定期送上世界各地最新、最地道嘅旅遊資訊!

【金澤自由行】金澤景點、美食、交通、住宿行程懶人包!(必去金澤21世紀美術館!)

 

位於北陸地區石川縣嘅金澤有「小京都」美譽,出名嘅金澤景點除咗有日本三大名園之一嘅兼六園、金澤城及充滿日本風情嘅東屋茶街,著名嘅金澤21世紀美術館更為優雅嘅金澤注入現代感。今次小編亦會推薦金澤自由行必食嘅各式金澤美食!國泰全新加開季節性航線直飛小松機場,2019年4月至10月期間每週2班往返航線,記住mark定假啦!

 

📖延伸閱讀:【日本必食】終極嚴選京都、大阪、沖繩、東京必食特集2018!
📖延伸閱讀:【求愛上上籤之日本神社篇】日本 TOP 5 必去戀愛神社 (係愛呀哈利!)

 

金澤自由行 | 小松機場交通資訊

小松機場交通資訊@fuku-e

國泰全新加開季節性航線直飛小松機場,2019年4月至10月期間每週2班往返航線!去金澤可以乘搭飛機到小松機場,抵達後轉乘巴士到金澤站,巴士車程大約40分鐘。如果金澤係你行程嘅中途站,可以計劃由東京車站出發,乘坐JR北陸新幹線到金澤車站,行程約2小時30分鐘。另外亦可從大阪或京都乘坐JR北陸本線特快前往,大概需要2小時30分鐘。

金澤車站
@vampire.savior

嚟到金澤,第一件事一定係抬頭欣賞呢個2011年被美國旅行雜誌《Travel & Leisure》選為「World’s Most Beautiful Train Stations」之一嘅金澤車站,設計師以傘為建築主題,地標式嘅玻璃帷幕圓頂廣場及位於東口對出嘅巨型建築「鼓門」,令遊客喺濕冷有雪嘅天氣到埗都感到份外溫暖。

北鐵巴士一日周遊券
@hokutetsu

金澤有唔少必去景點,建議大家買巴士一日周遊券,計返成人200日圓一程,只要搭3程就回本,絕對抵玩!

 

北鐵巴士一日周遊券
購買地點:北鐵車票中心
售價 (只供參考):成人500日圓,小童250日圓
網址:http://www.hokutetsu.co.jp/tourism-bus/oneday

 

金澤自由行|金澤景點推薦|金澤21世紀美術館

金澤21世紀美術館
@kanazawa21

直徑112.5公尺嘅正圓形美術館無主要入口設計,不分前後,建築師妹島和世及西沢立衛將各個展區集中喺內部,外牆係透明落地玻璃,令美術館好似一個飄浮喺綠林中嘅大圓島,展示美術館「人與環境」嘅價值,咁靚嘅設計仲吸引唔少當地市民喺館外公園舉辦婚禮𠻹!館內其中一個好受歡迎嘅展品係阿根廷藝術家Leandro Erlich嘅《The Swimming Pool》,上面望好似真嘅泳池,但下面其實係可以走動嘅展室,係美術館一個熱門打卡點。

有北鐵巴士一日周遊券就記住喺買飛時出示,可以用較平嘅團體票價入場㗎!

 

金沢21世紀美術館
地址:石川縣金澤市廣坂1-2-1 (顯示地圖)
交通:巴士於「広坂・21世紀美術館」站落車
開放時間:展覽區10:00-18:00|互動區9:00-22:00|休館日:週一、年終年初
入場費用(只供參考):免費入場 (個別展覽票價請參考官網)
官網:https://www.kanazawa21.jp

 

金澤自由行|金澤景點推薦|兼六園

兼六園
@flickr

兼六園係日本三大名園之一,面積約爲10萬5000平方米,用咗超過170年完成,係加賀藩第五代藩主前田綱紀嘅私人花園。「兼六」指「宏大、幽邃、造景、蒼古、多泉、視野廣闊」,出自宋朝詩人李格非嘅《洛陽名園記》,係上佳園林嘅六種特質。園內四季都有唔同風貌,最具代表性嘅徽軫燈籠、唐崎松、雁行橋及霞池都非常值得一看。

 

兼六園
地址:石川縣金澤市兼六町1(顯示地圖)
交通:巴士於「兼六園下」站落車
開放時間:全年無休 (時雨亭除外)
3月1日至10月15日:7:00 – 18:00
10月16日至2月:8:00 – 17:00
入場費用(只供參考):成人310日圓,小童100日圓
網址:http://www.pref.ishikawa.jp/siro-niwa/kenrokuen/

 

金澤自由行|金澤景點推薦|東茶屋街

東茶屋街
@flickr

茶屋係江戶時代觀賞藝妓表演嘅娛樂場所,金澤有3條茶屋街,其中以東茶屋街最出名,眼見一間間木房子及千本格子窗,就好似返咗去江戶時代,難怪被選為國家文化財產。唔少人會選擇著住和服,邊玩邊食,但靜靜雞話你知,呢度仲有個好特別嘅體驗:貼金箔!記住提前預約,體驗完仲有得飲金箔茶,好矜貴呀~

 

東茶屋街
地址:石川縣金澤市東山一丁目 (顯示地圖)
交通:巴士於「橋場町」站落車


金銀箔工芸さくだ 金箔體驗
地址:石川縣金澤市東山一丁目3-27 (顯示地圖)
體驗課程時間:09:00 – 16:00
預約網站:https://goldleaf-sakuda.jp/trial/

 

金澤自由行|金澤美食推薦|箔一

箔一
@mohastagram

金箔體驗豈止於手?當然要一試金箔雪糕,呢間老字號嘅金箔雪糕唔止睇得,味道仲好濃厚,真係大滿足!

 

箔一
地址:石川縣金澤市東山1-15-4 (顯示地圖)
交通:巴士於「橋場町」站落車
營業時間:09:00 – 18:00

 

金澤自由行|金澤美食推薦|山さん寿司

山さん寿司
@rino_gg

去金澤必到近江町市場食海鮮丼!呢間60年老店「山さん寿司」最出名就係佢超浮誇嘅豪華海鮮丼,18種頂級海鮮放到出哂界,而且用上縣產嘅米同醬油,每啖都係新鮮嘅金澤滋味,連當地人都大大力推薦!建議大家留肚食,同埋預早嚟排隊,食材賣哂佢哋就會休息。

 

山さん寿司
地址:石川縣金澤市下近江町68 (顯示地圖)
交通:巴士於「武蔵ヶ辻.近江町市場」站落車後步行可到
營業時間:07:30 – 19:00 (不定休,詳請參考官網)
網址:www.yamasan-susi.com

 

金澤自由行|金澤美食推薦|もりもり寿司

もりもり寿司
@darumayuki

由於金澤鄰近日本海,所以連迴轉壽司都非常高質,性價比高首推呢間「もりもり寿司」,雖然係迴轉壽司,但仍然由壽司師傅手握即做,好味又抵食!

 

もりもり寿司
地址:石川縣金澤市青草町88 (顯示地圖)
交通:巴士於「武蔵ヶ辻.近江町市場」站落車,近江町いちば館1樓
營業時間:7:00-17:00

 

喺一個咁有藝術氣息嘅地方,住宿當然唔可以求其,而一間簡約時尚嘅酒店唔單止令你心情放鬆,更係影靚相嘅好地方,令整個行程加分!以下呢3間都係小編嘅私藏,大家不妨參考吓。

 

金澤自由行|金澤住宿推介|金澤庫木共享酒店 – 金澤


金澤庫木共享酒店@KUMU The Share Hotels

行入金澤庫木共享酒店酒店大堂,迎面而來嘅唔係登記櫃枱,而係寬敞嘅咖啡廳,可見設計師用心。酒店係簡約現代和式設計,空間感十足,除咗頂樓空中花園,每層嘅共享空間都會有不同嘅文藝展覽展出,最重要係超近金澤嘅熱門景點,絕對係文青旅人嘅首選!

 

金澤庫木共享酒店 – 金澤
地址:金澤2-40 Kamitsutsumicho (顯示地圖)
星級 | ★★★☆☆
位置 | ★★★★★
設施 | ★★★★★
環境 | ★★★★★
價格 | 查看價格

 

金澤自由行|金澤住宿推介|威斯塔卡納薩瓦酒店 – 金澤

威斯塔卡納薩瓦酒店
@Hotel Vista

市區酒店都可以有超大浴場,行咗成日可以叉滿電再出發!酒店離金澤車站亦只係5分鐘路程,啱哂行程滿滿嘅你!

 

威斯塔卡納薩瓦酒店 – 金澤
地址:金澤2-13-29, Hirooka (顯示地圖)
星級 | ★★★☆☆
位置 | ★★★★★
設施 | ★★★★☆
環境 | ★★★★☆
價格 | 查看價格

 

金澤自由行|金澤住宿推介|立町金目旅館 – 金澤

立町金目旅館
@KANAME-INN

立町金目旅館嘅Music Bar係小編嘅大愛,speaker用上Tannoy Westminster,bar後牆身特別用上4款代表唔同祝福嘅日式傳統圖案嚟裝飾,音質同環境配合得天衣無縫,酒店地點同食物都唔使多講,房間嘅小露台仲可以眺望金澤夜景,留多幾晚都唔過份!

 

立町金目旅館 – 金澤
地址:金澤Tate-machi 41 (顯示地圖)
星級 | ★★★☆☆
位置 | ★★★★★
設施 | ★★★★★
環境 | ★★★★★
價格 | 查看價格

 

📖延伸閱讀:【京都自由行】春日京都和服攝影,秘密景點大公開!(連京都櫻花必買手信)
📖延伸閱讀:【京都嵐山一日遊】必去京都景點、必去嵐山景點攻略!(嵐山竹林、嵐山小火車)
📖延伸閱讀:【Hotels.Com大使推介】日本大阪近郊-箕面景點行程懶人包!
📖延伸閱讀:【90後窮遊】最高CP值!嚴選6間大阪Hostel、大阪民宿推薦!

 

Hotels.com酒店優惠Hotels.com酒店優惠