定期送上世界各地最新、最地道嘅旅遊資訊!

【韓國自駕遊】最強首爾自駕遊景點+餐廳攻略2019!(韓國租車必睇Q&A)

韓國租車自駕遊相信大家一啲都唔陌生,但大家一定會問首爾地鐵咁方便,做咩要自駕遊?首爾市內係好方便,但首爾近郊就唔同喇,唔係個個地方都有車到,就算有車,班次都唔多,尾班車又早,限時限刻咁玩,一定唔夠過癮,不如自己揸車去玩!今日小編就要介紹3個新興嘅首爾自駕遊近郊景點比大家!  

 

📖延伸閱讀:【韓國聖誕2018】10大首爾聖誕燈飾打卡點率先睇!

 

韓國租車自駕遊 | 首爾自駕遊新景點 |  翡翠花園樹木園 제이드가든 수목원

@쭈’ s Diary

翡翠花園樹木園由3000多種植物同歐陸風情建築建構成24個景區,有韓國小歐洲之稱,咁靚嘅歐州田園景成為咗唔少韓劇嘅拍攝場地,《那年冬天,風在吹》喬妹間豪宅就係喺呢度取景,韓劇迷同鍾意影相嘅朋友記得過嚟打卡喇!

 

@쭈’ s Diary

另外,每年5月至10月期間,翡翠花園會開放至夜晚,屆時靚靚嘅歐州小鎮夜景就會呈現喺眼前喇!

 

翡翠花園樹木園 제이드가든 수목원
地址:江原道春川市南山面日谷路80(강원도 춘천시 남산면 햇골길 80)(顯示地圖)
電話:+82-1588-2299
開放時間:09:00-19:30 (最後入場時間為18:30)
入場費用 (只供參考):成人 ₩8,500 / 初、高中生 ₩6,500 / 兒童 ₩5,500
韓國觀光社相關網頁:http://chinese.visitkorea.or.kr/chs/ATR/SI_CHG_2_1_1_1.jsp?cid=1616288

 

📖延伸閱讀:【首爾文青景點】韓仔韓妹Look Ready!潮影首爾証件相 + 首爾剪髮體驗

 

韓國租車自駕遊 | 首爾自駕遊新景點 | 鱉島 자라섭

여행플러스

鱉島係首爾近郊有名嘅汽車camping點,係韓國大熱露營點之一,如果大家都想試下汽車camping嘅話記得要提前預約,旅遊旺季時係一車難求,鱉島更係世界最大蝴蝶館「加平二和園」所在地,一年四季都對外開放。

 


@韓國觀光公社
2018年鱉島國際爵士音樂節

另外,鱉島一年到晚都會舉行大大小小唔同嘅節慶活動,包括4月有野營料理大賽、5月煙火節、8-9月有米酒節、10月鱉島國際爵士音樂節等,可以體驗韓國最貼地嘅節慶文化!

 

鱉島國際爵士音樂節
地址:京畿道加平郡加平邑鱉島路60 (경기도 가평군 가평읍 자라섬로 60)(顯示地圖)
電話+82-31-580-2512
入場費用:免費
韓國觀光社相關網頁http://big5chinese.visitkorea.or.kr/cht/ATT/3_2_view.jsp?cid=1495174
鱉島國際爵士音樂節相關網頁http://www.jarasumjazz.com/the15th/home

 

📖延伸閱讀:【首爾櫻花遊】首爾慶熙大學賞櫻攻略!(連首爾三清洞、仁寺洞咖啡室推薦)

 

韓國租車自駕遊 | 首爾自駕遊新景點 | 雪絨花瑞士村 에델바이스 스위스 테마파크


@雪絨花瑞士村官網

瑞士村係之前《我們結婚了國際版》中2PM澤演同鬼鬼嘅拍攝場地,節目播出之後,因為呢度色彩繽紛嘅建築物同濃厚嘅瑞士情懷,成為咗近年韓國人周末近郊旅行嘅新去處。呢度除咗有瑞士建築外,亦設有同瑞士相關嘅展館,包括聖誕館、瑞士熊館、朱古力體驗館等,係展館內除左可以瘋狂打卡之外,仲可以透過展品更了解瑞士嘅生活文化。

 

雪絨花瑞士村 에델바이스 스위스 테마파크
地址:京畿道加平郡雪岳面多樂齋路226-57(경기도 가평군 설악면 이천리 304)(顯示地圖)
電話:031 581 9400
入場費:大人 ₩10000,青少年₩6000
開放時間:平日10:00-18:00,周末09:00-18:00
網頁http://www.swissthemepark.com

 

📖延伸閱讀:【韓國滑雪自由行】首爾近郊一日遊!2019 大熱首爾滑雪場、韓國滑雪溫泉推薦

 

以上提及嘅3個景點附近有大家相當熟悉嘅南怡島、加平鐵路單車、晨靜樹木公園、小法國村等,大家可以按自己嘅喜好自由安排自駕路線。

 

韓國租車自駕遊 | 首爾自駕遊新餐廳 | 傳聞中的雞排骨소문난닭갈비

baekseungho631128

傳聞中的雞排骨係加平有名嘅烤雞排骨美食店,而三色烤雞排骨就係佢地嘅主打菜,三色包括辣味、醬油同鹽燒雞排骨,可以一次過食盡三種唔同嘅口味,冇咁易膩之餘,仲係三重嘅味覺享受!除左按人頭咁叫雞排骨外,仲有套餐選擇,配有冷面、豆腐料理等。  

 

傳聞中的雞排骨소문난닭갈비
地址:京畿道加平郡樹木園路218(경기 가평군 상면 수목원로 218)(顯示地圖)
電話:031-585-9004
開放時間:10:00-21:00
網址http://somoon.net/

 

📖延伸閱讀:【韓國手信2018】韓國超市必買零食手信推介!韓國芝士腸都榜上有名!

 

韓國租車自駕遊 | 首爾自駕遊新餐廳 | 松園冷麵 송원 막국수

lyla8521

加平位於江原道,有食粗冷麵嘅飲食傳統,嚟得加平不妨試下有30年營運歷史嘅松園冷麵!店內仍然維持八九十年代嘅裝修風格,而呢度嘅冷面冇因為時間嘅過去而變質,每一次喺客人點完餐之後先開始製麵同煮麵,麵嘅口感軟硬適中、清新可口,淨係呢一份誠意就好值得大家支持!

 

松園冷麵 송원 막국수
地址:京畿道加平郡加平邑邑内里363-1(경기 가평군 가평읍 가화로 76-1 )(顯示地圖)
電話:031-582-1408
開放時間:11:30-19:30

 

📖延伸閱讀:【首爾米芝蓮 2018】實測五大米芝蓮餐廳食物水準!必食首爾美食逐個數!

 

韓國租車自駕遊 | 首爾自駕遊新餐廳 | 坡院加平松子豆腐店 언덕마루가평잣두부집

khy0929

坡院加平松子豆腐店係一間豆腐料理專門店,豆腐嘅豆味相當濃郁!小編會推薦食豆腐香菇鍋 (두부버섯전골),微辣嘅湯不斷煮住豆腐,越煮越入味!如果大家想食肉嘅話,可以叫豆腐菜包肉 (두부보쌈),生菜包住豆腐、五花肉、辣蘿蔔咁樣食,三種食材口感唔同,非常有層次,而且豆腐可以一解肉嘅油膩感,叫多幾樣嘢食都仲得!  

 

坡院加平松子豆腐店 언덕마루가평잣두부집
地址:京畿道加平郡上面植物園路248(경기 가평군 상면 수목원로 248)(顯示地圖)
電話:031-584-5368
開放時間:10:00-20:00

 

韓國租車自駕遊 | 首爾明洞住宿推薦 | 明洞28號酒店

喺明洞最熱鬧嘅地區屹立咗一座綠色鐵皮大樓,相當搶眼,呢一座建築物就係明洞28號酒店,酒店設計感濃厚,係近期韓國相當搶手嘅酒店之一!

 

酒店大廳以懷舊電影片場為藍圖設計,非常型格;酒店房間以最近流行嘅北歐簡約風同工業風混搭設計而成,喺房間隨便影相就可以影倒韓國網紅嘅照片!

 

另外,酒店內更設有畫廊,會不定期更換展品,呢度除左提供住宿外,仲提供文化體驗嘅文青酒店!

 

明洞28號酒店
地址:KOR首爾Jung-gu13, Myeongdong 7-gil顯示地圖
星級 | ★★★☆☆  
位置 | ★★★★★
設施 | ★★★★★  
環境 | ★★★★★
價格 | 查看價格

 

韓國租車自駕遊 | 首爾明洞住宿推薦 | 首爾明洞雅樂軒酒店

首爾明洞雅樂軒酒店

雅樂軒酒店位於明洞商圈內,去樂天免稅店只需3分鐘路程,背靠中國大使館,不論行街、食飯、換錢、外出都係超方便!雅樂軒秉持Aloft品牌固有風格,酒店具有時尚設計感外,仲加插藝術品襯托,令整間酒店嘅格調提升。另外,酒店為小朋友度身訂造 Aloft Camp主題房,內有印第安風迷你小帳篷、床,玩具比小朋友享用,顧及一家大細嘅需要,為親子諦造一個不一樣嘅酒店體驗。

 

首爾明洞雅樂軒酒店
地址:KOR首爾56 Namdaemun-ro, Jung-gu顯示地圖
星級 | ★★★★☆  
位置 | ★★★★★
設施 | ★★★★★  
環境 | ★★★★★
價格 | 查看價格

 

韓國租車自駕遊 | 首爾明洞住宿推薦 | 明洞大酒店

明洞大酒店, 首爾

明洞大酒店雖然喺於明洞,但位處旺中帶靜嘅地段,遠離嘈雜多人嘅街道,可以安靜咁休息。 酒店以歐陸式設計,非常典雅,房間相當闊落,每間房提供抽濕機、所提供嘅沖洗用品更係innisfree品牌,細節位非常貼心,可以安心入住。

 

明洞大酒店, 首爾, 酒店入口 - 夜景

另外,酒店天台更設有空中花園,非常舒服、有情調,好適合夜晚同三五知己喺度摸住酒杯底傾計!

 

明洞大酒店
地址:KOR首爾38, Myeongdong 8ga-gil, Jung-gu顯示地圖
星級 | ★★★☆ ☆  
位置 | ★★★★★
設施 | ★★★★☆  
環境 | ★★★★★
價格 | 查看價格

 

📖延伸閱讀:【獨遊首爾】首爾一個人吃飯冇有怕!獨樂樂首爾餐廳推薦!
📖延伸閱讀:【首爾近郊一日遊】快閃首爾郊區!春川景點懶人包 (蕎麥麵體驗館、鐵路自行車)
📖延伸閱讀:【首爾clubbing篇】首爾夜晚去邊好?江南夜店 vs 弘大夜店大比併!
📖延伸閱讀:【首爾購物】四大首爾必行地下街!江南,永登浦,蠶室,高速巴士站!

 

Hotels.com酒店優惠