定期送上世界各地最新、最地道嘅旅遊資訊!

【台北酒吧推介】Top 3靚景台灣高空酒吧Rooftop bar!(含台北夜店推介)

台北雖然唔似得泰國或者香港咁有曼谷夜店區同埋蘭桂坊,但係都不乏高質素嘅酒吧同埋夜店。一啲台北嘅高空酒吧更加可以飽覽一絕嘅台北群山同埋經典101大樓靚景,絕對適合成日開OT嘅你嚟享受一番!小編帶咗台北Top 3 高空酒吧同埋必去台北夜店,質素絕對有保證!

 

台北高空酒吧推薦|YEN Bar-W Hotel

@YEN Bar官網
酒吧配色大膽,由鮮豔紅、浪漫紫、高冷的白和金屬色交織而成。如果揀啱位置,台北101嘅靚景就會好夢幻咁喺正你眼前。

 

YEN Bar紫豔酒吧位於信義區台北W Hotel嘅31樓,唔少台北名人經常都會嚟呢度。如果揀啱位置,台北101嘅靚景就會好夢幻咁喺正你眼前。若果你睇厭咗城市夜景,日落之前嚟到,仲可以欣賞被群山圍繞嘅台北自然之美。YEN酒吧配色大膽,裝潢陳設活力時尚,呢度雖然無W Hotel另個酒吧-WOOBAR咁出名,但係小編就覺得呢度嘅氣氛更好,高空景觀更正,亦都更加能夠讓人放鬆,享受專屬自己或者三五朋友歡聚嘅美好夜晚!

 

另外,呢度嘅調酒完全唔講得笑,每款都係精心調製,而且價格唔算高。小編推薦大家一定要試下呢度嘅招牌YEN調酒,Gin酒中加入蝶豆花染為紫色,再加入力嬌酒同埋柑桔調味,係相當經典嘅一款調酒,打卡必叫之選!


@funnow官網
招牌YEN調酒 (右二),Gin酒中加入蝶豆花染為紫色,再加入力嬌酒同埋柑桔調味,係相當經典嘅一款調酒!

 

YEN Bar
地址:台北市信義區忠孝東路五段10號31F (顯示地圖)
營業時間:13:00-1:00 (逢禮拜一休息)
網址:http://www.yentaipei.com/en/yenbar
雞尾酒:250-300台幣/杯

 

台北高空酒吧推薦|馬可波羅酒廊 MP Lounge-台北香格里拉遠東國際大酒店

@Marco Polo Lounge官網
裝潢以大膽紅白黑色彩元素營造,窗邊坐位配上180度落地玻璃,居高臨下欣賞台北夜景,遠眺台北101大樓美景,俯瞰敦南林蔭大道!

 

台北人俗稱「遠企38樓」嘅馬可波羅酒廊,位於香格里拉遠東大酒店高層,係情侶拍拖或者求婚聖地,亦都係小編嘅愛店之一。呢度嘅位置相對隱密,縱使酒廊有一定嘅名氣,平日嚟亦唔會有遊客嘈雜擁擠。窗邊坐位配上180度嘅落地玻璃,讓你居高臨下欣賞台北夜景,遠眺台北101大樓美景,並俯瞰敦南林蔭大道!小編保證呢度嘅景緻絕對超乎你嘅期待!

@jerryoppa

馬可波羅酒廊嘅格局寬敞,聲光效果一流,氣氛浪漫,無一般rooftop bar咁嘈雜,靠低調高雅風取勝,適合商務人士或者情侶享受台北獨有的情懷。小編特別推薦呢度種類多元而且味道細膩嘅雞尾酒。另外,呢度仲有香檳、各國啤酒、Gin酒龍舌蘭等酒類以及有名嘅非酒精特飲等。開胃菜同埋甜品都值得一試㗎!特別嘅係,呢度逢禮拜五六夜晚都會有live band現場表演,想享受更浪漫嘅時光就記得要揀好時間先嚟啦!


@suzkana
台北嘅貴婦好鍾意喺度嘆下午茶,入夜前嘅景致別有一番風味,建議大家嚟試一試!

 

馬可波羅酒廊
地址:台灣台北市敦化南路二段201號38F (顯示地圖)
營業時間:14:30-1:00 (每週一公休,14:30-17:00為下午茶時間)
網址:http://www.shangri-la.com/tc/taipei/fareasternplazashangrila/dining/bars-lounges
雞尾酒:250-400台幣/杯

 

台北高空酒吧推薦|Inge’s Bar&Grill-台北萬豪酒店


@Facebook
“Be Cool, Be Stylish, Be Fabulous.” 位於萬豪酒店20樓嘅Inge’s Bar擁有270度嘅環景空間設計,讓大家喺銀河系一樣嘅劇場氛圍中品嚐美酒佳餚。

 

“Be Cool, Be Stylish, Be Fabulous.”係Inge’s Bar&Grill喺Facebook上面嘅宣傳口號。位於萬豪酒店20樓嘅Inge’s Bar擁有270度嘅環景空間設計,讓大家喺劇場嘅氛圍中品嚐美酒佳餚。呢度仲有號稱台北市最無敵嘅靚景,絕對係台北必去酒吧之一!呢度特別嘅係有五個唔同嘅用餐區,裝潢閃爍高雅,令人目眩神迷,聲光色味面面俱全。喺酒吧區同朋友一邊把酒談心,一邊飽覽台北夜色,美酒配上室內外的視覺震撼,堪稱一絕!


@funnow官網
呢度嘅調酒雖然價格稍高,但無論係品質、心思同埋味道都堪稱一絕,千祈唔好錯過!

 

Inge’s Bar&Grill
地址:台北市中山區樂群二路199號萬豪酒店20F (顯示地圖)
營業時間:17:00-1:00
網址:http://www.taipeimarriott.com.tw/?cat=page&id=46
雞尾酒:350-600元台幣/杯 (酒吧區每人最低消費500元台幣)

 

台北夜店推薦|OMNI Nightclub @OMNI官網

OMNI自2015年開幕至今,一躍成為亞洲區享負盛名嘅國際級夜店,嚟到台北絕對要去朝聖一番!OMNI嘅前身係舊一代台北夜店霸主LUXY,靠著佢本身強大嘅實力,令OMNI可以穩站台北夜店之王嘅寶座。基本嘅酒類供應、音樂、DJ、辣妹、聲光效果同埋裝潢設計,都係一絕!

 

呢度嘅設計囊括各項國際夜店、舞台藝術大獎,夜店正中央弧形LED牆以及180度加上4K嘅環景螢幕,營造出唔同嘅聲光效果,絕對能夠令你有如癡如醉嘅狂歡體驗。OMNI整體裝潢吸睛新潮,舞池又大,雖然單點酒類價格較高但質素一流,鍾意夜生活嘅你嚟到台北一定唔可以錯過!

@OMNI官網

 

OMNI Nightclub
地址:台北市忠孝東路四段201號5F (顯示地圖)
營業時間:22:30-4:30 (每星期三、五、六營業)
網址:https://www.omni-taipei.com
入場費:約1000元台幣 (附贈兩杯飲品)

 

 

Hotels.com酒店優惠