定期送上世界各地最新、最地道嘅旅遊資訊!

【英國必買品牌】Oxford Street購物攻略連英國退稅須知 (Harrods, Liberty London, Poundland, Primark)

去英國倫敦自由行,除咗大英博物館、大笨鐘、倫敦眼、西敏寺等世界知名嘅地標外,仲有一條街係必行嘅,就係Oxford Street喇!成條街都係英國必買品牌,包括Harrods、Liberty London、Poundland、Primark等,豐儉由人,仲教埋你英國退稅攻略,即刻睇吓啦!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)
📖延伸閱讀:【hotels.com優惠專區】hotels.com 訂酒店優惠折扣攻略(邊度拎hotel discount code?)

 

倫敦自由行 | 英國必買品牌 | Oxford Street購物攻略

Oxford Street@wemagazine

位於倫敦嘅Oxford Street係全英國以至全歐洲最繁忙嘅街道之一,每日有超過50萬人蒞臨!Oxford Street之所以吸引到數以萬計人,皆因呢條街商店林立,淨係Window Shopping都已經有排行啊!

Oxford Street2@Retail Gazette

據統計,全長只得1.9公里嘅Oxford Street有接近差不多300間商店,基本上你講得出嘅牌子都一定可以喺呢度搵到!山長水遠去到Oxford Street, 無理由買翻啲喺香港都買得到嘅牌子㗎!小編為你精心搵嚟幾個英國必買本地品牌,感受地道英倫風!

 

Oxford Street (顯示地圖)
官網:https://www.oxfordstreet.co.uk/

 

📖延伸閱讀:【英國自由行】倫敦自由行必去三大掃貨outlet!

 

倫敦自由行 | 英國必買品牌 | Harrods

Harrods@visitlondon.com

創立於1834年嘅Harrods係英國大名鼎鼎嘅高檔百貨公司,係倫敦嘅必去百年百貨公司!入面除咗有過百個設計師品牌嘅時裝店鋪,仲有好多家品、文具精品等等。而百貨公司入面最多人流嘅就係Harrods嘅自家設計精品部喇!

@jillbillbo

除咗名牌產品之外,其實Harrods都有佢哋自家品牌嘅商品,好似有茶葉、手袋同埋佢哋最出名嘅熊公仔等等,質素亦都係好有保證㗎,所以咁多年嚟都深受英國人嘅歡迎!

@commons.wikimedia

地下仲有超市,可以搵到Harrods自家出品嘅乾貨,例如做手信一流嘅餅乾、朱古力、糖果等等,每一樣包裝都好精美,買咗簡直唔捨得拆!

@sprudge.com

行到攰攰哋,仲可以去地下G/F嘅Roastery,試返杯由2017年英國烘焙大賽得獎咖啡師Bartosz Ciepaj嘅手勢㖭!

只要你喺Harrods消費超過50英鎊,你就可以直接到2樓嘅退稅櫃檯辦理退稅手續。如果你想直接現金退稅的話,Harrods會收翻3.5英鎊手續費。唔想畀手續費嘅話,你亦都可以選擇將有關金額存入銀行戶口退稅,記住記住Harrods係唔會處理其他商鋪嘅退稅單㗎!

 

Harrods
地址:87-135 Brompton Rd, Knightsbridge, London SW1X 7XL英國 (顯示地圖)
營業時間:星期一至六 10:00 – 21:00 ;星期日 11:30 – 18:00
官網:https://www.harrods.com/en-gb

 

📖延伸閱讀:【倫敦自由行必食之選】三大必去倫敦美食市集

 

倫敦自由行 | 英國必買品牌 | Liberty London

@the telegraph

樓高幾層嘅Liberty London其實係一間百貨公司,一整排滿載歲月痕跡嘅都鐸式建築,充份咁展示咗佢身為百年老店嘅身分!

@libertylondon

喺Liberty London你可以搵到好多佢哋嘅自家出品,由香水、飾品、手袋、文具、Designer Wear、藝術工藝品、家品都應有盡有,貨品又靚又有特色,行足半日都唔夠!喺度消費咗50磅以上嘅話,就記得要去5樓嘅退稅櫃檯退稅啊!

@libertylondon

數到Liberty London最有特色嘅產品,就當然係佢哋自家喺英國本地設計同埋製造嘅印花織布產品啦!

佢哋世界一流嘅造布技巧同埋印花技術得到唔少國際品牌垂青,絕對係英國必買品牌!

 

Liberty London
地址:Regent St, Carnaby, London W1B 5AH英國 (顯示地圖)
營業時間:星期一至六 10:00 – 20:00 ;星期日 12:00 – 18:00
官網:http://www.libertylondon.com/

 

📖延伸閱讀:【倫敦景點—倫敦市集精選】南倫敦布里克斯頓活化市集遊玩攻略

 

倫敦自由行 | 英國必買品牌 | Primark

@pinterest

嚟到倫敦想留翻啲錢周圍玩,但係又想買衫?咁你就要去Primark啦!Primark係英國當地人其中一間最鍾意去嘅商店,皆因佢哋出售嘅衣物種類多元化之餘,價錢仲要抵到爛,普通T-shirt都只不過需要2.5英鎊就可以買到一件,質地仲要唔差,所以Primark成日都人山人海㗎!

@bloomberg

Pirmark喺倫敦有好多間分店,而識去嘅就一定係去Oxford Street呢間樓高4層嘅分店喇,因為呢度比其他分店更大,貨品種類都碼數都更加齊全!

@primark

唔好以為Primark啲嘢咁平就無好嘢!Primark周不時都會同Disney或者電影好似哈利波特、蜘蛛俠等等合作推出期間限定產品,而且價錢都仲係咁抵,你無理由唔去血拼嘅!

@primark

除咗衫褲鞋襪同飾品之外,家品嘅顏值同質素CP值都係超高!

 

Primark
地址:14-28 Oxford St, Fitzrovia, London W1D 1AU英國 (顯示地圖)
營業時間:星期一至六 08:00 – 20:00 ;星期日 12:00 – 18:00
官網:https://www.primark.com/en/

 

📖延伸閱讀:【英國自由行】廢棄公廁改造人氣倫敦餐廳酒吧

 

倫敦自由行 | 英國必買品牌 | Poundland

@poundland

Poundland係英國連鎖品牌,又稱為一鎊店,店內8成貨品包括食物、家居用品以至清潔用品全部都只係標價1英鎊,所以收銀處經常都會大排長龍㗎!

@Poundland_UK

以為Poundland標價咁平所以佢哋賣得嘅都係雜嘜牌子?咁就錯啦!Poundland賣嘅除咗我地平時食開或者用開嘅大牌子食物,仲有好多周邊商品,例如文具、嬰兒用品、家品等等,估都估唔到Poundland嘅平價外表,原來收埋咁多靚嘢!

@poundland.co.uk

英國人最鐘意成班人喺草地野餐hea,所以佢哋嘅野餐用品都設計得好有心思㗎!

 

Poundland
地址:52-56 Camden High St, London NW1 0LT英國 (顯示地圖)
營業時間:星期一至六 08:00 – 20:00 ;星期日 11:00 – 17:00
官網:http://www.poundland.co.uk/

 

📖延伸閱讀:【倫敦必食精選】三大靚景倫敦餐廳推介!

 

倫敦自由行 | 倫敦酒店住宿推介 | 倫敦希爾頓溫布利酒店

倫敦希爾頓溫布利酒店

倫敦希爾頓溫布利酒店2

如果你係英超嘅忠實球迷,位於足球聖地溫布萊球場附近嘅倫敦希爾頓溫布利酒店就肯定係你倫敦自由行住宿嘅不二之選。由酒店搭火車去倫敦市中心亦都只不過係需要30分鐘車程,非常便利。另外,酒店隸屬於國際連鎖集團希爾頓,質素絕對有保證!

 

倫敦希爾頓溫布利酒店
地址:GBR溫布利Lakeside Way (顯示地圖)
星級 | ★★★★☆  
位置 | ★★★★☆
設施 | ★★★★☆  
環境 | ★★★★☆  
價格 | 查看價格  

 

倫敦自由行 | 倫敦酒店住宿推介 | 皇家朱蘭海德公園酒店

Vacation Hub International - VHI - Travel Club - The Royale Chulan@vacationhub

鄰近威廉王子嘅居所肯辛頓宮嘅皇家朱蘭海德公園酒店,純白色嘅外牆為酒店增添一份典雅。皇家朱蘭海德公園酒店最特別嘅地方係佢哋設有小廚房,提供廚具予客人煮食,唔洗餐餐係出面食咁破費。

皇家朱蘭海德公園酒店
地址:GBR倫敦Westminster23-25 Leinster Square (顯示地圖)
星級 | ★★☆☆☆   
位置 | ★★★★☆
設施 | ★★★☆☆   
環境 | ★★★★☆  
價格 | 查看價格  

 

倫敦自由行 | 倫敦酒店住宿推介 | 圖書館酒店 (Library)

圖書館酒店嘅室內設計好靚好有特色,每論房間定大堂,都係一流嘅打卡spot!另外,佢嘅地理位置都好方便,每論去Leicester Square定係Charing Cross Underground Station地鐵站都只需要3-5分鐘步程,CP值好高!

圖書館酒店 (Library)
地址:GBR倫敦138 Bronesbury Villas (顯示地圖)
星級 | ★★★☆☆  
位置 | ★★★☆☆
設施 | ★★☆☆☆
環境 | ★★★☆☆
價格 | 查看價格  

 

倫敦自由行 | 倫敦酒店住宿推介 | 潘克拉斯帕洛爾酒店

潘克拉斯帕洛爾酒店, 倫敦

潘克拉斯帕洛爾酒店, 倫敦, 客房

位於倫敦市中心嘅潘克拉斯帕洛爾酒店設計相當時尚,而且鄰近Kings Cross地鐵站,基本上同好多市內景點都只不過在咫尺之間,唔洗特登搭車都可以行到,真係連車費都慳翻唔少啊!

 

潘克拉斯帕洛爾酒店
地址:GBR倫敦48a Wicklow Street (顯示地圖)
星級 | ★★★☆☆  
位置 | ★★★★☆
設施 | ★★★☆☆  
環境 | ★★★☆☆  
價格 | 查看價格

 

倫敦自由行 | 倫敦酒店住宿推介 | 切爾西新修道院酒店

切爾西新修道院酒店, 倫敦, 外觀

切爾西新修道院酒店, 倫敦, 客房, 客房

切爾西新修道院酒店樓下設有車站同埋超級市場,帶漏日用品都無有怕。酒店房間寬敞開揚,而且非常整齊企理,一定能夠令你有一個舒適愉快嘅假期!

 

切爾西新修道院酒店
地址:GBR倫敦Sloane Avenue (顯示地圖)
星級 | ★★★☆☆  
位置 | ★★★★☆
設施 | ★★★★☆  
環境 | ★★★★☆  
價格 | 查看價格

 

📖延伸閱讀:【倫敦酒店推介】$600蚊有找!英國倫敦Zone 2至抵住宿推薦!

 

倫敦自由行 | 英國退稅須知

uk tax return@taxrefundsuk

只要你喺英國單一店舖消費達到30英鎊或以上,你就可以向商鋪提取退稅表格準備退稅啦!而英國嘅退稅率係20%,扣除手續費之後都仲有大概12%左右,相當之高㗎,所以喺英國血拼完翻香港之前,記得要去退稅啦!

英國嘅退稅方式有兩種,分別為現金即時退稅或者退稅到你嘅銀行戶口,只要你將退稅表格上面嘅資料填好,帶埋收據去位於機場嘅退稅櫃位辦理手續咁就搞掂㗎啦!

唔想去到機場先退稅咁趕頭趕命,其實Oxford Street都有一個退稅點,只要帶著填好晒資料嘅退稅表格同埋收據去到就可以退稅㗎啦!

 

Oxford Street 退稅點
地址:339 Oxford St, Mayfair, London W1C 2AB英國 (顯示地圖)
官網:https://www.gov.uk/claim-tax-refund

📖延伸閱讀: 【倫敦遊記】倫敦必去近郊之選—最美海邊小鎮布萊頓!
📖延伸閱讀:【蘇格蘭自由行】蘇格蘭高地自駕行程攻略(連愛丁堡住宿推薦)
📖延伸閱讀:【有今生冇來世】英國朝聖曼徹斯特「夢劇場」奧脫福!(連英超門票撲飛攻略)
📖延伸閱讀:【Grad Trip玩到盡】歐洲之星倫敦、巴黎、布魯塞爾景點懶人包! (連票務行李全攻略)

 

 

Hotels.com酒店優惠