定期送上世界各地最新、最地道嘅旅遊資訊!

【澳洲必買手信】人氣澳洲藥妝、維他命保充品購買指南!(澳洲木瓜霜系列全介紹)

澳洲擁有豐富自然生態,亦係世上僅有未受到嚴重環境污染嘅國家之一,再加上嚴格嘅藥品檢驗標準,所以澳洲藥妝、維他命保充品一向都好有品質保證!今次就等住喺澳洲多年嘅小編,為大家介紹十大澳洲必買手信!以下所介紹嘅澳洲藥妝同維他命,都可以喺全澳洲最平、最齊全、總有一間喺左近嘅藥妝店Chemist Warehouse買到㗎!絕對唔洗同圍撲!快啲save低以下清單啦!

 

Top 10人氣澳洲藥妝、維他命保充品|木瓜霜 Lucas Papaw Ointment

木瓜霜 Lucas Papaw Ointment
@chemistwarehouse
Lucas Papaw Ointment $5.99aud/25g

澳洲木瓜霜人氣有幾高就唔洗多講,但其實澳洲都有好幾多唔同牌子出品嘅木瓜霜。不過要買就梗係買有過百年老字號嘅Lucas。比較過幾款唔同嘅木瓜霜,Lucas係最易推開,滋潤得嚟唔會太油,吸收又得快,而且功效顯著!最重要係唔會有一陣奇怪嘅蠟味,完勝!唔知大家對木瓜霜嘅功效有幾了解呢?除咗當潤唇膏、蚊叮蟲咬可以止痕消腫、搽喺細嘅傷口上亦可以舒緩抗菌、混合白砂糖可以用嚟去角質!成份天然,就連BB都用得,去到澳洲一定要買夠十支八支!

木瓜霜 Lucas Papaw Ointment_2
@chemistwarehouse
Lucas Papaw Ointment $11.49aud/75g

因為太受歡迎嘅關係,Chemist warehouse只限每人買6支。建議大家買一樽大嘅擺喺屋企全家一齊用,再買幾支細嘅平日帶出街用。

 

Top 10人氣澳洲藥妝、維他命保充品|維他命E霜 Blackmores Natural Vitamin E Cream

維他命E霜 Blackmores Natural Vitamin E Cream
@chemistwarehouse
Blackmores Natural Vitamin E Cream $6.79aud/50g

Blackmores維他命E cream其實一向都係澳洲人居家必備嘅潤膚霜,名氣因為范冰冰介紹過之後而急升,仲被稱為「冰冰霜」!呢款潤膚霜成份有天然維他命E、A、牛油果萃取精華、杏仁油,有修護、保濕同抗衰老嘅功效。天氣太乾燥嘅時候,小編會用佢厚敷當睡眠面膜,第二日皮膚就會好軟滑!男士剃完鬚毛孔會粗糙、皮膚表面會造成微細創傷,搽少少維他命E cream都可以幫助修復皮膚,質地唔會太厚,唔怕笠黐黐!仲要港紙唔洗$40就買到50g支裝,CP值高,唔洗就住就住用!

 

Top 10人氣澳洲藥妝、維他命保充品|羊奶皂 Goat Soap

羊奶皂 Goat Soap
@chemistwarehouse
Goat Soap 100g $9.99aud/6Pack

平日用嘅淋浴露好多時都有香精、化學起泡劑、防腐劑等等對皮膚有害嘅成份,嚟到澳洲,大家不妨買Goat Soup嘅天然手工羊奶皂代替淋浴露。羊奶皂採用山羊奶混合橄欖油、杏仁油、葡萄籽油、棕櫚油等等植物油製成,絕對無添加化學劑同香精,成份溫和,孕婦、BB、濕疹皮膚都可以用。Goat Soap亦推出咗羊奶配檸檬香桃葉、麥蘆卡蜜糖、椰子、摩洛哥油、燕麥5款味道,可以買一套套裝試些哂全部!小編至愛用燕麥羊奶皂嚟洗面,溫和去除面上多餘油脂,又唔會太乾,仲有豐富維他命B,強化肌膚!

 

Top 10人氣澳洲藥妝、維他命保充品|Eaoron Hyaluronic Acid Collagen Hydrating Face Mask

Eaoron Hyaluronic Acid Collagen Hydrating Face Mask
@chemistwarehouse
Eaoron Hyaluronic Acid Collagen Hydrating Face Mask $22.99aud/5pieces

澳洲其實唔係好多護膚品牌有推出面膜,所以面膜並唔算係最多人買嘅手信之選,但Eaoron經過多年研究,推出咗一款水光針面膜!呢款面膜一推出就風靡整個澳洲華人市場,因為呢款面膜係專門為亞洲人皮膚而設,主要成份有乳木果油、茶葉萃取物、洋甘菊花萃取物、Q10、維他命E、透明質酸、水解蛋白!一般市面上買到嘅面膜其實都有螢光劑,所以好多時一敷完面就覺得塊面好有光澤,其實都係螢光劑作怪!Eaoron堅持不添加螢光劑、防腐劑、激素、酒精,務求真正做到保養皮膚,而唔係靠化學劑去做一時皮膚變好嘅假像!大家可以安心使用,自從用過呢款面膜,真係返唔到轉頭!

 

Top 10人氣澳洲藥妝、維他命保充品|礦物彩妝 Nude By Nature

礦物彩妝 Nude By Nature
@chemistwarehouse
Nude by Nature Complexion Essentials $50.49aud

除咗護膚品,澳洲亦有好多崇尚天然嘅化妝品牌,而Nude By Nature就係澳洲礦物化妝品牌嘅表表者!礦物化妝品一向都會偏乾,但因為澳洲天氣乾燥,所以Nude By Nature致力研製出滋潤度高但唔會太厚重嘅底妝產品,仲有護膚功效,就算要長時間化妝都唔怕對皮膚造成太大負擔!而且通過PETA認證,絕不做動物實驗,加上價格親民,難怪咁受歡迎!除咗底妝產品,亦極力推薦佢地嘅化妝掃,毛質軟滑,做工精細,比得上好多大品牌!

 

Top 10人氣澳洲藥妝、維他命保充品|茶樹系列產品 Thursday Plantation Tea Tree Products

茶樹系列產品 Thursday Plantation Tea Tree Products
@chemistwarehouse
Thursday Plantation Tea Tree Pure Oil $11.69aud/50ml

茶樹油有抵抗細菌、消炎同修復功效,所以好多痘痘產品都含有茶樹油!而澳洲Thursday Plantation就有一系列茶樹油產品,幫助受皮膚問題困擾嘅人!除咗有皇牌產品100%茶樹精油,仲有潔面泡、去痘凝膠、爽膚水、潔面紙巾。就算唔係痘痘肌,割傷擦損都可以滴少少茶樹精油喺傷口到,有殺菌嘅功效,連二戰期間,士兵都會帶住茶樹精油旁身!Thursday Plantation嘅茶樹係澳洲土生土長,不含藥性,可以安心使用!

 

Top 10人氣澳洲藥妝、維他命保充品|防曬產品 Cancer Council Sunscreens

防曬產品 Cancer Council Sunscreens
@chemistwarehouse
Cancer Council SPF 30 Everyday $10.99aud/110ml Tube

澳洲係長年受到猛烈陽光照射嘅地方,加上阻擋紫外線輻射嘅臭氧層穿咗個窿,令澳洲人更容易患上皮膚癌!亦因為咁澳洲出產嘅防曬產品品質極高!推薦大家買Cancer Council出品嘅防曬用品,全部都經過嚴格測試,亦係唯一一個由澳洲防癌協會權威認証同聯合研發嘅防曬產品,保証效用最好!佢地嘅防曬產品多樣,有適合每日使用嘅SPF30清爽防曬、戶外活動使用嘅SPF50+防曬,仲有專比小朋友用嘅產品!除咗防曬,其實都有防曬帽、太陽眼鏡等周邊產品,只要係Cancer Council出品就有信心保證!

 

Top 10人氣澳洲藥妝、維他命保充品|魚油丸 Blackmores Fish Oil

魚油丸 Blackmores Fish Oil
@chemistwarehouse
Blackmores Fish Oil 1000mg $17.99/400Capsules

去澳洲買魚油丸幾乎係指定動作,因為係男女老少都啱食嘅保健品,年紀大嘅人食可以改善高血脂、高血壓、高膽固醇、心臟等問題,豐富Omega-3對維持身體體力同腦部發展亦有幫助!而澳洲最有信譽嘅品牌當然係Blackmores!Blackmores魚油丸每一粒都含有1000mg澳洲深海魚提煉而成嘅天然魚油,無任何添加劑,有信心保証!雖然香港都可以買到Blackmores魚油丸,但價錢居然貴幾倍!大家一定要帶定個無野嘅行李箱嚟入貨!

 

Top 10人氣澳洲藥妝、維他命保充品|葡萄糖胺 Healthy Care Glucosamine

葡萄糖胺 Healthy Care Glucosamine
@chemistwarehouse
Healthy Care Glucosamine HCL 1500mg $34.99/400Tablets

除咗魚油丸,每次返香港都有唔少長輩托小編帶葡萄糖胺比佢地。葡萄糖胺係維護關節,韌帶健康同形成軟骨嘅一種營養成分,對於年紀大,有關節炎、經常骨痛嘅人好有幫助。又或者係職業運動員都會經常食用葡萄糖胺㗎!其實而家都市人成日坐喺到,工作又長期對電腦,好容易起頸椎或腰骨嘅疾病,食葡萄糖胺可以預防同改善關節引起嘅疾病,所以嚟到保健品王國澳洲,好多人都會買葡萄糖胺!

 

Top 10人氣澳洲藥妝、維他命保充品|免疫力增強營養片 Ethical Nutrients Immune Defence

免疫力增強營養片 Ethical Nutrients Immune Defence
@chemistwarehouse

最後一樣要介紹嘅保健品係小編屋企必備嘅Ethical Nutrients免疫力增強營養片!免疫力係人體本身嘅防禦機制,即係免疫力低嘅時候,病菌就好容易入侵!都市人工作勞碌,學生功課考試繁忙,太過疲勞就會令免疫力下降,病菌就有機會乘虛而入!Ethical Nutrients免疫力增強營養片可以幫大家提高免疫力,平日可以當普通保健品食用,但每次傷風感冒症狀一出現時,佢就可以真正發揮最大功效,只要一感覺到有少少唔舒服,就將平日劑量增加一至兩粒,對抑制同舒緩感冒好有效㗎!

 

📖延伸閱讀:【塔斯曼尼亞租車自駕】塔斯曼尼亞薰衣草園遊記+大熱薰衣草熊手信攻略!
📖延伸閱讀:【黃金海岸沙灘】澳洲黃金海岸美食、景點、自駕遊手冊大全 (連黃金海岸餐廳推薦)
📖延伸閱讀:【去澳洲行山】艾爾斯岩 (烏魯魯Uluru) 玩法行程大解構!
📖延伸閱讀:【悉尼美食天書】悉尼必食Cabramatta區越南餐廳推薦!(必試飛船牛肉河、街邊越南咖啡)

 

Hotels.com酒店優惠Hotels.com酒店優惠