定期送上世界各地最新、最地道嘅旅遊資訊!

【台北新餐廳推薦】最新開業!台北微風南山推薦餐廳一覽 + 必食Items

 

喺今年初開幕嘅微風南山來勢洶洶,為台北民眾帶嚟過百間人氣美食,當中包括日本超人氣嘅藍瓶咖啡、最濃抹茶雪糕、紐約龍蝦堡始祖 Luke’s Lobster等等,誓要挑戰對面座嘅台北101,成為台北新地標!作為專業食貨嘅小編,當然要朝聖一下,為大家介紹幾間喺微風南山嘅必食餐廳!

 

📖延伸閱讀:【兩日一夜去邊好】台北浪漫餐廳 + 情人節餐廳燭光晚餐之選 (附台北情人節景點推介)

 

台北新地標 | 微風南山

微風南山
@taiwan_is_a_sweet_potato

微風南山總面積高達 16,200 坪,最底兩層為超市和美食廣場,5至7樓分別係日本、跨國同西式餐廳,而46-48樓就係天際餐廳同高空酒吧!

 

台北新餐廳 | 微風南山餐廳推薦|最濃抹茶雪糕 Japan Rail Cafe

最濃抹茶雪糕 Japan Rail Cafe
@fionatsai917

位於微風南山四樓嘅 JR東日本咖啡店 (Japan Rail Cafe) 係繼新加坡後嘅第二間亞洲分店,店內最受注目嘅就係佢有成七種唔同濃度嘅抹茶雪糕任人選擇,當中嘅「Premium No.7」更係號稱世界上最濃嘅抹茶雪糕!

最濃抹茶雪糕 Japan Rail Cafe_2
@_.shuangshuang

雖然一球雪糕叫價成台幣200元,但每日都大排長龍,抹茶控絕對唔可以錯過。除左抹茶雪糕外,店內亦有咖啡飯、漢堡排同沙津餐提供。

 

📖延伸閱讀:【台北文青景點】打卡必去台北文青Cafe、台北市集、旅店特集!

 

台北新餐廳 | 微風南山餐廳推薦|紐約龍蝦堡始祖 Luke’s Lobster

紐約龍蝦堡始祖 Luke's Lobster
@christine0527

Luke’s Lobster 創立係2009年紐約,喺日本有多達8間分店,佢嘅龍蝦堡光每日賣出過千份,絕對係人氣爆登!依家唔使飛到日本,就可以係台北食到呢個咁有名氣嘅龍蝦堡,價錢仲比日本較平㖭!

紐約龍蝦堡始祖 Luke's Lobster_2
@taiwanwalker
招牌龍蝦堡 (台幣350元/90港元)

Luke’s Lobster 位於係微風南山G層,佢嘅招牌龍蝦堡絕對係熱賣款,以甜美嘅龍蝦鰲爪肉搭配檸檬奶油同蛋黃醬,令人一食難忘。

 

📖延伸閱讀:【台北食海鮮】Top 5台北放題、台北自助餐廳推薦連編輯推薦必食之選

 

台北新餐廳 | 微風南山餐廳推薦|全台灣最高燒肉餐廳「和牛47」

全台灣最高燒肉餐廳「和牛47」

和牛47位於微風南山嘅47樓,可以俯瞰台北 101 嘅絕美景色。餐廳結合燒肉、和牛壽司和懷石料理,以日本高級 Fine Dining 型式為客人提供頂級美食體驗。

全台灣最高燒肉餐廳「和牛47」_2
@foodie_murmur

目前最低消費為一人一套餐台幣3500元,套餐包括第一道的名物、第二道的御造、一口椀、燒肉、蒸物、牛排、鍋物、食事、甘味共10道菜餚,全程更由專人燒烤!

微風南山有咁多好野食,真係去足七日都未必食得哂!等小編順便介紹下微風南山附近嘅住宿,等食貨們可以把握時間食盡佢!

 

📖延伸閱讀:【台北酒吧推介】Top 3靚景台灣高空酒吧Rooftop bar!(含台北夜店推介)

 

台北微風南山附近推薦住宿|Home Hotel DA-AN

Home Hotel DA-AN
@Home Hotel DA-AN Facebook

Home Hotel DA-AN 係一間價錢相宜嘅文創旅店。酒店地理位置極佳,離微風南山只係一分鐘嘅路程,3分鐘就可以行去捷運忠孝復興站,十分方便!酒店周圍有24小時開放嘅誠品書店、KTV,連警察局都係附近,可以話係既多元化又具安全性!

Home Hotel DA-AN_2
@Home Hotel DA-AN Facebook

酒店嘅設計以「家」為概念,家具以舒適嘅木質為主,結合台灣原住民嘅設計風格,希望為客人帶嚟溫馨小家嘅感覺。

 

Home Hotel DA-AN
地址:台北復興南路一段219-2號1樓 (顯示地圖)
星級 | ★★★☆☆  
位置 | ★★★★★  
設施 | ★★★☆☆  
環境 | ★★★☆☆  
價格 | 查看價格  

 

台北微風南山附近推薦住宿|台北寒舍艾美酒店

台北寒舍艾美酒店
@Le Méridien Taipei Facebook

台北寒舍艾美酒店係一間離微風南山3分鐘路程嘅五星級酒店。酒店擁有160間客房同套房,兩間餐廳、一間朱古力專賣店同埋一間時尚酒吧。

台北寒舍艾美酒店_2
@Le Méridien Taipei Facebook

酒店房間非常寬敞舒適,房內一大片玻璃窗設計,採光良好,視野極佳,非常適合情侶入住。

 

台北寒舍艾美酒店
地址:台北信義區松仁路 38 號 (顯示地圖)
星級 | ★★★★★  
位置 | ★★★★★  
設施 | ★★★★★
環境 | ★★★★★  
價格 | 查看價格  

 

📖延伸閱讀:【台北食海鮮】Top 5台北放題、台北自助餐廳推薦連編輯推薦必食之選
📖延伸閱讀:【台北晚餐篇】秋冬之選!超人氣台北火鍋推薦 + 回本必食菜式!
📖延伸閱讀:【台灣租單車】遠離繁囂!3大台北郊區+台北單車路線連景點攻略
📖延伸閱讀:【太魯閣一日遊】台灣太魯閣國家公園景點懶人包 (連台北花蓮火車時刻表 + 太魯閣住宿推薦)

 

Hotels.com酒店優惠Hotels.com酒店優惠