定期送上世界各地最新、最地道嘅旅遊資訊!

【韓國聖誕2018】10大首爾聖誕燈飾打卡點率先睇!

想過一個浪漫聖誕節,咁就梗係去韓國首爾啦!每年聖誕,成個首爾都佈滿聖誕燈飾,各大百貨公司同樂園都會各施其法,用心佈置,令首爾成為韓國最有聖誕氣氛嘅地方!小編已經為大家精選出10大首爾聖誕燈飾打卡點,仲唔快啲book機票同酒店,帶著伴侶過一個浪漫韓國聖誕啦!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)

 

韓國聖誕2018|首爾聖誕燈飾打卡點|明洞新世界百貨

@Facebook

明洞新世界百貨,除咗係明洞shopping潮流熱點之外,每年聖誕都會花好多心機去佈置。最令人期待嘅一定係百貨門外嘅巨型LED聖誕樹,同一般傳統聖誕樹完全唔同嘅係LED燈會不停轉換唔同嘅顏色同圖案,真係別出心裁!唔怪得每年呢度都會人頭湧湧,要嚟一睹呢棵聖誕樹嘅風采啦!

 


@Flickr

明洞新世界百貨另一個重頭戲,當然係曾經出現過喺韓劇《藍色大海的傳說》嘅噴水池啦!整個噴水池都用咗LED燈裝飾,非常華麗,顏色仲會配合百貨公司外牆嘅燈飾嚟轉換,凍冰冰嘅天氣下,攬住伴侶一齊欣賞咁靚嘅裝飾真係好浪漫!

 

明洞新世界百貨
地址:首爾中區小公路63 (顯示地圖)

 

韓國聖誕2018|首爾聖誕燈飾打卡點|明洞聖堂

@Facebook

講到慶祝聖誕,又點會少咗韓國天主教會誕生地明洞聖堂呢?明洞聖堂係韓國近代建築史上最大規模嘅歌德式建築,淨係聖堂本身都已經極具遊覽價值。再加上每年整個12月,明洞聖堂外都會放置多達四千枝LED玫瑰花燈,絕對係必到打卡點!


@Facebook

玫瑰花燈係以梯田式設置,望落去一層一層咁,再加上以明堂聖堂做背景,包大家一定影到靚相,瘋狂呃like!

 

明洞聖堂
地址:首爾市中區明洞路 74 (顯示地圖)
開放日期:每年12月1號至12月31號

 

📖延伸閱讀:【首爾購物】四大首爾必行地下街!江南,永登浦,蠶室,高速巴士站!

 

韓國聖誕2018|首爾聖誕燈飾打卡點|首爾廣場溜冰場

@zaiseoul.com

首爾聖誕節梗係唔只睇燈飾咁簡單!每年冬季,首爾廣場都會變成全韓國最大嘅露天溜冰場,無論係韓國人定遊客,都會嚟呢到溜冰,迎接聖誕!


@Facebook

聖誕節期間,仲會擺放咗高達20公尺嘅巨型聖誕樹!想比個驚喜伴侶,不如就趁著今年聖誕,帶埋伴侶嚟呢到,一邊手拖手享受溜冰嘅樂趣,一邊欣賞聖誕樹同周圍嘅燈飾,過一個難忘嘅聖誕節啦!

 

首爾廣場溜冰場
地址:首爾特別市中區世宗大路110 (顯示地圖)
開放日期:每年12中至翌年2月中
參考費用:每小時₩1000

 

📖延伸閱讀:【首爾新景點2018】韓國好去處—帶你玩盡首爾2018新景點!

 

韓國聖誕2018|首爾聖誕燈飾打卡點|樂天世界


@happylotteworld

聖誕慶祝活動,一定唔少得樂天世界!樂天世界聖誕慶典係每年最令人期待嘅聖誕活動之一!每年樂天世界都會以「聖誕奇蹟」為主題嚟佈置,打造出富有聖誕氣氛嘅雪人區同聖誕村莊!夜晚仲會投射唔同嘅燈光喺魔幻島城堡上,同四周圍嘅燈飾互相輝映!


@韓國觀光公社

大家千祈唔好錯過聖誕大遊行,觀賞由聖誕老人帶住唔同嘅聖誕造型人物一齊載歌載舞,慶祝聖誕!

 

樂天世界
地址:首爾市松坡區蠶室洞40-1 (顯示地圖)
開放時間:星期一至四 09:30-22:00;星期五至日 09:30-23:00 (*聖誕期間開放時間可能有唔同,詳情要參考官網)
官網:www.lotteworld.com/

 

📖延伸閱讀:【首爾文青一日遊】首爾影相好去處!(附文青打卡必去首爾Cafe之選)

 

韓國聖誕2018|首爾聖誕燈飾打卡點|清溪川


@Flickr

首爾最大型嘅聖誕燈飾展,就係每年舉辦於清溪川嘅首爾聖誕燈展!除咗有巨型聖誕樹,由地鐵光化門站沿住清溪廣場行,一直到鐘閣站都係燈飾!仲會有唔同主題嘅聖誕燈飾,例如白色聖誕區同愛的主題區,都絕對係情侶必到浪漫打卡熱點。

@Facebook

睇燈飾之外,仲有得放許願燈,同伴侶一齊係咁有氣氛嘅環境下放許願燈,包你有個難忘聖誕啦!

 

清溪川
地址:首爾市鐘路區瑞麟洞14-1清溪廣場(顯示地圖

 

韓國聖誕2018|首爾聖誕燈飾打卡點|晨靜樹木園

@Facebook

距離首爾大概半個鐘頭車程嘅晨靜樹木園,以美麗嘅自然風光聞名,每年都吸引大量遊客探訪!但大家又知唔知,其實最佳到訪時段係聖誕節呢?每年到咗冬季,呢度都會舉辦「五色星光庭園展」,整個樹木園都會佈滿燈飾,仲設有唔同場景,為本身己經絕美嘅樹木園錦上添花!

@Facebook

園內大大小小嘅燈飾、燈光隧道同花燈海,令人彷彿進入咗愛麗絲夢遊仙境嘅童話世界!

 

晨靜樹木園
地址:京畿道加平郡上面樹木園路432(顯示地圖
開放日期:每年12中至翌年3月
開放時間:星期一至五及日 17:10-21:00;星期六 17:10-23:00

 

韓國聖誕2018|首爾聖誕燈飾打卡點|東大門DDP設計廣場

@Facebook

除咗明洞聖堂外嘅LED玫瑰花燈海,東大門DDP設計廣場都設有LED玫瑰花燈海,而且規模比明洞聖堂更大,更誇張!有多達25000枝以上嘅LED玫瑰花,場面非常壯觀!

@Facebook

其實DDP設計廣場外嘅玫瑰花燈海原本只係2014年嘅短期展覽,但因為太受歡迎嘅關係,改為長期設置。一到咗情人節、聖誕節呢啲咁浪漫嘅節日,都會吸引到好多情侶嚟拍拖!沉醉於夢幻花燈海當中!

 

東大門DDP設計廣場
地址:首爾市中區乙支路281(顯示地圖
開放時間:每晚日落後至00:00

 

📖延伸閱讀:【首爾夜市特輯】東大門設計廣場、清溪川廣場最新市集連附近住宿推薦

 

韓國聖誕2018|首爾聖誕燈飾打卡點|樂天世界購物中心

樂天世界購物中心@Facebook

樂天世界購物中心每年都會以非常夢幻嘅聖誕裝飾嚟迎接聖誕,無論係樂天世界塔、樂天Young Plaza定係樂天酒店嘅內外,都色彩繽紛,燈光璀璨,聖誕氣氛非常濃厚!

@Flickr

就連百貨公司之間都充滿燈飾,街上每一棵樹都掛咗燈飾,火樹銀花!喺街上穿梭,就好似行過一條又一條燈光隧道!

 

樂天世界購物中心
地址: 首爾市松坡區奧林匹克路300顯示地圖

 

📖延伸閱讀:【首爾文青一日遊】首爾影相好去處!(附文青打卡必去首爾Cafe之選)

 

韓國聖誕2018|首爾聖誕燈飾打卡點|N首爾塔


@Facebook

N首爾塔本身已經係首爾著名觀光景點,亦都係情侶必到朝聖地!平日都已經有唔少情侶會嚟睇夜景 ,行情人鎖橋,坐吓愛情椅。每逢聖誕,佈滿燈飾嘅N首爾塔就更加浪漫!


@Hopetrip

如果幸運咁遇上雪景,加埋聖誕裝飾,同伴侶喺咁夢幻嘅景色下漫步,欣賞五光十色嘅首爾夜景同燈飾,喺情人鎖橋上掛返個愛情鎖,真係冧到暈呀!

 

N首爾塔
地址:首爾市龍山區龍山洞2 街山1-3顯示地圖
開放時間:星期一至五及日 10:00-23:00;星期六 10:00-00:00
參考費用:₩9000

 

韓國聖誕2018|首爾聖誕燈飾打卡點|永登浦時代廣場


@韓國觀光公社

永登浦時代廣場嘅聖誕裝置亦都係每年令人期待嘅打卡熱點,因為呢度嘅聖誕樹每一次都帶比人驚喜!2017年嘅佈置就係聖誕樹配上唔同嘅紅白小木屋,圍繞著聖誕樹同小木屋都有聖誕造型薑餅人嘅蹤影,配上浪漫星光庭園,好有小人國feel!每年平安夜同聖誕節正日,仲會有聖誕音樂團表演,營造濃濃嘅聖誕氣氛!

 

永登浦時代廣場
地址:首爾特別市永登浦區永中路15 (顯示地圖)

 

韓國聖誕2018|首爾酒店推介|首爾大樓樂天酒店

@hotel.com

樂天酒店位於樂天世界購物中心範圍,對面就係明洞,地理位置極佳,無論係shopping定搵食都非常方便!而且酒店本身同四周圍嘅聖誕裝飾都已經好有睇頭!成間酒店都洋溢著濃厚嘅聖誕氣氛,絕對會為你帶嚟不一樣嘅浪漫韓國聖誕之旅!

@lottehotel.com

酒店設計氣派豪華,房間內嘅佈置好有格調,由房間嘅窗望出去,就己經見到係佈置到五光十色嘅明洞夜景,真係浪漫到暈!

 

首爾大樓樂天酒店
地址:KOR首爾30, Eulji-ro, Jung-gu (顯示地圖)
星級 | ★★★★★
位置 | ★★★★☆
設施 | ★★★★☆  
環境 | ★★★★☆  
價格 | 查看價格  

 

韓國聖誕2018|首爾酒店推介|首爾希爾頓千禧酒店

@Facebook

位於南大門嘅首爾希爾頓千禧酒店,距離明洞購物區同南大門市場,都只係十分鐘之內嘅路程,位置方便,靜中帶旺!

@Facebook

酒店可以望到南山景觀,又可以望到城市景!成間酒店無論內外設計都非常之奢華,而且係希爾頓旗下嘅五星級酒店,絕對比到大家信心保證!

@Facebook

每年聖誕酒店都會舉行聖誕慈善列車展覽,火車模型會穿越以聖誕為主題嘅村莊,另外仲會有其他聖誕嘅佈置,同聖誕老人合照等等,每年都吸引到唔少人嚟㗎!

 

首爾希爾頓千禧酒店
地址:KOR首爾50, Sowol-ro, Jung-gu (顯示地圖)
星級 | ★★★★★
位置 | ★★★★☆
設施 | ★★★★☆  
環境 | ★★★★☆  
價格 | 查看價格  

 

韓國聖誕2018|首爾酒店推介|首爾君悅酒店

@Facebook

首爾君悅酒店位於南山,最大賣點就係環境優美,景觀無敵!

@Facebook

每一個房間望出去都係超靚嘅景色,喺凍冰冰嘅韓國聖誕節,行完街睇燈飾,唔夠喉都仲可以返到酒店房內,由高空俯瞰璀璨嘅聖誕燈飾,咁浪漫就最啱情侶入住!

@Facebook

酒店外仲有被燈飾包圍嘅戶外溜冰場,每年聖誕都吸引到大量遊客入住!大家快手book啦!再諗就book唔到㗎啦!

 

首爾君悅酒店
地址:KOR首爾322, Sowol-ro, Yongsan-gu (顯示地圖)
星級 | ★★★★★
位置 | ★★★☆☆
設施 | ★★★★☆  
環境 | ★★★★☆  
價格 | 查看價格  

 

韓國聖誕2018|首爾酒店推介|首爾新羅大酒店

@anzakorea.com

首爾新羅大酒店係韓國唯一一間入選為世界五百大最佳酒店之一嘅五星級酒店,喺韓國非常有名氣!

@hotel.com

酒店嘅設計富麗堂皇,服務嘅質素更加係一流!最正嘅係酒店有免費穿梭巴士去到東大門同埋明洞,非常貼心!

@Facebook

酒店有多種唔同嘅房型選擇,房間非常舒適,所用嘅產品都係世界名牌,住過嘅客人都話佢哋嘅床褥非常之舒服!而且大部分嘅房間都可以望到N首爾塔,聖誕節同伴侶喺咁舒適嘅房間入面欣賞迷人夜景,絕對係一流嘅享受!

 

首爾新羅大酒店
地址:KOR首爾249, Dongho-ro, Jung-gu (顯示地圖)
星級 | ★★★★★
位置 | ★★★☆☆
設施 | ★★★★☆  
環境 | ★★★★☆  
價格 | 查看價格  

 

📖延伸閱讀:【坐首爾凌晨機】仲喺仁川機場過夜?Top 10 仁川機場酒店大評比!
📖延伸閱讀:【首爾近郊一日遊】快閃首爾郊區!春川景點懶人包 (蕎麥麵體驗館、鐵路自行車)
📖延伸閱讀:【首爾米芝蓮 2018】實測五大米芝蓮餐廳食物水準!必食首爾美食逐個數!
📖延伸閱讀:【首爾自由行】編輯親試!五大傳統首爾韓屋入住報告連注意事項

 

Hotels.com酒店優惠