定期送上世界各地最新、最地道嘅旅遊資訊!

【高雄自由行】高雄文青私心推!4日3夜台灣高雄景點、美食遊玩攻略!(人氣高雄Cafe+瑞豐夜市必食推薦)

香港人鐘意去台灣嘅程度可謂難以想像,就好似第二個家鄉咁。除咗台北之外,其實高雄都有好多靚景、靚位可以比大家打卡同影相㗎。今次小編就同大家推介吓高雄美食、高雄夜市,同文青必到嘅高雄cafe,仲有瑞豐夜市必食推介!下次去台灣,一於計劃一個慢活4日3夜嘅高雄文青遊啦!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)
📖延伸閱讀: 【快閃台北三日兩夜】台灣3日2夜食、玩、訓行程懶人包,酒店500蚊有找!

 

高雄自由行|高雄文青景點推薦|神農本舖

@hey.good.morning

香港嘅台式飲品店開極都好受歡迎,去到台灣點可以唔飲呢!飲得多黑糖珍珠奶茶,有時都想飲其他台式手搖飲品,呢個時候可以諗下去神農本舖。神農本舖1995年開業,有超過600款飲品選擇,日日飲唔同款,包保一年都唔會撞款呀!


@penny_fu_

雖然台式飲品店喺高雄同樣開到成行成市,但係神農本舖開店超過20年,依然都屹立不倒,可想而知神農本舖喺高雄人心入面幾咁有份量。舖頭嘅位置仲好近高雄火車站,非常之就腳!

 

神農本舖
地址:台灣高雄市三民區同愛街68號 (顯示地圖)
營業時間:10:00 – 22:30

 

高雄自由行|高雄文青景點推薦|小雅茶飲專賣店

@archiewhood

小雅位於高雄嘅美食一級戰區熱河街,周圍有好多美食店林立。雖然舖頭細細唔太顯眼,但係都可以突圍而出,仲經常有條人龍係店外㖭!

@food__memoir
左:冬瓜仙草凍 TWD20 中:芋頭西米露 TWD40 右:冬瓜綠豆珍珠 TWD25

小雅最出名就係佢嘅芋頭系列,芋頭芋泥都係每日新鮮做,而且每杯嘅芋泥都會裝到8成滿,非常慷慨!加上價錢仲唔貴,CP值超高!如果你自問係芋頭控,小雅就必定係你到訪高雄嘅必試飲品店。另外,除咗芋頭系列之外,店仲有好多其他飲品選擇,當中仲有果凍同冬瓜茶系列都好受歡迎!

 

小雅茶飲專賣店
地址:高雄市三民區熱河一街204號 (顯示地圖)
營業時間:11:00 – 賣完為止

 

高雄自由行|高雄文青景點推薦|高屏舊鐵橋


@tsuifung.jpg

高屏舊鐵橋,原名係下淡水溪鐵橋,建造於1911年日據時期,主要係用嚟運送貨品到高雄港嘅鐵路,亦係當時亞洲最長嘅鐵橋。喺1997年更被列入為台閩地區第二級古蹟。


@jeff85303_

自從高屏舊鐵橋改成天空步道之後,到訪嘅遊人可以欣賞到高屏溪120公頃濕地生態美景,而且上橋參觀係唔需要俾任何入場費,漸漸高屏舊鐵橋就成為咗觀光景點,同時亦成為咗唔少人野餐、打卡同影靚相嘅好去處。如果遇正波斯菊花花期,仲可以見到田園變成粉紅色嘅花海,好浪漫呀!

 

高屏舊鐵橋
地址:屏東縣屏東市堤防路 (顯示地圖)
鐵橋開放時間:9:00 – 17:00

 

高雄自由行|高雄文青景點推薦|本東倉庫與灰灰商店

@Facebook

本東倉庫與灰灰商店位於藝術感十足嘅駁二園區入面,由台灣插畫家李瑾倫規劃設計。本東倉庫與灰灰商店係一間充滿質感嘅生活雜貨店,售賣各式各樣嘅生活小物、文具、明信片等等、仲有簡單嘅餐飲提供。

@Facebook

@Facebook

除此之外,本東倉庫與灰灰商店同時亦係流浪貓嘅棲息處,店主會集合各方嘅資源去照顧流浪嘅毛小孩,好有愛!創辦人亦希望透過繪本同商品喚起大家對動物嘅關注,同埋以領養代替購買等嘅意識。有機會去高雄嘅話,小編絕對推薦大家到訪呢間咁有愛同溫暖嘅生活小店。

 

本東倉庫與灰灰商店
地址:高雄市鹽埕區光榮街一號 (顯示地圖)
營業時間:星期一至星期四 10:00 – 18:00;星期五 10:00 – 19:00;星期六至星期日 10:00 – 20:00

 

高雄自由行|高雄餐廳美食推薦|鬲离咖啡館


@rita_wang97

鬲离咖啡館位於高雄巨蛋商圈附近,係一間頗出名嘅文青cafe。鬲离咖啡館係由老房子改建而成,室內裝潢用上好多復古味重嘅黑色梳化同木製傢俱,室內光線充足,感覺特別悠閒。


@twtr.wu


@iamirenesu
書本千層 TWD180

鬲离咖啡館由菜單到食物嘅擺設都精心設計過,影靚相話咁易。而且無論主食或者蛋糕嘅味道出品都好有水準,難怪咁受當地人同遊客歡迎。

 

鬲离咖啡館
地址:高雄市左營區新上街253號 (顯示地圖)
營業時間:10:00 – 23:00

 

高雄自由行|高雄餐廳美食推薦|麵家二眷


@tan____chr


@tony_fooood

麵家二眷舊址係瑞豐夜市內,後來獨立開店,係大順路開咗現時嘅門店。店面裝修感覺好小清新、好舒服。而佢嘅最出名嘅招牌菜,就係牛肉麵同冰花圓盤煎餃,嚟到一定要試吓!


@33_ieat

牛肉麵嘅湯底用牛骨同秘製香料熬足8個鐘,味道好濃郁仲會少少辣,好惹味。牛腱淋滑得嚟肉味足。麵有得揀拉麵同皮帶麵,皮帶麵係寬麵,仲有少少煙韌,推介!

 

麵家二眷
地址:高雄市鼓山區大順一路923號 (顯示地圖)
營業時間:11:30 – 賣完為止

 

高雄自由行|高雄餐廳美食推薦|瑞豐夜市美食|翅包飯 – 雞翅包炒飯

@Facebook


@nellydyu.tw

每次去台灣,行夜市搵食係指定動作。去到高雄就當然要行吓瑞豐夜市啦!翅包飯係相當有名氣嘅瑞豐夜市必食item。佢哋嘅雞翅包炒飯係每日新鮮製作,有唔同口味可以揀,例如飛魚卵炒飯、三杯炒飯、蒜香炒飯、麻油炒飯、泡菜炒飯等,款款都好好食。

 

翅包飯 – 雞翅包炒飯
地址:高雄市左營區南屏路、裕誠路口(瑞豐夜市第1排) (顯示地圖)

 

高雄自由行|高雄型格酒店推薦|頭等艙飯店 – 高雄館

頭等艙飯店 – 高雄館位置可以話係一流,無論去火車站定係捷運站,都唔洗5分鐘路程。酒店附近有超市同唔少食店,行多10分鐘就係六合夜市。酒店裝修時尚企理,而且房價唔算高,仲要包埋早餐,CP值好高!

 

頭等艙飯店 – 高雄館
地址:高雄三民區建國三路 33 號 (顯示地圖)
星級 | ★★★☆☆  
位置 | ★★★★★  
設施 | ★★★☆☆  
環境 | ★★★☆☆  
價格 | 查看價格  

 

高雄自由行|高雄型格酒店推薦|比歐緻居

比歐緻居係2018年7月先開嘅新酒店,酒店設計型格,現代感十足,酒店房嘅空間都算大,而且房內基本設備都好充足,例如梳妝用品、咖啡機、免費樽裝水、拖鞋、毛巾等都有。位置亦好理想,去捷運唔洗5分鐘路程,附近仲有商場㖭!

 

比歐緻居
地址:高雄新興區中山一路14-26 號 (顯示地圖)
星級 | ★★★☆☆  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格  

 

高雄自由行|高雄型格酒店推薦|帕鉑舍旅

帕鉑舍旅嘅裝修都好文青,有個好大嘅公共空間,裝飾型格有心思。房間以白色為主,有啲復古feel。酒店位置係高雄火車站附近,同酒店距離大概1分鐘左右,不過行去捷運站要行耐少少,大約行8分鐘左右。

 

帕鉑舍旅
地址:高雄三民區重慶街1-2 號 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★☆  
價格 | 查看價格  

 

📖延伸閱讀:【台北買衫】購物狂小編私心推!台北古著二手店尋寶地圖連講價貼士!
📖延伸閱讀:【台北自由行】Top 10 最新台北民宿推薦2018!
📖延伸閱讀:【米芝蓮追星地圖】台北米芝蓮星級餐廳潮聖攻略2018
📖延伸閱讀:【台北聖誕活動】台北聖誕好去處!必去台北聖誕市集、景點攻略
📖延伸閱讀:【台北天氣不似預期】落雨有咩好怕?四大台北室內景點推薦 (台北當代藝術館、寶藏巖國際藝術村)

 

Hotels.com酒店優惠