定期送上世界各地最新、最地道嘅旅遊資訊!

【福岡購物狂】達人帶路爆買!五大福岡shopping熱點秘點大公開!

福岡購物好去處多到數都數唔晒,所以喺日本有「最適合購物城市」呢個美譽。就算平時唔係購物狂嘅你,相信嚟度都會買到一袋二袋戰利品!今次就等小編為你公開5大福岡shopping熱點秘點,包你滿載而回!

 

福岡購物狂 | 五大福岡shopping熱點秘點 | 博多運河城

博多運河城
@flickr

博多運河城_2
@CanalCityHakata

數到福岡標誌性嘅shopping熱點,又點少得博多運河城啊!博多運河城設計華麗,而且更有一條人工運河,超有歐陸水鄉色彩啊!另外,商場裡面嘅太陽廣場每日都會有璀璨嘅燈光噴泉表演,好值得嚟欣賞㗎!

博多運河城_3
@CanalCityHakata

博多運河城_4
@she5206

博多運河城裡面有超過200間商舖,當中有唔少以日本動畫作主題嘅商店,好似妖怪手錶專門店同埋專賣吉卜力工作室產品嘅吉卜力共和國等等,動畫迷必到啊!

博多運河城_5
@travelearth.com

博多運河城_6
@joy0523

而位於商場5樓嘅拉麵競技場裡面雲集咗8間喺日本當地名氣響噹噹嘅拉麵店,好似金田家同埋本田商店久留米等等,行到攰嘅話不妨食翻碗地道拉麵先再去血拼!

 

 

博多運河城
地址:1 Chome-2 Sumiyoshi, Hakata Ward, Fukuoka, 812-0018日本 (顯示地圖)
營業時間:10:00 – 21:00
網址:https://canalcity.co.jp/

 

福岡購物狂 | 五大福岡shopping熱點秘點 | JR博多城

JR博多城
@danielflytw

座落喺博多車站嘅JR博多城並唔係一個普通購物中心,佢可以堪稱為全福岡最具規模嘅商城。JR博多城裡面包括AMU PLAZA、KITTE博多0101同埋博多阪急百貨等等深受歡迎嘅福岡shopping熱點,身為購物狂嘅你又點可以唔到此一遊!

JR博多城_2
@letsgojp.com

AMU PLAZA同埋KITTE博多0101裡面嘅商鋪主打年青顧客,其中AMU PLAZA嘅1至5樓係文青必到嘅Tokyuhands東急手創館,不妨嚟搜羅一吓日本當地最新推出嘅文具小物。

JR博多城_3
@yokaby.com

JR博多城_4
@yokaby.com

至於博多阪急百貨裡面則有唔少來自日本各地嘅零食手信,例如卡樂B限定版嘅九州明太子味薯片、Sugar Butter Tree嘅奶油夾心餅等等,嚟買手信就最好不過啦!

 

JR博多城
地址:1-1 Hakataekichūōgai Hakata-ku, Fukuoka-shi, Fukuoka-ken 812-0012 日本 (顯示地圖)
營業時間:10:00 – 21:00
網址:http://www.jrhakatacity.com.t.bv.hp.transer.com/

 

福岡購物狂 | 五大福岡shopping熱點秘點 | 天神CORE

 天神CORE
@fukuoka-now.com

想知日本近嚟有啲乜嘢流行?咁你就一定要去天神CORE走一轉!共10層高嘅天神CORE係福岡嘅時尚集中地,日本當季至潮至in嘅服飾同埋鞋款都全部喺晒呢度,梗係要嚟發掘當地嘅最新潮流啦!

 天神CORE_2
@ayura-co.jp

 天神CORE_4
@4every_tenjincore

天神CORE嘅B2至4樓嘅舖頭主要售賣女裝,而5至6樓就有鐘錶舖等專為男士而設嘅商舖,至於其餘樓層大多則為食肆同埋生活百貨店,商鋪種類繁多。此外,天神CORE裡面仲有唔少喺香港買唔到嘅日本品牌,好似仲西眼鏡店同埋VOLCAN&APHRODITE等等,你又點可以錯過!

 

天神CORE
地址:1 Chome-11-11 Tenjin, Chuo Ward, Fukuoka, 810-0001日本 (顯示地圖)
營業時間:10:00 – 20:00
網址:http://www.tenjincore.com/

 

福岡購物狂 | 五大福岡shopping熱點秘點 | 天神地下街

 天神地下街
@flickr

天神地下街同附近各個交通樞紐相通,一出車站基本上就會即刻到達。地下街全長接近600米,而且連接三越、岩田屋、大丸以及PARCO等大型百貨公司,真係可以喺度行足成日㗎!

 天神地下街_2
@tenjinchikagai

 天神地下街_3
@travel_young10

除咗大型百貨公司,天神地下街仲有唔少售賣日系風格雜貨嘅小店。店內嘅產品款式唔單止別緻,而且選擇仲相當之多,碗碟、文具以至裝飾品都通通可以喺度買到,加上每樣商品嘅價錢並唔算太貴,買完都唔會有罪惡感啊!

 

天神地下街
地址:1-6-8 Tenjin, Chuo-ku, Fukuoka 810-0001, Fukuoka Prefecture (顯示地圖)
營業時間:10:00 – 20:00
網址:https://www.tenchika.com/

 

福岡購物狂 | 五大福岡shopping熱點秘點 | 瑪麗諾亞城

 瑪麗諾亞城
@yokanavi.com

 瑪麗諾亞城
@marinoacity

 瑪麗諾亞城_3
@marinoacity

距離福岡市區大約1個鐘車程嘅瑪麗諾亞城係全九州規模數一數二嘅outlet,裡面嘅商鋪包羅萬有,由服裝、家具到玩具等等都一應俱全,就連媽咪最愛嘅德國雙人牌Zwilling都喺度搵得到,自問係購物狂嘅朋友當然要嚟呢度瘋狂掃貨啦!

 瑪麗諾亞城_4
@Japan Discovery

另外,瑪麗諾亞城仲設有一座高60米嘅SKY WHEEL摩天輪,買晒心頭好之後不妨坐上去俯瞰博多灣一帶嘅海景,好壯觀㗎!

 

瑪麗諾亞城
地址:2 Chome-12-30 Odo, Nishi Ward, Fukuoka, 819-0001日本 (顯示地圖)
營業時間:10:00 – 21:00
網址:https://www.marinoacity.com/

 

福岡住宿推薦 | 福岡必住酒店 | 東急住宿博多酒店

東急住宿博多酒店

東急住宿博多酒店_2

東急住宿博多酒店附近除咗有Lawson以及Family Mart便利店,同博多車站距離亦唔算太遠,步行大約10分鐘就會到達,非常方便。

東急住宿博多酒店_3

東急住宿博多酒店嘅設施完備,設有洗衣機、乾衣機同埋廚房供住客使用,訓唔著想去煮翻個宵夜食都完全無問題啊!而且酒店房價經濟實惠,慳翻啲錢又可以再去各大福岡shopping熱點秘點掃貨啦!

 

東急住宿博多酒店
地址:JPN福岡Hakata1-11-11 Hakataekiminami (顯示地圖)
星級 | ★★★☆☆ 
位置 | ★★★★☆ 
設施 | ★★★☆☆ 
環境 | ★★★☆☆ 
價格 | 查看價格  

 

福岡住宿推薦 | 福岡必住酒店 | 福岡日航酒店

福岡日航酒店

福岡日航酒店座落喺博多車站旁邊,交通相當便利。酒店唔單止位置優秀,而且仲設有停車場,啱晒嚟福岡自駕遊嘅旅客啊!

福岡日航酒店_2

福岡日航酒店_3

另外,福岡日航酒店房間裝潢簡約舒適,絕對能夠帶畀住客一種賓至如歸嘅住宿體驗。酒店裡面嘅設施齊全,室內泳池、健身中心同埋spa等康樂設施應有盡有,血拼完喺度放鬆一吓都係個唔錯嘅選擇!

 

福岡日航酒店
地址:JPN福岡Hakata-ku2-18-25 Hakata-ekimae (顯示地圖)
星級 | ★★★★☆ 
位置 | ★★★★★
設施 | ★★★★☆ 
環境 | ★★★★☆ 
價格 | 查看價格  

 

📖延伸閱讀:【長崎必食】又有新航線!編輯嚴選三大長崎美食餐廳!
📖延伸閱讀:【福岡必食推薦】久留米一日遊 — 留米景點行程 + 美食餐廳 + 高質住宿推薦!
📖延伸閱讀:【熊本自由行】4日3夜熊本景點行程懶人包 (連熊本必食餐廳推薦)
📖延伸閱讀:【名古屋自由行】名古屋必買—長島三井Outlet、土岐Outlet攻略 (連Top 3名古屋必食餐廳推薦)

 

Hotels.com酒店優惠Hotels.com酒店優惠