定期送上世界各地最新、最地道嘅旅遊資訊!

【西雅圖自由行攻略】2019新航點! 西雅圖景點行程、美食、交通、住宿總整理!

去得多日韓台同埋東南亞旅行,想衝出亞洲嘅話,美國西岸城市西雅圖係個好選擇。2019年有唔少新航點,當中包括西雅圖直航航線,以後去西雅圖自由行就方便好多!小編就為你盤點咗以下必去西雅圖景點,bookmark定啦!

 

📖延伸閱讀:【美國Outlet必買】Le Creuset Outlet攻略!紐約outlet必掃品牌逐個數!

 

西雅圖景點第1站 | 派克市場 (Pike Place Market)

派克市場 (Pike Place Market)
@aghostnamedsara

要體驗當地文化同風俗,其中一個好方法就係行市集,派克市場雖然係主要遊客景點,但因為市場地方大,商品種類廣泛,其實都有唔少當地人會去購物。派克市場最出名嘅,就係魚檔嘅丟魚show,每逢有人買魚,店員就會一路嗌住口號,一路將條魚拋嚟拋去。除咗海鮮,呢度仲有好多蔬果檔,不妨買啲新鮮水果食。派克市場附近仲有塊香口膠牆 (Gum Wall),由唔知幾時開始,人人都將咬過嘅香口膠痴落幅牆度,係有藝術感定核突就真係見仁見智……

 

Pike Place Market
地址:西雅圖 85 Pike St (顯示地圖)
營業時間:星期一至六 9:00-18:00;星期日 9:00-17:00
網址:www.pikeplacemarket.org   

 

西雅圖美食推介 | Pike Place Chowder

Pike Place Chowder
@dab_in_lee

周打湯發源地係美國,而派克市場呢度就有一間周打湯專門店,喺全國周打湯比賽中獲冠!Pike Place Chowder提供多款味道嘅周打湯,包括招牌新英格蘭周打蜆湯、帶子周打湯同埋海鮮周打湯,絕對係必試之選!

 

Pike Place Chowder
地址:西雅圖 1530 Post Alley (顯示地圖)
營業時間:星期一至日 11:00至17:00
網址pikeplacechowder.com  

 

西雅圖景點第2站 | Starbucks元祖店

Starbucks元祖店
@ploegmanshot

派克市場亦係Starbucks fans必嚟嘅地方,因為呢度有美國第一間Starbucks,一定要去朝聖兼買限定版Starbucks杯。不過,元祖店設計非常平凡,只有簡單一個logo,同埋留意返,呢度係冇座位㗎,而且朝聖人數眾多,建議買杯咖啡,或者一袋咖啡豆,再打個卡就可以了。

 

Pike Place Starbucks
地址:西雅圖1912 Pike Pl (顯示地圖)
營業時間:星期一至日 6:00至20:00

 

西雅圖景點第3站 | Space Needle 觀光塔

Space Needle 觀光塔
@spaceneedle

西雅圖最為人熟悉嘅地標,一定係高184米嘅太空針塔(Space Needle)。呢個著名嘅觀光塔雖然唔係西雅圖最高嘅建築物,但由於佢嘅位置同其他摩天建築物有一大段距離,所以更顯得鶴立雞群。上到頂樓觀景台,你可以眺望全個西雅圖市嘅景色,同埋附近壯麗嘅奧利匹克山脈。

 

Space Needle
地址:西雅圖 400 Broad St (顯示地圖)
營業時間:星期一至四 10:00-21:00; 星期五至日 10:00-22:00

 

西雅圖景點第4站 | 流行文化博物館 (Museum of Pop Culture)

流行文化博物館 (Museum of Pop Culture)
@tsipkens

今時今日好多我哋接觸緊嘅文化都源自美國,或者受美國影響,嚟到流行文化博物館,你可以認識一啲風靡全球嘅流行文化係點樣誕生同盛行,當中包含音樂、電影同旅行文化。博物館嘅外形屬於後現代設計,充滿時代感,唔入去睇都可以去出面影相打卡。

 

西雅圖流行文化博物館
地址:325, 5th Avenue N, Seattle, WA 98109 (顯示地圖)
營業時間:星期一至日10點至5點

 

西雅圖美食推介 | Uneeda Burger

Uneeda Burger@uneedaburger

嚟到美國又點可以唔食吓burger呢!喺Fremont區,呢間人氣burger店日日大排長龍,無他,burger款款出色,選用靚美國牛肉,非常juicy,加埋番茄同pickles一齊食,非常邪惡。Uneeda Burger亦有提供素食漢堡,食齋嘅朋友都可以享受地道burger!

 

Uneeda Burger
地址:西雅圖, 4302 Fremont Avenue North (顯示地圖)
營業時間:星期一至日 11:00至21:00
網址:uneedaburger.com

 

西雅圖交通懶人包

西雅圖交通懶人包
@seattlemonorail

主要嘅西雅圖景點都位於市中心,大部份景點都喺步行距離之內。但有啲區域都係要乘搭交通工具前往。西雅圖交通工具大致分為巴士、輕軌鐵路同單軌鐵路。Sound Transit Express多條巴士覆蓋全市主要景點,單程收費2.75美元。

如果想往返太空針塔同其他景點,搭單軌鐵路就最方便。西雅圖單軌鐵路只有兩個站,分別係西雅圖市中心站同Westlake Center站,太空針塔就啱啱喺正旁邊。

 

西雅圖交通實用資訊
西雅圖單軌鐵路:www.seattlemonorail.com/
西雅圖巴士及輕軌鐵路:www.soundtransit.org/

 

西雅圖住宿推介 | 西雅圖安德拉酒店

 西雅圖安德拉酒店
@theartofhospitalityhotels

西雅圖安德拉酒店地段非常優越,鄰近多個主要景點,派克市場、流行文化博物館同埋太空針塔都喺步行距離內。酒店位於繁華大街,酒店附近環境都好安全,行夜咗都唔怕危險。

 西雅圖安德拉酒店_2
@healingartravel

客房方面,設計簡約摩登,空間非常實用,設施亦都非常齊全。

 

西雅圖安德拉酒店
地址:2000 4th Avenue, 西雅圖 (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆  
價格 | 查看價格

 

西雅圖住宿推介 | 蒂奧托雷酒店

蒂奧托雷酒店
@theodoreseattle

蒂奧托雷酒店設計貼近工業風,磚牆帶出一種傳統豪華酒店嘅氣派。酒店位於西雅圖市中心,附近有好多餐廳同埋主要景點,例如西雅圖派拉蒙劇院、派克市場、西雅圖海岸等地方。

蒂奧托雷酒店_2
@theodoreseattle

客房設計舒適,而且設施都貼心,著重細節。

 

西雅圖住宿推介 | 蒂奧托雷酒店
地址:1531 7th Avenue, 西雅圖 (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆  
價格 | 查看價格

 

📖延伸閱讀:【2018最強旅行手信特輯】韓國、德國、俄羅斯、新加坡、泰國手信一次過話你知!
📖延伸閱讀:【溫哥華自由行】溫哥華景點、美食、住宿懶人包!
📖延伸閱讀:【加拿大極光】黃刀鎮自由行—加拿大黃刀鎮極光遊記 (連黃刀鎮景點自駕攻略)
📖延伸閱讀:【杜拜自由行】Top 6特色杜拜手信購買攻略+杜拜旅遊注意事項

 

Hotels.com酒店優惠Hotels.com酒店優惠