定期送上世界各地最新、最地道嘅旅遊資訊!

【去旅行用韓國App】超實用!韓國旅遊app + 自由行首爾App推薦

【去旅行用韓國App】超實用!韓國旅遊app + 自由行首爾App推薦

 

隨住KPop、韓劇嘅影響,香港人對韓國文化、韓國飲食嘅熱情越嚟越大,年中都飛唔知幾多轉去韓國,所以今日小編整合咗5個必用嘅韓國app,仲會同大家講解好多app背後隱藏嘅超實用功能!

 

韓國地圖App推薦 | Naver Map

Naver Map

不論大家係香港定係去旅行,香港人都好習慣用Google Map搵路,但只要去過韓國嘅朋友就會發現Google Map係韓國完全唔work!因為南北韓仍然處於休戰嘅狀態,韓國政府為防止國家機密洩漏,所以唔願意向Google提供韓國地理上好多嘅情報,導致Google Map係韓國嘅準確度較低!

而韓國人要搵路就會用由韓國本土開發嘅app – Naver Map!好多人表示以前去韓國時有下載過嚟用,但因為係全韓文app嘅關係,所以放棄咗!但小編要同各位宣報:「Naver Map有中文版啦!」

Naver Map_2

Naver Map同Google Map嘅用法都大同小異,只要輸入出發地同到達地就可以出路線,如果係去某店家嘅話,仲可以直接入電話就可以!

Naver Map_3

Naver Map_4

Naver Map_5

仲有,有咗呢個app之後,大家唔洗再去下載地鐵app啦!Naver Map自帶地鐵地圖,亦可以喺app內直接搜尋地鐵路線!亦提供頭班車同尾班車資訊!

Naver Map_6

仲有仲有,韓國人同香港人一樣咗心急,所以佢仲會話埋比大家聽邊個月台轉乘係最快㗎!慳番唔少大家寶貴嘅旅行時間同腳骨力!

Naver Map_7

另外,Naver Map上嘅行車符號除咗方便渣車人士之外,仲好方便打的嘅朋友,佢會顯示行車時間,同打的需要嘅交通費,喺一般情況下,價格只會有₩2-3000嘅上落,大家就唔洗擔心比司機兜路啦!

 

📖延伸閱讀:【韓國自駕遊】最強首爾自駕遊景點+餐廳攻略2019!(韓國租車必睇Q&A)
📖延伸閱讀:【首爾近郊一日遊】快閃首爾郊區!春川景點懶人包 (蕎麥麵體驗館、鐵路自行車)
📖延伸閱讀:【快閃濟州】濟州島4日3夜自駕遊行程!
📖延伸閱讀:【釜山自由行】韓國釜山自駕遊必食、必玩、必去景點!

 

韓國匯率App推薦 | Creatrip

Creatrip
Creatrip同韓巢網都係一個具綜合功能嘅韓國旅行app, 提供最新韓國旅行資訊等,功能都相差無幾,但小編會更推薦大家使用Creatrip!第一,Creatrip係由台灣開發嘅app,使用嘅語言係繁體中文,大家會睇得比較習慣;第二,亦係最重要嘅!佢地會提供即時找換店嘅港元匯率!

Creatrip_2

Creatrip_2

Creatrip_4

佢地提供咗首爾港元匯率最高嘅明洞大使館找換店同一品香找換店,咁大家即使唔係明洞,都可以以呢個匯率作一個基準,只要唔差太多都可以唔洗突登去番明洞唱!

 

📖延伸閱讀:【首爾手信特集】最新韓國首爾必買化妝品 + 藥妝小物推薦大全2019 (連韓國面膜推薦)
📖延伸閱讀:【韓國買衫】仲去明洞、東大門買衫?最新首爾買衫好去處推薦
📖延伸閱讀:【首爾購物】四大首爾必行地下街!江南,永登浦,蠶室,高速巴士站!
📖延伸閱讀:【韓國手信2018】韓國超市必買零食手信推介!韓國芝士腸都榜上有名!

 

韓國翻譯App推薦 | Papago

Papago
喺韓國唔識韓文成為咗最大嘅問題,翻譯app當然就唔少得啦!小編就為大家推薦papago啦!

Papago_2

其實佢同google translate嘅功能基本一樣,提供文字輸入翻譯、錄音翻譯、圖像翻譯嘅功能!如果大家一般翻譯吓餐牌嘅話,小編認為有Google Translate就足夠!但大家如果想用嚟翻譯食物烹飪方法、護膚品說明嘅話,小編更推Papago!因為Papago係韓國開發嘅app韓中翻譯準成度更高,更易於理解!

Papago_2
Papago(左)及Google Translate(右)對縮語翻譯對比

同埋,最重要嘅係,就連韓國流行用縮語Papago都可以準確地翻譯,但GoogleTranslate完全翻譯唔到喇!

Papago_3

另外,如果大家仲想試同韓國人溝通嘅話,翻譯完句子之後,仲可以聽佢嘅錄音跟住讀!唔知大家有冇留意韓國啲句子水蛇春咁長,又冇咩標點符號,都唔知邊個位要停,但又唔夠氣一次過講曬,papago嘅錄音有提供斷句,大家就可以真係學韓國人式嘅韓文對話!呢個app唔只係旅行人士會用,係學緊韓文嘅人手機必備嘅app!

 

📖延伸閱讀:【首爾美食推薦】首爾食乜?編輯私心推—首爾醬油蟹、首爾燒肉及明洞必食餐廳大全
📖延伸閱讀:【首爾必食2019】最新首爾必食排行榜 (人氣首爾烤肉+炸雞+明洞餐廳推薦)
📖延伸閱讀: 【首爾咖啡店特集】5大首爾弘大、梨泰院cafe!(浣熊Cafe超得意!)
📖延伸閱讀:【首爾米芝蓮2018】實測五大首爾米芝蓮餐廳食物水準!首爾美食餐廳推薦逐個數!

 

韓國影相App推薦 | Sovs2

Sovs2

去旅行除咗行街食嘢之外,點少得要影相打卡,但最怕同行人嘅影相技術不佳,影十張十張都唔用得!為咗解決呢個問題,創意嘅韓國人為唔識得影相嘅男朋友們免受女朋友嘅責難,創造咗Sovs2呢個app!

Sovs2_2

Sovs2 app會教拍攝點樣去拎角度、取景,同點樣指導被拍攝者擺pose,咁樣一張靚靚嘅呃like相就可以輕易完成啦!

 

📖延伸閱讀:【首爾櫻花2019】首爾親子遊—帶你漫遊市內四大必去櫻花景點!
📖延伸閱讀:【首爾櫻花景點】首爾慶熙大學櫻花賞玩攻略!(連仁寺洞、三清洞cafe推薦)
📖延伸閱讀:【首爾文青景點】韓仔韓妹Look Ready!潮影首爾証件相 + 首爾剪髮體驗
📖延伸閱讀:【首爾落雪】一家大細必遊—首爾親子景點懶人包連小法國村交通攻略 (附首爾親子餐廳推薦)

 

 

Hotels.com酒店優惠Hotels.com酒店優惠