定期送上世界各地最新、最地道嘅旅遊資訊!

【香港離島一日遊】一篇帶你食盡隱世離島美食:坪洲、南丫島、梅窩、長洲美食大全

想喺週末離開煩囂嘅都市出走一下?不妨到悠遊慢活嘅香港離島嚟翻個一日遊放鬆身心!小編今次為你搵嚟香港離島唔同地區包括坪洲、南丫島、梅窩同埋長洲嘅隱世美食,一次過話晒畀你聽離島必食餐廳有邊幾間!

 

香港離島一日遊 | 坪洲美食推介 | 祺森冰室

祺森冰室
@travelerluxe

祺森冰室開業超過30年,係所餘無幾嘅舊式冰室。呢度嘅裝潢同埋佈置充滿七八十年代嘅老香港情懷,懷舊風十足。

祺森冰室_2
@jack.c_1

祺森冰室_3
@feedingyourfeelings

祺森冰室嘅招牌菜式蝦多士全部即叫即炸,餡料豐富之餘仲超級脆口,而且更加被譽為係全香港最好食嘅蝦多士,嚟到坪洲又點可以唔試一試啊!

 

祺森冰室
地址:坪洲永安街3B地下 (顯示地圖)
營業時間:星期二至五 08:00-16:00;星期六及日 08:00-16:30 (逢星期一休息)

 

香港離島一日遊 | 坪洲美食推介 | 快車茶餐廳

快車茶餐廳
@instaudreyttt

快車茶餐廳_2
@eat.eat.everyday

想喺坪洲品嚐極高質素嘅海鮮菜式?咁就一定要到快車茶餐廳開餐啦!快車茶餐廳每日都會從島上嘅海鮮檔入貨,新鮮程度爆晒燈啊!

快車茶餐廳_3
@eat.eat.everyday

花雕蒸蟹係快車茶餐廳嘅必食菜式,蟹肉鮮嫩多汁,而且花雕酒嘅味道恰到好處,並唔會太強烈。嘆完蒸蟹之後,記住要食埋吸收晒花雕酒同埋蟹肉精華嘅蒸蛋,肯定會令你回味無窮!

 

快車茶餐廳
地址:坪洲永安街53號地下 (顯示地圖)
營業時間:11:30-14:00;17:30-20:00

 

香港離島一日遊 | 坪洲住宿推薦 | 香港愉景灣酒店

香港愉景灣酒店

坪洲酒店住宿選擇並唔多,旅客不妨選擇入住位於附近一帶嘅香港愉景灣酒店。從坪洲公眾碼頭乘搭街渡前往,只需10分鐘嘅船程即可到達。

香港愉景灣酒店_2

香港愉景灣酒店設施齊備,泳池、酒吧以及健身中心等等都一應俱全,加上服務口碑無與倫比,絕對值得考慮!

 

香港愉景灣酒店
地址:愉景灣海澄湖畔路88號 (顯示地圖)
星級 | ★★★★☆  
位置 | ★★☆☆☆  
設施 | ★★★★☆  
環境 | ★★★★☆  
價格 | 查看價格  

 

香港離島一日遊 | 南丫島美食推介 | Hideout Cafe Bar

 Hideout Cafe Bar
@this.is.dora

喺假日想過得Chill一啲嘅話,不妨到Hideout Cafe Bar一邊欣賞海景,一邊嘆翻個All Day Breakfast!

 Hideout Cafe Bar_2
@holimood.com

Hideout Cafe Bar嘅All Day Breakfast有唔同嘅選擇以及配搭,其中最受歡迎嘅首推班尼迪蛋,輕輕一切蛋漿就經已流晒出嚟,好有水準㗎!

 

Hideout Cafe Bar
地址:南丫島榕樹灣大街77號 (顯示地圖)
營業時間:24小時營業
官網:http://www.hideout.com.hk

 

香港離島一日遊 | 南丫島美食推介 | 天虹海鮮酒家

天虹海鮮酒家
@theiia88

被米芝蓮飲食指南評選為亞洲450家最佳食府之一嘅天虹海鮮酒家,經常都會吸引到唔少人慕名前往一嚐呢度風味十足嘅海鮮菜式。

天虹海鮮酒家_2
@dianie_pie

天虹海鮮酒家_3
@0ka.eri

嚟到天虹海鮮酒家,你一定要試下呢度嘅名菜椒鹽瀨尿蝦,每一隻瀨尿蝦都足足有成隻手咁長,而且香口惹味,真係見到都流晒口水啊!天虹海鮮酒家仲有好多唔同款式嘅小菜同埋海鮮菜式,一定可以滿足到嘴刁嘅你!

 

天虹海鮮酒家
地址:索罟灣第一街23-27號 (顯示地圖)
營業時間:11:00-22:30
官網:http://lammarainbow.com/

 

香港離島一日遊 | 南丫島住宿推薦 | 浪濤軒酒店

浪濤軒酒店

浪濤軒酒店係南丫島上其中一間富有質素嘅酒店住宿,酒店唔少設施好似餐廳等嘅設計同埋佈置都帶有歐陸風情,典雅別致。

浪濤軒酒店_2

此外,浪濤軒酒店嘅房間面積寬敞,而且景觀開揚,一定能夠為你帶嚟舒適嘅住宿體驗。

 

浪濤軒酒店
地址:南丫島榕樹灣洪聖爺泳灘28號 (顯示地圖)
星級 | ★★★☆☆  
位置 | ★★☆☆☆  
設施 | ★★★★☆  
環境 | ★★★★☆  
價格 | 查看價格  

 

香港離島一日遊 | 梅窩美食推介 | 津津食店

津津食店
@mic_tanya_ding

鍾意食東南亞美食嘅朋友就千祈唔好錯過津津食店呢間位於梅窩嘅隱世美食餐廳啦!越式蟹茄湯檬粉、牛腩番茄湯檬粉同埋順化雞肉檬粉都係津津食店嘅必食菜式,當中特別以越式蟹茄湯檬粉嘅人氣最高!

津津食店_2
@khonni

越式蟹茄湯檬粉嘅番茄湯底非常濃郁,一聞到就已經令人垂涎三尺,加上蟹肉、豬肉同埋豬肉丸等等豐富嘅配料,難怪咁受食客歡迎!津津食店只會喺星期日限量供應越式蟹茄湯檬粉,打算去食好西嘅朋友就記住要留意翻啦!

 

津津食店
地址:大嶼山鄉事會路35號地下 (顯示地圖)
營業時間:07:00-17:00 (逢星期二休息)

 

香港離島一日遊 | 梅窩美食推介 | Village Bakery

Village Bakery
@sumjei

Village Bakery_2@Village Bakery

Village Bakery係梅窩島上唯一嘅麵包店,佢哋嘅麵包全部都係由老闆親手製作,製作過程由發酵以至烤焗全部都一絲不苟,所以喺當地口碑載譽。

Village Bakery_3
@Village Bakery

外脆內軟嘅手工牛角包係Village Bakery最受歡迎嘅出品,師傅以法國傳統手法製作牛角包,令到內層嘅酥皮有如蜂巢一般,相當鬆軟,肯定會令你食到停唔到口!

 

Village Bakery
地址:梅窩碼頭路16號 (顯示地圖)
營業時間:07:00-19:00

 

香港離島一日遊 | 梅窩住宿推薦 | 銀鑛灣渡假酒店

 銀鑛灣渡假酒店

 銀鑛灣渡假酒店_2

銀鑛灣渡假酒店係梅窩一間性價比非常高嘅酒店住宿,酒店配套應有盡有。呢度最為特別嘅就一定要數到全方位Spa服務,絕對能夠令你疲勞盡消。

 銀鑛灣渡假酒店_3

而酒店所提供嘅餐飲服務亦具有一定水準,當中以BBQ最為受歡迎,你又點可以錯過!

 

銀鑛灣渡假酒店
地址:梅窩銀礦灣 D.D.2 地段 648 (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★☆  
價格 | 查看價格  

 

香港離島一日遊 | 長洲美食推介 | 喜姐小食

喜姐小食
@niantcm

喺長州玩到攰想食啲嘢抖下?不妨到喜姐小食充充電!店內每一枱基本上都會Order南乳雞翼、炸雲吞同埋西多士等等充滿地道香港風味嘅小食,小編特別推薦你一定要食用上咗幾十種香料同埋調味料醃製嘅南乳雞翼,味道好有層次!

喜姐小食_2
@holimood.com

此外,炸雲吞亦都係喜姐小食另一樣必食嘅招牌菜式,雲吞採用當地漁民新鮮捕獲嘅海蝦作餡料,而且每日都係以人手包製,質素相當有保證!

 

喜姐小食
地址:長洲中學路6A地下 (顯示地圖)
營業時間:11:00-21:00

 

香港離島一日遊 | 長洲美食推介 | 啡寮

啡寮
@coolcousin.com

啡寮_2
@啡寮 Valor Cheung Chau

放假想嘆翻一杯高質嘅咖啡,不妨到位於長州嘅啡寮細味佢哋嘅冰滴咖啡!啡寮嘅冰滴咖啡全部經過長達6至8小時嘅滴漏而成,咖啡味道厚實圓潤,更加唔會帶有澀味,每一啖都係精華所在。

啡寮_3
@sa_c

另外,你亦可以試一試啡寮嘅原隻椰皇冰滴咖啡,採用烏干達咖啡豆冰滴而成嘅咖啡跟新鮮椰子水嘅味道配搭得天衣無縫,絕對值得一試!

 

啡寮
地址:長洲新興街4號地下 (顯示地圖)
營業時間:10:30-19:00

 

香港離島一日遊 | 長洲住宿推薦 | 華威酒店

華威酒店

華威酒店_2

華威酒店嘅房間坐擁長州海岸嘅無敵大海景,景致美不勝收。另外,房間各有唔同嘅主題,當中以跟周邊環境呼應嘅海洋主題房間最為受歡迎,彷彿讓住客置身於蔚藍大海之中,勁有特色啊!

 

華威酒店
地址:長洲東灣 (顯示地圖)
星級 | ★★★☆☆  
位置 | ★★★☆☆  
設施 | ★★☆☆☆  
環境 | ★★★☆☆  
價格 | 查看價格  

 

📖延伸閱讀:【香港燒鵝推薦】中環燒鵝 vs 灣仔燒鵝價錢、味道大比併!
📖延伸閱讀:【香港文青Cafe精選】想搵間香港靚Cafe飲嘢兼打卡?五間必去香港Cafe推薦!
📖延伸閱讀:【香港影相好去處】香港廢墟都好影?一文睇哂香港文青IG打卡秘點!
📖延伸閱讀:【香港米芝蓮2019】好食又抵食!香港米芝蓮三星餐廳推介大全 (500蚊有找!)

 

Hotels.com酒店優惠Hotels.com酒店優惠