定期送上世界各地最新、最地道嘅旅遊資訊!

【香港高鐵旅遊攻略】香港高鐵路線直達!汕頭、長沙、昆明、廈門景點逐個數!

香港高鐵路線貫穿東西南北,可以去到上海、北京、昆明及福州等地方,沿途仲風光無限㖭!唔知坐香港高鐵旅遊去邊度好?就等小編一次過介紹廈門景點、昆明景點、長沙景點同埋汕頭景點,欣賞神州大地不同面貌,等你除咗識得跟小明上廣州之外,仲識坐香港高鐵發掘更多好去處!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)

 

香港高鐵旅遊 | 廈門景點 | 頂澳仔貓街

頂澳仔貓街@yami.liu

日本貓島一街都係貓,廈門頂澳仔貓街同樣一街都係貓,但色彩就更繽紛,更有藝術創作嘅感覺!廈門貓街周圍都係貓彩繪、旗幟同公仔等,係一個愛貓一族打卡嘅好地方。

頂澳仔貓街@jeremyiron

原來頂澳仔以前係漁民嘅集中地,每家每戶都會掛滿哂魚,所以就養咗大量貓捉老鼠,不過,隨著都市同經濟轉型,漁業日漸式微,貓亦變成區內嘅裝飾牆畫,亦令頂澳仔變成今日嘅打卡熱點。

 

廈門頂澳仔貓街
地址:中國廈門市思明區思明南路400號 (顯示地圖)
交通:廈門店乘搭15分鐘的士便可到達

 

 

香港高鐵旅遊 | 廈門必食 | 沙茶麵專家「沙茶林」

沙茶林
@廈門房產網

廈門獨有最出名地道嘅小食就係沙茶麵,據講係由印尼傳入,而「沙茶林」就係由一位林姓印尼華僑1935年創店嘅沙茶麵老字號!


@mafengwo

沙茶麵由蝦醬、蝦頭再加五香粉同咖喱粉等一齊煲成,滿滿天然蝦味同鹹香,食法好似香港車仔麵一樣,可以自己加豬潤、魷魚等配料上去,每碗價錢都只係港幣10元左右,非常抵食。

 

沙茶麵專家「沙茶林」
地址:廈門市思明區陽台山路3號 (顯示地圖)
交通:廈門店乘搭9分鐘的士便可到達

 

 

香港高鐵旅遊 | 廈門住宿推薦|廈門希爾頓逸林酒店

廈門希爾頓逸林酒店
@Hilton官網

廈門經常被人形容為「城在海上,海在城中」,可見海景喺廈門係非常重要嘅元素,而呢間廈門希爾頓逸林酒店就正正位於五緣灣,位置優越,可以飽覽無敵海景。

廈門希爾頓逸林酒店2
@Hilton官網
酒店房間寬敞,空間感強,色調柔和,令人份外舒服!

 

廈門希爾頓逸林酒店
地址:中國福建省廈門市湖里區五緣灣木浦路105號 (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★★  
價格 | 查看價格  

 

香港高鐵旅遊 | 昆明景點 | 官渡古鎮

@naic.org.cn

官渡古鎮係著名嘅歷史文化古鎮,早於明清兩朝就已經係商業同手工業嘅集中地。位於昆明東南面嘅官渡古鎮,富有滿滿嘅人文氣息,有數之不盡嘅風味老店,行吓街感受吓古鎮風味就最啱喇!

@yijia-group.com
眼鏡粑粑 ¥2/個 (多種口味選擇)

官渡古鎮嘅小街小巷亦有好多特色小食,例如眼鏡粑粑、各種串燒同雲南米線等,全部都係正宗昆明地道風味,唔好錯過呀!

 

昆明官渡古鎮
地址:中國雲南省昆明市官渡區官渡鎮 (顯示地圖)
交通:乘搭169號車便可到達

 

香港高鐵旅遊 | 昆明必食 | 昆明福照樓


@大眾點評

福照樓喺2002年開業,通過傳承汽鍋雞嘅傳統技法一炮而紅,更加係《舌尖上的中國》嘅雲南推薦菜!福照樓一共有6間分店,而當中嘅錦江店就係《舌尖上的中國》嘅拍攝本店,環境裝潢都比其他分店好,小編推薦大家去呢一間坐得舒服d!

@大眾點評

昆明嘅福照樓最出名莫過於佢嘅汽鍋雞,汽鍋亦即係中間有個氣咀嘅鍋,蒸氣隨氣咀而上將雞蒸熟,凝結咗嘅蒸氣又變翻湯汁,所以會令到湯汁無雜質之餘亦非常鮮甜,值得一試!另外滇味涼米線、昆明炊鍋都係必試嘅風味菜式!

@大眾點評
招牌汽鍋雞 ¥53/份

 

昆明福照樓 (錦江店)
地址:北京路98號錦江大酒店1樓 (顯示地圖)
營業時間:星期一至日 11:00 – 21:00

 

香港高鐵旅遊 | 昆明住宿推薦 | 昆明南亞風情園豪生大酒店

昆明南亞風情園豪生大酒店@酒店官網

昆明南亞風情園豪生大酒店房間都非常大,廁所光猛,有企缸同浴缸,位置喺正市中心,附近係縣政府同埋洛龍公園,可以睇到昆明市嘅城景。

昆明南亞風情園豪生大酒店2

@酒店官網

 

昆明南亞風情園豪生大酒店
地址:中國昆明呈貢區春融街 888 號 (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格  

 

香港高鐵旅遊 | 長沙景點 | 嶽麓山

@mafengwo

嶽麓山位於長沙市內湘江西岸,2002年5月被宣佈為國家重點名勝區之一,佢最高嘅峰係雲麓峰,係南嶽衡山之72峰之一,早係南北朝有古典記載:「南嶽周圍八百里,回雁為首,嶽麓為足。」秋季嚟到嶽麓山,仲可以睇到好靚嘅紅葉㖭!

@mafengwo

如果有時間,可以去埋嶽麓書院,因為佢係中國四大書院之一,唔少文人都專誠拜訪,絕對感受到書卷味。

@mafengwo

@mafengwo
嶽麓書院一角

 

長沙嶽麓山
地址:中國長沙市嶽麓區 (顯示地圖)
交通:在長沙市乘搭的士約26分鐘便可到達

 

📖延伸閱讀:【韓國紅葉預測2018】五大人氣首爾紅葉景點連秋遊首爾住宿推介!

 

香港高鐵旅遊 | 長沙必食 | 長沙火宮殿

@zghnc.com

長沙最出名嘅就係林林總總嘅長沙小吃,而火宮殿可以話係長沙最出名嘅老店,喺呢度可以一次過食到好多唔同種類嘅小菜同埋小吃、點心等。火宮殿分三層,一樓係火神廟,上面係美食區,院內仲有個戲台,夜晚會有人唱湖南花鼓戲,可以免費觀賞。

@pixnet.net

毛氏紅燒肉個名源自毛澤東,據講佢讀書時期好喜歡呢款由老抽同冰糖煮成嘅肉,所以之後嘅人都用毛姓去稱呼呢道菜,成為湘菜不可或缺嘅一道菜。呢間長沙火宮殿正正就係毛氏紅燒肉嘅專家,另外長沙最出名嘅臭豆腐、辣椒炒肉同糖油粑粑等都係推薦必試嘅地方菜色!

長沙火宮殿3
@maniewe

 

火宮殿 (坡子街總店)
地址:中國湖南省長沙市天心區五一商圈坡子街127號 (顯示地圖)
營業時間:星期一至日 06:30 – 02:00

 

香港高鐵旅遊 | 長沙住宿推薦 | 長沙鑫遠白天鵝酒店

長沙鑫遠白天鵝酒店

長沙鑫遠白天鵝酒店位於長沙嘅天心區,酒店燈光明亮,設計風格簡約,時尚大氣。酒店就近係湘府文化公園,隨時都可以去行吓,感受吓文化氣息!

長沙鑫遠白天鵝酒店2

明亮嘅配上就係長沙鑫遠白天鵝酒店嘅特點,房間白色牆身配上大地色系嘅傢俱配搭,營造出優雅恬靜嘅舒適感覺。

 

長沙鑫遠白天鵝酒店
地址:中國長沙天心區湘府中路258號 (顯示地圖)
星級 | ★★★★★  
位置 | ★★★☆ ☆  
設施 | ★★★★☆  
環境 | ★★★★☆  
價格 | 查看價格  

 

香港高鐵旅遊 | 汕頭景點 | 南澳島

@zjcts.com

如果想遠離繁囂,汕頭南澳就最啱喇!南澳除咗有口水清沙幼嘅青澳灣比你享受陽光與海灘之外。仲可以去自然之門打卡,欣賞呢座中國第11座同北回歸線重疊嘅標誌塔!

 

汕頭南澳
地址:中國廣東省汕頭市南澳縣南澳島 (顯示地圖)

 

香港高鐵旅遊 | 汕頭景點 | 湘子橋


距離南澳島大約1個鐘頭車程嘅湘子橋 (又稱廣濟橋) 亦係好多文青、甚至攝影發燒友嘅必到景點!湘子橋建於宋代,距今已經有800幾年歷史!湘子橋結構奇特,美感十足,係中國四大古橋之一!咁特別當然要去睇吓啦!

 

湘子橋
地址:中國廣東省汕頭市南澳縣南澳島 (顯示地圖)

 

香港高鐵旅遊 | 汕頭必食|榕香蚝烙

@大眾點評
招牌蠔烙 ¥40/份

蠔烙,亦即係香港人口中嘅煎蠔餅,係傳統嘅潮汕小食,歷史悠久,嚟到汕頭又點可以唔試吓!榕香蠔烙係一間當地出名食蠔烙嘅菜館,佢地整嘅蠔烙煎得好酥脆,蠔仔同粉漿、雞蛋嘅比例剛剛好,食落鮮甜香脆,另外小編亦推薦佢哋嘅豬肚湯、墨丸湯等。

 

榕香蠔烙
地址:汕頭市金平區外馬路183號 (顯示地圖)
營業時間:星期一至日 10:00 – 20:30

 

香港高鐵旅遊 | 汕頭住宿推薦 | 汕頭國際大酒店

汕頭國際大酒店@酒店官網

用包羅萬有去形容呢間酒店就最貼切,酒店設施包括桌球室、室內泳池、酒吧、水療按摩、同埋

乒乓球室等,可以係入面大玩特玩,附近仲有好多美食,非常方便!

汕頭國際大酒店2@酒店官網

 

汕頭國際大酒店
地址:中國汕頭金平區金砂路 52 號 (顯示地圖)
星級 | ★★★★☆  
位置 | ★★★★☆  
設施 | ★★★★★  
環境 | ★★★★☆  
價格 | 查看價格  

 

📖延伸閱讀:【上海好去處】上海文青必到打卡位!6間型格上海cafe連文青住宿推薦!
📖延伸閱讀:【上海酒吧推薦】遊走於上海弄堂間—六大上海新天地、田子坊潮聖打卡點!
📖延伸閱讀:【澳門自助餐攻略】澳門新酒店大評比2018 (連五大澳門美食推介)
📖延伸閱讀:【檳城美食地圖】當地人教路:檳城美食、檳城壁畫打卡點、熱門檳城景點推薦!

 

Hotels.com酒店優惠