定期送上世界各地最新、最地道嘅旅遊資訊!

【2020東京奧運】一文睇哂東京奧運門票、義工申請需知!

說時遲,那時快,2020東京奧運話咁快就到喇!想搶先知道關於東京奧運門票嘅詳情、場館簡介同埋東京奧運義工申請需知?咁就啱喇!小編經已為你搵齊晒2020東京奧運嘅相關資料,等你唔會錯過呢個四年一度嘅國際盛事!

 

2020東京奧運 | 東京奧運場館簡介 

東京奧運場館簡介
@ec.ltn.com.tw

貴為世界級嘅體育盛事,今屆嘅東京奧運一共新增咗滑浪、棒球、空手道、滑板同埋攀岩呢5項比賽項目,務求令賽事種類更多元化。此外,2020東京奧運嘅吉祥物取名為「未來永遠郎」(Miraitowa),寄望永遠有一個美好嘅未來。「未來永遠郎」係由日本全國小學生投票選出嘅,佢嘅造型充滿日系畫風,相當可愛!

東京奧運場館簡介 _2
@travo.guide

2020東京奧運一共設有34個比賽場館,當中超過20個比賽場館都坐落喺市中心區域,包括主會場新國立競技場、東京運動館同埋日本武道館等,交通方便之餘,周邊仲有唔少觀光購物嘅好去處,睇完比賽去行街食飯都非常方便!

東京奧運場館簡介 _3
@kkaa.co.jp

此外,2020東京奧運嘅場館唔少都別具特色,就好似由日本建築大師隈研吾所設計嘅新國立競技場、為日韓世界盃而興建嘅埼玉體育場2002、同埋橫浜國際綜合競技場等等。其中橫浜國際綜合競技場係日本最大嘅運動場,呢度曾經舉行過唔少重量級賽事,好似世界盃決賽等等,絕對值得嚟朝聖!

 

2020東京奧運 | 東京奧運門票詳情

東京奧運門票詳情
@cdntwrunning.biji.co

現場睇奧運比賽係唔少人嘅夢想,咁啱嚟緊嘅奧運會正正就喺大家都唔會陌生嘅東京舉行,有興趣嘅朋友就梗係唔可以錯過啦!2020東京奧運嘅門票大致分為A、B、C、D同埋E五個等級,當中以A級嘅位置最為接近賽場,所以亦係當中價錢最高嘅一種。

東京奧運門票詳情_2
@tokyo2020.org

另外,門票嘅價錢亦會因應各項賽事嘅受歡迎程度而有所區別,就好似人氣較高嘅田徑同埋游泳比賽,門票差唔多要成10萬日圓一張!雖然係咁,2020東京奧運嘅門票依然一票難求。為咗減低炒賣風氣,一旦買飛人數超過上限,東京奧運籌委會就會採用電腦抽籤方式決定門票最終花落誰家,相對更為公平。

東京奧運門票詳情_3
@ajapper.com

講到奧運會嘅重頭戲,當然就係最受矚目嘅開幕式啦!今屆嘅東京奧運除咗會由日本天皇德仁宣佈正式開幕之外,仲會有唔少充滿當地文化嘅精彩表演,絕對值得期待!

 

2020東京奧運 | 東京奧運義工申請需知 

東京奧運義工申請需知
@tokyo2020.org

想更投入參與2020東京奧運?不妨申請成為奧運義工!2020東京奧運義工大致分為9類,分別負責場地指導、醫療護理、同埋運輸接送等等。有志申請成為奧運義工可以透過網上提交申請,經過一輪簡介、面試之後,成功申請嘅朋友就會喺奧運開幕前幾個月接受一連串嘅訓練。每名奧運義工除咗會獲分派制服,佢哋嘅膳食、當地交通同埋保險費用都喺由大會提供,至於住宿同埋機票方面則由義工自費。

 

Hotels.com酒店優惠Hotels.com酒店優惠