定期送上世界各地最新、最地道嘅旅遊資訊!

【西貢好去處】入西貢必食!人氣西貢海邊餐廳、西貢cafe推介!

西貢有香港後花園美譽,有山有水,就好似外國嗰啲海邊度假小鎮咁,最啱勞碌一星期後,同親朋好友入嚟relax吓,一於等小編為你挑選幾間西貢必食海邊餐廳同埋cafe啦!

 

📖延伸閱讀:【香港兩日一夜好去處】隱世香港渡假屋、酒店連本地遊玩攻略!

 

西貢好去處 | 西貢必食海邊餐廳推介 | Padstow Restaurant & Bar

Padstow Restaurant & Bar
@agnes272

近年,唔少西貢海邊餐廳成為打卡熱點,Padstow Restaurant & Bar就係其中一間。餐廳就喺呢間極具異國風情嘅藍色小屋入面,行過都一定俾佢吸引眼球。

Padstow Restaurant & Bar_2
@PadstowRestaurant&Bar官方Facebook

呢度嘅西餐menu風格多元化,無論係美式牛扒菜式、南歐海鮮餐定精緻嘅法國甜品,都可以喺menu搵到,一次過滿足曬你幾個願望!而且,呢度裝潢優雅有格調,夜幕低垂後倍感浪漫,最啱情侶嚟燭光晚餐放吓閃。

 

Padstow Restaurant & Bar
地址:西貢白沙灣112號 (顯示地圖)
營業時間:星期一至五 11:30-00:00、星期六 11:00-00:00、星期日 11:00-23:00
網址:www.padstow.hk

 

西貢好去處 | 西貢必食海邊餐廳推介 | 泰道

泰道
@thaidao.saikung

同香港好多泰國餐廳一樣,呢度嘅店名都係玩食字,但唔同嘅係,呢度主打正宗泰北菜以及海鮮燒烤,以香料將菜式味道昇華,真係唔係度度食到㗎!餐廳地方夠大,有戶外海景座位,亦有室內望海座位。唔講唔知,泰道嘅老闆正係前藝人魏駿傑,佢甚至會同主廚一齊飛去泰國搵新菜式靈感,非常落力!

泰道_2
@jennyyylo0611

泰道除咗有傳統泰國菜之外,仲有多款自創新派泰菜,包括呢道黃金菜!

其實就係將通菜沾上薄薄嘅炸漿後,炸到好似天婦羅咁,非常香口!仲有一道椰汁蟹肉配青瓜,廚師特別將蟹拆肉,鮮甜嘅蟹肉配上椰香,用青瓜點嚟食,感覺好清新,有別於多數濃味嘅泰國菜。

 

泰道
地址:西貢大網仔路沙下村9號 (顯示地圖)
營業時間:星期一至五 12:00-23:00、星期六、日 11:00-23:00

 

📖延伸閱讀:【情人節靚景餐廳】Top 10香港浪漫餐廳大全 (情人節大餐 + 約會指南)

 

西貢好去處 | 西貢必食海邊餐廳推介 | Camden Town 炸魚薯條

Camden Town 炸魚薯條
@michelle.mt.ws

Camden Town 嘅招牌fish and chips係西貢必食美食,餐廳唔大,位於海傍,一路食炸魚薯條,一路吹住海風,就好似去咗英國Brighton度假!講返嘢食,炸魚大大塊,炸漿又夠薄,唔會厚厚一塊咁影響口感,小編甚至覺得比英國當地某啲炸魚薯條整得仲出色。呢度嘅薯條係大大條嘅粗切薯條,分量都唔少,女仔就最好就同朋友share一份嚟食,留肚食其他嘢。

Camden Town 炸魚薯條_2
@miss.o.foodie

餐廳裝修唔係話好特別,但正正令人諗起英國Camden Market嗰種貼地嘅感覺,真係冇改錯名!天氣好又唔太熱嘅話,絕對建議你坐出戶外,享受美食同海風。

 

Camden Town
地址:西貢海傍街49號 (顯示地圖)
營業時間:星期一至日 12:00-20:00

 

📖延伸閱讀:【香港宵夜推介】勁抵食!尖沙咀宵夜自助餐廳 +必食Item懶人包!

 

西貢好去處 | 西貢必食cafe推介 | Little Cove Espresso

Little Cove Espresso
@Facebook

近排人氣最高嘅西貢cafe一定係Little Cove Espresso,呢間cafe嘅老闆夫婦特登請咗室內設計師設計店內環境,理念係營造墨爾本cafe嗰種悠然自得嘅氣氛。淺色嘅牆壁同埋特大玻璃窗令環境非常光猛,空間感十足,坐喺店內嘆咖啡都覺得特別悠閒舒服。

Little Cove Espresso_2
@Facebook

除咗視覺享受,呢度嘅咖啡當然都有質素保證,選用優質有機咖啡豆,種類夠多,無論你中意咩口味嘅咖啡豆,都可以喺呢度搵到心頭好。另外,老闆係英國、埃及混血兒,所以呢度嘅菜式都有唔少中東元素,例如上圖中間嗰碗halloumi bowl,就用咗中東香料調味同埋烤halloumi芝士。價錢睇落唔平,但一諗起可以邊品嚐美食,一路享受咁舒服嘅環境,即刻覺得物有所值!

 

Little Cove Espresso
地址:西貢海旁廣場兆日樓地下1-2號舖 (顯示地圖)
營業時間:星期一至日 7:30-18:00

 

📖延伸閱讀:【香港文青Cafe精選】想搵間香港靚Cafe飲嘢兼打卡?五間必去香港Cafe推薦!

 

西貢好去處 | 西貢必食cafe推介 | Moni Stand

Moni Stand
@Facebook

Moni Stand位於西貢一條小巷,係一間非常有個性,因為呢度係一間cafe兼黑膠唱片店。老闆熱愛咖啡,同時中意玩黑膠,所以就將兩種喜好crossover。

Moni Stand_2
@monistand_coffee_n_record

Moni Stand俾同道中人有一個交流嘅場地,亦令到本來只係中意咖啡或者黑膠嘅人,中意埋另一樣。亦因為咁,呢度提供嘅咖啡同音樂都係非常有品味,如果你係黑膠迷,就不妨嚟呢度嘆咖啡兼尋寶啦!

 

Moni Stand
地址:西貢德隆後街5號1樓 (顯示地圖)
營業時間:星期一休息、星期二至五 12:00-19:00、星期六、日 11:00-19:00

平日工作忙碌,週末真係要好好調劑,請唔到假去旅行,都可以留喺香港嘆番個staycation!

 

📖延伸閱讀:【香港靚景篇】編輯私藏6大香港隱世景點大全+香港日落打卡秘點!

 

九龍區酒店推介 | 九龍海逸君綽酒店

九龍海逸君綽酒店
@酒店官網

即使係留港度假,都要有置身外國度假勝地嘅享受,海逸君綽酒店就絕對能夠帶到呢種感覺俾你。酒店設施豪華,設備完善,包括戶外Infinity Pool以及多間海景餐廳。

九龍海逸君綽酒店_2
@酒店官網

客房亦都好豪華,部份房間可以睇到海景,房內設施應有盡有,全日攤喺度hea住過都不過份呀!

 

九龍區酒店推介 | 九龍海逸君綽酒店
地址:九龍紅磡黃埔花園德豐街20號 (顯示地圖)
星級 | ★★★★★  
位置 | ★★★★☆  
設施 | ★★★★★  
環境 | ★★★★★  
價格 | 查看價格

 

九龍區酒店推介 | CBD2 智選假日酒店

CBD2 智選假日酒店
@Facebook

CBD2 智選假日酒店位置非常方便,鄰近地鐵站。

CBD2 智選假日酒店_2
@Facebook

大部份房間都有靚景。客房設計時尚,亦夠闊落,係staycation一流之選!

 

九龍區酒店推介 | CBD2 智選假日酒店
地址:九龍紅磡黃埔花園德豐街20號 (顯示地圖)
星級 | ★★★☆☆  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格

 

📖延伸閱讀:【香港郊遊樂】香港行山路線懶人包(西貢、大嶼山、港島區) (連超抵住香港郊區酒店推薦)
📖延伸閱讀:【香港櫻花2019】香港賞櫻攻略 — 超方便!編輯嚴選5大香港櫻花秘點!
📖延伸閱讀:【香港中秋好去處】八月十五去邊度?本地隱世賞月地點靜靜雞話你知!
📖延伸閱讀:【香港影相好去處】香港廢墟都好影?一文睇哂香港文青IG打卡秘點!

 

Hotels.com酒店優惠Hotels.com酒店優惠