定期送上世界各地最新、最地道嘅旅遊資訊!

【香港影相好去處】香港廢墟都好影?一文睇哂香港文青IG打卡秘點!

好多人都會襯假期或者週末,就會出街搵個地方chill吓、打卡影相。不過好多香港文青打卡嘅時候,喺香港想搵間靚少少嘅餐廳或者cafe,而且仲要唔洗排隊都唔係咁易!加上影得多咖啡、甜品,有時都想揾啲特別嘅題材同環境影吓相。今次小編會帶大家發掘更多香港IG打卡熱點,推薦特別嘅香港影相好去處,當中包括香港廢墟feel嘅景點!等一眾香港文青遊走香港更多特色地方,挑戰另類風格!

 

📖延伸閱讀:【香港文青Cafe精選】想搵間香港靚Cafe飲嘢兼打卡?五間必去香港Cafe推薦!
📖延伸閱讀:【香港假期好去處】2019公眾假期請假攻略 (連長短線旅遊地點推薦)

 

香港影相好去處|香港廢墟另類IG打卡地點|摩星嶺二戰軍營廢墟

摩星嶺二戰軍營廢墟
@getreadyhongkong

摩星嶺位於香港島最西端的一座山,曾經係香港海岸防衛嘅重要戰略據點,山頂上面現時仍然遺留咗唔少二戰時期嘅痕跡,屬於二級歷史建築。

摩星嶺二戰軍營廢墟_2
@amberlammmm

沿住域多利道一直走到摩星嶺徑分岔口,過對面馬路開始上斜,一直行就會見到二戰時嘅軍營。雖然現時軍營已經成為廢墟,但係有唔少人因為佢嘅歷史背景,同被佢帶點陰沉嘅氣息環境,而吸引前嚟影相。行完軍營廢墟,仲可以再走到去位於山頂嘅炮台影相,炮台亦係另一受歡迎嘅影相位!由摩星嶺徑行到上山頂,慢慢行大概要45分鐘左右。

 

位置:摩星嶺 (顯示地圖)
交通:搭小巴,可在堅尼地城港鐵站旁搭54號小巴,在摩星嶺徑下車後,可沿車路或樓梯上山。

 

📖延伸閱讀:【香港中秋好去處】八月十五去邊度?本地隱世賞月地點靜靜雞話你知!

 

香港影相好去處|香港廢墟另類IG打卡地點|鯉魚門石礦場與石破屋

鯉魚門石礦場與石破屋
@marcocheng9588

提起鯉魚門三家村,好多人都會即刻諗到係出名食海鮮嘅地方,但係原來鯉魚門三家村除咗有海鮮食之外,喺漁村最入面有一個被荒廢咗嘅石礦場。曾幾何時,香港嘅打石業盛極一時,例如立法會、舊中銀大廈等嘅部份建築材料都係嚟自於鯉魚門石礦場。可惜,隨住80年代香港經濟開始崛起,打石業就開始式微。依家鯉魚門三家村就淨返破舊嘅石屋同埋被荒廢嘅石礦場。

鯉魚門石礦場與石破屋_2
@shadys

喺石灘位置可以影到燈塔,絕對係一個打卡位。之後可以行去石礦場,喺石山前面有一大片草地,坐喺草地度影相非常有feel!跟住仲可以去埋石破屋,只要穿過叢林,就會見到石破屋。如果你好喜歡喺破舊又有點頹廢感嘅小屋影相,呢度就絕對啱晒你!不過周圍都比較多大石,而且小屋入面都有唔少廢物,所以影相嘅同時都要注意安全呀!

 

位置:鯉魚門石礦場 (顯示地圖)
交通:油塘巴士總站,搭14C,就會到三家村碼頭。沿着海港散步,經過休憩公園,穿過海鮮食店,再穿過天后廟,經過居民區就會到達石礦場。

 

📖延伸閱讀:【香港靚景篇】編輯私藏6大香港隱世景點大全+香港日落打卡秘點!

 

香港影相好去處|香港廢墟另類IG打卡地點|裕民坊工廈天台

裕民坊工廈天台
@jonaaho

如果唔想山長水遠去郊區影相嘅話,其實喺市區都會有另類風格嘅地方打卡。其中一個非常就腳嘅地點就係位於觀塘嘅裕民坊工廈天台。幾年前有一首流行曲「經過一些秋與冬」嘅MV有一幕,就喺裕民坊工廈天台取景。

裕民坊工廈天台_2
@ash_yeung

喺裕民坊某個工廈附近有條樓梯,樓梯一上就係平台,喺平台影相可以善用繁忙嘅馬路、旁邊嘅地鐵列車同埋四周嘅樓房同工廈做背景,影出嚟嘅相非常有風格!

 

位置:觀塘裕民坊工廈附近 (顯示地圖)
交通:觀塘地鐵站,A1出口,步行3分鐘

 

📖延伸閱讀:【香港拍拖好去處】情侶必睇!本地週末好去處排行榜!

 

香港影相好去處|香港廢墟另類IG打卡地點|馬灣荒廢舊村

馬灣荒廢舊村
@jansenlu

位於大嶼山同青衣之間嘅馬灣原本係一條漁村,隨住政府慢慢開發馬灣,馬灣公園相繼落成,馬灣現時分成兩個截然不同嘅部份。一個係發展成私人物業嘅珀麗灣,一邊就係擁有200年歷史嘅馬灣舊村。

馬灣荒廢舊村_2
@pangbearsketch

一入馬灣嘅舊村,就會見到一排排荒廢咗嘅棚屋。棚屋同大澳嘅棚屋差唔多,都係高架水面嘅。雖然棚屋睇落係破舊而且淍零,但係仍然殘留咗舊香港漁村嘅風貌。去到馬灣舊村影相,仲可以為香港漁村歷史留返一啲紀錄!

 

位置:香港新界馬灣田寮村45號 (顯示地圖)
交通:中環2號碼頭搭渡輪至珀麗灣碼頭

 

📖延伸閱讀:【香港兩日一夜好去處】隱世香港渡假屋、酒店連本地遊玩攻略!

 

香港影相好去處|香港廢墟另類IG打卡地點|中環街市

中環街市
@anthonytung980

中環係香港政治、金融、銀行等核心地方。喺呢個地方,依然可以見到廢墟般嘅建築 — 中環街市。中環街市喺1939年落成,雖然已經停運同埋荒廢咗15年,但係其實佢擁有包浩斯風格建築物,係三級歷史建築!相信香港好少有地方好似中環街市咁,雖然被荒廢,但仲會被甲級寫字樓包圍下,街市內嘅格局依然保留住15年前檔販離場嘅一刻。

中環街市_2
@tiffanybaby213

正等待活化的中環街市,街市入面嘅廢物同冇用嘅一磚一瓦,政府都已經唯一清除晒。如果喜歡影廢墟相嘅朋友,把握機會去幫尚未活化嘅中環街市留倩影啦!

 

位置:中環街市 (顯示地圖)
交通:港鐵中環站C出口

 

📖延伸閱讀:【堅尼地城好去處】一篇帶你食盡隱世港島美食:西環、上環、中環、西營盤美食大全
📖延伸閱讀:【香港過夜】土地問題?十大特色香港情侶酒店推薦!(必試香港海景酒店)
📖延伸閱讀:【香港高鐵旅遊攻略】香港高鐵路線直達!汕頭、長沙、昆明、廈門景點逐個數!
📖延伸閱讀:【香港郊遊樂】香港行山路線懶人包(西貢、大嶼山、港島區) (連超抵住香港郊區酒店推薦)

 

Hotels.com酒店優惠Hotels.com酒店優惠