定期送上世界各地最新、最地道嘅旅遊資訊!

【米子美食特集】鳥取縣米子必食!Top 5米子燒肉、和牛、放題餐廳推薦!

鳥取縣自18世紀開始就已經有規模地養殖和牛,可以稱得上係日本和牛嘅經典產地!鳥取和牛喺日本嘅評價相當之高,同松阪、近江以及神戶和牛齊名。想食最新鮮嘅鳥取和牛?咁就一定要去鳥取縣嘅中心米子市啦!今次小編就為你搜羅咗5間米子必食燒肉、和牛、放題餐廳,仲唔即刻飛去試吓?

 

米子美食特集 | 米子必食燒肉、和牛、放題餐廳推薦 | 強小亭

強小亭
@gurunavi.com

強小亭_2
@kaminari_katoh

鳥取大山牧場所採用嘅飼料天然,所以佢哋出產嘅和牛肉質特別鮮美。喺2017年,大山和牛更加喺「第11屆日本全國和牛能力共進會」上被評選為最佳肉質和牛,間接亦令到強小亭呢間專門供應大山牧場和牛嘅餐廳一躍成為米子人氣最高嘅餐廳!

強小亭_3
@toshi_noda

有別於一般和牛,大山和牛嘅肉味更為濃郁,而且油脂相對亦唔會太多,食完之後唔會有一種好膩嘅感覺!

強小亭_4
@gurunavi.com

好多人嚟到強小亭都會叫佢哋嘅大山和牛套餐,套餐包括咗牛大腿肉、牛肩肉同埋里脊肉,將佢哋輕輕一燒再加少少鹽調味,一試難忘!

 

強小亭
地址:日本〒683-0812 Tottori, Yonago, 米子市角盤町1丁目60-11 (顯示地圖)
營業時間:11:30 – 14:30;17:00 – 23:00 (逢禮拜日休息)
官網:http://www.kyoshotei.com/

 

米子美食特集 | 米子必食燒肉、和牛、放題餐廳推薦 | 和顏

和顏
@skyyer.com

和顏_2
@ar_joan

香港人向來都鍾意打邊爐,嚟到米子又點可以錯過和顏呢間ShabuShabu專門店!和顏嘅ShabuShabu湯底清甜,而且仲可以加唔同種類嘅蔬菜落去增添鮮味,用呢個湯底嚟食鳥取和牛簡直係一流!

和顏_3
@karakara_kk

和顏_4
@tabelog

除咗ShabuShabu,和顏嘅壽喜燒亦相當出名。當中最特別嘅係和顏會安排專人為食客即席烹調鳥取和牛,佢哋會將鳥取和牛煎到恰到好處,然後加入壽喜燒醬油調味,煮法非常講究。另外,餐廳建議客人喺食之前,可以再點一點雞蛋,味道會更有層次㗎!

 

和顏
地址:日本〒683-0063 Tottori, Yonago, Hosshōjimachi, 22 善五郎蔵 (顯示地圖)
營業時間:11:00 – 14:00;17:30 – 20:30 (逢禮拜日休息)
官網:http://wagen.tomocommu.com/

 

米子美食特集 | 米子必食燒肉、和牛、放題餐廳推薦 | 福本鐵板燒 Fukumoto

福本鐵板燒 Fukumoto
@teppan-fukumoto.com

福本鐵板燒 Fukumoto_2
@teppan-fukumoto.com

福本鐵板燒喺米子嘅名氣響噹噹,唔少食客都對佢哋嘅鐵板鳥取和牛讚不絕口!鐵板燒呢款深受歡迎嘅日本料理雖然睇落好似好簡單,但其實烹煮嘅時間或者火候都絕對唔可以出錯,好考廚師嘅功力㗎!

福本鐵板燒 Fukumoto_4
@teppan-fukumoto.com

除咗可以散叫鐵板鳥取和牛,其實福本鐵板燒呢度仲有套餐選擇。套餐一共有6道菜,包括海鮮前菜、鐵板鳥取和牛同埋甜品等等,佢哋嘅海鮮食材全部都係喺鳥取當地新鮮捕獲,絕無雪藏味,質素極高!

 

福本鐵板燒 Fukumoto
地址:日本〒683-0804 Tottori, Otako City, Mihara 1459-9 (顯示地圖)
營業時間:11:30 – 14:00 (逢禮拜四至六);18:00 – 23:00 (平日); 逢禮拜日休息
官網:http://teppan-fukumoto.com/

 

米子美食特集 | 米子必食燒肉、和牛、放題餐廳推薦 | 燒肉黑

燒肉黑
@Lineblog

燒肉黑_2
@yakiniku.kuro 

燒肉黑對於食材嘅選用相當講究,佢哋選用大名鼎鼎嘅前田牧場和牛。前田牧場嘅和牛脂肪較低,不過肉質依然鬆軟。另外,餐廳亦採用被譽為係全世界最純潔嘅喜馬拉雅山岩鹽嚟調味,喺度食燒肉又好似冇咁大罪惡感喎!

燒肉黑_3
@kuro.jp

燒肉黑嘅食材選擇豐富,由鳥取和牛嘅不同部位,到豚肉、雞肉、各種海鮮等都一應俱全。另外,職員亦會向食客講解和牛各個部位嘅特別之處,服務好貼心㗎!

 

燒肉黑
地址:日本〒683-0812 鳥取県米子市角盤町2-120 (顯示地圖)
營業時間:17:00 – 24:00
官網:http://yakiniku-kuro.com/

 

米子美食特集 | 米子必食燒肉、和牛、放題餐廳推薦 | 今川燒肉

今川燒肉
@imagawa29

鳥取和牛嘅脂肪裡面有充足嘅油酸,所以肉質鬆軟,入口即溶,而且一啲都唔油膩。而數到最上等嘅鳥取和牛,當然唔可以漏咗Olein 55啦!Olein 55其實即係脂肪含有超過55%油酸嘅鳥取和牛,每年只會有大約350隻鳥取和牛符合資格,好矜貴㗎!想食Olein 55呢款咁罕有嘅鳥取和牛,就一定要去今川燒肉喇!

今川燒肉_2
@lotta_cooking

今川燒肉_3
@dj_haru

有別於普通燒肉餐廳,今川採用炭火燒肉,風味十足!除咗鎮店之寶Olein 55鳥取和牛同埋其餘嘅肉類之外,小編特別推薦呢度嘅牛髀柳。今川燒肉嘅牛髀柳足足有一舊石頭咁大,經過炭火燒烤嘅牛髀柳唔單止帶有焦香,仲肉汁爆棚,絕對會令你回味無窮!

 

今川燒肉
地址:日本〒683-0804 米子市鳥取県米子市米原9-3-16 (顯示地圖)
營業時間:16:00 – 22:30 (逢禮拜三休息)

 

米子美食特集 | 米子方便住宿推薦 | 米子華盛頓酒店

 米子華盛頓酒店

米子華盛頓酒店毗鄰JR米子車站,由酒店行大約5分鐘就到,要去唔同嘅米子燒肉、和牛、放題餐廳都相當方便。另外,酒店旁邊仲有一個大型購物中心,食完燒肉或者和牛去血拼都幾好㗎!

 米子華盛頓酒店_2

米子華盛頓酒店嘅房間光線充足,而且乾淨整齊,質素相當唔錯。酒店設有自助泊車服務,啱晒嚟米子自駕遊嘅旅客。

 

米子華盛頓酒店
地址:JPN米子125 Meiji-cho (顯示地圖)
星級 | ★★★☆☆ 
位置 | ★★★★★ 
設施 | ★★★☆☆ 
環境 | ★★★☆☆ 
價格 | 查看價格  

 

米子美食特集 | 米子方便住宿推薦 | 米子豐收季酒店

米子豐收季酒店

同樣鄰近JR米子車站嘅米子豐收季酒店裝修簡潔俐落。酒店附近有唔少餐廳,起身要搵早餐食醫肚都完全無難度!

米子豐收季酒店_2

酒店房間燈光柔和、舒適又寬敞,絕對有足夠嘅活動空間。

 

米子豐收季酒店
地址:JPN米子8-27 Yayoimachi (顯示地圖)
星級 | ★★★☆☆ 
位置 | ★★★★★
設施 | ★★★☆☆ 
環境 | ★★★★☆ 
價格 | 查看價格  

 

📖延伸閱讀:【鳥取景點懶人包】鳥取砂丘交通、行程、住宿總整理 (必玩騎駱駝 + 飛行傘 + 越野自行車)
📖延伸閱讀:【日本必食】終極嚴選京都、大阪、沖繩、東京必食特集2018!
📖延伸閱讀:【日本便利店必食大全】日本7-11 vs 日本LAWSON大比併!人氣必食飯糰、炸雞、關東煮、零食、飲品逐一介紹!
📖延伸閱讀:【九州自由行】鐵道遊九州景點全攻略 (連福岡、熊本住宿推薦)

 

Hotels.com酒店優惠Hotels.com酒店優惠