定期送上世界各地最新、最地道嘅旅遊資訊!

【親子墾丁行程】4日3夜高雄墾丁自由行攻略大全 (連墾丁夜市必食推薦)

台灣玩唔只淨係去台北嘅!高雄近年被Lonely Planet評選為全球最值得旅遊嘅十大城市之一,高雄景點各有特色,就算一家大細親子遊相信都一定可以滿足到每個人嘅要求!而唔少人去高雄自由行都會順道南下墾丁享受陽光與海灘。今次小編就為你帶嚟4日3夜高雄墾丁自由行行程攻略連墾丁夜市必食推薦,即刻上blogshotels.com睇啦!

 

📖延伸閱讀:【高雄自由行】高雄文青私心推!4日3夜台灣高雄景點、美食遊玩攻略!(人氣高雄Cafe+瑞豐夜市必食推薦)

 

4日3夜高雄墾丁自由行 | 高雄必去景點 | 駁二藝術特區

駁二藝術特區@khh.travel

台灣素來畀人嘅感覺充滿文藝氣色,更加有唔少文青必到嘅旅遊景點好似台北嘅華山1914文化創意產業園區等等。嚟到高雄嘅第一日,就當然要去近年喺高雄熱爆嘅駁二藝術特區啦!

駁二藝術特區_2
@eje.tw

駁二藝術特區前身為高雄港嘅一個倉庫,喺改建之後除咗增添咗藝術元素外,仲保留咗原有倉庫嘅色彩,非常特別!

駁二藝術特區_3
@taiwan.net.tw

駁二藝術特區劃分咗三個區域,分別為大義區、大勇區同埋蓬萊區。如果你鍾意台灣地道特色小店的話,你就一定要去大義區啦!大義區嗰度嘅小店所出售嘅商品全部都係店主用心設計製造,而且更有唔少係Made in Taiwan嘅㖭,好值得買㗎!

駁二藝術特區_4
@taiwan.net.tw

另外,駁二藝術特區呢度周不時都會有各式各樣嘅文化展覽,喺到玩足一日都得啊!

 

駁二藝術特區
地址:803台灣高雄市鹽埕區大勇路1號 (顯示地圖)
營業時間:星期一至四 10:00-18:00,星期五至日 10:00-20:00
網址:http://pier-2.khcc.gov.tw/home01.aspx?ID=1

 

📖延伸閱讀:【台北文青景點】打卡必去台北文青Cafe、台北市集、旅店特集!

 

4日3夜高雄墾丁自由行 | 高雄必去景點 | 淨園休閒農場

淨園休閒農場
@淨園休閒農場Jingyuan

高雄墾丁第二日嘅行程就梗係要同小朋友去親親大自然啦!小編推薦你可以一家大細去淨園休閒農場呢個高雄親子旅遊好去處。

淨園休閒農場
@khh.travel

淨園休閒農場呢度有非常之多唔同種類嘅動物,河馬、紅鶴以致羊駝等等都可以喺度睇得到,小朋友嚟到仲可以同佢哋近距離接觸,係一個好特別嘅體驗嚟㗎!

淨園休閒農場_3
@ifoodie.tw

淨園休閒農場由於鄰近高雄嘅小港機場,所以亦都有唔少當地人得閒嗰陣會嚟呢度一路嘆住咖啡,一路欣賞機場美景同埋飛機升降,過翻一個悠揚下午,係一種享受嚟㗎!

 

淨園休閒農場
地址:812台灣高雄市小港區明聖街135巷10弄12號 (顯示地圖)
營業時間:09:00-22:00
入場費用 (只供參考)220台幣
網址:https://aircoffee.com.tw/

 

📖延伸閱讀:【落雨有咩好怕】台北4日3夜親子遊2018!四大台北室內景點 + 台北市中心親子酒店推薦

 

4日3夜高雄墾丁自由行 | 高雄必食推介 | 七賢鴨肉飯

七賢鴨肉飯
@lavie-chicve

喺高雄開業接近一個世紀嘅七賢鴨肉飯係當地著名嘅餐廳,每逢食飯時間呢度都會大排長龍!七賢鴨肉飯嘅鴨肉肉質鮮嫩,而且非常Juicy,配上特製鴨油,整碟鴨肉飯色香味俱全,令人垂涎三尺!

七賢鴨肉飯_2
@_marksfood_

除咗鴨肉飯,呢度仲有唔少鴨內臟嘅菜式好似鴨腸湯同埋鴨血湯等等,嚟高雄自由行必食啊!

 

七賢鴨肉飯
地址:801台灣高雄市前金區七賢二路220號 (顯示地圖)
營業時間:10:00-18:00

 

📖延伸閱讀:【台北食海鮮】Top 5台北放題、台北自助餐廳推薦連編輯推薦必食之選

 

4日3夜高雄墾丁自由行 | 高雄墾丁交通攻略

高雄墾丁交通攻略
@ns3beatriccf3

如果你唔想洗咁多錢包車落墾丁,小編推薦你乘搭由台灣四大客運公司屏東、高雄、國光以及中南聯營嘅「墾丁快線」9189線巴士。「墾丁快線」嘅車費只需401台幣,如果預先購買來回車票更會有優惠,非常划算!「墾丁快線」沿途只會停7個站,而且班次亦相當之頻密,大約坐兩個鐘就會從高雄左營總站到達墾丁,係一個既方便又快捷嘅交通選擇!

 

4日3夜高雄墾丁自由行 | 墾丁必去景點 | 國立海洋生物博物館

國立海洋生物博物館
@blog.xuite.net

行程第三日嚟到墾丁,就梗係要去國立海洋生物博物館呢個必到景點啦!

國立海洋生物博物館_2
@dbnsa.gov.tw

自1991年開幕以嚟,國立海洋生物博物館二十幾年嚟陪著一代又一代嘅台灣小朋友長大,好多家長都鍾意安排行程喺假日帶埋小朋友嚟呢度觀賞唔同種類嘅海洋生物開開眼界㗎!

國立海洋生物博物館_3
@ws.nmmba.gov.tw

國立海洋生物博物館設有三大主題展館,包括台灣水域館、珊瑚王國館同埋世界水域館。其中,珊瑚王國館長達81公尺嘅海底隧道堪稱全亞洲第一長,無數嘅熱帶魚喺你身旁游來游去,非常治癒!

 

國立海洋生物博物館
地址:944台灣屏東縣車城鄉後灣路2號 (顯示地圖)
營業時間:09:30-17:30
網址:https://www.nmmba.gov.tw/

 

📖延伸閱讀:【台灣租單車】遠離繁囂!3大台北郊區+台北單車路線連景點攻略

 

4日3夜高雄墾丁自由行 | 墾丁必去景點 | 南灣海灘

南灣海灘
@uukt.com.tw

行程最後一日,不如去墾丁當地人氣最高嘅南灣海灘享受一下嘅陽光與海灘啦!南灣海灘嘅海岸線非常長,而且水清沙幼,所以經常吸引到唔少人慕名而來。

南灣海灘_2
@uukt.com.tw

南灣海灘呢度劃分咗幾個區域,分別為水上活動區、嬉水區以及休閒區。其中,南灣海灘呢度有好多水上活動選擇,水上電動車、香蕉船等等都好受歡迎。如果你唔想落水的話,就可以坐喺休閒區嘅沙灘椅上曬太陽,一樣咁疏乎㗎!

 

南灣海灘
地址:屏東縣恆春鎮南灣里南灣路216號 (顯示地圖)

 

📖延伸閱讀:【台灣自駕遊】新手台灣自駕遊路線攻略懶人包 (連台北 + 台東自駕景點推薦)

 

4日3夜高雄墾丁自由行 | 墾丁必食推介 | 墾丁大街夜市

墾丁大街夜市
@jdnews

嚟到墾丁又點可以唔去著名嘅墾丁大街夜市啊!呢度小食嘅選擇多籮籮,當中小編特別介紹打洞香腸同埋阿爸ㄟ蒜香雞呢兩間墾丁夜市攤檔,係墾丁嘅必食推介!

墾丁大街夜市_2
@jdnews

打洞香腸呢度嘅香腸全部都係老闆人手製造出嚟嘅。有別於普通台灣腸,打洞香腸喺製作嘅過程中加入咗高粱酒,令香腸帶有酒香,經過燒烤後味道更有層次,就連當地人都非常之鍾意!

墾丁大街夜市_3
@yue7777777_

另外,阿爸ㄟ蒜香雞喺鹽酥雞嘅基礎上加以改良,用上無骨雞腿肉即叫即炸,非常新鮮。佢哋最特別嘅地方係有五種唔同口味供客人選擇,包括傳統蒜香、泰式酸辣醬、紫菜沙律醬、新疆孜然同埋檸檬椒鹽,各具特色,記住一定要留定肚嚟掃街!

 

墾丁大街夜市
地址:946台灣屏東縣恆春鎮墾丁路 (顯示地圖)

 

📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)
📖延伸閱讀:【台東自由行攻略2018】最新台東景點懶人包!
📖延伸閱讀:【台北晚餐篇】秋冬之選!超人氣台北火鍋推薦 + 回本必食菜式!
📖延伸閱讀:【米芝蓮追星地圖】台北米芝蓮星級餐廳潮聖攻略2018

 

Hotels.com酒店優惠Hotels.com酒店優惠