定期送上世界各地最新、最地道嘅旅遊資訊!

【首爾景點2018】Hotels.com大使帶你玩盡首爾新景點!

首爾好玩又多好野食,加上各大航空公司成日有平機票推出,所以唔少香港人一年都會飛幾轉首爾。不過一個地方去得多,容易缺乏新鮮感,今次就等Hotels.com大使為大家介紹幾個2018首爾新景點,等大家可以發掘更多首爾好玩嘅地方!

 

首爾新景點:首爾路7017


@karenpuiyin
首爾路7017喺今年5月20日先開幕,係本年度首爾重點發展嘅新景點!首爾路7017其實係由高空行車天橋改建,活化成綠色空中花園,係呼吸新鮮空氣同欣賞首爾城景嘅好地方!7017其實代表緊兩個唔同嘅年份,「70」係指呢條橋嘅建造年份,而「17」就係活化改建嘅年份。呢條橋總其有17條步道,連接首爾各大重要地區,包括首爾站、南大門、中林洞等等,下次去首爾除咗可以搭地鐵游走唔同地區之外,可以考慮行過去,欣賞不一樣嘅風景!


@peipeishi1219

無論日與夜,首爾路7017都可以帶畀你唔同嘅感覺!呢度亦係一個睇夜景嘅好地方!

 

首爾新景點 |首爾路7017

地址:韓國首爾特别市中區南大門路5街(顯示地圖
交通:從首爾站步行數分鐘

 

 

首爾新景點:首爾軍艦公園


@gany419

睇完《軍艦島》同《太陽的後裔》,係咪唔多唔少都對韓國軍人感興趣或者好奇呢?新鮮滾熱辣,喺11月22日先開幕嘅首爾軍艦公園,就展出咗三艘經已退役嘅軍艦,比你一探究竟軍人嘅生活!三艘軍艦分別係大鷲型哨戒艇海豚級潛水艇同埋蔚山級巡防艦首爾號,而且每艘軍艦都開放畀遊客上船,可以近距離睇下船上嘅設施,進一步了解韓國軍人嘅生活。


@gany419

首爾軍艦公園位於為人熟悉嘅漢江,嗰度係平時韓國人散步嘅熱點,周末好多人去野餐!漢江對住一大片海景,吹下海風都真係幾寫意!留意返,而家景點新開幕,所以入場費用全免,但由12月3日之後就會開始收費,成人收費3000韓元。

 

首爾新景點 |首爾軍艦公園

地址:韓國首爾市麻浦區麻浦渡口街407 (望遠洞)
交通:地鐵2號線合井站2號出口搭乘麻浦16,於望遠蓄水池‧麻浦區民體育中心站下車
開放時間:10:00 – 20:00(3-10月)、10:00 – 17:00(11-2月)
休息日子:週一、1月1日、春節、中秋節

 

 

首爾新景點:Running man體驗館


@loklok9321

講到韓國最受歡迎嘅綜藝節目,就不得不提由2010年開播至今嘅Running Man!雖然Running Man已經換過幾代主持,但節目越做越紅,世界各地都有Running Man粉絲!節見之所以咁紅,全因為咁多位主持各有特色,大家非常合拍又有火花,加上節目入面玩嘅遊戲層出不窮,令觀眾百看不厭。想感受一次參加Running Man嘅感覺,呢個首爾新景點就岩哂你喇!
Running man體驗館入面總共有6個體驗區,分別係Running Man夢遊仙境、來尋找Running Ball收集R幣ON AIR Running Man之迷宮戰Running Man廣場的城市追擊戰同埋尋找寶物,相信Running Man粉絲對呢啲遊戲都唔會感到陌生!去首爾記得約埋班friend一齊嚟返場大激鬥,睇下邊個會成為最後嘅贏家!

 

首爾新景點 ︳Running man體驗館

地址:首爾市鐘路區仁寺洞5街41HANA大廈SM免稅店地下1層SBS(顯示地圖
交通:地鐵鐘閣站3號出口步行前往約3分鐘
開放時間:10:00 – 20:00

 

🏨Top10韓國首爾人氣酒店住宿推介HK$386起 *安心價格保證*
[首爾江南大使蘇迪爾美居酒店 HK$806雪酒店 HK$871,首爾樂天酒店 HK$1,307]

 

首爾新景點:Alice—into the Rabbit Hole


@alice_exhibition

相信好多人都已經睇過「愛麗絲夢遊仙境」,愛麗絲夢境入面發生嘅趣怪事情,相信好多人都睇得津津有味。而家有機會可以親身走入愛麗絲嘅仙境入面,因為愛麗絲展覽喺今年8月8日已經登陸首爾,展覽直到下年3月1日,展出以愛麗絲為創作靈感嘅作品,同時亦有多個故事佈景,配合埋燈光、投影裝置等等嘅元素,打造迷幻又帶點真實感嘅二度空間!
展覽入面有多個影相位,記得準備定相機喇!

 

首爾新景點 ︳Alice—into the Rabbit Hole

地址:首爾特別市城東區往十里路85 Galleria Forêt The Seouliteum G層(顯示地圖
交通:盆唐線首爾林站4號出口
展覽日期:2017年8月8日 – 2018年3月1日(逢星期一休館)
開放時間:10:00 – 19:00

 

 

首爾新景點 :Seoul Sky


@_mashamel_

想睇首爾夜景或者喺高空俯瞰首爾,唔一定要去首爾塔嘅!因為而家有個首爾新景點—Seoul Sky,今年4月3日先正式開幕,係最新首爾高空睇靚景嘅地方。Seoul Sky位於樂天世界塔嘅117-123樓,係目前韓國最高嘅大廈,喺上面可以360度完美無死角咁欣賞首爾市嘅景色!另外,Seoul Sky其中一個賣點係118樓高嘅Sky Deck,因為佢打入咗金氏世界紀錄嘅「世界上最高的透明地板觀景臺」,成為一時熱話。
夜晚去仲可以欣賞璀璨嘅首爾夜景添!


@alwayssmiles88

首爾新景點 ︳Seoul Sky

地址:首爾市松坡區奧林匹克路300(顯示地圖
交通:地鐵線蠶室站2號出口步行約5分鐘
開放時間:09:30 – 23:00(售票時間: 9:20 – 21:50)

 

 

首爾新景點:明洞大創百貨


@pinayseoulite

相信有去過日本嘅朋友,都有去過大創百貨(Daiso),大創百貨入面所有貨品都物超所值,上至家居用品,下至美妝用品都一應俱全,你諗得出嘅野基本上呢度都有!今年6月底,大創百貨喺明洞開咗有八層樓高嘅旗艦店,每一層分哂唔同貨物種類,淨係行呢度都可以行一日!
唔同樓層專賣唔同種類嘅貨品,1F 化妝品、2F 食品係女生必逛嘅樓層!

 

首爾新景點|明洞大創百貨

地址:首爾中區退溪路134-1(顯示地圖
交通:地鐵4號線明洞站1號出口步行前往

 

 

首爾新景點:「Kakao Friends」弘大旗艦店


@kakaofriends_hongdae

香港人鍾意用whatsapp,台灣人鍾意用line,而韓國人就最鍾意用Kakao Talk。而講到Kakao Talk最受歡迎嘅人物,當然係Kakao Friends啦!Kakao Friends每個人物都搞怪鬼馬,唔單止深受韓國人歡迎,連唔少香港人都畀佢哋迷到!鍾意Kakao Friends嘅朋友就有福喇,因為上年12月弘大開咗間Kakao Friends旗艦店,入面唔單止有好多Kakao Friends嘅周邊商品賣,更加有Cafe,難怪當時開業冇耐,連續幾日都出現長長嘅人龍啦!去到首爾記得去朝聖一下喇!

 

首爾新景點 |「Kakao Friends」弘大旗艦店

地址:韓國首爾市瑞草區江南大道 429(顯示地圖
交通:弘大站8號出口步行前往

 

 

玩盡首爾新景點2018—首爾3日2夜行程推介

睇完以上6個首爾新景點,係咪諗緊點樣可以一次玩哂佢呢?Hotels.com大使貼心為大家將6個行程配合其他必去首爾景點,打造至新首爾三日兩夜行程路線!

 

第一日:睇盡首爾日、夜景

@Facebook, Facebook, Flickr

首爾路7017 > 蠶室站地下街 > Seoul Sky

一落機,食完個lunch就去首爾路7017散下步、欣賞下首爾日頭嘅城市景色啦!之後你可以搭車去蠶室站,嗰度有個好大嘅地下街,你可以全力血拼!韓國地下街有各式各樣嘅美食,行到攰就可以醫肚,最後去埋附近嘅Seoul Sky欣賞首爾夜景,結束第一日。

 

第二日:首爾文化藝術遊

@seouliteum.com, Facebook, Facebook

Alice展覽 > Running Man體驗館 > 首爾軍艦公園 > 夜遊漢江

朝早起身,食完早餐就去睇Alice—in the Rabbit Hole展覽,之後可以去位於仁寺洞嘅Running Man體驗館過返一個瘋癲嘅下午,玩到攰就喺仁寺洞搵間cafe食野休息下,仁寺洞有多間文青cafe林立,食埋個晚餐就出發去首爾軍艦公園,最後夜遊漢江完結第二日。

 

第三日:首爾最後血拼日


@Flickr, Flickr, Facebook

明洞大創百貨 > Artbox > Redeye

最後一日當然要買個夠本先返香港啦!第一站不如就去明洞大創百貨,所有至平至抵嘅手信都可以喺度搵到!行得唔夠喉就繼續喺明洞行到夠本先出發去機場!記得要去埋Redeye同埋Artbox,Redeye專賣各式各樣嘅飾品,嗰到嘅耳環仲好平添,一定要大手入貨!另外,Artbox係一間人氣文具連鎖店,生活用品、文具用品、精品通通都有,女仔最鍾意行!

 

Hotels.com 酒店優惠

睇到呢度,喺咪想即刻book酒店玩盡以上咁多個首爾新景點呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/ 再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!