定期送上世界各地最新、最地道嘅旅遊資訊!

【日本地震預測】遊日必備!三大日本地震防災預報APP!(連避難防災注意事項)

日本位於太平洋火山地震帶上,每年平均發生過千次大小型地震,有專家預測日本未來30年發生6級或以上地震嘅頻率高。但地震同其他天然災害唔同,唔會提早有預報,只會係震前幾十秒感應倒,咁如何係果幾十秒內自救係非常重要!今日就要介紹3個日本地震預測app比大家,仲有對應地震嘅小貼士,希望大家可以係震前做好準備!

 

📖延伸閱讀:【去旅行用日本app】超實用!日本旅遊app + 日本交通app推薦

 

日本地震提示App推薦 | Yurekuru Call

Yurekuru Call

Yurekuru Call係由日本氣象廳研發嘅App,會向市民大眾提供緊急地震訊息,提醒用戶所在地區將要面臨地震嘅震度同剩餘嘅躲避時間,係日本市民都廣泛使用嘅實用App!

Yurekuru Call_2

喺香港App Store下載後,App系統會自動設定為英文。進入App後請按右上角「設定」標誌。

Yurekuru Call_3

再按一下「小房屋」符號,符號旁邊顯示「Not Set」代表尚未設定地震預警提示同用家所在嘅區域。

之後請按「Notification Intensity」去設定係幾大嘅強度下先作提醒。其實,人類對於一級嘅地震都感覺唔到,建議用「3 and above」就可以;不過,如果對地震比較有經驗嘅朋友,可以揀「5 lower and above」,據日本朋友講日本太常發生地震,面對5級弱嘅情況以下,佢地會感覺得到,但仍然會正常活動,大家可以按自己個人需要揀一個安心嘅提醒。

之後再揀「Location」,App會根據用戶嘅所在地而發出地震警示,如果地震發生係北海道,但用戶人在九州,咁地震警示就唔需提醒,呢個設定相當貼心!

揀完都在城市之後,仲可以揀所在區域,因為日本嘅城市話大唔大,話細都唔細,即使同一個城市發生嘅地震都未必會影響到!

最後一步就要揀「Sound」即係用咩聲音去提醒自己地震即將到來,建議「4級地震或以下」同「5級弱地震或以上」分兩種唔同鈴聲會較好,可以分到地震嘅強弱!

另外,App內亦有重要嘅資訊可以睇架!按App下排「List」會有寫最近日本和地所發生嘅地震資訊同強度!

按App下排「+Sonae」會有教大家面對地震時可以點做,甚至有教有海潚時嘅應對方案,相當實用!

 

 

日本地震提示App推薦 | Yahoo! 防災速報

Yahoo! 防災速報

第二個要介紹比大家嘅app係Yahoo! 防災速報,係由日本Yahoo所開發嘅防災速報App!

 Yahoo! 防災速報_2

呢個同Yurekuru Call有啲相似,但除咗會有地震通知之外,更有海潚、暴雨、酷熱、山泥傾瀉等合共10種災害預報,但呢個app嘅唯一一個缺點係只有日文版本,冇其他語言版本…但小編認為呢個App都係值得一用,因為日本用大量漢字,大家都可以估到吓大概咩意思,同可以買多一份心安!

 Yahoo! 防災速報_2 Yahoo! 防災速報_4

入到App之後同Yurekuru Call一樣都係先揀所在地區,而呢個App最強可以一次過揀3個地區,其實會幾方便去幾個唔同城市旅行嘅朋友去check住當地嘅情況!

 Yahoo! 防災速報_5

呢個App會喺設定咗區域發生緊急事件時,即時作出提醒,即使當下miss咗提醒,過後都仲睇得返!

 

 

韓國地震提示App推薦 | NHK World

NHK World

NHK World 係日本放送協會制作嘅App, 呢個App最大嘅功能係提供日本當地嘅英文新聞,不過佢地最近新加咗一個地震提醒警報!

NHK World

入到App請按左上角嘅「設定」按鈕

NHK World_3NHK World_5

之後再按「Notification Settings」就可以選擇發生事故時嘅警報提示語言,分別有英文、繁體中文、簡體中文,但呢個語言設定只係針對警報提示時顯示嘅語言,並非整個App嘅語言設定。除咗地震外,呢個App仲可以設置海潚、緊急新聞嘅提示!

NHK World_6

對於地震嘅提示亦可以揀提示幾大強度嘅地震,但呢個App就冇Yurekuru Call分得咁仔細啦!

NHK World_7

再介紹多個使用呢個App小小貼士比大家,喺設定嘅「Sort Tabs」可以選擇主頁上新聞嘅排列次序,大家可以將地震同海潚嘅次序推前最上,方便大家隨時follow消息。

NHK World_8NHK World_9

App預設咗地震同海潚嘅次序係最後,所以拉到最下先見到佢地,再按右邊三條線嘅按鈕就可以將佢地上下推動改變佢地係主頁嘅位置!

NHK World_EarthquakeNHK World_Tsunami

去返主頁嘅話,就會見地震同海潚嘅消息推到最前㗎啦!

 

日本地震避難防災注意事項
不過作為香港人遇到地震唔驚就假嘅,我地要學定幾招旁身,咁到時震起上嚟都唔洗咁驚,今日小編就過大家3招!

日本地震避難防災注意事項 | 防災包必備隨身物件
除咗要帶備身份證明文件同電話外,有機構向日本市民作出調查,選出日本民眾認為防災包必備的十項物品,包括:

  1. 手電筒
  2. 飲用水
  3. 立即可食的口糧、罐頭等
  4. 備用電池
  5. 迷你收音機
  6. 現金
  7. 面紙、衛生紙
  8. 火柴、打火機
  9. 蠟燭、固態燃料
  10. 手套

有呢個防災包不單唔會餓親,更唔會凍親,仲可以收倒外界嘅最新消息,非常有用!

 

日本地震避難防災注意事項 | 學習正確避難姿勢

學習正確避難姿勢
@worldvision

遇上地震時,請先壓下身體;為了防止受到墜落物的傷害,要用手保護頭部,再移動到堅固嘅硬物之下。

 

日本地震避難防災注意事項 | 善用NTT/Facebook Safety Check向家人朋友報平安

Facebook Safety Check

如果地震過後想同屋企人朋友報平安,大家一定會想抗電話或者whatsapp對方,但往種係地震過後,網絡就會大塞車,其實除咗大家所知悉嘅方法外,仲有其他方法。其中,NTT係一個係災難發生時先會啟用嘅服務,係電話打「171」或上作地嘅官網留低個人資料同平安嘅信息後,親友就可以去收聽同查看。另外,facebook亦有safety check功能,可以做到報平安嘅功能㗎!

 

📖延伸閱讀:【日本必食】終極嚴選京都、大阪、沖繩、東京必食特集2018!
📖延伸閱讀:【岡山自由行】日本岡山、倉敷景點行程懶人包 (岡山必食、必買推薦)
📖延伸閱讀:【金澤自由行】金澤景點、美食、交通、住宿行程懶人包!(必去金澤 21世紀美術館!)
📖延伸閱讀:【窮遊大阪-平價住宿篇】Top 5 大阪膠囊酒店!
📖延伸閱讀:【京都自駕遊】京都近郊秘境 — 滋賀一日遊景點行程懶人包!

 

Hotels.com酒店優惠Hotels.com酒店優惠