定期送上世界各地最新、最地道嘅旅遊資訊!

【長崎必食】又有新航線!編輯嚴選三大長崎美食餐廳!

去開日本自由行都知道要到長崎觀光旅遊係先要喺福岡轉乘新幹線,方法相對繁複。而最近香港就有航空公司開咗直航長崎嘅新航線,以後要去呢個美食雲集嘅城市吃喝玩樂就方便得多啦!小編今次就為你搜羅咗三大長崎必食美食餐廳,一落機即刻去擦番餐勁嘅!

 

長崎必食 | 長崎美食餐廳 | 燒肉市山

燒肉市山
@japan-tour.jp

由於長崎毗鄰港灣嘅關係,以往喺航海興盛嘅時期係日本一個好重要嘅城市,所以當地有唔少事物都受到西方文化或產物嘅影響,而平戶和牛就正正係其中之一啦!平戶和牛其實係日本和牛同荷蘭牛隻混種而誕生嘅,由於飼養喺長崎平戶地區而得名。喺日本人心目中,平戶和牛係上等嘅牛肉品種,油脂分布有如雪花一般,入口即溶,口碑不亞於松阪牛、神戶牛同埋近江牛㗎!

燒肉市山_2
@tabelog

燒肉市山_3
@punkotan

嚟到長崎想食最有質素嘅平戶和牛?小編推薦你一定要到喺當地名氣響噹噹嘅燒肉市山。燒肉市山嘅平戶和牛質素上乘,而且仲好仔細咁將平戶和牛嘅唔同部位劃分同埋介紹佢哋嘅特別之處,等食客可以因應喜好選擇最啱自己嘅菜式,仲唔即刻去開餐!

 

燒肉市山
地址:530 Tsukijichō, Hirado, Nagasaki 859-5114日本 (顯示地圖)
營業時間11:30 – 14:0017:00 – 22:00

 

長崎必食 | 長崎美食餐廳 | 吉宗茶碗蒸

吉宗茶碗蒸
@blog.naver.com

吉宗茶碗蒸_2
@froda.pixnet.net

越容易煮嘅食物往往越難煮得好,吉宗茶碗蒸偏偏就能夠將看似簡單平凡嘅茶碗蒸做到喺長崎當地街知巷聞,更加曾經被評選為全日本第一名嘅茶碗蒸,絕對係長崎嘅必食美食餐廳!吉宗茶碗蒸嘅佈置極具和式風格,喺度品嚐茶碗蒸等等嘅日本傳統美食就最好不過啦!

吉宗茶碗蒸_3
@jenfungwy

有別於其他餐廳,吉宗茶碗蒸嘅茶碗蒸相對更滑溜、香味更濃,而且茶碗蒸內仲有海鮮等等嘅配料,肯定會令你回味無窮。唔少人嚟到吉宗茶碗蒸都會叫呢度嘅招牌套餐吉宗定食,定食裡面除咗有茶碗蒸同埋一啲配菜之外,仲有一碗賣相特別嘅三色飯,梗係要嚟試下啦!

 

吉宗茶碗蒸
地址: 8-9 Hamamachi, Nagasaki, 850-0853日本 (顯示地圖)
營業時間11:00 – 20:00
網址http://yossou.co.jp/

 

長崎必食 | 長崎美食餐廳 | 海鮮市場長崎港

海鮮市場長崎港
@yahoo.jp

所謂「靠山食山、靠水食水」,喺長崎呢個港灣城市無理由唔試一試呢度嘅海鮮嘅!喺咁多間長崎海鮮餐廳之中,小編就推薦你到海鮮市場長崎港呢間人氣爆燈嘅餐廳嘆盡當地鮮美海鮮菜式!

海鮮市場長崎港_2
@namama16

海鮮市場長崎港以食材新鮮而聞名,佢哋每日都會喺魚市場攞貨,保證每一道菜式都夠晒新鮮。而海鮮市場長崎港最為人津津樂道嘅招牌菜就當然非海鮮丼飯莫屬啦!

海鮮市場長崎港_3
@maki_oyama11

佢哋嘅海鮮選擇同埋配搭相當豐富,吞拿魚、海膽同埋八爪魚等等你講得出嘅都搵得到,肯定會考起有選擇困難症嘅朋友啊!此外,呢度每一碗海鮮丼飯嘅海鮮配料基本上鋪滿晒成個飯碗,CP值勁高啊!

 

海鮮市場長崎港
地址:850-0862 Nagasaki, Dejimamachi, 1-1, 日本 (顯示地圖)
營業時間11:00 – 22:00
網址https://nagasakikou.com/

 

長崎美食餐廳 | 長崎市住宿推介 | 長崎弗爾札酒店

長崎弗爾札酒店

坐落於市中心嘅長崎弗爾札酒店毗鄰觀光通電車站以及機場巴士站,位置優越。此外,酒店附近更有唔少特色商店同埋餐廳,起居生活都十分便利。

長崎弗爾札酒店_2

長崎弗爾札酒店_3

長崎弗爾札酒店嘅房間活動空間相當充裕,而最特別嘅係房間內設有免費按摩設備,好等住客就算喺長崎自由行玩到攰都可以好好休息放鬆一下,超貼心啊!

 

長崎弗爾札酒店
地址:JPN長崎4-11 Hamamachi (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆  
價格 | 查看價格  

 

長崎美食餐廳 | 長崎市住宿推介 | 新長崎酒店

新長崎酒店

鄰近JR長崎車站同埋長崎市政府嘅新長崎酒店,由於出入方便同埋治安良好而深受住客好評,絕對係長崎市酒店住宿嘅好選擇!

新長崎酒店_2

新長崎酒店_3

新長崎酒店嘅酒店房間景觀開揚,唔少住客都鍾意喺度欣賞長崎市內璀璨奪目嘅夜景,景致美不勝收。另外,新長崎酒店嘅服務同埋設施嘅口碑都相當之好,而且房間面積寬敞,喺酒店隔離嘅長崎阿木廣場血拼完都唔洗驚無位擺戰利品!

 

新長崎酒店
地址:JPN長崎14-5 Daikoku-machi (顯示地圖)
星級 | ★★★★☆  
位置 | ★★★★☆  
設施 | ★★★☆☆
環境 | ★★★☆☆   
價格 | 查看價格  

 

長崎美食餐廳 | 長崎市住宿推介 | 長崎皇家切思特酒店

長崎皇家切思特酒店

長崎皇家切思特酒店_2

長崎皇家切思特酒店嘅裝潢相當典雅,歐陸式嘅設計令酒店滿載異國風情,相當有特色。長崎皇家切思特酒店價格經濟實惠,而且配套完善,所提供嘅設備同埋服務都非常全面,好似有免費Wi-Fi同埋免費泊車等等,啱晒嚟長崎自駕遊嘅旅客入住啊!

 

長崎皇家切思特酒店
地址:JPN長崎3-6-10 Akasako (顯示地圖)
星級 | ★★★☆☆  
位置 | ★★☆☆☆  
設施 | ★★★☆☆  
環境 | ★★★☆☆  
價格 | 查看價格  

 

📖延伸閱讀:【去旅行用日本app】超實用!日本旅遊app + 日本交通app推薦
📖延伸閱讀:【日本便利店必食大全】日本7-11 vs 日本LAWSON大比併!人氣必食飯糰、炸雞、關東煮、零食、飲品逐一介紹!
📖延伸閱讀:【福岡必食推薦】久留米一日遊 — 留米景點行程 + 美食餐廳 + 高質住宿推薦!
📖延伸閱讀:【金澤自由行】金澤景點、美食、交通、住宿行程懶人包!(必去金澤 21世紀美術館!)

 

Hotels.com酒店優惠Hotels.com酒店優惠