HOME > Hotels.com 部落格

一個人去旅行,行程自己話事,過程中又可以加深對自己嘅了解、變得更加獨立,一生人點都要試一次!首爾嘅治安良好,交通又方便,係好多獨遊者嘅首選!但原來獨遊首爾最大嘅難題竟然係食飯!因為韓國有共食文化,好多餐廳只會提供二人份量或以上嘅餐點,有啲餐廳甚至唔會招待一個人,令獨遊首爾者相當困擾!不過隨住越嚟越多人鍾意一個人去旅行,陸陸續續更多首爾餐廳提供一人份嘅餐點,今次小編就為大家精選幾間獨遊首爾一個人都可以去食嘅美食餐廳,以後一個人食飯都唔洗驚啦!

 

海邊的花蟹:首爾一個人都可以無限添食嘅醬油蟹餐廳!

@海邊的花蟹官網

韓國嘅國民美食,除咗泡菜、紫菜包飯之外,當然唔少得鮮甜美味嘅醬油蟹啦!你有冇諗過,獨遊首爾都可以無限任食醬油蟹,食到你捧住肚皮行出餐廳門口?想體驗喺首爾一個人大快朵頤任食醬油蟹嘅滋味,就緊係唔可以錯過呢間「海邊的花蟹」啦!呢間餐廳位於充滿傳統韓國文化氣息嘅街道,誘人之處係餐廳有個獨立嘅庭園,秋高氣爽嘅時候,望住綠意盎然嘅景觀食飯,都咪話唔寫意!呢度有兩款醬油蟹套餐可以選擇,其中一款可以任食醬油蝦,都只係貴少少。兩款套餐都包括小菜、醬油蟹同調味醬油蟹任添,小菜款式都好吸引,包括雞肉火鍋、薯仔沙律、海帶湯同炒泡菜等等,真係淨係食前菜都可以回本啊,抵食!

 

獨遊首爾美食|海邊的花蟹
營業時間: 11:00-22:00(最晚入場21:00)
地址:韓國首爾市鐘路區仁寺洞3街5-3(顯示地圖
交通:地鐵鐘閣站8號出口步行5-10分鐘

 

 

松川韓屋居:首爾一個人也可以吃的傳統韓式料理!

松川韓屋居係一間韓國老字號餐廳,由兩位老奶奶打理,餐廳供應嘅所有食物都係由佢哋親手製作出嚟,充滿「家」同「愛」嘅味道!餐廳嘅位置旺中帶靜,位於熱鬧嘅弘大商圈同合井站之間嘅巷仔入面﹐比較隱蔽。餐廳本身係一間傳統嘅韓屋,無論設計、裝潢,都非常有家嘅感覺,喺咁溫馨嘅環境下食飯,感覺非常溫暖。食物價錢亦都非常平民,呢度你唔會搵到由賣相主導嘅精緻料理,就可以食到傳統韓國手藝嘅平民美食,夠曬貼地!

 

獨遊首爾美食|松川韓屋居
營業時間:11:30-21:30
地址:韓國首爾市麻浦區西橋洞395-32(顯示地圖
交通:地鐵合井站4號出口步行10分鐘

 

🏨Top 10平首爾弘大酒店住宿推介HK$511起 *安心價格保證*
[最佳西方高級江南酒店 HK$884起,瑞草詩拉住宿飯店 HK$960起,樂天世界酒店 HK$1,226起]

 

儒林麵館:都敏俊xi最愛嘅清爽烏龍麵

前幾年《來自星星的你》喺香港熱播﹐成功掀起另一波韓風熱潮!唔知大家仲記唔記得,都敏俊xi同張律師喺一間麵館食烏冬食得津津有味嘅一幕呢?其實呢間麵館係位於市廳站附近嘅儒林麵館,連外星人都敏俊xi都鍾意食嘅鳥龍麵,獨遊首爾又點可以錯過呢!唔講唔知,儒林麵館已經有60年歷史,除咗招牌石鍋烏龍麵之外,蕎麥拌麵都係必試之選,爽口又彈牙,炎炎夏日整返碗真係透心涼!

 

獨遊首爾美食|儒林麵館
營業時間:(平日)11:00-21:30、(假日)11:00-20:00
地址:韓國首爾市中區西小門洞16(顯示地圖
交通:地鐵市廳站11/12出口步行2分鐘

 

감나무집 기사식당:便宜又抵食嘅司機食堂

우와 드디어 왔다👏🏼 또 오꺼얏 #무도불백 #감나무집기사식당 #돼지불백

A post shared by ⭐️ (@starnimi_h) on

由於呢間餐廳冇中文譯名,先稱佢為司機食堂!但點解叫佢司機食堂呢?因為韓國的士司機因為工作上需要,成日要揸住架車四圍走,去到邊食到邊,所以佢哋非常清楚首爾各區有咩又平又地道嘅美食,而呢間位於弘大延南洞嘅司機食堂,就係各位司機大哥極力推薦嘅餐廳之一!韓國綜藝節目《無限挑戰》曾經做過一集《一日司機》特輯,介紹過呢間餐廳,自此以後,餐廳除咗司機之外,仲多咗好多遊客,特別係獨遊首爾嘅旅客!因為餐廳所有餐點都係提供一人份,而且24小時營業,幾夜都有得食。餐廳有唔同套餐選擇(烤肉、豆腐鍋、烤魚等)﹐款款都份量多又抵食,司機食堂當之無愧!

 

獨遊首爾美食|감나무집 기사식당
營業時間:24小時營業
地址:韓國首爾市麻浦區延南洞515-19(顯示地圖
交通:地鐵弘大3號出口步行10分鐘

 

🏨Top 10平首爾酒店住宿推介HK$370起 *安心價格保證*
[宜必思仁寺洞首爾大使酒店 HK$370起,首爾諾富特禿山大使酒店 HK$511起,瑞草詩拉住宿飯店 HK$960起]

 

金北順大鍋家:一個人更應該吃的大大煲泡菜鍋

목살김지찌개 ^^ #김북순큰남비집 #목살 #김지찌개 #신사

A post shared by yumiyumi (@yumiyumiapril04) on

喺首爾食咩都係一鍋鍋大大煲,以為獨遊首爾一個人就食唔到?咁你就錯喇!金北順大鍋家所有嘅鍋都提供一人份量,想大大噉食泡菜鍋?冇問題啦!餐廳嘅鍋菜鍋配搭多多,有豬頸肉泡菜鍋、金槍魚泡菜鍋等,唔鍾意食辣嘅朋友可以揀大醬湯、雞蛋湯、海鮮豆腐湯等,每款套餐都包一碗白飯同前菜,大滿足啊!

 

獨遊首爾美食|金北順大鍋家
營業時間: 10:30-22:00
地址:首爾市江南區新沙洞522(顯示地圖
交通:地鐵新沙站8號出口步行10分鐘

 

Hotels.com酒店優惠
睇到呢度,係咪想即刻book酒店獨遊首爾,食盡上面所有首爾一個人都可以品嚐嘅美食呢?點樣先可以用至抵價錢book泰國酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦!仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!