定期送上世界各地最新、最地道嘅旅遊資訊!

【神戶一日遊】神戶六甲山景點推薦!(六甲枝垂、摩耶山睇神戶夜景)

神戶位於大阪市西邊,交通方便,距離大阪都只係半個鐘車程,所以除咗京都、奈良之外,唔少人都會選擇嚟神戶一日遊神戶行程方面,依山面海嘅神戶夜景可以話係不容錯過。但除咗夜景,神戶仲有好多特色景點,好似布香花園、有馬溫泉等等,全部圍繞神戶六甲山,方便又慳返唔少搭車時間!

 

神戶一日遊|神戶六甲山景點推薦|布引香草花園

布引香草花園@布引香草花園官網

布引香草園係日本最大嘅香草園,園內種植咗超過7,5000棵植物,包括玫瑰、櫻花、向日葵、洋甘菊同薰衣草等等,配合埋充滿異國風情嘅德式建築,好似置身喺歐洲小鎮咁,感覺非常夢幻。

布引香草花園_2
@布引香草花園官網

布引香草花園_3@kobe_nunobiki_herb_gardens

布引香草園依山而建,最佳遊覽方式係先乘搭布引纜車去山頂,再沿路參觀園區。

布引香草花園_4@布引香草園官網

7月至8月期間,成個芳香庭園仲會開滿向日葵,影相打卡一流呀!

布引香草花園_5
@ayastagram.08

一望無際嘅花海真係超級壯觀。

布引香草花園_6
@wdshun

布引香草花園_7
@donchiyan2838

繼續行就會到達風之丘草坪廣場。風之丘草坪廣場係香草園入面其中一個好受歡迎嘅景點,除咗周圍種滿百合、紅葉等植物,草地上仲設有吊床,可以一邊吹風,一邊欣賞神戶港嘅景色,感覺非常悠閒。

布引香草花園_10
@victorhaku

位於山腰嘅布引瀑布唔單止被列入「日本瀑布百選」,仲係日本3大神聖瀑布之一。布引瀑布係由四個瀑布組成嘅瀑布群,全長大約1471公尺,非常壯觀!


布引香草花園_11@布引香草園官網

另一個好值得去嘅就係玻璃屋喇!玻璃屋係一個種滿香草同熱帶植物嘅溫室花園,你仲可以喺到製作屬於自己嘅香料同精油,想DIY嘅話就記得要提前預約喇!

布引香草花園_12
@kobe_nunobiki_herb_gardens

布引香草花園_13
@kobe_nunobiki_herb_gardens

行到攰仲可以去隔離嘅The Veranda神戶餐廳,享受用各種香草製成嘅料理同香草茶。

 

布引香花園
地址:兵庫県神戸市中央区北野町1-4-3 (顯示地圖)
交通:山陽新幹線 新神戶站
營業時間:10:00 – 17:00 全年無休 ※會因季節而有所調整
入場費用 (只供參考)成人 ¥1,500;兒童 ¥750
網址http://www.kobeherb.com/

 

神戶一日遊|神戶六甲山景點推薦|有馬溫泉

有馬溫泉@adaemrys_cheng

有馬溫泉係日本3大古泉之一,亦係關西地區最古老嘅溫泉。有馬溫泉同一般嘅溫泉唔同,有馬附近冇任何火山地形,但溫泉都可以喺60公里深嘅地底湧出,而且含有多種礦物質,對身體好好㗎。

有馬溫泉_2
@hazzzzzy_

除咗一泊二食嘅住宿套餐之外,唔少溫泉旅館亦都設有一日套票,提供和式午餐同溫泉服務,啱晒嚟神戶一日遊嘅朋友仔。

有馬溫泉_3
@c_wwwhite

有馬溫泉分為金之湯、銀之湯。金之湯係含有豐原鐵質嘅鹽化泉,入面嘅礦物質有保濕美容嘅功效,仲可以舒緩關節痛、風濕、腸胃病、濕疹嘅病症。

有馬溫泉_4
@pikake_m

銀之湯係低溫嘅碳酸泉,可以加強血液循環同促進新陳代謝,對消除水腫,以及治療消化系統疾病同痛風都非常有效,鍾意浸溫泉嘅朋友絕對唔可以錯過。

 

有馬溫泉
地址:兵庫縣神戸市北區有馬町
交通:神戶電鐵 有馬溫泉站
網址:http://www.arima-onsen.com/


神戶一日遊|神戶六甲山景點推薦|摩耶山

摩耶山
@natsuki_666

摩耶山嘅神戶夜景被譽為日本3大夜景之一,甚至到2015年重新票選,摩耶山掬星台仍然穩坐三甲,同長崎稻佐山、札幌藻岩山齊名,合稱「日本新3大夜景」。

摩耶山_2
@yamajun69

前往掬星台嘅方法比較麻煩,要先乘搭登山纜車到「虹の駅」,再轉乘多次纜車去最高點「星の駅」,車程大約10分鐘,喺纜車望出去嘅景色都好靚。

摩耶山_3
@lll_photo_

秋天仲可以欣賞到紅葉。

摩耶山_4@tsutsuuraura_jpn

摩耶山掬星台高約700公尺,係全神戶視野最好嘅地方。

摩耶山_5
@mirai888_3810

日落時分,每家每戶嘅燈都會慢慢亮起,閃爍璀璨,難怪掬星台有「以手掬星」嘅意思啦。神戶夜景原來喺1953年就已經被評為「百萬夜景」,將掬星台所見嘅夜景換算做電力,原來成個夜景價值足足有1000萬美元咁多,所以近年仲出現咗「千萬夜景」呢個美譽。

 

摩耶山
地址:兵庫縣神戶市灘區摩耶山町2-2 (顯示地圖)
交通:18號巴士 摩耶索道站
網址:https://www.feel-kobe.jp/kobe-yakei/area/mountain/03/

 

神戶一日遊|神戶六甲山景點推薦|六甲枝垂

六甲枝垂@六甲枝垂官網

六甲枝垂_2
@came_gaki

位於六甲山山頂嘅「六甲枝垂」係一個創新嘅觀景台,你除咗可以360度欣賞神戶嘅景色之外,仲可以感受到六甲山嘅季節變化,無論日頭定夜晚嚟都非常適合。

六甲枝垂_4
@六甲枝垂官網

六甲枝垂由著名建築師三分一博志精心打造,創作原型係一棵「大樹」,所以採用奈良縣吉野森林盛產嘅柏樹做建築材料。

六甲枝垂_4
@六甲枝垂官網

經過特別設計嘅框架就等於六甲枝垂樹枝,有防雨、通風、透光嘅作用。喺呢到可以享受柏樹溫柔嘅氣味,感受六甲山嘅自然風光。

六甲枝垂_5
@六甲枝垂官網

獨特嘅設計自帶構圖功能,好似畫一樣咁靚。

六甲枝垂_6
@六甲枝垂官網

嚟睇夜景嘅話仲可以欣賞到六甲枝垂嘅燈光表演㖭!

 

六甲枝垂
地址:兵庫県神戶市灘區六甲山町五介山1877-9 (顯示地圖)
交通:六甲摩耶天空區間巴士 六甲山站
營業時間:10:00 – 21:00 全年無休
網址:https://www.rokkosan.com/gt/

 

📖延伸閱讀:【地上最強關西交通攻略】各式交通PASS用法、價錢一文睇哂!包括關西周遊券、大阪周遊卡、京阪電車一日券
📖延伸閱讀:【日本便利店必食大全】日本7-11 Vs 日本LAWSON大比併!人氣必食飯糰、炸雞、關東煮、零食、飲品逐一介紹!
📖延伸閱讀:【大阪隱世景點】日本秘境逐個捉!編輯嚴選Top 6大阪近郊一日遊好去處!
📖延伸閱讀:【大阪餐廳推薦】嚴選Top 6大阪大阪燒、大阪章魚燒 2019!

 

Hotels.com酒店優惠Hotels.com酒店優惠