定期送上世界各地最新、最地道嘅旅遊資訊!

【鳥取景點懶人包】鳥取砂丘交通、行程、住宿總整理 (必玩騎駱駝 + 飛行傘 + 越野自行車)

鳥取砂丘係日本最大嘅沙丘,近年由於被米芝蓮旅遊指南評獲二星評級而越嚟越受歡迎,成為咗鳥取嘅必到景點。小編今次就帶嚟鳥取景點懶人包,即刻睇下鳥取砂丘嘅交通、行程同埋住宿推薦啦!

 

📖延伸閱讀:【去旅行用日本app】超實用!日本旅遊app + 日本交通app推薦
📖延伸閱讀:【米子自由行】快閃日本島取縣—米子景點行程懶人包 (連米子自駕遊小貼士)

 

鳥取景點懶人包 | 鳥取砂丘簡介

鳥取砂丘簡介
@gozo-cedars.jp

被評選為日本地質百選嘅鳥取砂丘係鳥取最具代表性嘅景點,唔少人都會特登嚟欣賞迷人嘅景緻同埋風紋、沙簾等自然奇觀。享受絕妙景色之餘,你其實仲可以喺鳥取砂丘參與好多新奇有趣嘅必玩活動好似騎駱駝、飛行傘同埋越野自行車等等,肯定會令你樂而忘返!

 

鳥取景點懶人包 | 鳥取砂丘必玩活動 | 騎駱駝漫步

騎駱駝漫步
@walkerland.com.tw

鳥取砂丘最常見嘅活動就當然莫過於人氣爆燈嘅騎駱駝啦!駱駝喺工作人員嘅帶領下徐徐漫步鳥取砂丘,坐住駱駝欣賞呢度壯觀嘅景緻,絕對係一段難忘嘅經歷。另外,由於駱駝數目有限,打算嚟騎駱駝嘅話就記得要預鬆少少時間排隊輪候啦!

 

騎駱駝漫步
費用:1300日圓
開放時間:09:00 – 18:30

 

鳥取景點懶人包 | 鳥取砂丘必玩活動 | 越野自行車

越野自行車
@tottori-omotenashi.jp

嚟到遼闊嘅鳥取砂丘,就梗係要去TRAIL ON租翻架越野自行車玩啦!有別於一般單車,越野自行車嘅車胎相對較粗,所以抓地力亦會較強,喺砂地上風馳電掣都完全無問題。

越野自行車
@taipeiwalker.com.tw

由於鳥取砂丘毗鄰日本海,地理狀況同舉世知名嘅玻利維亞烏尤尼鹽沼極為相似,所以呢度嘅海岸線同樣擁有天空之鏡嘅美妙絕景,不妨踩住車過去打卡留念!

 

TRAIL ON
地址:2164 Fukubecho Yuyama, Tottori, 689-0105日本 (顯示地圖)
時間:08:00 – 17:30
費用:5000日圓(需要上網預約)
官網:http://www.trailon.jp/

 

📖延伸閱讀:【玻利維亞天空之鏡 – 亞洲版】走進不一樣的日本秘境—三大必去日本天空之鏡!

 

鳥取景點懶人包 | 鳥取砂丘必玩活動 | 飛行傘

飛行傘
@matcha-jp.com

越野自行車都唔夠刺激?咁你就一定要去埋Zero Paraglider School報名玩飛行傘翱翔天際啦!喺鳥取砂丘玩飛行傘相當安全,呢度嘅沙地鬆軟,降落個陣絕對唔會整親。此外,呢度仲有經驗豐富嘅專業教練從旁指導,就算係初學者都唔洗怕,你又點可以唔試下!

 

Zero Paraglider School
地址:1 Chome-16 Hamasaka, Tottori, 680-0001日本 (顯示地圖)
時間:09:00 – 19:00
費用:7500日圓
官網:http://www.zero-para.co.jp/

 

鳥取景點懶人包 | 鳥取砂丘景點 | 砂之美術館

砂之美術館
@annalsf06

對沙雕藝術有興趣嘅朋友,不妨到鳥取砂丘旁邊嘅砂之美術館參觀。砂之美術館嘅作品以環遊世界為主題,館內展品栩栩如生,絕對值得你嚟觀光遊覽。

砂之美術館_2
@mainichi.jp

砂之美術館_3
@4travel.jp

砂之美術館嘅館主對所展示嘅作品相當有要求,所以每年都會邀請來自世界各地嘅沙雕藝術家創作新作品,呢度嘅展品真係可以講得上係期間限定,你又點可以錯過呢!

 

砂之美術館
地址:2083-17 Fukubechō Yuyama, Tottori, 689-0105日本 (顯示地圖)
時間:09:00 – 18:00;09:00 – 20:00 (禮拜六)
入場費用:600日圓 (小童半價)
官網:http://www.sand-museum.jp/

 

鳥取景點懶人包 | 鳥取砂丘交通攻略

鳥取砂丘交通攻略
@blog.bellphoto.hk

前往鳥取砂丘的方法非常簡單,只要乘搭麒麟獅子觀光巴士就去到㗎啦!麒麟獅子觀光巴士循環鳥取各個主要車站同埋景點,就算喺鳥取砂丘玩完要去其他景點都相當方便。值得留意嘅係,麒麟獅子觀光巴士只會喺假日運行,打算平日去鳥取砂丘嘅話可以喺JR鳥取車站乘搭砂丘線巴士,一樣咁方便㗎!

 

鳥取景點懶人包 | 鳥取必買手信推薦 | 感動的鳥取二十世紀梨果凍

感動的鳥取二十世紀梨果凍
@f9u_photo

鳥取係日本著名嘅梨產地,嚟到鳥取自由行就梗係要買返啲同梨有關嘅手信啦!小編就特別推薦採用有梨王之稱嘅二十世紀梨製造嘅感動的鳥取二十世紀梨果凍,果凍唔單止味道清新,而且每一啖都會食到果肉,真係好滿足㗎!

 

感動的鳥取二十世紀梨果凍
參考價錢:486日圓 (一個)

 

鳥取景點懶人包 | 鳥取必買手信推薦 | 寶製菓松葉蟹仙貝

寶製菓松葉蟹仙貝
@mobile01.com

寶製菓松葉蟹仙貝曾經喺2013年嘅日本全國菓子大博覽會榮獲名譽總裁賞,喺鳥取當地人氣響噹噹。寶製菓松葉蟹仙貝係用松葉蟹肉烤製而成,仙貝濃縮咗松葉蟹嘅精華,蟹味更鮮更濃,絕對值得你買盒試下。

 

寶製菓松葉蟹仙貝
參考價錢:540日圓 (14片裝);1080日圓 (30片裝)

 

鳥取景點懶人包 | 鳥取砂丘住宿推薦 | 鳥取廣場華盛頓酒店

鳥取廣場華盛頓酒店

鳥取廣場華盛頓酒店位置相當優秀,唔單止毗鄰當地嘅交通樞紐JR鳥取車站,而且周邊仲有唔少大型百貨公司同埋餐廳,起居非常便利。

鳥取廣場華盛頓酒店_2

鳥取廣場華盛頓酒店嘅房間大部分都乾淨企理,而且價錢經濟實惠,性價比勁高啊!

 

鳥取廣場華盛頓酒店
地址:JPN鳥取102 Higashihonji-cho (顯示地圖)
星級 | ★★★☆☆  
位置 | ★★★★★   
設施 | ★★★☆☆  
環境 | ★★★☆☆  
價格 | 查看價格  

 

鳥取景點懶人包 | 鳥取砂丘住宿推薦 | 觀水庭小錢屋

觀水庭小錢屋

觀水庭小錢屋係位於鳥取市中心嘅一間溫泉酒店,呢度嘅配套齊備,而且佈置極具日本傳統風格,相當有水準。

觀水庭小錢屋_2

此外,觀水庭小錢屋仲有為住客提供免費接駁車往來火車站,服務非常貼心,絕對係鳥取住宿不俗嘅選擇。

 

觀水庭小錢屋
地址:JPN鳥取651 Eirakuonsencho (顯示地圖)
星級 | ★★★☆☆  
位置 | ★★★☆☆  
設施 | ★★★★☆  
環境 | ★★★★☆  
價格 | 查看價格  

 

📖延伸閱讀:【岡山自由行】日本岡山、倉敷景點行程懶人包 (岡山必食、必買推薦)
📖延伸閱讀:【伊勢龍蝦推薦】伊勢龍蝦季節又到啦!日本三重縣伊勢龍蝦餐廳列表大全
📖延伸閱讀:【九州溫泉推薦特輯】日本九州溫泉一泊兩食酒店推介!(連浸溫泉注意禮儀)
📖延伸閱讀:【九州自由行】鐵道遊九州景點全攻略 (連福岡、熊本住宿推薦)

 

Hotels.com酒店優惠Hotels.com酒店優惠