定期送上世界各地最新、最地道嘅旅遊資訊!

【華欣villa特集】靚到犯規~3大華欣resort、華欣pool villa推薦!

 

想去泰國同陽光玩遊戲,除咗去布吉同清邁之外,當然唔少得碧海藍天嘅華欣。華欣距離曼谷三小時車程,擁有美麗嘅海岸線同水清沙幼嘅長沙灘。華欣向來係泰國皇室成員嘅避暑勝地,境內有多個皇室同自然景點,帶有絲絲歐洲浪漫氣息。假如你有機會嚟到華欣,小編強烈推薦以下三間 resort,每間都靚到犯規,絕對停唔到手影相同打卡!

 

華欣 resort 推薦|帕斯卡尼度假村

帕斯卡尼度假村

哇,點解咁似去咗希臘嘅?Resort De Paskani 係華欣一間仿希臘愛琴海式建築嘅度假村。整座度假村設計都係以粉藍同白色為主調,一間間小屋沿海而建,令客人好似置身於希臘愛琴海一樣,浪漫十足。度假村位於華欣市區南方,離沙灘只係十數米,開車10分鐘到達 Cicada Market 同 Vana Nava 水上樂園。

帕斯卡尼度假村_2

Resort De Paskani 設有室外游泳池、公共交誼空間、餐廳同花園。餐廳供應泰式料理、飲料同調酒,酒店附近亦有幾間食店。雖然度假村面積唔大,但每一個空間都經過悉心設計,充滿濃濃嘅歐洲風情,是但一個角落都令人想擺pose影相,絕對係打卡勝地!

帕斯卡尼度假村_3

度假村一共有19間房,分8種房型(Pool Access 直達泳池房間﹑Pool Side 池邊房間﹑Pool View泳池景觀同 Ocean View海景房間)。每間房都配有藍白色磁磚,清新得嚟又帶點夢幻。度假村最大嘅亮點當然係 pool access 房間, 每朝早一打開門就可以跳落池,超級方便!而每晚個大泳池都會點上迷幻燈光,好有情調。

 

帕斯卡尼度假村
地址:33/2 Soi Moobaan Takiab, Khao Takiab Rd (顯示地圖)
星級 | ★★★☆☆
位置 | ★★☆☆☆  
設施 | ★★☆☆☆  
環境 | ★★★★★  
價格 | 查看價格  

 

華欣 resort 推薦|華欣普塔拉薩渡假村

華欣普塔拉薩渡假村
@Facebook

Putahracsa Hua Hin Resort 位於華欣北部,距離華欣夜市5分鐘車程。雖然好近市區,但度假村獨特嘅佈局將市區嘅喧鬧完全格離,令客人可以寧靜咁入住,猶如一個小天堂。

華欣普塔拉薩渡假村_2
@Facebook

度假村一共有59間房間,以馬路相隔分開兩個區域-海景區同非海景區。非海景區嘅房間較為平,一樓可以直達游泳池,十分方便;而二樓嘅私人度高啲,視野都好啲。

華欣普塔拉薩渡假村_3
@Facebook

海景景區同樣有一個游泳池,每間房都有個露台,海景一望無際。當中嘅 Sansky Villa 係複式間隔,設計簡約又時尚,夜晚可以去上層睇星星,十分浪漫!

整個度假村都係以簡約嘅現代風格作為主,設有三個室外游泳池、SPA、健身室同三間餐廳。餐廳起係海灘旁邊,環境極靚,食物選擇多且美味。度假村提供免費篤篤車隨時送你到附近市區,亦有免費單車借用,非常貼心!

 

華欣普塔拉薩渡假村
地址:22/65 Naeb Kaehat Rd. Hua Hin, Prachuabkirikhan 77110 (顯示地圖)
星級 | ★★★★★
位置 | ★★★★☆  
設施 | ★★★★☆  
環境 | ★★★★★  
價格 | 查看價格  

 

華欣 resort 推薦|奧萊塔普拉布里酒店

奧萊塔普拉布里酒店
@Facebook

Aleenta 呢間度假村位於 Paknampran Ba​​y 格離,位置離市區都幾遠,大概成40幾分鐘嘅車程,但度假村依然人氣爆登,點解?因為佢果20間獨具特色嘅白色建築小屋,每間嘅設計都唔一樣,但間間都可以欣賞到個極靚嘅海景,再加上佢附近白雪雪嘅靚海灘,營造到個好夢幻嘅環境!

奧萊塔普拉布里酒店_2
@Aleenta Resort Pranburi Facebook

度假村內設無邊游泳池、spa、瑜珈班,24小時服務嘅前台工作人員仲可以幫你安排活動,例如釣魚、打高爾夫球同騎馬。度假村亦係舉辦海灘婚禮嘅好地方,就好似電影情節咁浪漫滿分。

奧萊塔普拉布里酒店_3
@Facebook

唔使講,最靚嘅房型當然係 pool access 房間啦,經過陽台直通無邊際泳池,早起可以係池邊睇日出,而入夜後泳池經打燈光後會散發出迷人嘅魅力。無邊際泳池同左鄰右舍嘅泳池係相連嘅,可能會有意想不到嘅豔遇!當然,你亦可以揀配私人泳池嘅房型,私密度高。

奧萊塔普拉布里酒店_4
@Facebook

Aleenta 度假村嘅餐廳亦都係浪漫滿分,客人可以提前預約餐廳嘅獨光晚餐,兩人只需 4800 泰銖就可以係海邊浪漫嘅裝飾下享用前菜、主菜同甜點,再加一支白酒或紅酒。

 

奧萊塔普拉布里酒店
地址:183 Moo 4, Paknampran, Pran Buri 77220 (顯示地圖)
星級 | ★★★★★
位置 | ★☆☆☆☆  
設施 | ★★★★☆  
環境 | ★★★★★  
價格 | 查看價格  

 

📖延伸閱讀:【華欣自由行】華欣夜市必食必買攻略連附近住宿推介
📖延伸閱讀:【泰國自由行】華欣水上樂園玩樂指南連超抵住宿攻略
📖延伸閱讀:【曼谷新景點】曼谷必去!Top 5曼谷2019新景點、曼谷打卡熱門地點推薦
📖延伸閱讀:【布吉Villa推介2018】 嚴選布吉住宿 – Top 7 布吉Pool Villa酒店住宿精選!

 

Hotels.com酒店優惠Hotels.com酒店優惠