定期送上世界各地最新、最地道嘅旅遊資訊!

【首爾美食推薦】首爾食乜?編輯私心推—首爾醬油蟹、首爾燒肉及明洞必食餐廳大全

去韓國首爾除咗買化妝品之外,緊係唔少得要食好嘢啦!今次小編就為大家介紹首爾美食推薦!帶大家去食首爾醬油蟹同首爾燒肉!仲有當地人推薦嘅明洞必食餐廳!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)
📖延伸閱讀:【韓國聖誕2018】10大首爾聖誕燈飾打卡點率先睇!

 

首爾美食推薦 | 明洞必食餐廳 | 兩餐 (두끼)


@tastynews

兩餐 (두끼) 係首爾美食推薦入面嘅Top List!點解?因為佢哋嘅部隊鍋任食優惠非常抵食,仲有就係,一般嘅部隊鍋通常要兩人以上先可以點餐,但呢度一個人食都可以開爐,係獨遊韓國人士嘅福音呀!

兩餐 (두끼) 係全自助式嘅部隊鍋放題餐廳,連個湯汁都係自己煮、自己調味,唔食得辣嘅朋友可以自己DIY個忌廉汁食亦得!呢度除咗有超過20種嘅部隊鍋食材可選之外,仲有飯、多款拉麵、各式炸物同魚糕任食!

 

兩餐 (두끼) NOON SQUARE店
地址:首爾特別市中區明洞2街83-5 6樓 (서울특별시중구명동2가83-5,몰6F)
交通:地鐵2號線乙支路入口站6號出口,步行4分鐘
營業時間:11:00-21:30 (全年無休)
聯絡電話:02-3789-2248
網站:http://www.dookki.co.kr
價格 (只供參考):成人₩7,900, 學生₩6,900, 小童(7歲以下)₩3,900
備註:1人起點餐

 

📖延伸閱讀:【首爾新景點2018】韓國好去處—帶你玩盡首爾2018新景點!

 

首爾美食推薦 | 明洞必食餐廳 | 匠人鐵板雞 (장인닭갈비)


@min._.04

匠人鐵板雞 (장인닭갈비) 嘅辣炒雞係小編嘅明洞必食之選,一大鍋辣雞再加芝士,可以話係超級邪惡嘅美食!好多人覺得淨係食肉冇飯落肚唔夠飽,其實韓國人會喺食到最後一兩成時,叫個炒飯,將剩番嘅材料同汁一齊炒,將辣炒雞嘅精華用飯粒全部吸收哂!又或者都係唔夠飽想加菜嘅話,小編建議加薯粉 (당면),薯粉吸哂d辣雞汁,真心正!

 

匠人鐵板雞 (장인닭갈비) 明洞店
地址:首爾特別市中區忠武路2街3-35,2F (서울특별시중구충무로2가3-35,2F)
交通:地鐵4號線明洞站8號出口,步行2分鐘
營業時間:11:30~23:00 (最後點餐時間:21:00)
聯絡電話:02-3789-2992
網站:jangindak.co.kr
備註:2人起點餐

 

📖延伸閱讀:【首爾米芝蓮 2018】實測五大米芝蓮餐廳食物水準!必食首爾美食逐個數!

 

首爾美食推薦 | 必食首爾醬油蟹餐廳 | 弘益醬蟹 (홍익게장)

@kk_simi

喺首爾,好食嘅醬油蟹單隻都要3-400蚊起,今日小編就為大家介紹性價比超高嘅首爾醬油蟹餐廳!弘益醬蟹 (홍익게장)所賣嘅醬油蟹任食之餘,價位都只係100-150蚊,CP值爆錶!

@yongkiiiii

雖然係任食,但d醬蟹一d都唔細隻!蟹蓋上嘅蟹膏好香,撈飯食一流!醬油蝦係小編最愛,口感唔似食緊蝦,更似食緊啫哩!花蟹湯都極推,因為韓國一般嘅餐廳係食唔到㗎!

 

弘益醬蟹 (홍익게장)
地址:首尔特别市麻浦区城山洞232-12 (서울특별시 마포구 성산동 232-12)
交通:地鐵2號線弘大入口站1號出口,步行12分鐘
營業時間: 11:00~22:00(午休時間15:30~17:00、点餐截至20:30)
聯絡電話:02-323-1112
價格 (只供參考):

套餐 價格
弘益套餐(大)

홍익큰상
(醬蟹&辣味醬蟹&醬蝦)無限續添 + 花蟹湯

成人:₩19,900
小學生:₩12,000
4〜6歲:₩6,000
弘益套餐(中)

홍익중간상
(醬蟹&醬蝦)無限續添+花蟹湯

成人:₩17,900
小學生:₩10,000
4~6歲:₩5,000
弘益套餐(小)

(醬蟹&辣味醬蟹)無限續添

成人:₩15,900
小學生:₩8,000
4~6歲:₩4,000

備註:1人起點餐

 

📖延伸閱讀: 【Hea遊韓國】5大首爾弘大、梨泰院呃Like靚cafe!

 

首爾美食推薦 | 必食首爾醬油蟹餐廳 | Pro普樂蟹醬 (프로간장게장)

@hyemnik

新沙洞出左名多醬油蟹店,當中嘅必食就係呢間 Pro普樂蟹醬 (프로간장게장) 喇!雖然單隻醬蟹嘅價位係50,000以上,比起任食貴好多,但件頭就大隻好多,肉質緊緻,味道鮮甜,而且蟹膏真係超級無敵多!

 

@cloud062

如果覺得一隻唔夠食,追加多一隻蟹時,價位會比第一隻蟹稍平少少!同埋,其實好多朋友都會反映,一隻蟹好似好少咁,但最後會發現原來一隻都可以食到好飽,會食唔曬,所以各位去食嘅時候不防先叫一隻先,唔夠先再追加!

 

Pro普樂蟹醬 (프로간장게장)
地址:首爾特別市瑞草區蠶院洞27-1,1〜5F (서울특별시서초구잠원동27-1,1~5F)
營業時間:24小時(最後點餐時間:21:00
聯絡電話:02-543-4126
網站:prosoycrab.co.kr

 

📖延伸閱讀:【首爾文青一日遊】首爾影相好去處!(附文青打卡必去首爾Cafe之選)

 

首爾美食推薦 | 必食首爾燒肉餐廳 | 肉典食堂 (육전식당)

@1111_hye

呢間位於新設洞嘅肉典食堂 (육전식당) 係韓國人先知嘅美食店 (맛집),佢好食、多人食嘅程度係二樓成層係做等候區,仲有咖啡、遊戲機比你消磨等待嘅時間,小編上次就等左半個鐘,但真係絕對值得食!

@xixcrewtnbx

記得第一次點肉係需要同一份肉點兩份,小編就點左五花肉 (통삼겹) 同豬頸肉 (통목살),店員將肉烤得好香,超級好食,十個讚!鐘意食牛嘅朋友可以叫韓牛里脊肉 (한우등심),價格小貴(₩38,000),但真係好有牛味!

 

肉典食堂 (육전식당) 新設洞3號店
地址:首爾特別市東大門區新設洞76-25 (서울특별시동대문구신설동76-25)
營業時間:17:00~翌日02:00 (春節連休3天,中秋節連休3天)
聯絡電話:02-926-6373

 

📖延伸閱讀:【首爾夜市特輯】東大門設計廣場、清溪川廣場最新市集連附近住宿推薦

 

首爾美食推薦 | 必食首爾燒肉餐廳 | 荒謬的生肉 (엉터리생고기)

@seojeong__2

去到韓國,又點可以唔食韓燒!但如果預算有限嘅話不妨食荒謬的生肉 (엉터리생고기),一個人只需₩14800 (約100港元) 就可以任食豬頸肉同五花肉啦!

@jungwookum

喺任食嚟講,荒謬的生肉嘅性價比實在係高得太荒謬!肉嘅油脂分佈均勻,燒出嚟嘅肉好香口,而且啲肉係厚切㗎!可以大啖大啖咁食,口感十足!除左兩款肉外,大醬湯、前菜、沙律都係任食,絕對能滿足小資韓迷們!

 

荒謬的生肉 (엉터리생고기) 明洞店
地址:首爾特別市中區明洞2街54-32,2〜3F (서울특별시중구명동2가54-32,2~3F)
交通:地鐵4號線明洞站6號出口,步行4分鐘
聯絡電話:070-8871-6788
價格:成人₩14,800,5-7歲兒童:₩5,000

 

📖延伸閱讀:【掃街地圖】冬季最新首爾必食美食排行榜2018

 

首爾自由行 | 明洞周邊住宿 | Hotel Skypark 3 號店

@Hotel Skypark 官網

Hotel Skypark (호텔 스카이파크) 總共有3間係明洞,3 號店係最新落成,地理位置好方便,係正明洞地鐵站9號出口對出,而對面就係樓高8層嘅daiso生活用品店,掃完貨就可以直接放番酒店!酒店亦提供免費接駁巴士到首爾站,如果大家首爾行程結束後要去首爾站搭ktx去其他城市嘅話,直接搭接駁巴士就可以,係舒適方便之選!

 

Hotel Skypark 3 號店
地址:KOR首爾139, Toegye-ro, Jung-gu (顯示地圖)
星級 | ★★★★☆  
位置 | ★★★★★
設施 | ★★★☆☆  
環境 | ★★★☆☆
價格 | 查看價格

 

📖延伸閱讀:【坐首爾凌晨機】仲喺仁川機場過夜?Top 10 仁川機場酒店大評比!

 

首爾自由行 | 明洞周邊住宿 | 世宗酒店

N首爾塔係首爾嘅地標,好多睇過大熱韓劇《來自星星的你》嘅朋友,都會對N首爾塔有情意結,如果想同伴侶、家人締造個美好嘅回憶,不妨住世宗酒店 (세종호텔),部分房間係可以近距離見到首爾塔㗎!同埋世宗酒店嘅房間比起明洞周邊嘅酒店房間寬敞,相對地住得舒服。


世宗酒店
地址:KOR首爾145, Toegye-ro, Jung-gu (顯示地圖)
星級 | ★★★★☆  
位置 | ★★★☆ ☆
設施 | ★★★★★  
環境 | ★★★★★
價格 | 查看價格

 

📖延伸閱讀:【汗蒸幕特輯】三大必試韓國首爾汗蒸幕推薦!連常見問題Q&A
📖延伸閱讀:【首爾近郊一日遊】快閃首爾郊區!春川景點懶人包 (蕎麥麵體驗館、鐵路自行車)
📖延伸閱讀:【首爾clubbing篇】首爾夜晚去邊好?江南夜店 vs 弘大夜店大比併!
📖延伸閱讀:【韓國手信2018】韓國超市必買零食手信推介!韓國芝士腸都榜上有名!

 

Hotels.com酒店優惠