定期送上世界各地最新、最地道嘅旅遊資訊!

【生日去旅行】Top 3 慶生3日2夜短線旅行好去處 (連短途旅行推介住宿精選)

 

除咗慶祝聖誕新年呢啲大時大節,相信大家最重視嘅就係生日喇!慶生除咗去唱K、party room,仲有咩選擇?最好就梗係去返個旅行,慰勞吓自己啦!香港人咁忙,3日2夜就啱曬喇。以下落嚟就等小編推介幾個短線旅行好去處3日2夜好去處俾大家,想快閃慶生或者去個短途旅遊嘅不妨參考吓喇!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)

 

3日2夜短線旅行好去處|台北
台北係香港人最熱愛嘅外遊地之一,短途旅行當然都好合適。九分、十分,淡水呢啲必去景點已經去過曬?咁就要試吓小編以下推介嘅短線旅行好去處喇。

 

3日2夜短線旅行好去處|台北短途旅行推介景點|台北八斗子車站

台北八斗子車站
@rawlstonflyer

八斗子車站係台灣第8個靠海嘅鐵道車站,位處新北市同基隆嘅交界點,旅客可以喺月台欣賞遠方群山景致,同埋海天一色嘅美景。八斗子車站喺2016年底正式啟用,車站就位於濱海公路旁邊。極佳嘅地理位置吸引咗好多遊客,大家都喺到遠眺大海影相留念。

台北八斗子車站_2
@yfw_11

鐵道約每小時有一班車經過,記得把握機會喺火車到站時影相喇!

 

台北八斗子車站
地址:202, Taiwan, New Taipei City, Ruifang District (顯示地圖)
交通:搭乘由瑞芳往八斗子的火車(深澳支線)在海科館站或八斗子站下車
開放時間:24小時
入場費用:免費
官網:https://www.railway.gov.tw/tw/

 

3日2夜短線旅行好去處|台北短途旅行推介景點|台北正濱漁港

台北正濱漁港
@travelyam

基隆漁業歷史悠久,正濱漁港係其中最具歷史及規模,亦係台灣北部漁業發展重地。因近年漁獲減少,正濱漁港亦逐漸蕭條。直到基隆市政府推動色彩計劃,將碼頭附近16間小屋重新彩繪,呢到就變成基隆嘅打卡新熱點喇!

台北正濱漁港_2
@erickcyin

正濱漁港被稱為台灣版威尼斯,最佳拍攝位置,小編推薦和平橋,喺橋上面可以影到整排彩色小屋同港灣倒影,好有異國風情。

 

台北正濱漁港
地址:基隆市中正區正濱路88號 (顯示地圖)
交通:基隆火車站前巴士站乘搭公車101線於正濱路口站下車
開放時間:24小時
入場費用:免費

 

3日2夜短線旅行好去處|台北短途旅行推介景點|台北劉媽媽涼麵

台北劉媽媽涼麵
@xk31695

講到台北美食,相信大家對各大夜市都唔會陌生,小編就唔再介紹喇,一於帶大家去嘆其他人氣食店啦!

台北劉媽媽涼麵_2
@6tan

一份涼麵、一隻荷包蛋,一碗味增湯,作為宵夜就圓滿喇!

大部份涼麵店都係做早餐同午餐呢兩個時段,通常1點左右賣曬就收舖。份屬夜貓族嘅小編就更喜歡24小時營業或者係宵夜時段為主嘅涼麵店,今次要介紹嘅就係位於市民大道嘅劉媽媽涼麵。劉媽媽係唔少人嘅宵夜勝地,凌晨時份非常熱鬧。而佢哋嘅涼麵亦好簡單樸實,就只有一種涼麵,唔似其他麵店有幾款口味可以揀。

 

劉媽媽涼麵
地址:台北市松山區市民大道五段37號 (顯示地圖)
交通:捷運國父紀念館站步行數分鐘
開放時間:21:30 – 09:00

 

3日2夜短線旅行好去處|台北短途旅行推介景點|津津豆漿

津津豆漿
@shes94027

津津豆漿所賣嘅早餐種類唔少,不過識食嘅熟客,嚟到就絕對唔會錯過呢到嘅招牌韭菜蛋餅!蛋餅皮經過油炸,非常香口但亦唔會太過油膩,配上大量韭菜好惹味!重口味嘅不妨再加上醬汁,有啲類似蚵仔煎甜辣醬,好味到停唔到口呀!

 

津津豆漿
地址:台北市大同區延平北路四段5號 (顯示地圖)
交通:捷運大橋頭站3號出口步行900m
開放時間:04:30 – 11:00

 

3日2夜短線旅行好去處|台北短途旅行推介住宿|台北泡泡飯店

台北泡泡飯店
@dayuse.co.uk

「Poispois」喺法文中意思係「點點」,發音亦近似「泡泡」,Hotel Pois Pois就係以點點同泡泡作為兩大設計重點。Check in 櫃台設計於頂層,透明玻璃窗向外延伸,感覺成個台北東區都係酒店嘅空中花園,輕鬆飽覽台北鬧市景色。

台北泡泡飯店_2
@dayuse.co.uk

客房用上白色嘅淨白視覺同簡潔佈置,好似一個獨立嘅小天地,喺鬧市中都可以好好休息。房間特別挑選透明半圓形嘅泡泡櫈,配上全白嘅背景,唔少住客都會喺到打卡影相㗎!

 

台北泡泡飯店
地址:台北大安區市民大道四段 168 號 (顯示地圖)
星級 | ★★★★☆
位置 | ★★★★☆
設施 | ★★★☆☆
環境 | ★★★★★
價格 | 查看價格  

 

📖延伸閱讀:【台北九份十分自由行】九份、十分、平溪行程推介(附九份十分交通攻略)
📖延伸閱讀:【台北文青景點】打卡必去台北文青Cafe、台北市集、旅店特集!
📖延伸閱讀:【台北食海鮮】Top 5台北放題、台北自助餐廳推薦連編輯推薦必食之選
📖延伸閱讀:【台灣租單車】遠離繁囂!3大台北郊區+台北單車路線連景點攻略

 

3日2夜短線旅行好去處|曼谷
講到短線旅行,點少得港人熱愛嘅曼谷呢!

 

3日2夜短線旅行好去處|曼谷短途旅行推介景點|The Camp Vintage Flea Market

The Camp Vintage Flea Market
@dalaoisme

The Camp Vintage Flea Market係2018年曼谷新開嘅市集,就喺JJ Market隔離。係一個走復古同嬉皮風格嘅創意市集,當中又以二手商品為主。

The Camp Vintage Flea Market_2
@jhodesaga

The Camp有好多古復古裝置俾大家盡情打卡,一路行一路影,仲有個草地廣場,夜晚會有歌手演唱同表演添,買啲燒烤小食、泰式奶茶邊食邊欣賞,都咪話唔梳乎呀!

 

The Camp Vintage Flea Market
地址:460 Kamphaeng Phet 1 Alley, Khwaeng Chatuchak, Khet Chatuchak, Krung Thep Maha Nakhon 10900, Thailand (顯示地圖)
交通:MRT Kamphaeng Phet站1號出口
開放時間:11:00 – 11:30

 

3日2夜短線旅行好去處|曼谷短途旅行推介景點|Divana Massage & Spa

Divana Massage & Spa
@divanathailand

嚟到曼谷,點可以唔體驗正宗泰式按摩!泰國Massage出名平靚正,而Divana就係曼谷著名嘅Spa品牌,曾經係《Lonely Planet》被評為「曼谷十大最佳Spa」之一,一定要嚟嘆返夠本!


@divanathailand

Divana喺曼谷有5間分店,總店位於BTS Asok站附近,以小木屋為設計概念,每間房都有私家桑拿及浸浴設施。Divana有一系列面部護理同Massage可以選擇,而且按摩後亦都會為客人準備紅茶同水果,服務質素非常好!

 

Divana Massage & Spa
地址:7 Soi Sukhumvit 25, Khwaeng Khlong Toei Nuea, Khet Watthana, Krung Thep Maha Nakhon 10110, Thailand (顯示地圖)
交通:BTS Asok站6號出口
開放時間:11:00 – 23:00
官網:http://www.divanaspa.com/

 

📖延伸閱讀:【曼谷夜生活】曼谷按摩淨係識去Let’s Relax?Top 5高CP值曼谷Spa推介!

 

3日2夜短線旅行好去處|曼谷短途旅行推介景點|CRU Champagne Bar

CRU Champagne Bar
@centarahotelsresorts.com

無論日頭去邊到食玩買,嚟得曼谷,夜晚就當然要搵間靚酒吧 chill 吓先叫做不枉此行啦!呢間位於聖塔拉世貿中心大酒店 (Centara Grand at CentralWorld) 頂層59/F嘅CRU Champagne Bar係2017年新開幕嘅酒吧,以香檳為主題,客人可以透過iPad點香檳或有香檳成份嘅Cocktail。

CRU Champagne Bar_2
@jengkrubb

酒吧仲係欣賞曼谷夜景嘅好地方,唔少人都係為咗一覽夜景而嚟㗎!

 

CRU Champagne Bar
地址:Centara Grand at CentralWorld, 999/99 Rama 1 road,, Phatumwan, Bangkok 10330, Thailand (顯示地圖)
交通:從Sukhumvit Road乘計程車約100泰銖
開放時間:17:00 – 01:00
官網:https://www.champagnecru.com

 

📖延伸閱讀:【曼谷夜景】潮人推介曼谷酒吧-泰國曼谷五大必去高空酒吧!

 

3日2夜短線旅行好去處|曼谷短途旅行推介美食|After You Dessert Cafe

After You Dessert Cafe
@caracwong

近年好有人氣嘅After You,主打各式刨冰,而且不時推出新口味吸引大眾。小編就最愛芒果糯米飯口味喇,綿密嘅刨冰好重芒果味,配上椰汁cream同埋另外淋上去嘅芒果汁,非常鮮甜,而且喺刨冰入面仲暗藏乾坤,有芒果粒同糯米飯,不論口感同味道都似到十足呀!

 

After You Dessert Cafe
地址:Pathum Wan, Bangkok 10330, Thailand (顯示地圖)
交通:BTS Siam 站
開放時間:10:00 – 22:00
官網:https://www.afteryoudessertcafe.com

 

📖延伸閱讀:【曼谷cafe推介】帶你遊盡曼谷文青隱世打卡cafe!

 

3日2夜短線旅行好去處|曼谷短途旅行推介住宿|Park Hyatt Bangkok

Park Hyatt Bangkok
@hyatt.com

Park Hyatt係Hyatt集團最高級嘅品牌,作為泰國第一間進駐嘅Park Hyatt酒店,選址喺名店林立嘅Central Embassy,仲有40米長嘅無邊際泳池。以為酒店價格好離地?基本房每晚只係港幣2千幾蚊起,對比起其他城市嘅Park Hyatt,真係非常抵住,小小哋豪華一次都無妨!


Park Hyatt Bangkok_2@travellermade.com

酒店走低調奢華路線,每間客房都設有坐擁180度落地大玻璃,盡覽曼谷都市景色。最細嘅房間都由500呎起跳,空間感十足。

 

Park Hyatt Bangkok
地址:THA曼谷88 Wireless Road, Lumpini, Pathumwan (顯示地圖)
星級 | ★★★★★
位置 | ★★★★★
設施 | ★★★★☆
環境 | ★★★★★
價格 | 查看價格

 

📖延伸閱讀:【曼谷新酒店】超抵住!編輯嚴選6間曼谷無邊際泳池酒店!
📖延伸閱讀:【曼谷周邊好去處】曼谷近郊考艾、大城景點遊玩連交通攻略
📖延伸閱讀:【泰國海南雞飯特集】曼谷海南雞飯餐廳大全 (朝聖曼谷水門市場海南雞飯)
📖延伸閱讀:【曼谷美食懶人包】曼谷日本菜、泰國菜私房餐廳大公開! (附Siam Paragon、Terminal 21美食推介)

 

3日2夜短線旅行好去處|深圳
深圳同香港只有一個關口嘅距離,相信唔少人都會喺週末北上吃喝玩樂,而近年最出名嘅就非喜茶同海底撈莫屬啦,真係未試過都一定聽過!其實深圳仲有大把好去處,玩返3日2夜絕對冇問題呀。

 

3日2夜短線旅行好去處|深圳短途旅行推介景點|深圳世界之窗

深圳世界之窗
@lvmama.com

世界之窗位於南山區華僑城嘅大型文化旅遊景區,係深圳最出名嘅旅遊景點之一,佔地48萬平方米。景區按照世界地域結構同遊覽活動分區,喺唔同嘅園區裡面可以見到以唔同比例仿建嘅世界著名地標,例如悉尼歌劇院、巴黎凱旋門、意大利比薩斜塔、埃及金字塔、美國大峽谷等等。

深圳世界之窗_2
@vaniatan88

冇時間去巴黎,不妨嚟呢個迷你版巴黎鐵塔打打卡啦!迷你版地標雖然及唔上原版咁壯觀,但如果只可以短途旅行嚟呢到玩返日,提前感受環遊世界嘅滋味!

 

世界之窗
地址:深圳市南山區深南大道9037號 (顯示地圖)
交通:乘地鐵1號線(羅寶線)、2號線(蛇口線)至世界之窗站
開放時間:平日9:00-22:00,節假日9:00-22:30;夜場入園時間為19:30
門票:成人票RMB180 (夜場RMB160)
官網:https://www.theworld.cn

 

3日2夜短線旅行好去處|深圳短途旅行推介景點|深圳歡樂谷

深圳歡樂谷
@www.klook.com

深圳歡樂谷是亞太十大主題公園之一,係中國投資規模最大,設施最先進嘅主題樂園,佔地面積35萬平方米,屬於國家5A級旅遊景區。樂園有九大主題區:分別係西班牙廣場、魔幻城堡、冒險山、金礦鎮、香格里拉森林、颶風灣、陽光海岸、及瑪雅水公園。呢到加加埋埋有超過100個遊樂項目同機動遊戲,老少皆宜,真係有排都玩唔曬。

深圳歡樂谷_2
@eva.wuqianyi

歡樂谷仲喺國外引入好多全中國甚至亞洲獨有嘅設施,例如:中國第一座懸掛式過山車、亞洲最高最長嘅彈射式過山車等等。

 

深圳歡樂谷
地址:深圳市南山區華僑城僑城西街1號 (顯示地圖)
交通:乘坐深圳地鐵一、二號線在世界之窗站下車,A出口步行3分鐘即至歡樂谷
開放時間:日場09:00 – 22:00,夜場18:00 – 22:00;不同季節可能略有調整,以當日景區公告為準。
門票:成人RMB230 (夜場RMB100)
官網:https://www.theworld.cn

 

3日2夜短線旅行好去處|深圳短途旅行推介美食|深圳大龍燚火鍋

深圳大龍燚火鍋
@blair_817

深圳可以話係各式火鍋嘅聚集地,好多著名火鍋品牌都會喺深圳開設分店,嚟自成都嘅大龍燚喺深圳經常都大排長龍,好受歡迎!一行入去,就聞到好濃烈嘅辣椒味,未食都feel到辣呀!小編只係食微微辣,但已經比其他麻辣火鍋辣好多,重口味者必試!

深圳大龍燚火鍋_2
@queeniech0i

四川人嘅正宗食法係用芝麻油再加蒜、蔥等調味,解辣之餘更加惹味。

 

大龍燚火鍋
地址:深圳市福田區蔡屋圍東園路51號 (顯示地圖)
交通:深圳地鐵科學館站
開放時間:10:30 – 03:00

 

📖延伸閱讀:【深圳火鍋】深圳打邊爐餐廳推薦 (各大熱門深圳商場大比併)

 

3日2夜短線旅行好去處|深圳短途旅行推介美食|深圳新沙燒烤

深圳新沙燒烤
@himiucatblog

講到燒烤,可能大家都對木屋燒烤比較熟悉,其實新沙燒烤都非常有水準,以炭火原燒,好有風味,唔少當地人都係常客。而且新沙嘅環境好企理,唔需要擔心衛生問題,食都食得安樂啲。

深圳新沙燒烤_2
@himiucatblog

小編最推介奪命肥腸同炭烤五花肉,食落充滿油香但又唔會太肥膩,送啤酒一流呀!

 

新沙燒烤
地址:深圳市嘉賓路3005號 (顯示地圖)
交通:深圳地鐵國貿站E出口
開放時間:17:30 – 03:00

 

3日2夜短線旅行好去處|深圳短途旅行推介住宿|深圳凱貝麗君臨海域服務公寓

深圳凱貝麗君臨海域服務公寓
@kknews.cc

嚟深圳玩一樣可以嘆高質酒店,呢間酒店上年先開幕,喺海邊位置,新淨企理,外型設計都好時尚。

深圳凱貝麗君臨海域服務公寓_2
@kknews.cc

最吸引係頂樓嘅infinity pool,無敵大海景一覽無違!而且價錢唔貴,CP值相當高㗎。

深圳凱貝麗君臨海域服務公寓_3
@kknews.cc

深圳唯一一間有無邊際泳池酒店,迅速成為網紅店,想影靚相冇難度。

 

深圳凱貝麗君臨海域服務公寓
地址:深圳鹽田區海景二路 1015 號 (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格  

 

📖延伸閱讀:【深圳過夜】高顏值高CP—嚴選6大深圳機場酒店!連最新深圳地鐵遊玩文青秘點推介!
📖延伸閱讀:【上海好去處】上海文青必到打卡位!6間型格上海cafe連文青住宿推薦!
📖延伸閱讀:【上海酒吧推薦】遊走於上海弄堂間—六大上海新天地、田子坊潮聖打卡點!
📖延伸閱讀:【香港高鐵旅遊攻略】香港高鐵路線直達!汕頭、長沙、昆明、廈門景點逐個數!

 

Hotels.com酒店優惠Hotels.com酒店優惠