定期送上世界各地最新、最地道嘅旅遊資訊!

【香港離島推薦】香港離島一日遊 + 離島兩日一夜景點行程懶人包!一篇睇哂邊個離島好玩!

好難攞假?不如近近哋嚟個香港離島一日遊或者輕輕鬆鬆整個離島兩日一夜啦!小編為你整合呢篇香港離島推薦懶人包,推薦多個香港離島景點和住宿,一文睇曬邊個邊個離島好玩

 

香港離島推薦 | 長洲
相信大家都一定有去過長洲,但除咗食海鮮、掃街之外,大家有冇去過以下景點,以另類玩法探索長洲呢?

 

香港離島一日遊|長洲景點推介|關公忠義亭賞櫻

關公忠義亭櫻花
@theesthergram
關公忠義亭櫻花盛開

你冇睇錯,長洲係有櫻花睇㗎!關公忠義亭種咗幾十棵櫻花樹,每年3月都會開滿櫻花。隨手一影都已經非常靚,唔講仲以為你去咗國外賞櫻。

 

關公忠義亭
地址:離島長洲觀音灣路
入場費用 (只供參考):免費
交通:於中環5號碼頭乘渡輪前往長洲。登岸後沿東灣路直行,再轉上警署徑,大約步行8分鐘,左轉至觀音灣路。

 

香港離島一日遊|長洲景點推介|西園農莊

西園農莊
@getreadyhk

西園農莊係一個歷奇營地,劃分成4個主題區,提供多種歷險活動,包括樹頂繩網陣、射擊遊戲、泡泡足球等,適合一家大細一齊嚟玩!

西園農莊_2

玩足一日都未夠?西園農莊仲有提供露營嘅帳蓬,包括尖頂嘅印第安營、空間寬敞舒適嘅南非營、風味十足嘅蒙古包、同埋透明天幕嘅觀星圓拱營!

 

西園農莊
地址:離島長洲西灣 DD CC Lot 12 (顯示地圖)
交通:於中環5號碼頭乘渡輪前往長洲。登岸後沿大興堤路走到盡頭,轉到長洲西堤道走到盡頭。再沿長洲家樂徑向前走,看到分岔路,往左邊朝美經援村走,走到斜坡頂看到西園(掛有大紅色燈籠)入口便到。
營業時間:日營時段為 09:30 – 18:00
入場費用 (只供參考):日營門票 $48
網址:https://www.saiyuen.com/zh-hk/Daytime-ticket

 

離島兩日一夜住宿推介|長洲華威酒店

長洲華威酒店
@華威酒店官網

除咗露營之外,長洲老牌酒店 — 華威酒店都係唔少人嘅心水選擇!唔好睇佢歷史有返咁上下就以為房間設施一定冇睇頭!其實呢度嘅客房大部份都對正無敵海景,而且鄰近泳灘,方便去完沙灘玩,返酒店休息。

 

華威酒店
地址:離島長洲西灣 DD CC Lot 123 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★☆
價格 | 查看價格

 

香港離島推薦|長洲交通貼士:
你可以喺中環5號碼頭坐船到長洲,高速船船程約35至40分鐘,普通渡輪船程約55至60分鐘。

 

香港離島推薦南丫島
南丫島食海鮮可以講係出曬名,除此之外,呢度仲有好多文青景點,打卡影相位!

 

香港離島一日遊南丫島景點推介|榕樹灣大街

榕樹灣大街
@香港旅發局官網

榕樹灣有唔少外國人居住,加上有好多西餐廳同埋酒吧,比人一種外國情調。呢度有好多手信店、餐廳、cafe同酒吧,可以好寫意咁行吓食吓,消磨一個下晝。

 

榕樹灣大街
地址:南丫島榕樹灣大街 (顯示地圖)
交通:從中環4號碼頭乘渡輪前往南丫島,下船便到達。

 

南丫島餐廳推介|建興亞婆豆腐花

建興亞婆豆腐花
@carloschan_gz
建興亞婆豆腐花

嚟得呢度,點可以唔試建興亞婆豆腐花!呢度最出名嘅係凍豆腐花,香滑豆味濃,建議唔好落咁多糖水,豆味更出。

 

建興亞婆豆腐花
地址:南丫島榕樹灣大灣肚1號 (顯示地圖)
營業時間:星期一至五 10:30 – 17:30;星期六及日 09:30 – 17:30

 


離島兩日一夜住宿推介|
南丫島浪濤軒酒店

南丫島浪濤軒酒店
@浪濤軒酒店Facebook

浪濤軒酒店位於南丫島洪聖爺灣,係一間度假屋式酒店,設計好有家的感覺,環境非常寧靜舒適。而且,從酒店行幾分鐘就直達海灘!

 

浪濤軒酒店
地址:南丫島榕樹灣洪聖爺泳灘28號 (顯示地圖)
星級 | ★★★☆☆  
位置 | ★★★☆☆  
設施 | ★★★★☆  
環境 | ★★★★☆
價格 | 查看價格

 

香港離島推薦南丫島交通貼士:
你可以喺中環4號碼頭坐船到南丫島,船程約30分鐘。

 

香港離島推薦愉景灣
愉景灣比人感覺係高尚住宅區,但呢度其實都有好多嘢值得睇㗎!

 

香港離島一日遊愉景灣景點推介|愉景灣海濱白禮堂

愉景灣海濱白禮堂
@香港愉景灣酒店Facebook

可能IG都見過好多人呢間白色教堂出面影呃like相,你又嚟過未呢?雖然教堂唔會對外開放,但係齋影相都已經覺得浪漫,一於帶埋另一半嚟影相啦!

 

愉景灣海濱白禮堂
地址:愉景灣海澄湖畔路92號 (顯示地圖)
交通:從中環乘船到愉景灣,下船轉乘C9巴士到愉景(北)商業中心。
入場費用 (只供參考):免費,教堂內部不對外開放

 

香港離島一日遊愉景灣景點推介|D’Deck
D’Deck雲集多間餐廳,不愁搵唔到好嘢食,食飽又可以行街shopping,去離島唔代表淨係可以親親大自然嘅!

 

香港離島一日遊|愉景灣餐廳推介|Coyote Mexican Cantina

Coyote Mexican Cantina
@Coyote Hong Kong Facebook

餐廳提供多種正宗墨西哥菜式,招牌菜係串燒、Taco同埋燒豬肋骨。呢度裝潢充滿地道墨西哥色彩,坐戶外就可以欣賞海景,滿足你味蕾同視覺享受。

 

Coyote Mexican Cantina
地址:愉景灣D’Deck地下G08A號舖 (顯示地圖)
營業時間:星期一至五 12:00 – 23:30 ; 星期六及日 11:00 – 23:30

 

D’Deck
地址:愉景灣愉景灣道92, 96號廣場徑 (顯示地圖)
交通:從中環乘船到愉景灣,下船便到達。
入場費用 (只供參考):免費
網址:http://www.ddeck.com.hk/

 

離島兩日一夜住宿推介|香港愉景灣酒店

香港愉景灣酒店
@香港愉景灣酒店官網

愉景灣酒店房價偏高,但絕對物有所值。酒店地段優越,客房都豪華寬敞,可以揀無敵海景或者翠綠山景,加埋大型室外泳池,冇得輸呀!

 

香港愉景灣酒店
地址:大嶼山愉景灣海澄湖畔路88號 (顯示地圖)
星級 | ★★★★☆  
位置 | ★★★★☆  
設施 | ★★★★★
環境 | ★★★★★
價格 | 查看價格

 

香港離島推薦|愉景灣交通貼士:
你可以喺中環3號碼頭搭船去愉景灣,船程約25分鐘。

 

香港離島推薦梅窩
梅窩位於大嶼山東面,地方唔大,但多咗一份隱世秘景嘅感覺。

 


香港離島一日遊
|梅窩景點推介|銀礦灣泳灘

銀礦灣泳灘
@weshare.hk

銀礦灣係梅窩最出名嘅景點,呢個海灘佔地廣,但人唔多,可以靜靜哋睇書,曬吓太陽。

 

銀礦灣泳灘
地址:大嶼山梅窩東灣頭路 (顯示地圖)
交通:從中環乘船到梅窩,下船後沿銀礦灣路走,再轉到東灣路直走。
入場費用 (只供參考):免費

 

梅窩景點推介|銀礦瀑布+銀礦洞

銀礦瀑布
@alvernariston
銀礦瀑布「絲絹流水」

自問好動嘅話,可以租單車,踩去銀礦瀑布。瀑布唔算壯觀,但就美態十足,影相一流,不妨帶埋腳架,較慢快門影「絲絹流水」呃like相!再行上啲,就到達銀礦洞遺址,想像下當年開礦嘅情況。

 

銀礦瀑布和銀礦洞
地址:大嶼山梅窩離島自然歷史徑梅窩段銀礦瀑布 (顯示地圖)
交通:下船後,沿離島自然歷史徑梅窩段走,沿路有清晰指示牌。
入場費用 (只供參考):免費

 

 

離島兩日一夜住宿推介|梅窩銀礦灣渡假酒店

梅窩銀礦灣渡假酒店
@銀礦灣渡假酒店Facebook

銀礦灣渡假酒店對正銀礦灣海灘,環境優美,餐廳食物質素都好高。最正嘅係,喺沙灘玩到攰都可以隨時返去酒店休息。酒店旁邊仲有得租單車或者家庭車,方便四圍探索梅窩!

 

銀礦灣渡假酒店
地址:大嶼山梅窩銀礦灣D.D.2 地段648 (顯示地圖)
星級 | ★★★★☆  
位置 | ★★★★☆  
設施 | ★★★★☆
環境 | ★★★★★
價格 | 查看價格

 

香港離島推薦|梅窩交通貼士:
你可以喺中環3號碼頭搭船前往梅窩,普通船船程約為35-40分鐘,高速船船程約為50-55分鐘。

 

離島橫水渡交通:
長洲往返梅窩可以搭橫水渡,並會經過芝麻灣和坪洲,詳見船期表
從愉景灣也有渡輪來往梅窩,詳見船期表

 

📖延伸閱讀:【香港拍拖好去處】情侶必睇!本地週末好去處排行榜!
📖延伸閱讀:【香港聖誕搵食攻略】Top 5 香港米芝蓮餐廳搵食指南 2018
📖延伸閱讀:【香港靚景篇】編輯私藏6大香港隱世景點大全+香港日落打卡秘點!
📖延伸閱讀:【香港兩日一夜好去處】隱世香港渡假屋、酒店連本地遊玩攻略!
📖延伸閱讀:【香港文青Cafe精選】想搵間香港靚Cafe飲嘢兼打卡?五間必去香港Cafe推薦!
📖延伸閱讀:【香港高鐵旅遊攻略】香港高鐵路線直達!汕頭、長沙、昆明、廈門景點逐個數!

 

 

Hotels.com酒店優惠Hotels.com酒店優惠