定期送上世界各地最新、最地道嘅旅遊資訊!

【暑假好去處】Plan定暑假親子遊!全球嚴選4大主題樂園連附近景點推薦!

學生們最期待嘅暑假就嚟到啦!返學咁辛苦,家長們緊係要帶小朋友去下旅行,放鬆下啦!今次小編就為大家精選咗全球四大主題樂園連附近景點推薦,一齊嚟個親子遊啦!

 

暑假好去處|主題樂園推薦|日本東京迪士尼度假區 Tokyo Disney Resort


@Facebook

迪士尼有一種神秘嘅魔力,相信無論係大人定細路都冇辦法抗拒!東京迪士尼度假區包括二個樂園:東京迪士尼樂園東京迪士尼海洋。東京迪士尼樂園就同香港迪士尼樂園大同小異,但係東京迪士尼樂園就大好多,除咗會有多啲特色遊行,仲會有多啲香港迪士尼樂園少啲機會見嘅卡通人物,好似小魚仙,紅心皇后等等,絕對唔會覺得悶!


@Facebook

東京迪士尼海洋機動遊戲嘅設計同成個樂園嘅氣氛,都同迪士尼樂園有好大分別。東京迪士尼海洋入面有大量嘅海洋元素,入到去就好似去咗一個神秘國度咁,自己就好似一個海盜咁周圍去冒險,啱哂有探險精神嘅小朋友同大朋友呀!

 

 

暑假好去處|主題樂園推薦|韓國京畿道愛寶樂園Everland


@Facebook

愛寶樂園Everland係韓國國內最受歡迎嘅主題樂園!樂園入面有五個主題園區,分別係地球市集、美洲冒險、兒童魔幻樂園、歐洲探險花園同赤道動物王國,全部都各有特色!
其中赤道動物王國入面,大家可以搭住水陸兩棲遊園車,近距離觀賞動物,好似駱駝、長頸鹿、獅子等等,加埋導覽員嘅詳細解釋,可以一路學習一路玩, 鍾意動物嘅小朋友一定會好開心!喺兒童魔幻樂園仲有好多啱小朋友玩嘅機動遊戲,包保佢哋玩到樂以忘返!

 

 

暑假好去處|主題樂園推薦|馬來西亞樂高樂園LEGOLAND Malaysia Resort@Facebook

相信每一個人嘅童年都一定有玩過LEGO!第三個要同大家推介嘅主題樂園就係位於馬來西亞嘅樂高樂園LEGOLAND Malaysia啦!


@Facebook

樂園一共有七個主題園區,包括起點站樂高機械組(LEGO®Technic),樂高王國(LEGO Kingdoms),幻想國度(Imagination),樂高城市探險之地(Land of Adventure)同迷你樂園(Miniland)。成個樂園一共用咗超過3000萬塊LEGO嚟建造,亦有唔同嘅機動遊戲同互動活動,場內仲有由LEGO積木砌出嘅各個著名地標,加埋仲有個水上樂園,絕對係小朋友嘅至愛呀!

 

                                                                                                                                                                                                                                                                                                                                                                                                                                                                                                                                                                                                                                                                                                                   

暑假好去處|主題樂園推薦|英國Alton Towers

@Facebook

最後一個要同大家介紹嘅主題樂園就係位於英格蘭中部嘅Alton Towers啦!Alton Towers係全英國最大嘅主題公園,入面有好多緊張刺激嘅機動遊戲,好似全世界最快嘅過山車等等,所以樂園會比較啱追求刺激嘅青少年去玩。


@Facebook
除咗咁激烈嘅機動遊戲,呢度仲有適合小朋友玩嘅遊樂設施同水上樂園,無論大人定細路都可以玩得盡興!

 

 

Hotels.com酒店優惠