定期送上世界各地最新、最地道嘅旅遊資訊!

【高雄親子遊】三大必去高雄遊樂場推薦!駁二藝術特區、鈴鹿賽道樂園、義大遊樂世界

高雄係一個好適合親子遊嘅城市,除咗多公園同埋公共空間,仲有唔少特色遊樂場。如果你計劃緊一趟高雄親子遊,就唔好錯過以下3大必去高雄遊樂場喇!

 

高雄親子遊景點推介 | 駁二藝術特區

 駁二藝術特區
@交通部觀光局

駁二藝術特區係一個由港口倉庫區改建而成嘅文創藝術景點,佔地廣闊,絕對夠玩成日,係一個俾小朋友認識裝置藝術嘅好去處。駁二藝術特區分為3個區域,分別係大義倉庫群、大勇倉庫群同埋蓬萊倉庫群。

 

高雄親子遊景點推介 | 駁二藝術特區 | 哈瑪星鐵道博物館

哈瑪星鐵道博物館
@交通部觀光局

火車頭從來都係男孩至愛之一。哈瑪星鐵道博物館除咗展出鐵道模型同埋舊火車軌道之外,仲有一列駁二線小火車,大人可以陪同小朋友坐上呢架小火車,繞場一周兜兜風。

 

高雄親子遊景點推介 | 駁二藝術特區 | 椅子樂譜

 椅子樂譜
@flickr

駁二藝術特區有好多大型裝置藝術,非常吸睛,可以嚟影一啲文青藝術風嘅家庭相,順便打卡!擺放喺大義公園嘅椅子樂譜,由過千張彩色木凳堆砌而成。呢啲木凳,其實係台灣國小課室常見嘅凳嚟!

 

高雄親子遊景點推介 | 駁二藝術特區 | 大型機械人

大型機械人
@pchome

喺駁二蓬萊站附近,擺放咗一個大型機械人藝術品,深受小朋友歡迎,有好多家長都會嚟幫小朋友影打卡相,所以可能要排一陣隊。喺機械人附近,有一幅大型彩繪機械人壁畫,都係人氣打卡熱點嚟㗎!

 

駁二藝術特區餐廳推介 | NOW & THEN by nybc

NOW & THEN by nybc
@iam____shian

小朋友玩到攰又肚餓嘅話,可以去位於大義倉庫區嘅NOW & THEN餐廳醫肚,呢度嘅burger好有水準,亦都可以叫一客朱古力心太軟氹吓小朋友。

 

地址:台灣高雄市鹽埕區大勇路1號
營業時間:星期一至四 10:00-18:00、星期五至日及台灣公眾假期 10:00-20:00
交通:乘捷運橘線到鹽埕埔站,從1號出口離開,沿大勇路向南步行約5分鐘就到達藝術區。亦可以到橘線西子灣站,經2號出口離開,向東步行約2分鐘由「駁二蓬萊倉庫」入口進入

 

高雄親子遊景點推介 | 鈴鹿賽道樂園

鈴鹿賽道樂園
@鈴鹿賽道樂園官網

如果小朋友對賽車有興趣,咁對佢哋嚟講,鈴鹿賽道樂園就一定係個天堂!鈴鹿賽道樂園賽道嘅長度係日本鈴鹿賽車場實際大小嘅十分一,但對小朋友嚟講,已經夠大㗎喇!

 

高雄親子遊景點推介 | 鈴鹿賽道樂園 | 迷你鈴鹿賽道

迷你鈴鹿賽道
@barbieszeman

家長可以同小朋友去迷你鈴鹿賽道,一齊揸高卡車風馳電掣。呢度嘅高卡車仿效F1賽車嘅操控功能,無論係換檔定剎車,都非常像真,俾小朋友一嚐成為F1車手嘅滋味!

 

高雄親子遊景點推介 | 鈴鹿賽道樂園 | 小小騎士

小小騎士
@鈴鹿賽道樂園官網

除咗F1賽車,你都可以帶小朋友扮下揸電單車。呢度嘅賽道同安全設備都好完善,絕對可以放心俾小朋友享受高速帶來嘅快感!樂園亦有其他賽車主題嘅機動遊戲同埋摩天輪,絕對要預留一整日喺呢度玩!

 

地址:台灣高雄市前鎮區中安路1-1號
營業時間:星期一至五:11:00-21:30;星期六至日 : 10:30-21:30
電話:(07)796-7766
交通:乘捷運到草衙站,經2號出口前往

 

高雄親子遊景點推介 | 義大遊樂世界

義大遊樂世界
@stella_dailynew

義大遊樂世界係一個以希臘風情為主題嘅高雄遊樂場,適合小朋友玩嘅設施主要位於特洛伊城區。

 

高雄親子遊景點推介 | 義大遊樂世界 | 地心歷險過山車

地心歷險過山車
@義大遊樂世界官網

地心歷險過山車係全台唯一暗室過山車,帶你同小朋友穿越樓高4層嘅空間,部分路段會喺漆黑中飛馳,非常刺激。

 

地址:台灣高雄市前鎮區中安路1-1號
營業時間:星期一至日:09:00-17:30
交通:乘台鐵到岡山站、楠梓站、新左營站或鳳山站落車,到出口附近轉乘義大客運前往義大遊樂世界。

 

 Hotels.com酒店優惠Hotels.com酒店優惠