定期送上世界各地最新、最地道嘅旅遊資訊!

【首爾購物篇】文青必去首爾市集逐個數!(弘大自由市場必買小物推薦)

 

文青們去首爾除咗坐cafe睇吓書、打吓卡之外,緊係唔少得去市集啦,今日小編為大家搜羅首爾4大市集,包括弘大自由市場!個個都各具特色,仲等咩!跟住小編出發去首爾購物啦!

 

📖延伸閱讀:【首爾手信特集】最新韓國首爾必買化妝品 + 藥妝小物推薦大全2019 (連韓國面膜推薦)

 

首爾購物篇 | 弘大自由市場 (홍대 프리마켓)

弘大自由市場 (홍대 프리마켓)
@freemarket

弘益大學對出嘅弘益兒童公園每逢星期六嘅下午都會聚滿曬人,原因係由2002年開始,逢星期六呢度都會舉行自由市場,吸引好多本地同非本地藝術家係度聚集擺攤,可以買倒由藝術家親自打造、親自設計嘅藝術品、手工藝品!

弘大自由市場 (홍대 프리마켓)_2
@freemarket

唔講唔知,有好多品牌都係由弘大自由市場開始,逐漸打響知名度而成為品牌,所以唔好睇小呢度嘅產品呀!

弘大自由市場 (홍대 프리마켓)_3
@freemarket

除此之外,呢度亦有檔攤會搞工作坊,可以進行手作、藝術體驗!

弘大自由市場 (홍대 프리마켓)_4
@freemarket

而且,呢度仲有Afternoon Stage,每隔半個鐘就會有一個表演單位進行歌唱、舞蹈、戲劇等表演,係弘大自由市場絕對能夠感受嘅複合嘅藝術體驗!

 

弘大自由市場
地址: 弘大正門對面弘益兒童公園 (顯示地圖)
開放時間:每年3月~11月 逢星期六 13:00~18:00
網頁https://freemarket.or.kr/

 

📖延伸閱讀:【韓國買衫】仲去明洞、東大門買衫?最新首爾買衫好去處推薦

 

首爾購物篇 | 東津市集 (동진시장)

東津市集 (동진시장)
@東津市集facebook

弘大係潮人、藝術人、旅客嘅專區,但大家會唔會覺得弘大太多人?其實弘大都有一個區係比較少人,果一個區叫廷南洞,係近年韓國年輕人聚腳嘅新地方,廷南洞冇弘大商圈咁多人,有更多靚裝嘅cafe同bar,更有好多好精緻嘅飾品店,文青一定鐘意行!而呢度逢星期五至日更有東津市集可以行,呢度同其他市集唔同,係喺室內舉行,環境同韓國統傳市場類近,但每一個檔攤都放得整整齊齊,行起嚟非常舒服。

東津市集 (동진시장)_2
@東津市集facebook

呢度有唔同類型嘅手作、小物賣,不過主要以飾品為主。

東津市集 (동진시장)_3
@好奇小姐M uco走跳生活

小編就最推呢一款刺繡手飾,唔單只好靚好特別,仲要唔貴,₩3000-₩5000就有交易啦!

 

東津市集
地址: 麻浦區延南洞227-15 38 (顯示地圖)
開放時間:星期五 3pm-9pm; 星期六、日 12nn-7pm
網頁https://www.facebook.com/makedongjin/

 

📖延伸閱讀:【首爾文青景點】韓仔韓妹Look Ready!潮影首爾証件相 + 首爾剪髮體驗

 

首爾購物篇 | 1890 南山谷韓屋村夜市 1890 (남산골 야시장)

1890 南山谷韓屋村夜市 1890 (남산골 야시장)
@서울시 정보소통광장(정보공개)

如果問大家如果想回到朝鮮時代,感受一下做古人嘅情懷可以做啲咩? 大部份人都會答著韓服、行景福宮!呢啲答案太膚淺啦!小編要向大家隆重介紹南山谷韓屋村夜市!呢個市集係2017年6月-10月首次舉辦,連續搞咗兩年,而市集主題為帶你回到1890年代嘅朝鮮時代,夜市呢舉行地點係南山谷韓屋村,淨係地點都已經好match主題!

1890 南山谷韓屋村夜市 1890 (남산골 야시장)_2
@now新聞

市集內有售傳統嘅手工藝品同小食,大家記得試下呢一款焦糖餅呀,微微嘅焦糖味,又唔太甜!

1890 南山谷韓屋村夜市 1890 (남산골 야시장)_3
@timeoutkorea

更有免費韓國傳統遊戲體驗,而且每逢星期六仲有傳統音樂同舞蹈表演,更有提供免費穿韓服嘅拍照體驗,真係會一個唔覺意以為自己穿越咗番咗朝鮮時期架!

 

1890 南山谷韓屋村夜市
地址:首爾市中區退溪路34街28 (顯示地圖)
開放時間:6-7月: 逢星期六 7:00-23:00、8-10月: 逢星期五、六5:00-22:00(此為2018年舉辦時間,2019年時間待定)

 

📖延伸閱讀:【首爾自由行】編輯親試!五大傳統首爾韓屋入住報告連注意事項

 

首爾購物篇 | 汝矣島世界之夜市集 (여의도월드나이트마켓)

汝矣島世界之夜市集 (여의도월드나이트마켓)
@서울밤도깨비야시장

汝矣島世界之夜市集故名思意以世界之夜為主題內容,比起韓國本土文化,更多嘅係世界文化、異國風情!

汝矣島世界之夜市集 (여의도월드나이트마켓)_2
@서울밤도깨비야시장

呢度有超多小食餐車賣各式各樣嘅世界美食,pizza、串燒、烤雞樣樣齊,真係令人食指大動㗎!買好嘢食,仲可以坐係漢江邊一邊望住首爾夜景,一邊聽住街頭音樂表演,一邊開餐!

汝矣島世界之夜市集 (여의도월드나이트마켓)_3
@서울밤도깨비야시장

除咗餐車之外,另一邊同其他市集一樣,有唔少藝術家會擺攤賣手工藝品,有唱歌、魔術、舞蹈表演,更有世界各地嘅藝術同武打表演!呢度可以完全感受到首爾嘅晚上唔係一日嘅結束,而係一日嘅開始!不論係攤檔主人、表演者、遊人都係度玩得非常盡興!

 

汝矣島世界之夜市集
地址: 首爾市永登浦區汝矣洞路330汝矣島漢江公園 (顯示地圖)
開放時間:星期五18:00-23:00; 星期六 15:00-23:00
網頁https://www.bamdokkaebi.org/yyd-introduce

 

📖延伸閱讀:【首爾櫻花景點】首爾慶熙大學櫻花賞玩攻略!(連仁寺洞、三清洞cafe推薦)

 

首爾購物住宿推薦 | 9 號布瑞克酒店 Nine Brick Hotel

9 號布瑞克酒店 Nine Brick Hotel

9 號布瑞克酒店位於弘大,交通非常方便,即使大家睇完公演、clubing完之後唔洗驚冇車番酒店!呢度除咗地理位置優越之外,呢度仲要係超級靚裝修!

9 號布瑞克酒店 Nine Brick Hotel_2

酒店嘅外觀係超吸睛嘅紅磚,一入到酒店去就會好懷疑自己係咪去咗歐洲,大廳係用紅磚砌成嘅挑高拱形門,配上水晶燈、皮梳化、復古傢俱,真係勁有feel!喺酒店都可以瘋狂打卡呀!

 

9 號布瑞克酒店 Nine Brick Hotel
地址:KOR首爾32, Hongik-ro 5-gil, Mapo-gu (查看地圖
星級 |  ★★★☆☆
位置 |  ★★★★☆
設施 |  ★★★★☆
環境 |  ★★★★★
價格 | 查看價格 

 

首爾購物住宿推薦 | 明洞28號酒店

明洞28號酒店

明洞28號酒店嘅外形相當搶眼,係一座綠色鐵皮大樓,酒店係懷舊以電影為主題,係lobby會見倒唔少舊式拍攝器材嘅擺設,主題分明!

明洞28號酒店_2

房間內部以北歐簡約風同工業風混搭設計而成,非常整齊簡潔!另外,酒店內更設有畫廊,仲會不定期更換展品,文青們得閒時可以去走番轉,吸收下文化氣息!

 

明洞28號酒店
地址:KOR首爾38, Myeongdong 8ga-gil, Jung-gu (查看地圖)
星級 | ★★★☆ ☆  
位置 | ★★★★★
設施 | ★★★★☆  
環境 | ★★★★★
價格 | 查看價格 

 

📖延伸閱讀:【首爾韓服篇】租韓服邊間好?首爾景福宮韓服租借攻略大全!
📖延伸閱讀:【首爾市場搵食攻略】首爾廣藏市場美食大全 (當地人推薦首爾生牛肉、生章魚餐廳)
📖延伸閱讀:【首爾文青一日遊】首爾影相好去處!(附文青打卡必去首爾Cafe之選)
📖延伸閱讀:【首爾落雪】首爾親子景點懶人包連小法國村交通攻略 (附首爾親子餐廳推薦)

 

 Hotels.com酒店優惠Hotels.com酒店優惠