定期送上世界各地最新、最地道嘅旅遊資訊!

【紐西蘭自駕遊】3個最大機會睇到紐西蘭極光嘅景點+紐西蘭手信之選+極光追蹤手機App推介

每年6-9月就係追極光嘅最佳月份,而紐西蘭南島亦係睇南極光嘅最佳地方,全因呢度光污染低、夠廣闊同天空經常都萬里無雲!雖然紐西蘭係追極光熱點,但要睇到極光,一定要做足準備!小編已經幫大家整合好一個紐西蘭自駕遊追極光攻略,同大家推介3大極光景點,仲教埋你下載極光指數app,為出發前做足功課!

 

紐西蘭極光景點|但尼丁 Dunedin


@flickr

但尼丁係紐西蘭南島第二大城市,以充滿英倫風情同純美自然風光為名!雖然係大城市,但由於地勢較高,而且靠近海邊,所以只要向南海岸線望,就有機會遇上迷人極光。但尼丁嘅Blackhead、Signal Hill同Smails Beach都係睇極光嘅熱點,大家記得密切留意極光預報,極光指數達致5以上就即刻衝去呢幾個地方追極光!

 

紐西蘭極光景點|卡特林斯 The Catlins


@flickr

話明睇南極光,極光景點當然愈近南極就愈有機會睇到!卡特林斯位於紐西蘭南島最南部,人煙稀少,四周圍都係茂密嘅森林,係紐西蘭嘅一片隱世淨土!由於呢到遠離光污染,只要喺無雲同月光光度低嘅時候,就有好大機會可以睇到粉紅同綠色交替嘅南極光。如果極光指數夠高,仲有機會肉眼睇到𠻹!

 

紐西蘭極光景點|蒂阿瑙 Te Anau


@flickr

蒂阿瑙係紐西蘭著名嘅睇藍光蟲景點,但大家又知唔知,其實呢到都有機會睇到極光呢?睇極光除咗要光害低同極光指數高,視野廣闊都係非常重要嘅元素!蒂阿瑙湖上一片無際嘅天空,成為觀賞極光嘅最佳地點!當極光出現時,同湖色相輝映,真係靚到令人畢生難忘!

 

自駕遊路線攻略
小編建議大家直接飛抵但尼丁國際機場 (Dunedin International Airport),到達第一站但尼丁 > 再去第二個極光景點卡特林斯 > 最後向西北進發到達第三個極光景點(Te Auau) > 再由皇后鎮國際機場 (Queenstown International Airport)離開。以上嘅自駕路線就最暢順,同玩得最盡興啦!

 

紐西蘭極光手機App推薦
想睇極光就一定留意「KP值」,「KP值」即係極光嘅範圍覆蓋率,「KP值」愈高就愈大機會睇到。當「KP值」去到5或以上就會有機會睇到極光。大家記得出發前下載以下極光指數App,根據App所顯示嘅「KP值」去追極光!

Iphone用家:Aurora Forecast

Android用家:Solaris Alpha

 

紐西蘭手信推薦

嚟到紐西蘭,一定要買返啲特產!


@Countdown

Whittakers Share Pack Individually Wrapped Mini L & P Slab 180g $4.5NZD

Whittaker’s嘅朱古力同L&P汽水都係紐西蘭非常出名嘅必買手信。而今次推介比大家嘅係由Whittaker’s出品嘅L&P檸檬汽水味朱古力!雖然食落去係朱古力嘅口感,但入面加咗爆炸糖,模擬飲汽水嘅感覺,一次過滿足哂兩個願望! 必買!

 


@PureSource
Pure Source Rotorua Thermal Mud Mask with Manuka Honey 150g $18.6NZD

來自紐西蘭著名火山Rotoura嘅天然火山泥,再加上紐西蘭名產麥盧卡蜂蜜,深層清潔皮膚同時有修護功效!最適合捱夜追極光之後,敷呢個泥膜緩解肌膚疲勞!

 

 

Hotels.com酒店優惠