定期送上世界各地最新、最地道嘅旅遊資訊!

【韓國買衫】仲去明洞、東大門買衫?最新首爾買衫好去處推薦

 

今時今日去首爾買衫,唔通仲去明洞同東大門買衫咩?唔通你冇發現明洞同東大門淨係得遊客,一個韓國人都冇咩?今日小編就要帶大家行勻首爾各個地區韓國人嘅買衫好去處,買各種唔同款色、唔同價位嘅衫,包你買到兩隻手都拎唔曬!

 

📖延伸閱讀:【首爾文青景點】韓仔韓妹Look Ready!潮影首爾証件相 + 首爾剪髮體驗

 

首爾自由行 | 首爾買衫好去處 | 首爾地下街 – 永登浦、高速巴士客運站

高速巴士地下街
@alina
高速巴士地下街

大家對首爾嘅永登浦地下街同高速巴士地下街一定唔陌生,係首爾最大嘅以賣衫為主嘅地下街,無論好天曬定落雨淋都唔怕!呢度絕大部份嘅衫都係冇牌子嘅女裝衫,一件單品價格可以大概係₩5000 – ₩20,000 (約HKD$35 – $140),係香港完全買唔到嘅性價比超高嘅衫!如果時間有限行唔曬兩個地下街,建議去行高速巴士客運站地下街,相比永登浦地下街大,同埋可以順便去埋附近景點,包括有盤浦大橋月光彩虹噴泉、新世界百貨江南店、中心城、新沙洞林蔭道等。

 

📖延伸閱讀:【首爾購物】四大首爾必行地下街!江南,永登浦,蠶室,高速巴士站!

 

首爾自由行 | 首爾買衫好去處 | 首爾大學區 – 梨花女子大學、誠信女子大學、弘益大學

梨花女子大學
@莓姬貝利
梨花女子大學

韓國後生仔女另一個買衫熱點就係去大學區附近嘅商圈啦,除咗買衫符合自己嘅年齡層之,價位都係一般學生可負擔嘅,其中弘大、梨大、誠信女大都係比較有名嘅大學商圈!梨女、誠大都係女子大學嘅關係,女裝佔絕大部分,價位同地下街差唔多,但都設係市中心,交通比較方便同周邊都有好多特色cafe,行到攰就可以去食個tea抖吓、影吓相打卡。而弘大係設計藝術大學,因而附近有好多街頭活動同藝術活動,而呢度賣嘅衫款式比較多,有大牌、有潮牌、無牌子,有男女裝,能夠滿足曬各個人嘅買衫需要!不過弘大嘅價格會普遍比梨大同誠大高!

 

📖延伸閱讀:【首爾咖啡店特集】5大首爾弘大、梨泰院cafe!(浣熊Cafe超得意!)

 

首爾自由行 | 首爾買衫好去處 | 古著尋寶地 – 東廟風物市場

東廟風物市場

@kimchi people

大家係咪已經唔甘於平凡?係咪好憎出親街同一大堆人撞衫呢?如果大家想買平靚正、又有特色嘅衫不妨可以去東廟風物市場!係一個大型嘅二手跳蚤市場,上至家品電器、古董鐘錶、衣飾,下至書本、舊電影海報、小零件樣樣都有賣!大家唔好睇二手市場啲貨放得雜亂就冇好嘢,只要比啲心機花多少少時間就可以搵倒啱自己嘅衫㗎啦!呢度嘅衫好多時都只有一件,如果真係睇中嘅話就記得買咗先啦,一陣比人買咗,又或者唔知比人放咗係邊,咁就喊都無謂啦!提提大家,呢度嘅衫有二手,又或者係街邊放咗一段時間,所以記得係著之前要好好咁清洗啊!

 

📖延伸閱讀:【東京必買】東京購物篇之必去東京市集、東京跳蚤市場買物攻略 2019
📖延伸閱讀:【台灣購物2018】小編私藏台北買衫地圖!台北古著二手店尋寶地圖連講價貼士!

 

首爾自由行 | 首爾買衫好去處 | 大型購物商場 – COEX MALL

COEX MALL
@韓國觀光公社

韓國唔似香港咁有咁多大型商場,主要都係以行街為主,但係自從2014年年底COEX MALL改裝完工之後,就變成韓國人假日嘅新浦點!COEX MALL內有時裝、化裝美容、居家生活、精品店、餐廳、戲院、水族館等,係集吃、喝、玩、樂於一身嘅大型商場。而呢度嘅時裝牌子係以SPA大牌子為主,如Top 10、Wonder Place、8ight seconds等牌子,呢度嘅配套設施好多,係即時同行人唔買衫,都可以有其他娛樂嘅shopping聖地!

 

📖延伸閱讀:【首爾夜市特輯】東大門設計廣場、清溪川廣場最新市集連附近住宿推薦

 

首爾自由行 | 首爾買衫好去處 | 潮流時尚大街 – 新沙洞林蔭大道

新沙洞林蔭大道
@MIMI韓之生活

如果想望住靚靚嘅風景、有心思嘅建築,一邊舒舒服服盡情血拼嘅話,大家一定要嚟到新沙洞嘅林蔭大道!林蔭大道兩側種滿銀杏樹,秋天時行就好似韓劇主人公咁有feel!呢度除咁有大家見慣見熟8ight seconds等牌子之外,更多嘅係獨特設計時裝店,林蔭大道更被稱為「潮人之路」!其中,韓國設計師潮牌LOW CLASSIC、Steve J & Yoni P(SJYP)都係非常值得買嘅牌子!另外,即使呢度有大家熟悉嘅品牌,但呢度嘅商店設計完全唔係第二度可比,充滿設計感,係好多韓劇嘅取景之處,係行到邊都可以瘋狂影相打卡!

 

📖延伸閱讀:【首爾必食2019】最新首爾必食排行榜 (人氣首爾烤肉+炸雞+明洞餐廳推薦)

 

首爾自由行 | 首爾買衫好去處 | 高檔品牌集中地 – 清潭洞、狎鷗亭

清潭洞、狎鷗亭
@韓國觀光公社

清潭洞同狎鷗亭係全首爾、全韓國最貴嘅地段,係上流社會、貴婦、名星嘅集中地,而呢度所買嘅嘢就梗係理所當然係高檔品牌啦!呢度除咗有國際頂尖奢華品牌之外,仲有韓國本土高端設計嘅時裝品牌,所以呢度就有「引領韓國名品時尚的1號街」之稱,如果你係一線品牌嘅愛好者就千祈唔可以錯過呢度!

狎鷗亭
@韓國觀光公社

其中位於狎鷗亭嘅Galleria百貨公司係著名嘅高級精品百貨公司,以流行時尚為主,集娛樂、購物等功能於一身,係上流社會後生仔女嘅出沒點!

 

 

📖延伸閱讀:【首爾米芝蓮2018】實測五大首爾米芝蓮餐廳食物水準!首爾美食餐廳推薦逐個數!
📖延伸閱讀:【首爾clubbing篇】首爾夜晚去邊好?江南夜店 vs 弘大夜店大比併!
📖延伸閱讀:【首爾美食推薦】首爾食乜?編輯私心推—首爾醬油蟹、首爾燒肉及明洞必食餐廳大全
📖延伸閱讀:【首爾自由行】編輯親試!五大傳統首爾韓屋入住報告連注意事項

 

Hotels.com酒店優惠Hotels.com酒店優惠