定期送上世界各地最新、最地道嘅旅遊資訊!

【香港過夜】土地問題?十大特色香港情侶酒店推薦!(必試香港海景酒店)

香港土地問題嚴重,莫講話「上車」,想享受下一晚二人世界都唔係一件易事,往往對方屋企有人,令到唔少情侶係香港過夜都會好頭痕,究竟點算好?小編今次。就為大家介紹幾間性價比非常高嘅香港情侶酒店同海景酒店,等大家都可以過一個浪漫嘅夜晚!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)

 

香港過夜情侶酒店推介|中環荷李活道彩鴻酒店

@Travelodge Facebook

彩鴻酒店喺香港分別有兩間,一間喺九龍,一間喺中環,中環呢間位於荷李活道,無論去文武廟,或者去PMQ元創坊做文青打卡都係非常方便!

中環荷李活道彩鴻酒店2

彩鴻酒店不嬲都主打簡潔現代化,但係中環店就喺床頭掛咗唔同嘅香港街照相,例如電車同巴士等,而且佢地酒店仲會提供菠蘿包做早餐,會令你份外感受到香港風味。

 

中環荷李活道彩鴻酒店
地址:香港中環太平山荷李活道 263 號 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★★☆  
價格 | 查看價格  

 

📖延伸閱讀:【香港手信篇】 Top 10 香港必買手信推薦 2018!

 

香港過夜情侶酒店推介|奧華行旅(中環)

@Mojo Nomad Facebook

奧華行旅係知名嘅青年旅舍,一去到酒店門口,你就會見到佢嘅招牌係粉紅霓虹燈,併湊埋唔同嘅花紋,而房間亦會有掛畫或壁畫,藝術感十足之餘仲好有活力!

奧華行旅(中環)2

酒店房間配色同掛畫都由設計師精心挑選過,每間都好獨特㗎!

 

奧華行旅(中環)
地址:香港中環皇后大道中286號 (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★★☆  
價格 | 查看價格  

 

📖延伸閱讀:【香港文青Cafe精選】想搵間香港靚Cafe飲嘢兼打卡?五間必去香港Cafe推薦!

 

香港過夜情侶酒店推介|IND Hotel 工業家酒店

呢間近於牛頭角嘅酒店附近由唔同工廈包圍,滲透舊香港工業輝煌歷史味道。大約5-10分鐘,就可以行到去觀塘海濱公園,睇哂醉人嘅維港景色。

@IND Hotel Instagram

酒店入面嘅藝術裝飾同埋畫廊,都係向香港60年代至80年代工業發展最鼎盛時期致敬。房間面積唔大,傢俱裝潢以工業風為主,貫徹酒店工業feel嘅感覺。

 

IND Hotel 工業家酒店
地址:九龍觀塘道 326 號(顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★☆  
價格 | 查看價格  

 

📖延伸閱讀:【香港聖誕搵食攻略】Top 5 香港米芝蓮餐廳搵食指南 2018

 

香港過夜情侶酒店推介|海匯酒店

@酒店官網

海匯酒店性價比高,因為酒店房都係維港景觀,淨係個景都已經值回票價。酒店亦有露台酒吧,可以比你吹住海風嚐酒,同伴侶傾心事就最好不過。

@酒店官網

酒店房間景觀無得輸!而不得不提嘅係除咗房間景觀之外,呢間酒店有個無邊際泳池,面向一望無際嘅海景,感覺直頭好似可以游出海咁呀!

 

海匯酒店
地址:香港北角北角邨里1號(顯示地圖)
星級 | ★★★★★  
位置 | ★★★★☆  
設施 | ★★★★☆  
環境 | ★★★★★  
價格 | 查看價格  

 

📖延伸閱讀:【香港文青Cafe精選】想搵間香港靚Cafe飲嘢兼打卡?五間必去香港Cafe推薦!

 

香港過夜情侶酒店推介|屯門貝爾特酒店

@酒店官網

當行入屯門貝爾特酒店,你會有個錯覺:自己係去咗一間酒廊。酒店主色黑色配埋一盞盞吊燈仔營造出浪漫氣氛,寬闊嘅大堂加埋桌球枱,會令人更懷疑係咪身在酒店,因為實在太有浦吧嘅感覺。

@酒店官網

黑白色相撞嘅酒店房非常簡潔,簡約得嚟充滿現代氣息,而隔離就係西鐵屯門站,去黃金海岸等景點都好易搞掂。

 

屯門貝爾特酒店
地址:屯門香港新界屯門震寰路 6 號(顯示地圖)
星級 | ★★★★☆
位置 | ★★★☆☆  
設施 | ★★★★☆  
環境 | ★★★★☆  
價格 | 查看價格  

 

📖延伸閱讀:【香港兩日一夜好去處】隱世香港渡假屋、酒店連本地遊玩攻略!

 

香港過夜情侶酒店推介|瑞生尖沙咀酒店


@酒店官網

講到近海,又點少得尖沙咀呢?呢間酒店由入門口開始已經令你感受到香港味道,小至走廊,大至員工房外同大堂都會見到香港相關物件,可以好似「Marvel迷」一樣,不斷係酒店搵香港彩蛋。

@酒店官網

房入面除咗有唔同香港特式壁畫之外,亦用咗彩繪磁磚做裝飾,感覺好有活力!

 

瑞生尖沙咀酒店
地址:九龍尖沙咀加連威老道 20 號(顯示地圖)
星級 | ★★★☆☆
位置 | ★★★★☆  
設施 | ★★★☆☆  
環境 | ★★★★☆  
價格 | 查看價格  

 

📖延伸閱讀:【香港中秋好去處】八月十五去邊度?本地隱世賞月地點靜靜雞話你知!

 

香港過夜情侶酒店推介|文化旅館 • 翠雅山房

文化旅館 • 翠雅山房

厭倦咗西式酒店,同埋成日望住城市?咁翠雅山房就啱哂你啦!

文化旅館 • 翠雅山房2

佢係屬於饒宗頤文化館嘅住宿部份,而饒宗頤文化館係由政府撥款保育同活化,成個區都係香港三級歷史建築。嚟呢度住直頭係遠離市區,最啱鐘意享受寧靜郊野嘅情侶!


@翠雅山房 Facebook

房間設計簡單,無論係書法掛飾,木製傢俱、仿古枱燈,都襯托住優雅恬靜嘅中國風。酒店周圍鳥羽花香,環境遍佈綠蔭,住客亦可以便參與館內活動同隨使用佢哋嘅設施,感受歷史文化之餘放鬆身心!

 

文化旅館 • 翠雅山房
地址:荔枝角荔枝角青山道 800 號 (顯示地圖)
星級 | ★★★☆☆
位置 | ★★★☆☆  
設施 | ★★★★☆  
環境 | ★★★☆☆  
價格 | 查看價格  

 

📖延伸閱讀:【香港拍拖好去處】編輯嚴選!Top 6本地拍拖好去處連超抵住情侶酒店精選!

 

香港過夜情侶酒店推介|Ovolo 奧華酒店 – 南岸

@Ovolo Facebook

夜晚玩完海洋公園再出番去市區又多人又要等車?不如住附近酒店仲實際。位於黃竹坑嘅奧華酒店,距離海洋公園就只有6分鐘步程,如果想去珍寶王國扮「食神」都只係7分鐘咋!呢間酒店本身就係藝術,大堂走廊每幅牆都係以現代藝術精心設計,係打卡嘅好選擇。

@Ovolo Facebook

至於酒店房間,設計師盡量利用天然光照入,亦好巧妙咁以數盞細燈輔助,夜晚啱啱好嘅燈光會有浪漫感覺。面對落地大玻璃嘅城市景觀,真係好正㗎!

 

Ovolo 奧華酒店 – 南岸
地址:香港香港仔黃竹坑道64號(顯示地圖)
星級 | ★★★★☆
位置 | ★★★★☆  
設施 | ★★★★☆  
環境 | ★★★★☆  
價格 | 查看價格  

 

📖延伸閱讀:【夏天好去處】香港室內好去處!盛夏香港親子遊玩攻略連住宿推薦

 

香港過夜情侶酒店推介|The Pier Hotel


@酒店官網

西貢絕對可以算係香港嘅渡假區,假日唔少人都會去西貢釣墨魚、食海鮮又或者去沙灘玩水上活動,白沙灣就係其中一個悠閒嘅地點。


@酒店官網

The Pier Hotel對正白沙灣避風港,港口泊滿遊艇,好有遠離繁囂嘅感覺!除此之外,你仲可以同伴侶出去露天泳池哂下太陽,過一個悠閒嘅下午。


@酒店官網

呢度每間酒店房都係望海,而且仲有個小廚房,可以玩吓「煮飯仔」。

 

The Pier Hotel
地址:香港西貢白沙灣街9號 (顯示地圖)
星級 | ★★★☆☆
位置 | ★★★☆☆  
設施 | ★★★★☆  
環境 | ★★★★☆  
價格 | 查看價格  

 

📖延伸閱讀:【香港郊遊樂】香港行山路線懶人包(西貢、大嶼山、港島區) (連超抵住香港郊區酒店推薦)

 

香港過夜情侶酒店推介|登臺

@酒店官網

登臺會不時舉辦藝術活動、表演同展覽,係文青嘅聚腳地!登臺鄰近佐敦地鐵站,無論去邊都咁方便,仲可以係附近嘅澳洲牛奶公司食個「光速餐」朝聖一吓。

@酒店官網

純白酒店房令人煥然一新,加埋淋沐間嘅雙頭按摩式花灑系統,可以令住客享受一個舒服嘅假期,叉返個靚電。

@hotelstage

 

登臺
地址:九龍佐敦志和街1號(顯示地圖)
星級 | ★★★★☆
位置 | ★★★★★  
設施 | ★★★★☆  
環境 | ★★★★★  
價格 | 查看價格  

 

 

Hotels.com酒店優惠