定期送上世界各地最新、最地道嘅旅遊資訊!

【台北美食推薦】必食!嚴選十大台北芋圓、台北蛋餅店2019!

台北芋圓台北蛋餅都係唔少人必食嘅台北美食!不過咧兩樣地道小食嘅選擇都非常多,搞到好易有選擇困難症!小編今日就為大家搜羅左十大台北芋圓台北蛋餅店,等你唔洗頭痕!

提到台北嘅地道小食,芋圓同蛋餅就一定走唔甩! 但有太多選擇唔知點㨂?今日小編就為大家搜羅左台北10大芋圓同蛋餅店!作為芋圓控、蛋餅控嘅你唔洗再頭痕,快啲碌落去睇喇!

 

📖延伸閱讀:【台北新餐廳推薦】最新開業!台北微風南山推薦餐廳一覽 + 必食Items

 

台北芋圓店推薦|阿爸の芋圓

阿爸の芋圓
@zoe__wuyijou
芋泥芋圓炭燒蔗片冰 ($135 /份)

作為芋頭控同冰品控,「阿爸の芋圓」係你絕不能錯過嘅店子!小編嚟親都必點佢嘅招牌「芋泥芋圓炭燒蔗片冰」!蔗片冰上面鋪滿左芋頭球、芋泥、芋圓、珍珠同薏仁,食落每啖都會充滿芋頭香氣,而珍珠同薏仁就為味道加上幾分層次感!碗低嘅蔗片冰有淡淡嘅煙燻味,溶化後就變左糖水,好味!

 

阿爸の芋圓
地址: 新北市永和區保平路18巷1號(顯示地圖
營業時間:星期一、二、四至日14:30 – 23:00,星期三休息

 

台北芋圓店推薦|金山芋圓王

金山芋圓王
@egglu77
招牌芋圓仙草奶凍 ($60 /份)

金山芋圓王嘅芋圓小編實在抗拒不能!每粒嘅直徑都接近3cm,超級浮誇!嚟到「金山芋圓王」,緊係要食佢嘅「招牌芋圓仙草奶凍」!大大粒嘅芋圓配埋雲呢哪奶凍一齊食勁香口,啖啖煙韌,絕對係芋圓控必食!

 

金山芋圓王
地址: 新北市萬里區頂社路67號(顯示地圖
營業時間:星期一至五10:00 – 18:00,星期六至日10:00 – 20:00

 

台北芋圓店推薦|阿柑姨芋圓

阿柑姨芋圓
@master_food_diary
綜合芋圓冰 ($50 /份)

所有芋圓都係店家手工製作,口感Q軟!每碗入面除左有芋圓同地瓜圓,仲可以加埋紅豆、綠豆配碎冰!堂食客人可以一邊坐係店入面食新鮮芋圓,一邊欣賞窗外嘅基隆嶼,慢慢享受!

 

阿柑姨芋圓
地址: 新北市瑞芳區豎崎路5號(顯示地圖
營業時間:星期一至五09:00 – 20:00,星期六至日09:00 – 22:00

 

台北芋圓店推薦|周記傳統芋圓

周記傳統芋圓
@hyde1701
周記傳統芋圓($45/ 份)

同常見嘅粒狀芋圓唔同,周記傳統芋圓係薄片狀。芋圓未上碟時一直放係熱水入面,保持彈度!而且可能係形狀關係,芋頭香氣更綿密!落埋香蕉油食即刻充滿台式古早味!

 

周記傳統芋圓
地址:台北市萬華區和平西路三段120號龍山商場1樓(顯示地圖
營業時間:星期一至日10:00 – 18:30

 

台北芋圓店推薦|阿斌芋圓

阿斌芋圓
@ainalovefood
豆花(任選三種料)($35/碗)
剉冰(任選五種料)($35/碗)

「阿斌芋圓」店子雖小,卻因價格實惠而非常受當地人歡迎!九份嘅「賴阿婆芋圓」係佢嘅長期合作伙伴!佢嘅豆花口感香滑,剉冰則清甜消暑,兩者配埋Q彈嘅芋圓同紅豆綠豆都非常夾!

 

阿斌芋圓
地址:台北市大同區長安西路220巷5-1號(顯示地圖
營業時間:星期一至六10:00 – 16:30,星期日休息

 

📖延伸閱讀:【台北居酒屋】台北串燒美食指南 — Top 3 台北居酒屋推薦懶人包!

 

台北蛋餅店推薦|早澤

早澤
@enginesfood
手工蛋餅 -「泥濘」($50/份)

「早澤」入面嘅菜式名都好特別,好似佢嘅招牌手工蛋餅就叫「泥濘」,因為餅皮入面撈左三種芝士!餅皮酥脆唔油膩,芝士口感煙韌仲有天然鹹味,愛食辣嘅可試埋店家自家製嘅辣椒醬㖭!

 

早澤
地址:台北市中正區南昌路一段74巷18-2號 (顯示地圖
營業時間:星期二至五 07:30 – 14:00,星期六至日 08:00 – 14:00,星期一休息

 

台北蛋餅店推薦|城翔早午餐

城翔早午餐
@sophieemomo
豬排起司蛋餅 ($55/份)

主打充滿北方風味蛋餅嘅小店!豬扒加左孜然粉調味,鮮嫩多汁!餅皮香口唔洗多講,最正嘅係蛋餅入面仲加入左芝士,一切開就有芝士牽絲嘅效果!配埋老闆娘自家製嘅味噌醬或咖哩醬仲好食!

 

城翔早午餐
地址: 台北市信義區虎林街132巷51號 (顯示地圖
營業時間:星期一至五06:30 – 13:00,星期六07:00 – 13:00,星期日休息

 

台北蛋餅店推薦|甘妹弄堂

甘妹弄堂
@papa90242
台式泡菜蛋餅 ($50/ 份)

想食清淡啲又想食蛋餅,不妨試下咧到嘅台式泡菜蛋餅或者蘿蔔絲絲蛋餅。餅皮以粉漿製造,口感鬆軟。泡菜蛋餅辣得尼爽口,帶有少少酸味;蘿蔔絲蛋餅味道清甜,餅內蘿蔔絲量超多,飽肚得尼又唔會覺得滯!

 

甘妹弄堂
地址: 台北市大安區大安路一段71號 (顯示地圖
營業時間:星期一至日07:00 – 21:00

 

台北蛋餅店推薦|軟食力

軟食力
@at.play.loveee
九層塔豬扒蛋餅 ($70/份,加$65可選一款點心及$35飲品)

作為軟食力招牌嘅軟蛋餅,餅皮外脆內軟,仲有多種內餡可以㨂!識食嘅一定配埋店家自製嘅甜辣醬同地瓜圓小點心,一次過享受多種台灣傳統風味!

 

軟食力
地址:台北市信義區嘉興街216巷12號 (顯示地圖
營業時間:星期二至五07:00 – 14:00,星期六至日07:00 – 15:00,星期一休息

 

台北蛋餅店推薦|長勝君捲蛋餅

長勝君捲蛋餅
@yu_1205.eat
歐姆蛋 (30cm) ($89/份)

長型三文治你聽過,30厘米長嘅蛋餅唔知你又見過未呢?位於松山區嘅長勝君專門製作長型蛋餅,仲有唔同餡料任君選擇!店家仲好風趣咁會俾埋間尺你度一度蛋餅長度,證明蛋餅嘅長度係真材實料!

 

長勝君捲蛋餅
地址:台北市松山區興安街214號(顯示地圖
營業時間:星期一至日08:00 – 17:00

 

📖延伸閱讀:【米芝蓮追星地圖】台北米芝蓮星級餐廳潮聖攻略2019

 

台北文青住宿推薦|台北車站信星青年旅館

台北車站信星青年旅館

旅館內部採用日式同北歐簡約路線,公共空間放左唔少熱帶植物,適合放空或同人交流!

台北車站信星青年旅館_2

旅館嘅飯堂設計簡潔而温馨,齋諗喺到食早餐或者嘆個下午茶都覺得好chill!

台北車站信星青年旅館_3

睡房內嘅木紋地板充滿家嘅感覺。旅店提供混合住宿或獨立房間,方便唔同組合嘅旅遊人士!

 

台北車站信星青年旅館
地址:台北市大同區華陰街 50 號 4 樓 (顯示地圖)
星級 | ★★☆☆☆
位置 | ★★★★☆
設施 | ★★★★☆
環境 | ★★★☆☆
價格 | 查看價格  

 

台北文青住宿推薦|夾腳拖的家 – 長安122

夾腳拖的家 - 長安122

旅店嘅設計着重鄰里關係,等唔同房嘅住客可以近距離交流!

夾腳拖的家 - 長安122_2

室外裝修風格以水泥做外表,室內則佈置温馨,充滿童趣!

夾腳拖的家 - 長安122_3

房間佈置走簡約路線,配以落地大玻璃,視野開闊。

 

夾腳拖的家 – 長安122
地址:台北市大同區長安西路 122 號 (顯示地圖)
星級 | ★★☆☆☆
位置 | ★★★☆☆
設施 | ★★★☆☆
環境 | ★★★☆☆
價格 | 查看價格  

 

台北文青住宿推薦|Hotel Papa Whale

Hotel Papa Whale

酒店外牆係吸睛嘅白底藍鯨,又一打卡地點!

Hotel Papa Whale_2

室內以輕工業風做主題,放滿混合不同材質嘅傢俬同藝術品,充滿都巿風格!

Hotel Papa Whale_3

客房設計以簡約時尚為主,每間房放置唔同嘅裝飾品,俾客人獨一無二嘅視覺體驗!

 

Hotel Papa Whale
地址:台北市萬華區昆明街 46 號(顯示地圖)
星級 | ★★★★☆
位置 | ★★★☆☆
設施 | ★★☆☆☆
環境 | ★★★☆☆
價格 | 查看價格  

 

📖延伸閱讀:【逛台北藥妝店】大熱新色!2019最新10大台北必買台灣藥妝、美妝Items!
📖延伸閱讀:【台灣租單車】遠離繁囂!3大台北郊區+台北單車路線連景點攻略
📖延伸閱讀:【旅行狗狗好去處】帶狗去旅行!台北狗狗餐廳、景點連可攜帶寵物酒店推薦
📖延伸閱讀:【台北夜景餐廳】拍住拖睇陽明山夜景!Top 3 靚景陽明山餐廳 + 浪漫情侶住宿推薦!

 

Hotels.com酒店優惠Hotels.com酒店優惠