定期送上世界各地最新、最地道嘅旅遊資訊!

【首爾超市特集】首爾樂天超市必買手信、零食、特產推薦!

 

去到韓國,除咗買化妝品、買衫褲鞋襪之外,當然唔少得要去樂天mart掃番一堆零食、特產做手信啦!唔知韓國呢排推出咗咩部貨?唔知韓國呢排興食咩?唔緊要,跟住小編去超市,等小編話你知樂天超市必買清單係咩啦~

首爾自由行 | 首爾必買 | 生拌章魚醬 오마니젓갈 오징어젓

生拌章魚醬 오마니젓갈 오징어젓

近年大家都好鐘意係韓國買蟹膏番香港撈飯食,貪佢又方便又好食又抵食,其實係韓國有好多嘢都好啱撈飯食㗎,就好似今日為大家介紹嘅生拌章魚醬咁,係將生嘅章魚加產醃料醃製而成,辣辣地,非常過適合配飯一齊食,又或者可以做前菜同下酒菜咁食,都非常正㗎!章魚比起魷魚更彈牙易咬,即使牙力啱好,或者小朋友都可以輕鬆進食㗎! 

 

首爾自由行 | 首爾必買 | 海太卡樂B 甜蕃薯薯片 해태 오사쯔

 海太卡樂B 甜蕃薯薯片 해태 오사쯔

甜蕃薯薯片嘅口感介乎於薯片同蝦片之間,屬於偏厚嘅薯片類型,咬落去好似蝦片咗有空氣感,而味道就好似食緊個超甜蕃薯咁好甜、好正!

 

首爾自由行 | 首爾必買 | 樂天烘培粟米脆角 롯데 꼬깔콘

 樂天烘培粟米脆角 롯데 꼬깔콘

某日本牌子嘅粟米脆角深受香港人歡迎,而今次小編介編嘅樂天烘培粟米脆角,不論口感,外型都同日本牌子嘅十分相似,不過樂天粟米脆角嘅口味就更多元化,總共有7款口味,包括:原味、烤粟米味、甜辣味、粟米濃湯味、蜂蜜牛油味、大蝦沙律味、水牛城辣雞翼味!

 樂天烘培粟米脆角 롯데 꼬깔콘_2

其中小編最愛嘅就係水牛城辣雞翼味,口味甜甜辣辣,相當野味,真係會令人食到唔停得口!

 

首爾自由行 | 首爾必買 | 皇冠夾心威化酥 크라운 하임

皇冠夾心威化酥 크라운 하임

皇冠夾心威化酥有別於一般嘅夾心餅,係餅乾選材方面就用咗比較鬆脆嘅威化酥,有入口後慢慢溶化嘅效果,而入面嘅夾心就相當足料,完完全全填滿威化酥中間!皇冠夾心威化酥總共有三種口味:朱古力、白朱古力、奶茶口味。三隻味整體都唔太甜,不論男女老少都好易入口,如果鐘意淡味嘅朋友可以選擇奶茶口味,有淡淡嘅紅茶味,好香,好好食!

 

首爾自由行 | 首爾必買 | Hershey’s 朱古力早餐脆片 허쉬초코 크런치 다크초코

 Hershey's 朱古力早餐脆片 허쉬초코 크런치 다크초코

Hershey’s係好出名嘅朱古力品牌,佢地出過嘅朱古力、朱古力雪糕、雪條、牛奶都好香、好濃郁嘅朱古力味,好受歡迎。Hershey’s宜家仲推出咗朱古力早餐脆片,外層係朱古力脆片,內層係忌廉夾心,配牛奶一齊食就係一個完美早餐啦!不過即使冇牛奶就咁當零食咁食都好正㗎!

 

首爾自由行 | 首爾必買 | Orion 鯛魚朱古力小蛋糕 오리온 참붕어빵 초코붕

Orion 鯛魚朱古力小蛋糕 오리온 참붕어빵 초코붕

Orion 鯛魚朱古力小蛋糕係鯛魚燒外形嘅蛋糕,非常可愛,蛋糕濕潤、鬆軟,口感相當唔錯;入面就包住濃郁細滑嘅朱古力醬,朱古力醬唔係淨係得個甜字,仲帶帶淡淡嘅咸味,能夠做到甜而不膩;朱古力醬內仲有好有咬口嘅小年糕,食落更有層次!

 

首爾自由行 | 首爾必買 | Orion龜殼薯片 오리온 꼬북칩

Orion龜殼薯片 오리온 꼬북칩

Orion龜殼薯片由卡薯片外形似龜殼因而命名,係啱啱推出時橫掃咗成個韓國,好多韓國人想買都買唔倒,因為呢一款薯片有別於一般嘛有一層嘅薯片,烏龜薯片係足足有成四層嘅薯片,佢將一般薯片嘅鬆脆感放大咗四倍!一共推出咗三款口味,包括粟米濃湯味、鮮蝦味、玉桂糖霜味,當中粟米濃湯味係最受歡迎!

 

首爾自由行 | 首爾必買 | Orion厚切薯片 오리온 예감 감자칩

Orion厚切薯片 오리온 예감 감자칩

Orion厚切薯片食落去好實在、好有飽足感,但仍然維持倒薯片應有嘅脆口,但冇一般薯片嘅油膩感,同冇咗熱氣,算係薯片同餅乾嘅綜合版零食!厚切薯片一共有三款口味,包括原味、芝士、大蒜牛油口味,如果鐘意薯仔味多啲,就建議大家食原味,如果大家係芝士控嘅話,就一定要食芝士味,因為佢真係好芝士,超正!

 

首爾自由行 | 首爾必買 | 炒辣雞麵同款醬汁 삼양 불닭소스 

炒辣雞麵同款醬汁 삼양 불닭소스

炒辣雞公仔麵嘅好食程度不單𥱊捲韓國,仲攻陷咗香港人嘅心,不過係韓國掃公仔麵番香港好似唔係咁明智,公仔麵咁大包,好佔空間㗎嘛,宜家甜產商就新推出咗炒辣雞麵同款醬汁,方便攜帶,一共推出三種口味,包括:辣火雞味、奶油辣雞味、超辣醬味。大家買咗番去除咗可以配公仔麵食之外,奶油辣雞味嘅汁醬可以代替意粉醬做出超creammy嘅意粉。

炒辣雞麵同款醬汁 삼양 불닭소스 _2

辣火雞味同超辣醬味汁醬則可以同煎餃一齊食,仲可以辣炒豬肉、年糕等食材!

 

首爾自由行 | 首爾必買 | Dr. You Diget 朱古力消化餅 닥터유 다이제 초코비스킷

Dr. You Diget 朱古力消化餅 닥터유 다이제 초코비스킷

平時食消化餅會覺得好乾,冇咩味, 但Dr. You Diget 朱古力消化餅喺消化餅產搽上朱古力醬,完全解決咗消化餅自身嘅缺點,同時,呢一個組合出奇地match!

 

📖延伸閱讀:【南怡島一日遊】首爾近郊 — 南怡島景點行程攻略 + 南怡島飛索Q&A!
📖延伸閱讀:【首爾夜生活】當地人推薦!5大隱世首爾酒吧、天台酒吧!
📖延伸閱讀:【首爾購物篇】文青必去首爾市集逐個數!(弘大自由市場必買小物推薦)
📖延伸閱讀:【最新首爾Cafe推薦】隱藏文青聚腳地!明洞Cafe + 弘大Cafe推薦列表2019!

 

 

Hotels.com酒店優惠Hotels.com酒店優惠