HOME > Hotels.com 部落格

小編每次去韓國,都必定會去韓國超市大手入貨,囤積一大堆零食帶返香港,又可以當韓國手信送畀朋友!韓國超市又大又好行,零食種類亦都非常多,令人花多眼亂!今次小編為送上韓國超市必買零食Top 10,最hit、最好食嘅韓國零食一一為你介紹,下次去韓國旅行記得都唔好輸蝕,買返一打返香港!

 

必買韓國零食No.10:益力多棉花糖

這個超好吃的 診所妹妹上次從韓國買回來我驚為天人 #養樂多棉花糖 #棉花糖軟糖

A post shared by 森森*°* (@gtothek33) on

益力多係大家嘅童年回憶(可能你而家都仲會飲),早前韓國出咗一系列嘅益力多零食,包括益力多薯片、益力多軟糖同益力多杏仁等等,推出冇耐就大受歡迎!最近,樂天又有新搞出,推出咗益力多棉花糖!一袋有18粒左右,每一粒都獨立包裝,岩哂做手信派街坊啦。益力多棉花糖味道酸酸甜甜,同平時食開得個甜字嘅棉花糖比,非常有新鮮感,值得入手!

 

必買韓國零食No.9:No Brand芝士球

No Brand係韓國E-Mart旗下嘅品牌,零食、生活用品應有盡有,而且價錢親民,係韓國近期最hit嘅品牌之一!而No Brand芝士球可以形容為「大件夾抵食」,一桶芝士波有成370g,大大桶,最岩一班朋友一齊開Party/睇戲食!芝士波有好濃嘅車打芝士味,食落非常脆口,去韓國記得買返桶喇!

 

必買韓國零食No.8:OSULLOC綠茶包

哲媽下星期將會去韓國,但今是家庭👪Trip。哲媽得2日可以去血拼! 但因會幫好友買東西,所以今次會做預購及連線 ✂以下韓國Trips截單Oct 13, 2016 -11pm前付訂金及通知哲媽 📦✈所有貨將會到港後會安排面交/順豐到付 濟州Osolloc 靚靚茶盒😍 ❤包裝真係靚到送禮自用都一流呀! 除左人氣綠茶粉外,仲有好多product! 代購價HKD$138(1盒/10茶包) ~Red papaya black tea ~🍎crumble dessert tea ~Camellia flower blossom blending tea ~Moonlight Walk 💌查詢或下單☎whatsapp+852-59124318或inbox我哋啦 #leevabt #osulloc代購 #osullochk #tea #韓國代購 #hkig #hkigstore #buy #wedding #pink #happy #osulloc綠茶 #韓國品牌 #韓國直送 #osulloc茶包

A post shared by Le Eva Boutique 哲媽雜貨店 (@leevabt) on

OSULLOC綠茶醬之前一推出令全個大韓民國陷入瘋狂,個個都爭住要買!其實OSULLOC除咗綠茶醬,佢哋推出嘅綠茶包都非常好飲!茶葉由濟州自家出產,佢並唔係普通嘅綠茶,每種口味都加入咗唔同嘅乾果,一打開包裝就會飄散住濃濃嘅果香味!神奇嘅係飲落去唔會有甜味,而係帶有果香嘅綠茶味!茶包入面並唔係茶葉渣,而係原條茶葉,物超所值!加上包裝非常高貴、精美,無論自用定當手信送禮都一流!

 

必買韓國零食No.7:SPREAD101牛奶曲奇醬

早幾年,韓國推出咗隻綠茶醬,吸引咗一大班人搶購,更加一度賣斷市!不過而家已經回復正常,大部分韓國超市都可以買到,唔洗再用海鮮價去買。今次Top7嘅韓國超市必買零食,並唔係綠茶醬,而係佢個朋友牛奶曲奇醬。呢隻曲奇醬有一粒粒曲奇碎粒,偏味道甜,用嚟搽麵包食就最啱喇!相信呢款曲奇醬好多女仔都會鍾意,男朋友們,識做啦!

 

🏨首爾自由行Top 10人氣酒店推介及首爾酒店優惠HK$621起 *安心價格保證*
[古羅詩拉酒店 HK$621起, 首爾南大門中央華美達套房酒店 HK$736起, 首爾高級多米酒店 (街路樹街) HK$815起 ]

 

必買韓國零食No.6:紅豆焦糖牛奶糖

樂天出品嘅呢款紅豆牛奶糖包裝已經好搶眼!包裝以紅色為主,非常突出,而紅豆焦糖嘅配搭,畀人感覺應該好甜,但食落其實唔會太甜,反而啱啱好,同時帶有濃郁嘅牛奶香味,就好似食緊紅豆味雪糕咁!

 

必買韓國零食No.5:朱古力蝦條

呢款韓國版嘅卡樂B蝦條,係由樂天出品。脆卜卜嘅蝦條,配上香滑嘅朱古力外層,香脆又滋味,本身蝦條係鹹,配上朱古力嘅甜味,原來兩樣野係出奇地夾!鍾意食朱古力嘅朋友記住唔好錯過呢款韓國零食喇!

 

必買韓國零食No.4:Lego軟糖

新lego軟糖有咩特別🤔🤔佢係標榜4D軟糖:除左有得睇有得食,仲有得砌黎玩!韓國SNS牽起一股砌軟糖既熱潮!新版軟糖比舊版比較實正又晶瑩d,組合起黎都容易d! 。 一共4種味道 黃色:檸檬 紅色:士多啤梨 藍色:藍莓 綠色:蘋果 。 搵我地啦! 。 下一團15-16/10🇰🇷 。 代購須知: 1」下單後請在三天內入數,否則當作取消交易 2」入數後方於當地代購貨品,如缺貨會全數退回 3」嚴禁棄單,棄單或無禮即blacklist 4」本店所代理購買及本店現貨商品均恕不提供保固、修理等售後服務。貨物出門恕不退換 5」不接急單 6」已代購貨品不得減單 7」鼓勵面交;如買家要求郵寄,買家需承擔郵寄風險 #lego軟糖 #레고젤리 #韓國代購 #韓國連線 #韓國直送 #韓國得意小物 #lego水樽 #lego樽 #lego樽代購 #oxfordlego

A post shared by 代購🎀日系手工首飾🎀婚禮飾物🎀手工體驗素材包 (@wish.and.faith) on

相信唔少人都係Lego迷,Lego可能你就玩得多喇,但Lego軟糖你又食過未呢?早喺今年3月韓國就推出咗Lego軟糖,呢排推出咗升級版,軟糖同真嘅Lego一樣,每一粒都可以砌埋一齊,超得意!呢款Lego軟糖玩得又食得,去到韓國緊係要買啦!

 

🏨Top 10明洞人氣酒店推介及首爾酒店優惠HK$342起 *安心價格保證*
[萬威華明洞旅館 HK$342起, WD 飯店 HK$383起, 馬努酒店 HK$552起 ]

 

必買韓國零食No.3:烏龜薯片

#꼬북칩 🐢🐢 #烏龜薯片 人氣薯片 #4layerschips

A post shared by (*˘︶˘*) (@owlyan) on

最近韓國年青人最鍾意嘅零食,一定非呢包烏龜薯片莫屬。包裝有大大隻烏龜,唔識睇韓文一眼都認得出。呢款烏龜薯片到底有咩吸引之處?就係每一塊薯片都有四層!想像一下,每食一塊薯片就等如同時食四塊薯片一樣,香脆口感提升四倍!呢包薯片唔似一般薯片咁大塊,其實應該用「一粒」去形容,一啖一粒,大推!

 

必買韓國零食No.2:流心芝士腸

#韓國零食 #韓國零食代購 呢排超hit流心芝士/吞拿魚肉腸仔🤤 HKD 18/1 買2條或以上 HKD 15/1 Wts 6132 6253

A post shared by 24 NOV-6 DEC韓國🇰🇷11-20/12韓國☃️ (@flawless.for.you) on

芝士控注意!呢款流心芝士腸係近期最hit嘅韓國零食。惹味嘅魚肉腸其實內有乾坤,入面有超邪惡嘅芝士,咬一啖,入面嘅芝士好澎湃咁爭住湧出嚟,濃郁嘅芝士味充斥成個口腔!除咗流心芝士,仲有另一款藍色包裝嘅吞拿魚肉腸仔,一樣好好味!

 

必買韓國零食No.1:韓國辣雞麵 (2倍勁辣版)

韓國辣雞麵咁hit,唔洗多講相信你未食過都早有聽聞。今次排名Bloghotels.com韓國超市必買零食榜首嘅,就係韓國辣雞麵嘅2倍加強版!絕對唔講得笑,小編食正常版已經食到狂飲牛奶解辣,食完口水仲不受控制咁狂流。但越辣越過癮,加上麵條又爽又彈牙,非常之好味,真係令人又愛又恨。今年呢款辣麵強勢推出另一版本—2倍加強勁辣版,去到韓國當然要買返包挑戰一下!

 

Hotels.com 酒店優惠

睇到呢度,喺咪想即刻book酒店去韓國買哂以上咁多種韓國零食做手信呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦!仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!

 

Cover Photo: @Flickr