定期送上世界各地最新、最地道嘅旅遊資訊!

【首爾手信特集】最新韓國首爾必買化妝品 + 藥妝小物推薦大全2019 (連韓國面膜推薦)

 

韓國係亞洲地區嘅美妝王國,去韓國買化妝品同護膚品就緊係必備行程啦!不過韓國咁多美妝品牌,真係唔知點揀好,今日小編就為大家介紹8款韓國面膜推薦韓國首爾必買化妝品同藥妝產品比大家,就算唔自用,做首爾手信都好得體㗎!  

 

📖延伸閱讀:【首爾文青景點】韓仔韓妹Look Ready!潮影首爾証件相 + 首爾剪髮體驗

 

首爾手信|韓國面膜推薦|AVAJAR V面提拉緊緻面膜

AVAJAR V面提拉緊緻面膜
唔少人因為經常性耷低頭玩手機嘅關係,令到雙下巴問題越嚟越嚴重,想有效改善雙下巴浮腫嘅問題AVAJAR V面提拉緊緻面膜就最啱啦!呢款面膜係黏膠式設計,上面充滿膠原蛋白、玻尿酸,達到雙重保濕、緊緻肌膚、修護肌膚彈性同拉提等效果!呢款面膜建議敷20-60 分鐘,敷完之後更可以利用殘餘嘅黏力用喺腳踝、小腿、手腕、手臂等嘅部位上,改善皮膚鬆馳問題。   

購買點:Olive Young, Lalavla

 

📖延伸閱讀:【坐首爾凌晨機】仲喺仁川機場過夜?Top 10 仁川機場酒店大評比!

 

首爾手信|韓國首爾必買化妝品藥妝|MEDICUBE ZERO PORE PAD 毛孔角質清潔棉片

MEDICUBE ZERO PORE PAD 毛孔角質清潔棉片
好多人成日都唔知點解自己會生暗瘡、點解毛孔又粗大咗,其實原因好簡單,因為卸妝唔夠徹底!用一般卸妝水卸妝之後,再用MEDICUBE清潔棉片抹臉就會發現清潔綿上有好多臉上殘餘嘅化妝品!呢款產品除左有深層卸妝功能外,仲具有去除角質層死皮、收細毛孔等功效,唔少人用完過後認為皮膚更光滑,有平衡油脂嘅作用,所以臉上生少左暗瘡。

購買點:Olive Young

 

首爾手信|韓國首爾必買化妝品藥妝|Too Cool For School 三合一調色盤

Too Cool For School 三合一調色盤
Too Cool For School 嘅修容、打亮、胭脂產品係韓妹彩妝界非常有名,粉質細緻、唔易脫粉,而且每款產品都同時具有三種色,可以令妝容更有層次!不過如果出街要補妝,拎住三大盒粉餅又會好重同好佔位,所以Too Cool For School推出咗修容、打亮、胭脂三合一調色盤,除左方便補妝同旅街時使用外,亦啱晒小資女,因為3合一套妝只需₩28000,而胭脂單買就已經叫價₩17000啦!

購買點:Olive Young, Too Cool For School

 

首爾手信|韓國面膜推薦|23 Years Old注氧碳酸蝴蝶面膜

23 Years Old注氧碳酸蝴蝶面膜
呢一款係針對臉部蝴蝶區而設計嘅注氧面膜,注氧時促進肌底血液流通,令肌膚由內到外變得健康;亦會深入毛孔,令底層的污垢、粉刺及黑頭排出,令皮膚更光滑、膚色透白紅潤,有改善臉色嘅作用;同時亦有淡化斑點、平衡油脂等作用,唔少人用完呢一款面膜之後更認為自己好似做咗次facial咁!

購買點:Olive Young

 

📖延伸閱讀:【首爾購物】四大首爾必行地下街!江南,永登浦,蠶室,高速巴士站!

 

首爾手信|韓國首爾必買化妝品藥妝|MEDIHEAL – Thispatch 暗瘡貼

MEDIHEAL - Thispatch 暗瘡貼

MEDIHEAL 暗瘡貼同一般暗瘡貼唔同,一盒入面透明色同皮膚色兩款唔同嘅暗瘡貼,透明色嘅暗瘡貼係針對初期暗瘡使用,具有預防同鎮靜嘅作用;而皮膚色嘅暗瘡貼係針對已經發炎含膿嘅暗瘡使用,具有傷口復原嘅功能,各位可以根據自己嘅皮膚狀況使用唔同色嘅暗瘡貼就可以加快皮膚嘅復原。  

購買點:Olive Young

 

首爾手信|韓國首爾必買化妝品藥妝品牌|innisfree 產品

innisfree
innisfree呢個品牌香港大把分店啦,點解要咁辛苦韓國搬番香港?innisfree正價商品價格同香港相差無幾,但只要佢一特價就會比香港平好多,洗臉奶、卸妝產品、唇膏、底妝、保濕產品會經常做買一送一優惠,而其他產品亦會間中做5-7折優惠,所以好多韓國人會視優惠價為正價,亦會有係正價時買嘢係蝕本咁嘅諗法,所以大家有用開innisfree產品嘅朋友嚟開韓國不妨留意下佢有冇特價,年中可以慳番唔少錢㗎!

購買點:innisfree

 

📖延伸閱讀:【首爾必食2019】最新首爾必食排行榜 (人氣首爾烤肉+炸雞+明洞餐廳推薦)

 

首爾手信|韓國首爾必買化妝品藥妝品牌|BT21美妝產品

BT21美妝產品


「BTS 防彈少年團」相信即使唔追韓星嘅朋友對呢個名一啲都唔會陌生,係現時全世界最紅嘅韓國團體,甚至連聯合國都邀請佢地做演講!而由BTS所設計嘅卡通人物BT21係韓國更係非常受歡迎,除左推出好多生活用品同文具用品外,最近亦同唔同品牌合作出左唔少美妝產品,除左底妝、唇妝、眼影之外,更有面膜、粉撲、旅行分裝樽、香水等產品,身為ARMY(BTS粉絲名)嘅你就一定唔可以錯過!   

購買點:Olive Young

 

首爾手信|韓國首爾必買化妝品藥妝品牌|Kakako Friends 美妝產品

Kakako Friends 美妝產品

Kakako Friends 係韓國最具代表嘅卡通人物之一,深受韓國人喜愛,近年Kakao Friends 聯乘咗唔同嘅化妝品品牌,出左唔少有可愛又好用嘅美妝產品,大家千祈唔好錯過!其中The Face Shop同Kakako Friends 出咗三個系列美妝產品,而最近推出嘅更係聖誕節系列,除左化妝品外,亦有潤手霜、淋浴露、潤唇膏等產品,啱晒冬天做個人護理,仲可以係聖誕同朋友交換禮品!另外,除左The Face Shop 外,Kakao Store等商店亦有自己特賣嘅美妝產品,行過不妨去睇吓!

 購買點:The Face Shop, Kakao Store, Olive Young, GS25

 

📖延伸閱讀: 【首爾咖啡店特集】5大首爾弘大、梨泰院cafe!(浣熊Cafe超得意!)
📖延伸閱讀:【韓國汗蒸幕推薦】三大必試首爾汗蒸幕推薦!
📖延伸閱讀:【獨遊首爾】首爾一個人吃飯冇有怕!獨樂樂首爾餐廳推薦!
📖延伸閱讀:【首爾美食推薦】首爾食乜?編輯私心推—首爾醬油蟹、首爾燒肉及明洞必食餐廳大全

 

 

Hotels.com酒店優惠Hotels.com酒店優惠