定期送上世界各地最新、最地道嘅旅遊資訊!

【關島自由行】一次過玩盡關島塞班島!必去關島旅遊景點 + 必玩必食懶人包

 

香港人一向都好嚮往海島旅遊,因為海島嘅陽光與海灘,悠閒輕鬆嘅渡假感覺,最適合長期都工作忙碌,壓力大嘅城市人去relax吓。除咗去東南亞地區,不如去吓集蔚藍大海、白色沙灘、極限運動、歷史建築、浪漫教堂,仲有購物天堂於一身嘅關島啦!小編已經幫大家整合好一個關島自由行嘅懶人包,話你知必去關島旅遊景點,仲教埋大家關島塞班島嘅雙島遊攻略!

 

塞班島行程攻略|由關島去塞班島交通

塞班島
@Rappler

好多人去關島玩,都會將喺關島以北,大概200公里以外嘅塞班島都列入行程之內,嚟一個雙島遊。關島係一個旅遊發展得好完善嘅地方,係渡假天堂,而塞班島就充滿原始感覺,較少人工商業活動,最適合熱愛大自然嘅旅客!由關島去塞班島嘅方法就係坐飛機,大概40分鐘就會到達,聯合航空 (United Airline) 每日都有直航去塞班島嘅飛機。但如果想價錢平啲,亦可以坐Freedom Air嘅小型飛機。

 

塞班島行程攻略|塞班島島上交通

塞班島係無公共交通,所以都係靠自駕、酒店shuttle同參加local tour為主。如果想自駕遊嘅,建議大家最好揀車時,揀返四驅車款,因為好多路都比較崎嶇,普通私家車款未必行駛到。平時唔係經常開車,又或者無乜信心嘅旅客,就可以預早通知酒店shuttle機場接送,然後再參加當地嘅local tour,咁就唔洗諗,輕輕鬆鬆暢遊啦!

 

塞班島行程攻略|去塞班島最佳月份

去塞班島最佳月份
@hikersbay

塞班島長年都係夏天,平均溫度都係28-29度左右,而且日夜溫差唔大,所以照計長年都係可以進行水上活動,但要留意嘅係每年7-10月都係雨季,亦有機會打風,大家盡量避免呢個時段去啦。

 

關島自由行|關島旅遊景點推介|幸福藍星教堂 (Blue Aster Chapel)

幸福藍星教堂 (Blue Aster Chapel)
@flickr

關島係唔少人夢寐以求嘅結婚勝地,因為呢到有好多好靚嘅教堂,再加上藍天白雲,同海島風情,真係非常浪漫!而位於杜夢灣嘅幸福藍星教堂 (Blue Aster Chapel) 就係呢度最人氣嘅婚禮教堂!

幸福藍星教堂 (Blue Aster Chapel)_2
@franz__1975

幸福藍星教堂以愛琴海為藍本,用藍同白色做主調,成座教堂充滿希臘嘅建築風格,教堂內仲怖滿咗由屋頂垂吊落嚟嘅藍色星星,象徵住對喺度行禮嘅新人嘅祝福!浪漫到暈!就算唔係行婚禮,喺到行吓都有幸福嘅感覺!

 

幸福藍星教堂 (Blue Aster Chapel)
地址:145 Trankiludat St, Tamuning, 96913關島 (顯示地圖)

 

關島自由行|關島旅遊景點推介|瑞提迪恩岬 (Ritidian Point)

瑞提迪恩岬 (Ritidian Point)
@guamforbeginners

關島除咗最人氣嘅杜夢灣之外,其實仲有好多沙灘都好值得去㗎!瑞提迪恩岬 (Ritidian Point)位於關島最北部,遠離旅遊區,所以人煙較少,係當地人先識去嘅沙灘秘點!


瑞提迪恩岬 (Ritidian Point)_2@flickr

瑞提迪恩岬沙質非常幼細,而顏色係接近係象牙白,同清澈見底嘅藍色海水互相影襯,靚到好似人間天堂!最特別之處,就係呢度有機會可以搵到星形嘅沙粒!會唔會太童話呀?如果話呢度係關島最靚嘅沙灘都唔誇張呀!

 

關島自由行|關島必玩活動推介|實彈射擊 Guam Outdoor Shooting Range

實彈射擊 Guam Outdoor Shooting Range
@flickr

嚟到關島呢個渡假勝地,梗係唔止得陽光與海灘啦!關島仲有好多好玩又刺澈嘅活動㗎!喺關島呢度,大家可以一試開真槍實彈嘅感覺!關島四周圍都有實彈射擊場,係當地非常熱門嘅娛樂活動!

實彈射擊 Guam Outdoor Shooting Range_2
@關島之家

實彈射擊有分戶外同室內,而且有唔同嘅槍比大家選擇。能夠體驗實彈射擊嘅機會又有幾多?一係唔玩,一玩就梗係要玩室外射擊啦!

 

實彈射擊 Guam Outdoor Shooting Range
地址:PMB 261 12 Marine Corps Dr. #101, Tamuning, 96919美國 (顯示地圖)
營業時間每日 10:00 – 22:00
費用 (只供參考)價錢由$60USD起 因應唔同槍款有唔同價錢
網址:http://gosr.info/

 

關島自由行|關島必玩活動推介|高空跳傘 Skydive Guam Inc.

高空跳傘 Skydive Guam Inc.
@facebook

小編覺得一生點都要試一次高空跳傘,而關島絕對係一個極佳嘅高空跳傘地點!呢度四周被無盡嘅海洋包圍,而且關島大部分範圍都係生態保護區,環境優美!由高空鳥瞰,係一片藍綠色交替嘅怡人景色,絕對會令人畢生難忘!

高空跳傘 Skydive Guam Inc._2
@facebook

雖然高空跳傘係一項令人腎上腺素飆升嘅極限運動,但望到眼前大自然嘅壯闊,又會覺得有心境平靜嘅感覺。

 

高空跳傘 Skydive Guam Inc.
地址:ACI Pacific Hanger, 17-3404 Neptune Blvd., Barrigada, 96913美國 (顯示地圖)
營業時間每日 06:00 – 18:00
費用 (只供參考)價錢由8000尺$800USD起,每高2000尺再額外加$40USD;拍照及影片需另外收費 $160USD
網址:http://www.skydive-international.com/

 

關島自由行|關島必食推介|Tony Roma’s

烤豬肋排 (The Original Back Ribs)
@tonyromasguam
烤豬肋排 (The Original Back Ribs) 全份$28USD

Tony Roma’s係關島人氣最旺嘅餐廳,去關島玩嘅人都一定會嚟食佢嘅地美式烤豬肋排!豬肋排烤得外層香脆,但肉質一啲都唔乾,非常鮮嫩多汁!就連配菜嘅烤薯仔都一樣好出色,口感鬆軟香濃,配埋芝士同煙肉,好味到暈!

烤豬肋排龍蝦拼盤
@tonyromasguam
烤豬肋排龍蝦拼盤 (Live Lobster and Rib Combo)$77USD

除咗烤豬肋排,龍蝦都係佢地嘅照牌菜色!大大隻龍蝦,配烤豬肋排,仲有湯,沙律同酒,都只係$77USD!叫多個小食,兩人個開心share都夠哂食!好食又抵食!CP值高!

 

Tony Roma’s
地址:Royal Orchid Hotel, 626, Pale San Vitores Rd, Tumon, 96913關島 (顯示地圖)
網址:https://tonyromas.com/location/tumon/

 

關島自由行|關島必食推介|Pika’s Cafe

Pika’s Cafe
@關島之家

想食到真正關島風味菜色,就一定唔可以錯過Pika’s Cafe啦!呢間Cafe嘅店主堅持只採用本地新鮮食材,製作出西式同傳統原住民查莫洛口味嘅早餐同午餐。用料新鮮又豐富,份量又夠大,而且款式好多!現場仲有Live band,氣氛一流!

Pika’s Cafe-Benedict Chamorro

@pikascafe
Benedict Chamorro $14USD

老闆推介一定要食Benedict Chamorro,兩片英式muffin,加上查莫洛香腸同老闆秘製蛋黃醬,鬆軟嘅muffin同香脆嘅香腸非常夾,食落好有層次!真係大滿足!

 

Pika’s Cafe
地址:Star Bldg, 888 N S Marine Corps Dr, Tamuning, 96913關島 (顯示地圖)
網址:https://www.pikascafeguam.com/

 

關島自由行|關島住宿推介|關島太平洋島嶼俱樂部

關島太平洋島嶼俱樂部
@facebook

關島太平洋島嶼俱樂部最出名就係酒店嘅水上樂園!呢間酒店雖然唔係關島最靚最豪華,但一定係水上設施最完善,最多嘢玩嘅酒店!有水上獨木舟、水上競技場、兒童嬉水池、仲有室內乒乓球場同羽毛球場等等,淨係喺酒店都玩都夠爽啦!

關島太平洋島嶼俱樂部_2
@facebook

酒店設有多種房型,所有房間空間都好大,仲有專為親子樂而設嘅主題套房,最適合一大班朋友一齊去玩,又或者係一大家細出遊嘅旅客!房間仲有露台,隨時隨地都可以欣賞到海景!

 

關島太平洋島嶼俱樂部
地址:GUM塔穆寧Tumon Bay210 Pale San Vitores Rd (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★★☆  
價格 | 查看價格  

 

關島自由行|關島住宿推介|關島日航酒店

關島日航酒店

關島日航酒店係島上數一數二有最靚景觀嘅酒店!除咗有靚景觀,其實酒店本身獨特嘅鳥翼外形,都成為咗杜夢灣嘅特色地標㗎!而且酒店致力增加設施同進行翻新,令酒店質素不斷進步,成為關島最受歡迎嘅酒店之一!

關島日航酒店_2

話明呢度最出名係景觀,房間內梗係有超級大露台,比旅客盡情享受美景啦!而且房間設計響應海景,以簡單嘅白色同海藍色為主調,比人一種好似融入咗大自然,身心舒暢嘅感覺!

 

關島日航酒店
地址:GUM塔穆寧Tumon245 Gun Beach Road (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★★☆  
價格 | 查看價格  

 

關島自由行|關島住宿推介|奧特瑞格關島海灘度假村

奧特瑞格關島海灘度假村

奧特瑞格關島海灘度假村位於關島市中心,旁邊就係杜夢灣,而且酒店連接主要購物中心,無論係去玩水上活動定係shopping都好方便,地理位置一流!但因為酒店前都種滿椰樹,如果唔想擋到景觀,就可以upgrade去比較高嘅樓層啦!

房間設計簡單,以暖色系為主,比人一種柔和嘅感覺,加上落地大玻璃,有充足嘅彩光,令整體更添溫暖舒適!喺窗邊嘅梳化坐吓,望吓海,真係好relax!

 

奧特瑞格關島海灘度假村
地址:GUM塔穆寧Tumon Bay1255 Pale San Vitores Road (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格  

 

📖延伸閱讀:【塞班島自由行】塞班島必去必玩景點攻略-藍洞浮潛,軍艦島!
📖延伸閱讀:【汶萊自由行】5日4夜最新汶萊景點行程懶人包(汶萊交通攻略大全)
📖延伸閱讀:【宿霧自由行】超隱世!6間菲律賓宿霧海邊$800蚊有找Pool Villa推薦
📖延伸閱讀:【峇里島自由行】嚴選Top 5 峇里島 Villa 酒店住宿!

 

Hotels.com酒店優惠Hotels.com酒店優惠