定期送上世界各地最新、最地道嘅旅遊資訊!

【旅行結婚好主意】日本神社婚禮、日本結婚相套餐大比併!

鍾意日本文化或者睇日劇嘅朋友,實有睇過喺日本神社舉行婚禮嘅場景。見到新娘著住象徵純潔嘅「白無垢」新娘服,新郎著住和式禮服,神社前面舉行呢個叫做「神前式」日本最傳統嘅和式婚禮儀式,係咪都心思思想去日本神社行禮呢?為咗實現呢個咁浪漫嘅願望,Hotels.com大使就為大家搜羅咗五間擁有唔同歷史背景同特色嘅神社,等你即刻準備衝去日本結婚喇!

東京|神田明社

@Flickr

神田明神,正名神田明社喺730年建造,即係話已經係守護咗東京接近1,300年!鎮守神社嘅係江戶「總守護神」,守護江戶百姓,亦係代表家庭圓滿、喜結良緣、消災解厄嘅守護神。神田明神最廣為熟悉就係喺日劇《悠長假期》第一集入面,女主角原本要舉行結婚儀式嘅神社;亦喺動畫《LoveLive!》入面其中一個女主角兼職打工,係神社擔任巫女嘅地方。

@Flickr

神田明社係東京都好出名嘅結緣神社,而神社之所以成為其中一個日本結婚熱門場所,就憑一個獨一無二嘅結婚儀式:喺一對新人交換戒指同講完誓詞之後,會進行「結緣石儀式」,新娘新郎會喺一塊白色露石頭上面簽字,獻俾神田明神,同時保祐兩家幸福平安。呢個係神田明社獨有嘅結婚儀式,對於想旅行結婚嘅新人嚟講,係一個非常獨特嘅體驗

@Flickr

神田明社嘅建築充滿江戶格調,所以好多遊客都會慕名而來去參拜、祈福同埋祈求良緣,有好多新婚嘅遊客仲會嚟呢度影結婚相!神田明神好近JR/地鐵車站,交通非常便利,去完神社仲可以去埋附近嘅秋葉原行下𠻹!

 

東京|神田明社

地址:東京都千代田区外神田2-16-2 (顯示地圖)
交通:
從JR/地鐵丸之內線「御茶之水」站步行5分鐘;
從地鐵千代田線「新御茶之水」站步行5分鐘;
從地鐵銀座線「末廣町」站步行5分鐘;
從JR/地鐵日比谷線「秋葉原」站步行7分鐘。
開放時間:24小時開放參拜
網址:http://www.kandamyoujin.or.jp
結婚式資訊:http://www.myojin.tokyo.jp/wedding/

 

東京|明治神宮

@Flickr

明治神宮絕對係參拜人數No.1嘅日本神社!神社座落於涉谷區嘅東京市中心,無論去表參道、竹下通,新宿同澀谷等購物天堂都非常方便,仲擁有除咗「皇居」之外最大塊嘅綠地 – 神宮森林,認真架勢!可以喺古色古香嘅神宮入面舉行傳統婚禮,一定好有日式風情!


@yumyumtravel 

明治神宮係為咗祭祀明治天皇同佢太太昭憲皇太后而建嘅神社,由於「天皇」係日本人心目中擁有好崇高嘅地位,好多新人都希望可以喺呢個咁神聖嘅地方行「神前式」婚禮。除此之外,明治神宮仲有唔少景點都好值得去,例如高達12尺嘅巨型鳥居,鳥居位於正殿前南、北參道交會口,未入到正殿你已經感受到要敬畏神明嘅氣勢!通往巨型鳥居行去明治神宮正殿嘅路上,有個「8」字大彎,有人話喺日本「8」係代表幸運嘅數字,所以就會咁樣設計。


@440factory

仲有喺御苑北門附近嘅清正井,有傳說話清正井係吸收咗富士山精華,係好天嘅時候去探訪會得正能量,但係雨天或者傍晚去反而會聚集陰氣,所以大家要留意喇!

 

東京|明治神宮

地址:東京都涉谷區代代木木神園町1-1 (顯示地圖)
交通
從JR「原宿站」步行1分鐘
從「代代木站」步行5分鐘
從東京Metro地鐵千代田線·副都心線「明治神宮前〈原宿〉站」步行1分鐘
從小田急線「參拜橋站」步行5分鐘
開放時間:每月不同,參閱http://www.meijijingu.or.jp/english/map/4.html
網址:http://www.meijijingu.or.jp

 

🏨Top10東京人氣酒店住宿推介HK$244起 *安心價格保證*
[HOTEL MYSTAYS 五反田站前 HK$244起,六本木一丁目水站前酒店 HK$292]

 

@上賀茂神社Facebook

好多去日本旅行結婚嘅情侶都會選擇去京都,除咗街道同建築風格好有日本傳統特色,京都仲有好多神社都歡迎新人行禮或者影結婚相!而上賀茂神社就係其中一個喺京都結婚嘅熱門神社。上賀茂神社屬於世界文化遺產之一,由日本「平安時代」開始建造,喺1628年建成,直至現時為止儲落唔少日本天皇到訪嘅紀錄,好有歷史價值!上賀茂神社又叫賀茂別雷神社,賀茂別雷係一個傳說擁有強大能力的神,佢喺秀峰神山降臨到世上再建成呢間神社!


@lstkamigamo 

而通常新人揀黎呢個神社結婚,除咗因為佢對求結緣、求生產同家庭安泰有用,亦都被神社優美嘅自然景色、竹道山林同古雅傳統嘅本殿樓門設計所吸引。而且上賀茂神社佔地面積大,有唔少景色,好似小溪、紅色樓門、鳥居都好適合影結婚相,尤其喺櫻花季同埋紅葉季黎旅行結婚,實靚到不得了!

 

京都|上賀茂神社

地址:京都市北区上賀茂本山339 (顯示地圖)
交通:自京都市營地下鐵「北山站」搭乘公車,至「上賀茂神社前」站下車後即抵達。
開放時間:全年無休
網址:http://www.kamigamojinja.jp
結婚式資訊:https://kamigamojinja-wedding.info/index.html

 

🏨Top10京都人氣酒店住宿推介HK$334起 *安心價格保證*
[坂東五條 – 京都旅館 HK$334起,本願櫻花京町家日式旅館 HK$448]

 

奈良|春日大社

@Flickr

去奈良餵鹿、睇東大寺就試得多,有無諗過可以喺春日大社結婚呢?同樣位處奈良公園入面嘅春日大社交通便利,係世界文化遺產之一,深受遊客歡迎。同時,非常有標志性嘅朱紅色神社外觀都吸引咗好多新人慕名而來,選擇喺奈良神殿舉行神前式婚禮。


@narahotelwedding

春日大社佔地非常廣闊,計埋外面嘅奈良公園,同奈良鹿仔影足一日結婚相都唔夠喉!而神社最特別嘅就係佢嘅回廊設計,係神社嘅重要文化遺產之一。回廊係指圍合神社入面所有庭院嘅廊院,一個個銅鐘掛住喺回廊上,可以話係必到嘅影相位!

 

奈良|春日大社 

地址:奈良市春日野町160 (顯示地圖)
交通:
JR奈良站、近鐵奈良站出發徒步約25分鐘;
或乘坐開往春日大社本殿方向的奈良交通巴士,在「春日大社本殿」站下車即是;
或乘坐市內循環、外循環線在「春日大社表參道」下車,步行約10分鐘即到。
開放時間:
春夏(4月 – 9月):6:00 – 18:00
秋冬(10月 – 3月):6:30 – 17:00
正殿前特別參拜:8:30 – 16:00
網址:http://www.kasugataisha.or.jp
結婚式資訊:http://www.kasugataisha.or.jp/k_wedding/wedding.html

 

🏨Top10奈良人氣酒店住宿推介HK$257起 *安心價格保證*
[古市 53 號線旅館 HK$257起,藤田奈良酒店  HK$431]

 

睇完Hotels.com大使為你介紹嘅四間日本神社,係咪心思思都去日本旅行結婚或者影結婚相呢?如果你嫌喺香港搵攝影師帶隊去日本影結婚相貴,其實仲可以考慮搵定一間日本婚照攝影公司,一黎慳返攝影團隊嘅機票酒店錢,二嚟日本公司收費清晰,絕少出現有額外收費嘅情況。我哋為你比較咗兩個日本影結婚相嘅套餐,睇完唔洗諗咁多,即刻book定機票飛去日本結婚喇!


@スタジオゼロ Homepage

 

スタジオゼロ (studio zero)

價格:98,000日元(Big Day)
套餐:約700婚禮照片(包剪切)
攝影地點:京都,大阪,奈良,神戶,姬路,岡山
網址: http://www.studiozero-wedding.jp/

 

@HimiPhotography Homepage

 

Himi Photography
價格:180,000日元/日(Pre-wedding)
套餐:約200照片(包剪切)
攝影地點:京都,大阪,奈良,神戶,姬路,岡山
網址: http://www.himiphotography.jp

 

Hotels.com 酒店優惠

睇到呢度,喺咪想即刻book酒店去日本神社結婚呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!

 

Cover photo @Flickr