定期送上世界各地最新、最地道嘅旅遊資訊!

【長崎自由行】終於可以直飛長崎!4日3夜長崎景點行程+必食餐廳+住宿懶人包!

長崎係位於日本西部嘅港灣都市,係江户時代日本對外嘅貿易海港,因此深受西洋文化影響,變成一個西日文化交雜嘅城市,充滿異國風情,再加上美絕世界嘅景色,令長崎擠身日本熱門觀光城市之一。今次就等小編帶大家到長崎自由行,睇盡絕美嘅長崎景點喇!

 

📖延伸閱讀:【日本福袋情報2018】日本福袋入貨攻略大全2018 (東京、大阪必買福袋)

 

長崎自由行 | 長崎景點推薦 | 長崎交通方法

@wikipedia

電車係長崎市內最普及嘅交通工具,基本上搭電車可以去到曬市區內嘅旅遊熱點。嚟到長崎嘅第一日,就當然要坐住電車去參觀啦!

 


@naga-den.com

 

長崎自由行 | 長崎景點推薦 | 出島荷蘭商館跡


@travel.at-nagasaki.jp

第一站嘅長崎景點就喺出島!喺日本鎖國嘅200多年間,出島喺唯一一個對西方國家開放嘅港口,有好多外國商人曾經喺到居住,所以島上到處都流露出濃厚嘅西洋氣息。嚟長崎自由行一定不能錯過出島荷蘭商館跡呢個國家指定旅遊歷史遺址!

 

@shuji_suzuki_1036

去到日本點可以唔著住和服打卡呢?喺出島就可以最低1000日圓嘅超抵價體驗和服!呢到提供簡單快速嘅和服體驗,大概5分鐘就可以成功變身!

 

@tohatopotato

著住和服喺街道上散步,就好似穿越返去江戶時代嘅場景,非常有氣氛!

 

出島荷蘭商館跡
地址:〒850-0862 長崎県長崎市出島町 (顯示地圖)
營業時間:08:00 – 18:00
入場費用 (只供參考):成人510円,高中生200円,小學和初中學生100円
官網:http://nagasakidejima.jp/

 

長崎自由行 | 長崎必食推薦 | 長崎港

@bobsyouruncle1981

嚟到海港,又點會有唔食海鮮嘅道理?小編推介呢間長崎港,店家標榜用最新鮮嘅魚貨,亦可以親自挑選活魚,價錢仲要唔貴,絕對要同大家分享!

 

@arielloy

餐廳地點正正位於海港碼頭旁邊,仲設有半戶外座位,比客人可以望住個靚海景一面影靚相一面品嚐新鮮魚生。

 

@arielloy

呢度最出名就係丼飯,小編就至愛海膽同三文魚籽喇!

 

長崎港
地址:〒850-0862 長崎県長崎市出島町1−1 出島ワーフ内 1F(顯示地圖)
營業時間:11:00 – 23:00
電話:095-811-1677
官網:http://nagasakikou.com/

 

📖延伸閱讀:【日本必食】終極嚴選京都、大阪、沖繩、東京必食特集2018!

 

長崎自由行 | 長崎景點推薦 | 哥拉巴園區

@saink

蘇格蘭出身嘅貿易商哥拉巴 (Glover)由於對日本產業近代化具有相當大嘅貢獻,因此哥拉巴園區以佢嚟命名,而哥拉巴宅邸更是被定為世界文化遺產之一,充滿西洋風情。哥拉巴園係長崎景點推薦嘅第一位,全年有100萬以上嘅遊客造訪,更加係熱門情侶約會聖地。

 

@christi_wu510

據說,如果情侶一齊搵到園內兩處「心」形石頭,兩人雙手碰觸此石頭,就可以帶嚟幸福喇!如果同另一半嚟到長崎自由行,就記得唔好錯過喇。

 

哥拉巴園
地址:〒850-0931 長崎県長崎市南山手町8−1 (顯示地圖)
營業時間:08:00 – 18:00 (夏季設有晚間開放時間)
入場費:成人600日元,15歲-17歲300日元,6歲-14歲180日元
交通:大浦天主教堂下電車站下車後步行約5分鐘
官網:http://www.glover-garden.jp

 

長崎自由行 | 長崎景點推薦 | 軍艦島

軍艦島本名端島,因為島型同日本軍艦「土佐號」相似而有呢個別名。軍艦島喺2015年被列入世界文化遺產,充滿住歷史痕跡,係唔少知名電影嘅取景拍攝場地,例如《進擊的巨人》電影版,《潛行凶間》等等。

 

@BodddXDnqjn

軍艦島上面最出名嘅就係一片原汁原味嘅廢墟,好有電影感!

@Castle_may

想遊覽軍艦島,可以乘搭軍艦島觀光船。每日遊覽人數有上限,建議大家網上預約,walk in好大機會冇位㗎!

 

軍艦島
地址:〒850-0035 長崎県長崎市元船町17−3(顯示地圖)
營業時間:09:00 / 13:00 (每日只有兩班航班)
入場費用 (只供參考):成人4500日元,小童2250日元
交通:乘電車在大波止電車站下車,步行3分鐘
官網:http://www.gunkan-jima.net/

 

📖延伸閱讀:【廣島自由行】3日2夜大久野島、宮島行程攻略連廣島蠔搵食地圖!

 

長崎自由行 | 長崎景點推薦 | 稻佐山

@eva0918

稻佐山夜景被選為最新嘅世界三大夜景,當然係必去嘅長崎景點!無論係搭電車或者巴士都可以去到淵神社,纜車嘅售票同搭乘處就喺呢座神社入面喇。

 

@Sunchu.9453

落咗纜車之後,就可以上去「稻佐山山頂展望台」。展望台係一棟圓形玻璃建築,一樓係展示大廳,二樓係氣氛優美嘅觀景餐廳,喺頂樓觀景台就可以全方位欣賞不同視野嘅稻佐山美景喇。

 

稻佐山
地址:〒852-8012 長崎県長崎市淵町 (顯示地圖)
營業時間:09:00 – 22:00 (長崎纜車)
費用:成人1230日圓,中學生920日圓,小學生610日圓 (長崎纜車來回車資)
交通:JR長崎車站前站搭3號或4號巴士,於「纜車前巴士站(ロープウェイ前)」落車步行2分鐘
官網:https://www.nagasaki-ropeway.jp/ (長崎纜車)

 

長崎自由行 | 長崎必食推薦 | ひかりのレストラン (光之餐館)

@yakei-cvb.or.jp

睇完咁靚嘅夜景唔捨得走?小編推介大家去展望台二樓嘅觀景餐廳食晚餐,呢間ひかりのレストラン (光之餐館),可以舒舒服服坐喺室內,用最佳角度欣賞長崎夜色!

@_saori77_

窗邊位置好搶手,因為可以同個靚景撐枱腳!

 

@takahideluxe

呢度供應嘅係日式嘅西餐,份量好足,賣相仲好精緻!

 

ひかりのレストラン (光之餐館)
地址:長崎県長崎市稲佐町364 稲佐山展望台 2F (顯示地圖)
營業時間:11:00 – 21:30
官網:http://inasayama-hikari.com/

 

長崎自由行 | 長崎景點推薦 | 豪斯登堡

@winabest

豪斯登堡係長崎最大最出名嘅歐洲主題樂園,更被稱為日本三大主題樂園!園內建築仿照歐洲城市,超過150棟嘅歐式建築令遊客好似去左17世界嘅歐洲!

 


@豪斯登堡官網

園內節目非常豐富,有博物館、觀光體驗設施、過山車及迷宮等各式娛樂設施,仲有顫憟城、冒險公園、VR遊戲等等,真係男女老幼都可以玩足全日!門票有分好多種,驚玩唔曬嘅可以揀3日通行門票玩轉成個樂園,詳情就要上官網睇睇喇。

 

@shirokana.harumaru

園內四季都會種植大量不同花卉,任何時候都好似置身於花海之中,就算唔玩娛樂設施,嚟影花海都一流呀!

 

豪斯登堡
地址:〒859-3292 長崎県佐世保市ハウステンボス町1-1 (顯示地圖)
營業時間:09:00 – 22:00
交通:乘坐JR至豪斯登堡站
官網:https://www.huistenbosch.co.jp/

 

長崎自由行 | 長崎必食推薦 | 佐世保Sasebo Hikari Burger

@sarasaburger

嚟到佐世保週邊,當然要試下長崎必食嘅佐世保漢堡喇!佐世保漢堡喺當時駐日美軍嘅思鄉美食,昭和28年創店,Hikari至今可以話係係當地人最喜歡嘅老店!

 

@sarasaburger

呢度嘅漢堡包絕不花巧,看似平平無奇,但佢嘅味道同純粹嘅美式配搭係第二度搵唔到㗎!所有食物都係即叫即做,千祈唔好錯過啊!

 

Sasebo Hikari Burger
地址:〒857-0047 長崎県佐世保市矢岳町1−1 (顯示地圖)
營業時間:10:00 – 20:00 (週三休店)
交通:JR佐世保站步行5分鐘
官網:http://hikari-burger.com/

 

📖延伸閱讀:【你個野壞左】大阪難波夾龍蝦小店 (編輯推介大阪美食!)

 

長崎自由行 | 長崎酒店住宿推薦 | 稻佐山觀光酒店

想瘋狂欣賞稻佐山夜景嘅話,小編推介你入住稻佐山觀光酒店。咁就可以慢慢飽覽呢個世界三大夜景喇!

呢度嘅房間寬敞明亮,仲有露台可以欣賞山下嘅景色,最適合想感受稻佐山寧靜一面嘅你。

 

稻佐山觀光酒店
地址:JPN長崎Akebono-machi 40-23 (顯示地圖)
星級 | ★★★★☆  
位置 | ★★☆☆☆  
設施 | ★★★☆☆  
環境 | ★★★☆☆    
價格 | 查看價格  

 

長崎自由行 | 長崎酒店住宿推薦 | 新長崎酒店

新長崎酒店距離JR長崎站只有幾分鐘,行街食飯去任何景點都非常方便,推薦俾追求住宿位置便利嘅朋友仔。

酒店雖然位於市中心,但房間嘅空間感好足夠!

 

新長崎酒店
地址:JPN長崎14-5 Daikoku-machi (顯示地圖)
星級 | ★★★★☆  
位置 | ★★★★★
設施 | ★★★☆☆  
環境 | ★★★☆☆    
價格 | 查看價格  

 

長崎自由行 | 長崎酒店住宿推薦 | 長崎豪斯登堡日航酒店

而長崎自由行旅程重點係去豪斯登堡嘅朋友,就一定要試吓豪斯登堡園內嘅酒店喇!唔止慳返好多交通時間可以玩得盡興,園內酒店其實都非常高質,佈置同服務都好唔錯,絕對值得一試㗎!

 

日航係國際知名嘅日本酒店集團,房間設施、環境、服務都係一流!

 

長崎豪斯登堡日航酒店
地址:JPN佐世保6 Huis Ten Bosch (顯示地圖)
星級 | ★★★★☆  
位置 | ★★★☆☆
設施 | ★★★★☆  
環境 | ★★★★☆     
價格 | 查看價格

 

長崎自由行 | 長崎酒店住宿推薦 | 豪斯登堡機器人酒店

2015年7月喺長崎豪斯登堡主題公園開張嘅Henn-na Hotel係一間好特別嘅酒店,因為喺呢度由住房手續、端茶倒水、到打掃房間…都一一由機械人為你辦理…

 

酒店共有144間客房,呢度不同職位有對應不同種類工作嘅機械人:負責櫃台接待、負責修剪草坪、負責調酒、負責煎餅,甚至仲有專做中式炒飯嘅機械人。總而言之,能夠用機械人代替嘅,都絕不使用人力。

唔止主題同經營方式夠特別,呢度嘅房間裝潢同舒適嘅環境都係呢間酒店嘅一大賣點!

 

豪斯登堡機器人酒店
地址:JPN佐世保Huis Ten Bosch-cho 6-5 (顯示地圖)
星級 | ★★★★☆  
位置 | ★★★☆☆
設施 | ★★★★☆  
環境 | ★★★★☆     
價格 | 查看價格

 

📖延伸閱讀:【玻利維亞天空之鏡 – 亞洲版】走進不一樣的日本秘境—三大必去日本天空之鏡!
📖延伸閱讀:【秋田溫泉篇】日本東北地區—乳頭溫泉鄉懶人包2018 (連日本溫泉禮儀Tips)
📖延伸閱讀:【日本拉麵篇】十大日本米芝蓮拉麵推介2018!
📖延伸閱讀:【米子自由行】快閃日本島取縣—米子景點行程懶人包 (連米子自駕遊小貼士)
📖延伸閱讀:【九州溫泉推薦特輯】日本九州溫泉一泊兩食酒店推介!(連浸溫泉注意禮儀)

 

 

Hotels.com酒店優惠