酒店推薦
📖延伸閱讀:【關西攻略】仲喺關西機場過夜?Top 10 關西機場酒店大評比!

 

大阪自由行|大阪必食餐廳|120分鐘燒肉放題-燒肉力丸

去到日本,當然要食燒肉啦!日本國產牛肉鮮嫩多汁,但一般價格都偏貴,埋單隨時要成皮野!所以識食一定喺食放題,唔洗睇價錢,食都食得爽啲!講到大阪燒肉放題,「燒肉力丸」可以話係必食推介!呢到唔會因為做放題而提供美國或澳洲進口牛肉去降低成本,無論係散叫、定係放題,全部都係提供日本國產牛肉,CP值極高!
全部都係用炭火燒架!
燒肉力丸喺難波心齋橋一帶有五間分店,分別喺「千日前店」「心齋橋店」「難波湊町店」「南船場店」同新開嘅「梅田禦初天神店」,一定有一間喺你附近,夠哂方便呀!燒肉除咗有日產靚牛之外,仲有豚肉、雞肉、新鮮蔬菜、沙津、日式炸雞等等嘅炸物、各種一品料理、冷盤前菜、湯類、石鍋飯、冷麵等等,仲要有好多甜品同雪糕選擇,勁抵食!


勁足料嘅芒果新地,食幾杯已經回哂本!另外仲有朱古力味架!

 

燒肉力丸

千日前店:大阪府大阪市中央區千日前2-9-17 AMZA1000 2F
營業時間:週五至週日及假期11:30 – 15:30;週一至週日 16:00 –  凌晨12:30

心齋橋店:大阪府大阪市中央區心齋橋筋2-1-32 IS大樓4F
營業時間:週一至週五 16:00 –  凌晨03:00,週日&假期:16:00 – 凌晨12:00

難波湊町店:大阪府大阪市浪速區元町1-2-2浪芳大樓2F
營業時間:全年16:00 – 凌晨01:00

南船場店:大阪府大阪市中央區南船場3-4-22 B1
營業時間:全年16:00 – 凌晨01:00

梅田禦初天神店:大阪府大阪市北區曾根崎2-8-12 太陽廣場曾根崎1 B1
營業時間:週一至週五及假期 16:00 – 凌晨03:00,週日16:00 – 凌晨12:00

價錢 (不含稅):
放題     ¥2,980             任食80種食物     ¥3,480             任食100種食物
飲品     + ¥1,000          任飲55種飲品    + ¥1,300          任飲62種飲品
預約網站:http://handafood.jp/chinese/reservation (3日前預約)

 

📖延伸閱讀:【求愛上上籤之日本神社篇】日本 TOP 5 必去戀愛神社 (係愛呀哈利!)
📖延伸閱讀:【日本文青必到】十大特色日本Starbucks特輯 (東京、鎌倉、神戶、京都Starbucks齊上榜)

 

 

大阪自由行|大阪必食餐廳|120分鐘國產牛壽喜燒放題-壽喜燒壱番(SUKIYAKI壱番)

壽喜燒壱番(SUKIYAKI壱番) 喺大阪有三間分店,分別位於日本橋心齋橋京都祗園。餐廳分別有兩種放題:120分鐘涮涮鍋/壽喜燒放題同埋120分鐘涮涮鍋&壽喜燒放題,兩個都喺可以無限追加牛肉、蔬菜、白飯同埋烏冬,一定夠飽啦!唔食牛嘅朋友亦可以另加¥500 任食霧島豚肉!


牛肉好薄身,入口肉質嫩滑,淨係睇賣相已經流哂口水!


超級足料,全部材料都好新鮮!

第一次食壽喜燒嘅朋友唔洗驚唔識點食,因為呢到嘅職員會教你點煮,之後就可以自己整黎食啦!配料如豆腐、菇類等等可以先下鍋,等佢慢慢煮熟同吸收湯汁,不過牛肉就要眼明手快, 一睇到佢開始變色就要立即夾起,唔係就會煮得太熟架啦!另外小編建議將牛肉沾上生雞蛋嚟食,牛肉嘅鮮味會更加突出,真係一試難忘呀!

 

 

壽喜燒壱番(SUKIYAKI壱番)

心齋橋店:大阪府大阪市中央区心斎橋筋1-2-24 玉置ビルディング B1F
營業時間:11:00 – 凌晨02:00

日本橋店:大阪府大阪市中央区日本橋1-4-16 オーガストビル 1F
營業時間:11:00 – 凌晨05:00

京都祗園店:京都府京都市東山区祇園町南側570番地261
營業時間:11:00 – 22:00

價錢 (不含稅):
120分鐘涮涮鍋/壽喜燒放題             成人 ¥2,980,小童 ¥1,480
120分鐘涮涮鍋&壽喜燒放題             成人 ¥3,980,小童 ¥2,480
官網: http://www.sukiyaki-1ban.com/index_s.html

 

📖延伸閱讀:【九州攻略番外篇】日本溫泉禮儀!浸溫泉之前你要知的六件事!
📖延伸閱讀:【玻利維亞天空之鏡 – 亞洲版】走進不一樣的日本秘境—三大必去日本天空之鏡!

 

大阪自由行|大阪必食餐廳|鶴橋風月 大阪燒

鶴橋風月嘅大阪燒嘅特色就係會加好多椰菜,煎果陣發出滋滋聲,真係聽到都流口水!除咗椰菜之外,其他配料都好新鮮!佢哋喺日本各地都有分店,好多當地嘅百貨公司都可以搵到佢哋嘅分店,不過如果想食最正宗、最地道嘅大阪燒,當然要去位於鶴橋嘅本店啦!


除咗大阪燒,仲有招牌炒麵,色香味俱全!

 

鶴橋風月 大阪燒
地址:大阪市天王寺區下味原町2-18
營業時間:11:00 – 23:00

 

大阪自由行|大阪必食餐廳|新鮮海產 - 黑門市場
相信好多人都去過黑門市場,呢到啲海產真喺超級新鮮,價錢仲要只喺香港嘅一半都唔洗,抵到爛呀!小編推介喪食生蠔、海膽同拖羅,回本之選!而呢度除咗海鮮之外,仲有好多乾貨賣,例如乾燒元貝、生果、茶葉等等,買嚟做手信就最啱啦!


啲生蠔勁大隻,好鮮甜!


呢隻無刺海膽比起平時普通嘅海膽更鮮甜、更creamy,正呀!

 

黑門市場
地址:大阪府大阪市中央區日本橋2丁目4番1號,地鐵「日本橋站」10號出口
開放時間:09:00 – 18:00
官網: http://www.kuromon.com/

 

📖延伸閱讀:【日本福袋攻略】日本新年又到!必搶日本福袋推薦2019!
📖延伸閱讀:【秋田溫泉篇】日本東北地區—乳頭溫泉鄉懶人包2018 (連日本溫泉禮儀Tips)

 

大阪自由行|大阪必食餐廳|超抵食神戶牛 -  テーキランド Steak Land Kobe

要食最正宗嘅神戶牛,緊喺要去神戶食啦!位於阪急神戶三宮駅對面嘅テーキランド Steak Land Kobe會喺中午時段提供唔同級數嘅神戶牛Set lunch,比晚市足足平一半!但仍然係serve緊同grade嘅頂級牛肉,CP值爆燈!識食一定lunch去食!


入口即溶嘅神戶牛柳,加埋啲炸蒜片真係冇得輸!

最平嘅神戶牛排lunch set只喺 ¥3,180,都已經好好食!如果想試下更高質嘅神戶牛柳,小編就推薦 ¥5,480 嘅Special Kobe Beef Steak Set喇!

 

Steak Land Kobe  テーキランド 神戶館
地址:神戸市中央区北長狭通1丁目9番17号  三宮興業ビル6階
營業時間:11:00 - 22:00
官網:http://steakland.jp/content.html#menu

 

大阪自由行|大阪必食餐廳|麵屋丈六

@kinoppi_z

去到大阪又點可以唔食日本拉麵呢!雖然香港愈開愈多拉麵店,但好似點都還原唔到日本嗰種正宗嘅味道,而且喺日本食拉麵比起香港食更平,所以去到日本就梗係要瘋狂食拉麵啦!去得大阪就一定唔可以漏咗麵屋丈六,呢間拉麵店來頭絕對唔惹少,佢曾經榮登大阪拉麵no.1,亦都曾經係全國拉麵第12位,去到大阪當然要去朝聖一吓啦!

@chi_e7

麵屋丈六係「高井田風格」拉麵店,利用雞骨同昆布煲成湯,再加入醬油做出色澤同調味,入口味道非常濃厚又有鮮味。同時,老闆有一套炮製拉麵嘅獨家理論,就係唔會採用貴價食材,佢認為一碗好食嘅拉麵並唔係在於用咗咩昂貴嘅食材,要係靠手藝煮出日本好味道。小編個人推薦秋刀魚醬油拉麵同雞白湯拉麵,其他地方好少食得到!聽講餐廳仲有個隱藏Menu叫「福原特餐(福原さんスペシャル)」,叫咗仲會醒隻溏心蛋過你咁話!

麵屋丈六
地址:大阪市中央区難波千日前 6-16 (顯示地圖)
營業時間:11:30am – 3pm,6pm – 9pm (週三店休)
交通:於日本橋站步行5分鐘

 

📖延伸閱讀:【京都必食】日本京都 Top 5 人氣抹茶店-一保堂、中村藤吉!
📖延伸閱讀:【慢遊京都】京都和服浴衣租借店指南:夢館、夢京都、岡本、染匠

 

大阪自由行|大阪必住酒店|本町莫希萬豪酒店

@Facebook

呢間鄰近堺筋本町站嘅酒店,係由著名酒店品牌萬豪聯同傢俬鉅頭IKEA「聯乘」嘅連鎖酒店。早喺大阪分店開幕之前就已經喺歐洲有分支,所以無論聲譽定設計都係你信心嘅保證,CP值絕對高。

酒店房配合品牌風格,充滿北歐味道。設計師唔會放過任何一處展現細心嘅設計,例如喺牆掛咗唔同嘅小相架。而廁所方面,牆身用咗仿白磚配上黑線,喺光線反射底下,廁所整體更加乾淨鮮明,歐陸風格出哂嚟。

本町莫希萬豪酒店 (MOXY Osaka Honmachi by Marriott)
地址:大阪府大阪市中央区瓦町2丁目2−9 (顯示地圖)
星級 | ★★★☆☆  
位置 | ★★★☆☆  
設施 | ★★★★☆  
環境 | ★★★★☆
價格 | 查看價格  

📖延伸閱讀:【京都自由行】春日京都和服攝影,秘密景點大公開!(連京都櫻花必買手信)

 

大阪自由行|大阪必住酒店|難波天然溫泉多米高級旅館

@mw_bongbong

去日本梗係想試吓日本溫泉文化,但往往有溫泉嘅酒店價錢都比較貴。不過呢間位於心齋橋附近嘅酒店就係「平、靚、正」之選,因為佢有自己嘅風呂同時價錢非常合理,而且仲有免費宵夜畀你食,更重要嘅係佢距離心齋橋都只不過係10-15分鐘路程,去唐吉訶德掃貨掃到幾夜都唔係問題啊!

@mw_bongbong

酒店房麻雀雖小,但五臟俱全,基本酒店設施都一應俱全。房入面唔算有太多佈置,不過勝在簡潔企理,而且床尾放到行李之餘,又唔會頂腳,空間絕對夠用。

難波天然溫泉多米高級旅館 (Dormy Inn Premium Namba Natural Hot Spring)
地址:大阪府大阪市中央区島之内2丁目14−23 (顯示地圖)
星級 | ★★★☆☆  
位置 | ★★★★☆  
設施 | ★★★★☆  
環境 | ★★★☆☆
價格 | 查看價格  

📖延伸閱讀:【大阪好西攻略】食大阪海鮮點止黑門市場?Top 3必去大阪魚市場連必食之選
📖延伸閱讀:【窮遊大阪-平價住宿篇】Top 5 大阪膠囊酒店!
📖延伸閱讀:【90後窮遊】最高CP值!嚴選6間大阪Hostel、大阪民宿推薦!
📖延伸閱讀:【Hotels.com大使推介】快閃日本京都一日遊行程懶人包!
📖延伸閱讀:【京都嵐山一日遊】必去京都景點、必去嵐山景點攻略!(嵐山竹林、嵐山小火車)

 

Hotels.com酒店優惠