定期送上世界各地最新、最地道嘅旅遊資訊!

【國際通攻略】沖繩國際通美食特集!(必試抵食國際通燒肉店)

琉球王國市場
@travel.yahoo.com

去得沖繩自由行,又點可以唔去美食多籮籮嘅國際通食翻餐好㗎!而近來國際通就有琉球王國市場呢個以「日本美食主題樂園」為概念興建而成嘅美食市場開幕,當中有唔少充滿特色嘅餐廳值得品嚐一下,即刻睇下有乜嘢必食餐廳啦!

 

琉球王國市場
地址:2 Chome-2-30 Makishi, Naha, Okinawa Prefecture 900-0013日本 (顯示地圖)
開放時間:11:00 – 23:00
官網:https://r451market.jp/

 

📖延伸閱讀:【日本必食】終極嚴選京都、大阪、沖繩、東京必食特集2018!

 

國際通攻略 | 沖繩國際通美食特集 | Teppei 29

Teppei 29
@r451market.jp

Teppei 29_2
@r451market.jp

一入到琉球王國市場,相信你一定會被Teppei 29呢間肉店所吸引。和牛、阿古豬等等唔同出產自沖繩嘅優質鮮肉整齊地陳列於櫥窗之內,唔少當地居民都好鍾意嚟呢度買餸㗎!

Teppei 29_3
@wattention.com

Teppei 29同普遍日本當地嘅肉店一樣,都係設有即買即煮嘅服務嘅。而呢度最受歡迎嘅產品就當然莫過於佢哋嘅沖繩和牛牛扒,油花散佈平均之餘,肉質亦都鮮嫩多汁,更重要嘅當然就係呢度嘅價錢相對餐廳更為實惠,所以經常都會有好多人慕名而來品嚐性價比相當高嘅牛扒㗎!

 

Teppei 29
地址:琉球王國市場1樓 (顯示地圖)

 

國際通攻略 | 沖繩國際通美食特集 | 網走番屋

網走番屋
@r451market.jp

網走番屋_2
@japankuru.com

以蟹肉菜式聞名嘅網走番屋同樣都喺琉球王國市場呢度開設咗分店。燒鱈場蟹蟹腳係網走番屋最受歡迎嘅蟹肉菜式,佢哋嘅鱈場蟹全部都係來自北海道,質素相當之好,再配上特製嘅沙律醬,令味道更有層次,你又點可以錯過啊!

 

網走番屋
地址:琉球王國市場1樓 (顯示地圖)

 

國際通攻略 | 沖繩國際通美食特集 | 築地釣八

築地釣八
@japankuru.com

築地釣八_2
@travel.yahoo.com

鍾意食海鮮刺身嘅朋友就一定唔可以錯過同樣位於琉球王國市場裡面嘅築地釣八啦!築地釣八每日都有來自日本不同產地直送嘅生猛海鮮好似吞拿魚、毛蟹同埋皇帝蟹等等,揀啱就可以叫師傅以刺身或者燒烤嘅方法料理,鮮味十足!

築地釣八_3
@travel.yahoo.com

築地釣八呢度嘅海鮮選擇繁多,就連日本當地嘅高級食材,外號「冬季幻之魚」嘅褐帶石斑魚都搵得到,有機會嚟到嘅朋友就千祈唔好錯過啦!

 

築地釣八
地址:琉球王國市場1樓 (顯示地圖)

 

國際通攻略 | 沖繩國際通美食特集 | 我那霸燒肉店

我那霸燒肉店
@cocolmms

除咗琉球王國市場,其實國際通都係一處美食雲集嘅地方。其中,由當地一間肉類批發商所經營嘅我那霸燒肉店你就一定要去試啦!呢度所提供嘅阿古豬同埋和牛大部份都係由農場直送,品質上盛之餘仲新鮮到不得了!另外,呢度仲有唔少豬、牛內臟供客人選擇,啱晒嘴刁嘅朋友啊!

我那霸燒肉店_2
@albeetw

我那霸燒肉店唔單止食材有保證,仲非常之抵食㖭,大約4000日圓左右就可以食勻阿古豬、頂級和牛同埋其他配菜,絕對係沖繩國際通必試嘅抵食燒肉店!

 

我那霸燒肉店
地址:日本〒900-0015 Okinawa Prefecture, 那覇市九茂地2-11-16 花ビル2F (顯示地圖)
開放時間:15:00 – 00:00
官網:https://www.ganaha-butaniku.co.jp/

 

國際通攻略 | 沖繩國際通美食特集 | 暖暮拉麵

暖暮拉麵
@tokyocreative.com

嚟到日本又點可以唔食拉麵!小編今次就推薦你去喺沖繩國際通無人不知嘅長龍店暖暮拉麵,佢哋嘅拉麵曾經獲評選為九州第一,值得你嚟品嚐!

暖暮拉麵_2
@U lifestyle

湯底係一碗拉麵嘅靈魂,暖暮拉麵嘅豬骨拉麵湯底味道鮮甜,加上大量嘅蔥花同埋芝麻,香味更上一層樓,令人回味無窮。此外,佢哋嘅麵條亦都非常掛汁,每一啖都可以感受到麵條同湯底嘅完美配合,難怪無論幾時都咁多人排隊啦!

 

暖暮拉麵
地址:2 Chome-16-10 Makishi, Naha, Okinawa Prefecture 900-0013日本 (顯示地圖)
開放時間:11:00 – 02:00
官網:http://www.danbo.jp/

 

📖延伸閱讀:【日本拉麵篇】十大日本米芝蓮拉麵推介2018!

 

國際通攻略 | 沖繩國際通美食特集 | PABLO

PABLO
@japaholic.com

相信大家都對PABLO一啲都唔會陌生,佢哋嘅半熟芝士撻流心幼滑香濃,風靡全日本,好多分店都經常大排長龍㗎!

PABLO_2
@japaholic.com

而位於國際通嘅PABLO最特別嘅地方就係主打採用沖繩特產紅芋所製造而成嘅紅芋芝士撻,清新嘅紅芋配上濃郁嘅芝士流心,配合得天衣無縫,簡直就係Perfect Match啊!

 

PABLO國際通店
地址:日本〒900-0014 Okinawa Prefecture, Naha, Matsuo, 2 Chome−8−19 ドン・キホーテ1階 (顯示地圖)
開放時間:11:00 – 23:00
官網:https://www.pablo3.com/shop/detail/?seq=19

 

國際通攻略 | 沖繩自由行住宿推介 | 那霸歐莫羅馬旗大和魯內酒店

那霸歐莫羅馬旗大和魯內酒店

那霸歐莫羅馬旗大和魯內酒店位處那霸市中心,而且鄰近沖繩必到景點國際通同埋牧志公園,位置四通八達,相當方便。

那霸歐莫羅馬旗大和魯內酒店_2

呢度唔單止房間乾淨整齊,而且價格仲相當實惠,性價比相當高,絕對係沖繩住宿嘅好選擇!

 

那霸歐莫羅馬旗大和魯內酒店
地址:JPN那霸1-1-12, Omoromachi (顯示地圖)
星級 | ★★★☆☆    
位置 | ★★★★★  
設施 | ★★★☆☆  
環境 | ★★★☆☆    
價格 | 查看價格  

 

國際通攻略 | 沖繩自由行住宿推介 | 米哈瑪海濱大樓酒店

米哈瑪海濱大樓酒店

米哈瑪海濱大樓酒店嘅住宿環境相當之好,坐擁一望無際嘅無敵大海景,絕對會令你有一個心曠神怡嘅住宿體驗。

米哈瑪海濱大樓酒店_2

酒店毗鄰沖繩著名景點美國村,喺國際通嘆完美食之後返嚟都唔怕無嘢行啊!

 

米哈瑪海濱大樓酒店
地址:JPN北谷1-13-6 Chatan (顯示地圖)
星級 | ★★★☆☆    
位置 | ★★★☆☆  
設施 | ★★★☆☆  
環境 | ★★★★☆    
價格 | 查看價格  

 

📖延伸閱讀:【沖繩冬天景點】冬天沖繩行程推介—沖繩賞鯨、賞櫻好去處2018
📖延伸閱讀:【石垣島自駕遊】沖繩石垣島景點攻略!必試入口即溶石垣牛!
📖延伸閱讀:【沖繩自駕遊】沖繩水族館、沖繩浮潛、沖繩潛水套餐懶人包 (含自駕貼士)
📖延伸閱讀:【日本文青必到】十大特色日本Starbucks特輯 (東京、鎌倉、神戶、京都Starbucks齊上榜)

 

Hotels.com酒店優惠Hotels.com酒店優惠