定期送上世界各地最新、最地道嘅旅遊資訊!

【芭提雅親子遊】芭堤雅親子酒店、芭提雅水上樂園酒店 設施、環境、交通大比併!

 

芭堤雅位於曼谷東南面,去曼谷玩通常都會預2至3日去埋芭堤雅,感受嗰度嘅陽光與海灘,由曼谷出發車程約2小時,由於芭堤雅沿海一邊有好多靚沙灘,例如北部嘅Wongamat Beach,中部的嘅Pattaya Beach,南部的嘅Jomtien Beach等,另一邊就係熱鬧嘅商場、酒吧同食肆,所以住宿有好大自由度。

既然有咁多選擇,究竟邊間酒店嘅親子服務最齊全?設施最吸引?想搵間酒店既可以照顧到小朋友,大人又可以relax?以下呢3間話唔定係你嘅best pick!

 

📖延伸閱讀:【曼谷親子遊】一家大細樂融融!曼谷主題樂園連必買手信精選!

 

芭堤雅親子遊|芭堤雅親子酒店大比併|芭堤雅聖塔拉幻影海灘渡假酒店

芭堤雅聖塔拉幻影海灘渡假酒店
@centarahotelsresorts

聖塔拉幻影海灘渡假村係五星級主題式渡假酒店,大到好似真嘅水上樂園咁,全日唔出街都玩唔厭!有泳池、水滑梯、漂流河等令人聽到就想落水嘅必玩項目,甚至有特意為小童而設嘅兒童水上樂園同遊樂場,最緊要係住客免費入場玩!

芭堤雅聖塔拉幻影海灘渡假酒店
@centarahotelsresorts

房間方面,酒店有小童主題房可以揀,如果大家庭一齊出遊嘅話,可以要求酒店提供鄰接嘅客房。酒店另外亦有兒童俱樂部同托兒服務,不過需要另外收費。

芭堤雅聖塔拉幻影海灘渡假酒店
@centarahotelsresorts

渡假村內仲有5 間餐廳,玩到夜唔想出去搵嘢食都絕對冇問題,真係要雞蛋裡挑骨頭嘅話,就係酒店近沙灘,出市區要乘搭酒店接送巴士,車程約15分鐘。

 

步行範圍內景點:王阿馬特海灘、竹灣、新月海灘等
交通:17 分鐘車程到芭堤雅站,或19分鐘車程到芭堤雅南站,可選搭酒店接駁車到購物中心
小編簡評:咁大嘅水上樂園簡值係小朋友至愛,連大人都會樂而忘返,只係地點略遠。

 

芭堤雅聖塔拉幻影海灘渡假酒店
地址:芭堤雅277-8 Moo 5 Naklua (顯示地圖)
星級 | ★★★★★
位置 | ★★★★☆
設施 | ★★★★★
環境 | ★★★★★
價格 | 查看價格

 

芭堤雅親子遊|芭堤雅親子酒店大比併|芭堤雅希爾頓酒店

芭堤雅希爾頓酒店
@Hilton

小朋友玩得開心固然重要,但咁樣唔等於父母冇得一齊enjoy!離機場只係90分鐘車程,芭堤雅希爾頓酒店喺Central Festival商場上面,所以一落樓就係購物戰區同餐廳,非常方便。搭雙條車可以喺Central Festival前面落車,然後步行穿過商場,就可以見到酒店入口。

芭堤雅希爾頓酒店_2
@Hilton

房間設計簡約,小露台仲有海景睇,好寫意。除咗有兒童泳池同遊樂場,重點係頂樓有個景觀超靚嘅infinity pool。酒店亦有提供相連房間,記住喺預訂時提早安排。

芭堤雅希爾頓酒店_3
@hiltonpattaya

 

步行範圍內景點:芭堤雅海灘、Central Festival、芭堤雅海灘路、麥克購物中心等
交通:15 分鐘車程到芭堤雅站,或18 分鐘車程到芭堤雅南站
小編簡評:酒店有遊樂場同托兒服務,但規模較細,反而設計時尚,infinity pool係重點加分項目,整體嚟講大人小朋友同樣照顧到。

 

芭堤雅希爾頓酒店
地址:芭堤雅Banglamung333/101 Moo 9 Nong Prue (顯示地圖)
星級 | ★★★★★
位置 | ★★★★★
設施 | ★★★★☆
環境 | ★★★★★
價格 | 查看價格

 

芭堤雅親子遊|芭堤雅親子酒店大比併|芭堤雅美居海洋度假酒店

芭堤雅美居海洋度假酒店

如果會喺芭堤雅住幾晚,想搵間性價比高嘅酒店亦唔難!呢間芭堤雅美居海洋度假酒店2014年先開幕,環境新淨,而且位於市區,又近商場,行街食飯夠哂方便。

芭堤雅美居海洋度假酒店_2
@mercurepattayaoceanresort

酒店嘅兒童設施十分齊全,有水上樂園、遊樂場、兒童泳池同兒童俱樂部,水上樂園嘅設計一啲都唔馬虎,兩個大泳池中間以大瀑布相連,而且分深、淺水區,仲竟然有水滑梯同跳水區!房間方面亦有提供嬰兒床,預訂時可以先註明,check-in時再同職員提一提,唔會額外收費。

酒店有餐廳同酒吧,唔啱食都可以隨時轉戰附近嘅Terminal 21商場或者Big C。

 

步行範圍內景點:Tiffany’s Show、藝術天堂、Terminal 21等
交通:15 分鐘車程到芭堤雅站,或18 分鐘車程到芭堤雅南站
小編簡評:雖然infinity pool以市區景為主,但齊全嘅親子設施加上位於市區,啱哂精打細選嘅你!

 

芭堤雅美居海洋度假酒店
地址:芭堤雅463/100 Moo 9, Nongprue, Banglamung (顯示地圖)
星級 | ★★★★☆
位置 | ★★★★★
設施 | ★★★★★
環境 | ★★★★☆
價格 | 查看價格

 

📖延伸閱讀:【曼谷親子遊】一家大細樂融融!曼谷主題樂園連必買手信精選!
📖延伸閱讀:【曼谷周邊好去處】曼谷近郊考艾、大城景點遊玩連交通攻略
📖延伸閱讀:【必買泰國手信】Top 8曼谷Big C必買泰國特色手信介紹!
📖延伸閱讀:【曼谷新酒店】超抵住!編輯嚴選6間曼谷無邊際泳池酒店!

 

Hotels.com酒店優惠Hotels.com酒店優惠