HOME > Hotels.com 部落格

講到去韓國滑雪,識住嘅一定住滑雪渡假村!因為滑雪渡假村嘅娛樂設施多,又近滑雪場,最啱想日滑夜滑嘅你!而因為江原道地區嘅降雪量較大,所以大部分韓國嘅滑雪場都係集中喺呢度,所以今次就為大家準備咗Top 5 韓國江原道滑雪渡假村住宿攻略,準備去瘋狂滑雪啦!

 

龍平渡假村滑雪場

@龍平渡假村官網

龍平渡假村滑雪場為於韓國江原道嘅平昌郡,係韓國最早擁有現代化設施嘅滑雪場,亦有「韓國阿爾卑斯山脈」之稱。因為地勢同氣候條件,龍平渡假村嘅滑雪期比其他滑雪場長。龍平渡假村滑雪場附近嘅住宿都位置相距不太遠,而呢度仲要係電視劇《冬季戀歌》同《孤單又燦爛的神-鬼怪》嘅外景地,韓劇迷一定唔好錯過啦!

孤單又燦爛的神-鬼怪

 

住宿推介
龍之谷龍平度假村酒店 (Yongpyong Resort Dragon Valley Hotel)

呢間酒店一出門口就係滑雪場,啱哂一家大細嚟玩嘅朋友!酒店仲有暖氣同地熱,唔驚會凍親。另外,酒店地下有便利店,附近亦有Town Plaza,入面有咖啡店、炸雞pizza店等等,去到邊就食到邊!

➡龍之谷龍平度假村酒店⬅
地址:715, Olympic-ro, Daegwallyeong, 平昌, Gangwon, 232-950, 南韓              HK$530起

 

Alpensia滑雪渡假村

@Alpensia渡假村滑雪場官網

Alpensia渡假村滑雪場位於海拔700米,可以眺望大關嶺嘅美麗風景,而且雪質勁好。呢度有六條滑雪道,初級到高級都有,啱哂唔同level嘅旅客!Alpensia滑雪場喺非滑雪季嘅時候,滑雪道下面嘅緩衝區域會設置成一個大約10萬平方米嘅野生植物花園,無論幾時嚟,都有靚景睇!

 

住宿推介
亞洲阿爾卑斯平昌假日酒店 (Holiday Inn Resort Alpensia Pyeongchang)

呢間酒店係位於Alpensia渡假村園區入面。酒店結合咗SPA嘅元素,每間客房都備有高級嘅SPA設施。酒店仲有專業芳療師助陣,為客人提供貼心嘅護理同按摩服務,滑完雪去嘆一嘆,立即將攰嘅感覺一掃而空!

亞洲阿爾卑斯平昌假日酒店
地址:325, Solbong-ro Daegwallyeong-myeon, 平昌, Gangwon, 232-952, 南韓              HK$745起

 

維瓦爾第公園滑雪世界

@維瓦爾第公園滑雪世界官網

維瓦爾第公園滑雪世界係韓國第一個夜間營運嘅滑雪場,所以好受年輕人歡迎㗎!呢度嘅滑雪道以Hip Pop、Techno、Funky等等嚟命名,滑雪道嘅彎度都經過特別設計,啱哂鐘意刺激感嘅朋友!

 

住宿推介
慶州大明渡假村 (Daemyung Resort Gyeongju)

酒店房入面有個小廚房,烹煮設備齊全,可以一家大細一齊煮飯仔。酒店仲有咖啡店、超市,遊樂間、K房、餐廳等設施,好齊全呀!

➡慶州大明渡假村⬅
地址:402-12, Bomun-ro, 慶州, North Gyeongsang, 南韓              HK$861起

 

High 1滑雪渡假村

@High 1滑雪渡假村官網

High 1滑雪渡假村有18條滑雪道,另有一條長4.2公里嘅緩坡滑雪道,初學者都可以搭空中纜車去山頂輕鬆滑雪!呢度仲有設計俾殘障人士嘅滑雪道,務求所有旅客都可以輕鬆享受滑雪嘅樂趣!

 

住宿推介
江原樂園酒店 (Kangwonland Hotel)

呢間酒店入面有好多娛樂設施,有賭場、戲院同餐廳,全日留喺酒店都唔怕悶親啦!

江原樂園酒店 (Kangwonland Hotel)
地址:265, High1-gil, Sabuk, 旌善, Gangwon, 南韓              HK$538起

 

Elysian江村滑雪場

@Elysian江村滑雪渡假村

Elysian江村滑雪渡假村好近首爾,只需要一個鐘車程就可以去到,亦係韓國唯一一個可以搭乘電車前往嘅滑雪場!滑雪場有十條滑雪道,分為初、中、高級,而其中八條滑雪道係為初、中級者以設,初學者都大把樂趣呀!

 

住宿推介
江村樂土酒店 (Elysian Gangchon)

@江村樂土酒店官網

呢間酒店喺正滑雪場隔離,有部分房間仲有得望到雪景𠻹!酒店仲有接駁巴士,由白楊里車站直接車你到酒店,夠哂方便!小法國村、南怡島等景點只係離白楊里站幾個站,想去埋呢啲地方玩都好近㗎!

@江村樂土酒店官網

➡江村樂土酒店⬅
地址:688, Bukhangangbyeon-gil, Namsan-myeon, 春川, Gangwon, 200-914, 南韓              HK$754起

 

Hotels.com 酒店優惠
睇到呢度,喺咪想即刻book酒店去滑雪呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/ 再copy優惠碼,然後喺付款頁面貼上優惠碼,就可以享用折扣優惠㗎啦!仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!