定期送上世界各地最新、最地道嘅旅遊資訊!

【週末小度假】香港四大週末渡假酒店優惠推介!

十月頭又有假期,想嚟個小出走relax吓,但係冇咁多假同budget點算好?小編就為你嚴選咗四大香港週末渡假酒店,留喺香港同屋企人book酒店放鬆幾日啦!

 

8 度海逸酒店 (Harbour Plaza 8 Degrees)

呢間酒店係位於土瓜灣,雖然附近冇咩大型商場,但係勝在夠靜,有避世嘅感覺!因為土瓜灣係平民區,所以附近嘅餐廳價錢冇咁貴,CP值好高㗎!係酒店門口出面就有巴士站,仲有專車去紅磡、太子同尖沙咀,去港九新界都咁方便啦!另外,酒店嘅自助餐價錢唔太貴,但食物好高質素,大家嚟到一定要試吓呀!

8 度海逸酒店 (Harbour Plaza 8 Degrees)
地址:香港九龍土瓜灣九龍城道199號        HK$606起

 

香港黃金海岸酒店 (Hong Kong Gold Coast Hotel)

黃金海岸又有沙灘又有好嘢食,所以一直都係香港人嘅週末度假熱點!香港黃金海岸酒店雖然開咗一段時間,但係裝修仲係好新,房間好大好乾淨。酒店好有渡假感覺,距離沙灘只有五分鐘路程,坐係沙灘睇日出同日落,再加埋個無敵大海景,正到爆呀!酒店設施都好齊全,有好多專為小朋友以設嘅活動同設施,好似有45分鐘workshop、兒童遊樂區等等,最啱一家大細去嘆返吓!

➡香港黃金海岸酒店 (Hong Kong Gold Coast Hotel)⬅
地址:屯門黃金海岸青山公路青山灣段 1 號                  HK$1,084起

 

🏨Top 10香港人氣酒店推介及酒店優惠 *安心價格保證*

 

香港愉景灣酒店 (Auberge Discovery Bay Hong Kong)

愉景灣有好多外國人居住,所以成個地方都好西化。酒店環境同周邊景色都好靚,附近又有沙灘,好有渡假感覺㗎!酒店服務好好,仲好貼心地有pillow menu,瞓都瞓得舒服啲呀!酒店都有專為小朋友以設嘅活動同設施,好似有迷你波波池,藍球機同手工班等等,帶小朋友嚟就最啱啦!香港愉景灣酒店嘅SPA-SPA BOTANICA更曾經俾英國雜誌選為十大都市水療之一,好高質㗎,大家嚟到記得要試吓呀!

➡香港愉景灣酒店 (Auberge Discovery Bay Hong Kong)⬅
地址:愉景灣海澄湖畔路88號                           HK$1,091起

 

大澳文物酒店 (Tai O Heritage Hotel)

酒店係由舊大澳警署改建而成,所以好有殖民地時期嘅建築特色㗎!酒店仲有一間玻璃頂餐廳,喺度望住個海食tea,勁chill呀!另外,酒店仲保留咗大炮、探射燈、看守塔、儲物室地堡等等,可以係留宿期間報名參加酒店嘅導賞服務參觀吓,認識吓大澳嘅歷史。嚟到大澳仲可以去遊覽棚屋,睇白海豚,食炭燒雞蛋仔等等,感受吓舊日漁村嘅風味!

➡大澳文物酒店 (Tai O Heritage Hotel)⬅
地址:香港石仔埗街大嶼山                    HK$2,415起

 

Hotels.com 酒店優惠
睇到呢度,喺咪想即刻book酒店嚟個小出走呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!