定期送上世界各地最新、最地道嘅旅遊資訊!

【獨遊台北食乜好】台北美食推薦篇 — 2019最強台北拉麵熱搜榜!

飛台北嘅機票不嬲都唔係太貴,所以好多人都鍾意喺週末自己一個近近哋飛翻轉台北出走一下。獨遊台北嘅時候唔知食乜好?台北近年就掀起咗一股拉麵熱潮,拉麵店開到成行成市。小編今次為你搵嚟6間台北必食拉麵店,當中更加有唔少嚟自日本嘅過江龍,即刻睇下有乜嘢台北美食推薦啦!

 

獨遊台北美食推薦 | 2019最強台北拉麵店 | 一幻拉麵 

 一幻拉麵
@orange-dog.com

 一幻拉麵 _2
@ebisobaichigen 

北海道人氣no.1嘅一幻拉麵,佢哋4間喺日本嘅分店無論幾時都大排長龍,受歡迎程度爆燈!一幻拉麵嘅第5間分店,正正就係位於台北信義區嘅呢間,唔少人都會特登嚟一嚐佢哋充滿北海道風味嘅拉麵!

 一幻拉麵 _3
@ebisobaichigen 

一幻拉麵主打北海道甜蝦頭湯底拉麵,食客可以揀鮮蝦味噌、鮮蝦鹽味同埋鮮蝦醬油3款口味嘅湯底,想食重味或者清淡啲都完全無問題。另外,一幻拉麵嘅拉麵較粗身,相對亦更為掛汁,基本上每啖都食到濃濃嘅蝦味,超滿足!

 

一幻拉麵
地址:台灣台北市信義區松壽路30號 (顯示地圖)
營業時間:11:00 – 15:00;17:00 – 22:30

 

獨遊台北美食推薦 | 2019最強台北拉麵店 | 札榥炎神拉麵

札榥炎神拉麵
@meck19741123 

札榥炎神拉麵_2
@catstory74

同一幻拉麵一樣,札榥炎神拉麵同樣係嚟自日本嘅拉麵店。札榥炎神拉麵嘅招牌拉麵係火焰味噌拉麵,呢碗拉麵最犀利嘅地方係會喺上枱之前用火槍燒一燒,令拉麵更為香口之餘仲有一種炭燒嘅味道!

札榥炎神拉麵_3
@momocatniu

另外,札榥炎神拉麵嘅白麻婆沾麵亦曾經喺日本沾麵大賽中獲獎,佢哋嘅獨門沾麵醬汁辛辣得嚟帶有少少味噌嘅香味,令人非常開胃,同樣都好值得試!

 

札榥炎神拉麵
地址:台灣台北市大安區光復南路280巷49號 (顯示地圖)
營業時間:11:30 – 14:30;17:30 – 21:30

 

獨遊台北美食推薦 | 2019最強台北拉麵店 | 鬼金棒

鬼金棒
@gwokae

鬼金棒_2
@elicazee 

鬼金棒坐落於台北三越附近,佢哋最為人津津樂道嘅就係麻辣味噌拉麵。呢碗麻辣味噌拉麵嘅湯底唔單止香氣撲鼻,而且麻度同埋辣度全部都可以按照個人喜好自由選擇,鍾意食辣嘅朋友又點可以錯過!

鬼金棒_3
@yeowsteven

另外,其實鬼金棒亦花咗好多心機去炮製溏心蛋、炒豆芽同埋日式叉燒等等嘅拉麵配料。唔少人試過之後都對佢哋嘅厚切日式叉燒讚不絕口,肉質鬆軟之餘又唔肥膩,水準極高!

 

鬼金棒
地址:台灣台北市中山區長安西路19巷2弄35號 (顯示地圖)
營業時間:11:30 – 14:00;17:00 – 20:30 (禮拜一至五)、11:30 – 20:30 (禮拜六及日)

 

獨遊台北美食推薦 | 2019最強台北拉麵店 | 勝王拉麵

勝王拉麵
@fredericking

勝王拉麵_2
@zhouyongyou 

勝王拉麵同一般日式拉麵店唔同,佢哋冇一個固定嘅餐牌,而且每日嘅拉麵湯底口味都唔同。其中,魚介雞湯湯底相對係較常出現嘅湯底選擇,佢哋嘅魚介雞湯雖然用上咗以炭火烤製過嘅魚乾同埋雞骨熬成,但係由於處理過程一絲不茍,所以湯底絕無半點苦澀味,相當出色!

勝王拉麵_3
@popobear_1218 

另外,勝王拉麵仲會不定時推出期間限定嘅fusion麵款,好似滿載台北地道風味嘅紅燒牛肉拉麵等等,所以亦吸引咗好多人慕名而來品嚐當日限定嘅拉麵!

 

勝王拉麵
地址:台灣台北市中山區中山北路一段94號 (顯示地圖)
營業時間:11:30 – 14:00;17:00 – 20:30 (逢禮拜四休息)

 

獨遊台北美食推薦 | 2019最強台北拉麵店 | 特濃屋

特濃屋
@chartreux_cat

特濃屋_2
@orange_slife 

特濃屋老闆大塚健二係一個已經喺台灣落地生根嘅日本人,佢本住為台灣帶嚟地道橫濱風味拉麵嘅理念而開咗呢間特濃屋。橫濱風味拉麵嘅特點在於湯底以大量嘅豬骨同埋雞骨熬製而成,味道鮮甜得嚟亦唔會太單調!

特濃屋_3
@peter110364

嚟到特濃屋除咗一定要品嚐佢哋嘅橫濱風味拉麵,呢度嘅小食其實亦相當有水準。小編特別推薦佢哋嘅唐揚炸雞,炸漿厚薄恰到好處,而且雞肉經過油炸之後依然保持嫩滑,絕對值得一試!

 

特濃屋
地址:台灣台北市中山區中山北路二段77巷22號 (顯示地圖)
營業時間:11:30 – 15:00;17:00 – 22:00 (逢禮拜一休息)

 

獨遊台北美食推薦 | 2019最強台北拉麵店 | Soba Shinn & 柑橘


@yuhsic_cyh

 Soba Shinn & 柑橘_2
@Soba Shinn & 柑橘

乾拉麵亦即係以醬汁取代湯底調味嘅拉麵,近年喺東京人氣極高。想試試呢款喺東京熱爆嘅乾拉麵?咁你就要去位於大安區嘅Soba Shinn & 柑橘喇!Soba Shinn & 柑橘最出名嘅係乾拉麵,佢嘅麵條彈牙,而且秘制醬汁味道清新,所以捧場客無數!

 Soba Shinn & 柑橘_3
@w.l.lin

除咗乾拉麵,其實Soba Shinn & 柑橘嘅湯拉麵同樣有過人之處!佢哋喺平時嘅鹽味、醬油同埋雞湯湯底裡面加入咗柑橘,令成碗拉麵嘅味道更有層次。另外,Soba Shinn & 柑橘店內裝修以至用具等都充滿工業風,食拉麵之餘仲可以順便喺度打埋卡㖭!

 

Soba Shinn & 柑橘
地址:台北市大安區仁愛路四段228-6號 (顯示地圖)
營業時間:11:45 – 13:30;17:30 – 20:30 (逢禮拜二休息)

 

獨遊台北 | 台北方便住宿推薦 | 台北凱撒大飯店

台北凱撒大飯店

位處台北心臟地帶嘅台北凱撒大飯店毗鄰台北車站,無論搭捷運定係巴士去食拉麵都一樣咁方便。台北凱撒大飯店同車站嘅地下街相連,就算出面天氣唔好都無有怕!

台北凱撒大飯店_2

台北凱撒大飯店_3

台北凱撒大飯店房間嘅隔音設施良好,絕對能夠為你帶嚟寧靜舒適嘅住宿體驗。另外,呢度嘅spa口碑亦相當唔錯,不妨嚟舒緩一下身心疲勞!

 

台北凱撒大飯店
地址:台北市中正區忠孝西路一段 38 號 (顯示地圖)
星級 | ★★★★☆ 
位置 | ★★★★★
設施 | ★★★★☆ 
環境 | ★★★☆☆ 
價格 | 查看價格  

 

獨遊台北 | 台北方便住宿推薦 | citizenM 台北北門酒店

 citizenM 台北北門酒店

 citizenM 台北北門酒店_2

由citizenM台北北門酒店行10分鐘左右,就可以到達捷運北門站搭松山新店線列車去中山區等熱門台北旅遊區觀光,交通非常方便。另外,酒店擺放咗唔少賞心悅目嘅畫作同埋陶瓷等等,好有藝術氣息㗎!

 citizenM 台北北門酒店_3

citizenM 台北北門酒店房間整齊乾淨,而且景觀開揚,水準好高。另外,酒店房間採用先進嘅智能家居設備,住客只要用房入面嘅iPad就可以一次過控制晒電視、冷氣同埋窗簾,超方便!

 

citizenM 台北北門酒店
地址:台北市中正區中華路一段 3 號 (顯示地圖)
星級 | ★★★★☆ 
位置 | ★★★★☆ 
設施 | ★★★☆☆ 
環境 | ★★★☆☆ 
價格 | 查看價格  

 

📖延伸閱讀:【台北手作體驗】文青必去!3大台北手作市集 + 推薦台北體驗手作玻璃DIY!
📖延伸閱讀:【逛台北藥妝店】大熱新色!2019最新10大台北必買台灣藥妝、美妝Items!
📖延伸閱讀:【台北晚餐篇】秋冬之選!超人氣台北火鍋推薦 + 回本必食菜式!
📖延伸閱讀:【台北新餐廳推薦】最新開業!台北微風南山推薦餐廳一覽 + 必食Items

 

Hotels.com酒店優惠Hotels.com酒店優惠