定期送上世界各地最新、最地道嘅旅遊資訊!

【首爾韓牛】牛魔王請進!首爾馬場洞韓牛一條街搵食攻略!

去韓國就緊係要食烤肉啦,但大家又知唔知平時去烤肉店食嘅牛肉,並非韓國頭頂級「韓牛」?本身韓牛嘅數量就唔多,加上高品質嘅肉質,價格真係唔平㗎,所以一般餐廳都唔會提供。如果大家想食到平靚正嘅韓牛都唔係冇辦法,到馬場洞嘅馬場畜產物市場食就可以啦!果度其實係首爾最大肉品處理市場,馬場洞韓牛嘅價格比市面平10-30%,抵好多㗎!

 

首爾馬場洞搵食攻略 | 馬場畜產物市場

馬場畜產物市場
@韓國觀光社

馬場畜產物市場係極具規模嘅肉品處理市場,市場分東、南、西、北四個入口,合共有成2萬幾個同大小攤檔、鋪位!不過我地一般嘅遊客嚟到呢度一定會覺得好迷茫,鋪頭多到無從入手,都唔知要點樣食好,首先就等小編我科普一下大家馬場畜產物市場嘅飲食玩法比大家先啦!

馬場畜產物市場_2
@韓遊網

呢度嘅鋪頭亦有分兩種,分別係做大量批發嘅店鋪,亦有係做零售嘅鋪頭,唔少韓國本地人亦會係零售嘅鋪頭買韓牛禮盒,作送禮或自用用途!咁我地嘅遊客就當然去提供零售嘅鋪頭買肉啦!韓國嘅「韓牛、同日本嘅「和牛」一樣都有嚴格嘅評分標準,韓牛會經由韓國畜產物品質評價院(Korea Institute for Animal Products Quality Evaluation)評級,韓牛嘅評級分為「肉質」和「肉量」兩部份。「肉質」會按肉同脂肪分佈、色澤、油花密度評級,分為1++、1+、1、2和3級五個級別,而1++嘅韓牛則為最優質嘅韓牛,肉量專家認為1++嘅韓牛可以毗美A5和牛嘅水準; 而「肉量」嘅評分部分則以牛肉去骨剔筋後,以食用部位嘅多寡作評級,分為A、B、C三個等級。

買好肉之後,凍肉店係唔會提供任何嘅烹煮服務,我地只需要帶住我地購入嘅肉去附近嘅餐廳烹煮就可以啦,一般餐廳會按人頭收費,平均 ₩4~6,000/人,視乎烤肉模式(炭烤價格會較高),餐廳除咗會提供飲食空間、小菜、食具、汁醬、蔬菜外,亦可以另點熟食,如大醬湯、冷麵等。如果大家買完肉唔知點揀餐廳嘅話,其實通常肉商都會有自己配合嘅餐廳,大家就唔洗搵嚟搵去!

 

馬場畜產物市場
地址:서울시 성동구 마장로31길 40
           首爾市 城東區 馬場路 31街 40
營業時間:平日 03:00~23:00 / 公休日:每周 第1與第3個 星期日

 

首爾馬場洞搵食攻略 | 大湖畜牧 대호축산


@freeatkorea

大湖畜牧係比好幾間韓媒採訪過嘅肉店,肉質同口啤不在話下!呢度嘅老闆雖然都唔識中文,但亦有大量中文字標示,大家亦唔會唔知自己買咗咩肉食;而老闆亦識簡單英文,所以一般溝通都唔成問題!

 

大湖畜牧 대호축산
地址:首爾特別市城東區馬場路31街5號查看地圖
           서울특별시 성동구 마장로31가길5
電話:02-2292-6509
營業時間:10:30~22:00(賣完提前收攤)

 

首爾馬場洞搵食攻略 | 龍門家 용문집

龍門家 용문집
@U Blog – U Lifestyle

龍門家嘅肉係即叫即切,所以肉汁仍然會完好咁保留係肉上。而且呢度有提供韓牛併盤,買一盤就可以食盡韓牛嘅啊同部位,唔洗一款一款咁買,係花最少嘅錢食最多肉嘅方式!

 

龍門家
地址:首爾特別市城東區馬場路35街76號查看地圖
           서울특별시 성동구 마장로35길 76
電話:02-2299-4648
營業時間:11:00~隔日凌晨2:00.

 

首爾馬場洞搵食攻略 | 牛女人 우여사

牛女人 우여사

如果有睇過「流行首爾」嘅話,就會對牛女人一啲都唔陌生,因為我地香洗最潮最識玩嘅杜如風都嚟過呢一間買韓牛啊!好多去過呢度嘅朋友都大讚老闆好人又熱情,買韓牛時會送小肉片,雖然唔算靚肉,但放入大醬湯滾幾滾,成個湯即刻昇華!

 

牛女人
地址:首爾特別市城東區馬場路37街42號查看地圖
           서울특별시 성동구 마장로37길 43 2층
電話: 02-2293-8980

 

首爾住宿推薦 | 洛特 L7 弘大酒店 

洛特 L7 弘大酒店位於弘大地鐵站一號出口不遠處,步行僅需幾分鐘時間,出入非常方便!酒店設計亦承接弘大嘅年青氣息,以極簡風為主調,再增添宜家韓國時興嘅工業風,既簡潔又舒服,亦帶幾分時尚感!

牛女人 우여사_2

洛特 L7 弘大酒店22樓具備超有feel嘅roof top bar, 唔單只唔洗同人係弘大嘅bar同人逼餐死,可以安安靜靜同朋友傾下計,仲有靚靚夜景相伴!

 

洛特 L7 弘大酒店  
地址:141, Yanghwa-ro, Mapo-gu, 首爾, 03995, 南韓 (查看地圖
星級 | ★★★★☆  
位置 | ★★★★★
設施 | ★★★★☆  
環境 | ★★★★★
價格 | 查看價格 

 

首爾住宿推薦 | 首爾站公寓式酒店

首爾站公寓式酒店位於首爾站,地理位置優越,係一間時尚MUJI風格裝飾嘅公寓式酒店,呢度嘅房間設計係由前MUJI嘅日本設計師所設計,所選用嘅家具都係MUJI嘅自然素材家具,非常簡約自然,係一個可以令旅客放鬆身心嘅舒適空間!而房間內具備廚房、洗衣機等設備,即使足不出戶都可以解決曬我地嘅生活所需!

 

首爾站公寓式酒店
地址:KOR首爾Segea Dong,Young-San GuPoong-Lim I-One ,Seoul Station 219-17 (查看地圖)
星級 | ★★★☆☆
位置 | ★★★★★
設施 | ★★★★☆  
環境 | ★★★★★
價格 | 查看價格 

 

首爾住宿推薦 | 首爾龍山諾富特大使酒店

首爾龍山諾富特大使酒店位於龍山站,係KTX其中一個大站,就新亦有大型商場I’PARK mal、超市e-mart、新羅愛寶免稅店,相當方便。

而呢一間酒店仲有一個相當貼心之舉,就係作地會係床頭放置一部手機,手機會為旅客提供首爾天氣、交通、換算匯率,以及周邊嘅玩樂情報等,即使功課做得唔足都冇有怕!

 

首爾龍山諾富特大使酒店
地址:KOR首爾95, Cheongpa-ro 20-gil, Yongsan-gu (查看地圖)
星級 | ★★★★☆
位置 | ★★★★★
設施 | ★★★★★
環境 | ★★★★★
價格 | 查看價格 

 

📖延伸閱讀:【南怡島一日遊】首爾近郊 — 南怡島景點行程攻略 + 南怡島飛索Q&A!
📖延伸閱讀:【首爾夜生活】當地人推薦!5大隱世首爾酒吧、天台酒吧!
📖延伸閱讀:【首爾購物篇】文青必去首爾市集逐個數!(弘大自由市場必買小物推薦)
📖延伸閱讀:【最新首爾Cafe推薦】隱藏文青聚腳地!明洞Cafe + 弘大Cafe推薦列表2019!

 

Hotels.com酒店優惠Hotels.com酒店優惠