定期送上世界各地最新、最地道嘅旅遊資訊!

【熊本自由行】熊本行程一文睇哂!必去熊本景點+購物街+熊本手信必買推薦!

位於九州中部嘅熊本縣近年來因為吉祥物「熊本熊」而吸引咗唔少遊客慕名而來!其實熊本呢個九州第三大城市景點多不勝數,而且熊本手信亦深受歡迎,你又點可以錯過啊?小編今次為你帶嚟4日3夜熊本自由行行程攻略,一文睇哂必去熊本景點!

 

熊本自由行Day 1行程 | 必到熊本景點 | 熊本熊辦公室 Kumamon Square
熊本熊
@kyushuandtokyo

熊本熊其實係熊本市政府為咗推廣當地旅遊業而設計嘅吉祥物,自從2010年面世之後一直人氣高企。有見及此,熊本市政府於2013年特別開設熊本熊辦公室,而近年呢度更成為熊本熊Fans必到嘅朝聖景點!

熊本熊@maxfoodfun

熊本熊辦公室裡面佈置得美輪美奐,裡面基本上所有嘢都離不開熊本熊,Fans嚟到一定會打卡打到唔捨得走!另外,熊本熊週不時都會喺呢度表演,啱晒一家大細嚟親子遊啊!

 

熊本熊辦公室 Kumamon Square
地址:日本〒860-0808 Kumamoto Prefecture, Kumamoto, Chuo Ward, Tetorihoncho, 8−2 テトリアくまもとビル1階 (顯示地圖)
開放時間:10:00-19:00
官網:https://www.kumamon-sq.jp/

 

熊本自由行Day 1行程 | 必到熊本景點 | 熊本市現代美術館
熊本市現代美術館
@Chikako Noda’s diary

睇完熊本熊之後,小編推薦你去熊本市現代美術館呢個喺日本非常有名嘅博物館參觀遊覽。

熊本市現代美術館_2@camk.jp

位處熊本市中心嘅熊本市現代美術館嘅嘅永久館藏包羅萬有,就連日本傳奇藝術家草間彌生嘅作品亦都喺名單之列,非常厲害!


@camk.jp

另外,熊本市現代美術館週不時都會舉辦唔同主題嘅展覽,而近來最受注目嘅主題展覽就莫過於由村上隆領頭嘅「Bubblewrap」展覽,絕對值得你喺呢度留一個下晝慢慢細味㗎!

 

熊本市現代美術館
地址:2-3 Kamitōrichō, Chūō-ku, Kumamoto-shi, Kumamoto-ken 860-0845日本 (顯示地圖)
開放時間:10:00-22:00 (逢禮拜二休息)
官網:https://www.camk.jp/

 

熊本自由行Day 1行程 | 必食熊本餐廳 | 黑亭拉麵
 黑亭拉麵
@yuzajong

@nathan_yktsai

拉麵係熊本其中一樣好有代表性嘅食物,而其中喺熊本屹立咗超過半個世紀嘅黑亭拉麵絕對係嚟到熊本必食嘅餐廳之一。


@ivyluk

黑亭拉麵最具特色嘅地方除咗麵條非常掛汁之外,佢哋自家製嘅豚骨湯底亦都超級濃郁,配上特製嘅蒜頭粉,令呢度嘅拉麵層次分明,所以經常喺熊本拉麵排行榜名列前茅,嚟到熊本必試!

 

黑亭拉麵
地址:2 Chome-1-23 Nihongi, Nishi-ku, Kumamoto-shi, Kumamoto-ken 860-0051日本 (顯示地圖)
開放時間:10:30-20:30
官網:https://kokutei.co.jp/

 

 

熊本自由行Day 2行程 | 必到熊本景點 | 黑川溫泉@xinmedia

4日3夜熊本自由行嘅行程又點少得去浸溫泉?第二日一於就去黑川溫泉浸溫泉Relax一下啦!

@letsgojp

黑川溫泉鄰近阿蘇火山,由於阿蘇火山仍然係活火山,所以呢度經常會白煙裊裊,有如仙境一般,難怪喺日本溫泉百選之中被選為最有氛圍嘅溫泉啦!小編建議你可以book翻間黑川溫泉旅館,享受日本天然溫泉水帶俾你肌膚嘅神奇功效!

 

黑川溫泉
地址:6392-2 Manganji, 南小国町 Minamioguni-machi, Aso-gun, Kumamoto-ken 869-2402日本 (顯示地圖)
官網:https://www.kurokawaonsen.or.jp/

 

 

熊本自由行Day 2行程 | 必食熊本餐廳 | 白玉子 甘味茶屋

甘味茶屋

@kurokawa.siratamattko

喺黑川溫泉附近嘅白玉子 甘味茶屋係一間專門食日本傳統甜品嘅餐廳。佢哋嘅招牌菜係由糯米製成嘅白玉丸子,配上綿綿嘅紅豆湯,浸完溫泉食翻一碗就最好不過啦!

 

白玉子 甘味茶屋
地址:6600-2 Manganji, Minamioguni, Aso District, Kumamoto Prefecture 869-2402日本 (顯示地圖)
開放時間:09:30-18:00
官網:http://kurokawa.siratamattko.com/

 

 

熊本自由行Day 3行程 | 必到熊本景點 | 天草五橋
 天草五橋
@amakusa-zekkei

行程第三日,小編推薦橫跨天草各個島嶼嘅天草五橋,呢個熱門日落景點不但入選咗「日本夕陽百選」,唔少人更加為咗欣賞呢個美景而特登前往天草五橋嘅瞭望台㗎!另外,由於天草五橋嘅尾段橫越國家公園嘅關係,附近嘅自然景色亦都千萬唔可以錯過,真係靚到不得了!

 

天草松島海豚@Japanican

如果仲有時間,你可以去埋附近嘅天草松島港搭船出海睇海豚㖭,據講喺天草睇到海豚嘅機率仲高達98%㖭!

 

天草五橋
地址:Aitsu, Matsushima-machi, Kamiamakusa-shi, Kumamoto (顯示地圖)
官網:https://www.t-island.jp/p/spot/detail/481

 

天草睇海豚
地址:〒861-6102, 7913-11 Matsushimamachi Aitsu, Kami-Amakusa, Kumamoto Prefecture 861-6102日本 (顯示地圖)
參考費用:4500日圓
官網:https://www.seacruise.jp/cruise/traditional

 

 

熊本自由行Day 3行程 | 必食熊本餐廳 | 天草海鮮蔵
天草海鮮蔵
@Japan Discovery

@Kimukazu Hassin

天草海鮮蔵係天草當地一間名店,唔少日本知名藝人亦都會到來幫襯,食物質素絕對有保證!天草海鮮蔵秉持不時不食嘅原則,所以佢哋嘅食材非常新鮮,而佢哋嘅招牌菜海鮮丼啲刺身份量多到擺滿成個碗,性價比極高!

 

天草海鮮蔵
地址:4733-1 Itsuwamachi Oniike, Amakusa, Kumamoto Prefecture 863-2331日本 (顯示地圖)
開放時間:09:00-17:00
官網:http://www.kaisenkura.com/

 

 

熊本自由行Day 4行程 | 必到熊本景點 | 下通商店街
下通商店街
@kumamoto guide

嚟到熊本自由行最後一日,梗係要去買翻啲熊本手信啦!貴為熊本必到嘅商店街,下通商店街呢到商鋪林立,除咗一啲連鎖店之外,地道商鋪亦唔少,值得你嚟買翻啲地道嘅熊本手信㗎!

馬肉料理@conanlisa

眾所周知,馬肉料理喺熊本地道嘅高級料理,想買翻啲馬肉料理翻屋企?小編特別推薦鍾意食好西嘅你,可以喺下通商店街買熊本限定嘅馬刺仙貝,味道一流,絕對係你嘅必買手信!

 

下通商店街
地址:1 Chome-3-10 Shimotori, Chuo Ward, Kumamoto, Kumamoto Prefecture 860-0807日本 (顯示地圖)
官網:http://shimotoori.com/

 

熊本自由行Day 4行程 | 必食熊本餐廳 | 蜂樂饅頭
蜂樂饅頭
@bring.you

@magaret.tw

開業超過60年嘅蜂樂饅頭係熊本人氣餐廳,佢哋嘅車輪餅餅皮鬆軟,而且有淡淡嘅蜂蜜味道,非常特別!蜂樂饅頭嘅車輪餅餡料份量豐富,而且有紅豆餡同白豆餡兩款選擇,味道甜而不膩,難怪經常大排長龍啦!

 

蜂樂饅頭
地址:5-4 Kamitōrichō, Chūō-ku, Kumamoto-shi, Kumamoto-ken 860-0845日本 (顯示地圖)
開放時間:10:00-19:00 (逢禮拜二休息)
官網:http://www.houraku.co.jp/

 

 

熊本自由行行程 | 熊本酒店住宿推薦 | KKR 熊本酒店

KKR 熊本酒店

KKR 熊本酒店嘅位置非常優秀,位處熊本市中心而且毗鄰火車站,去唔同熊本景點玩都好便利。從酒店房間眺望,你可以飽覽日本三大名城之一嘅熊本城,景緻相當優雅。另外,酒店房間亦相當寬敞,係熊本酒店住宿嘅好選擇!

 

KKR 熊本酒店
地址:JPN熊本Chuoku, Chibajomachi 3-31 (顯示地圖)
星級 | ★★★☆☆
位置 | ★★★★☆
設施 | ★★★☆☆
環境 | ★★★☆☆
價格 | 查看價格  

 

 

熊本自由行行程 | 熊本酒店住宿推薦 | 水前寺綠富酒店
水前寺綠富酒店

水前寺綠富酒店嘅設計充滿時代感,從酒店落樓就係便利店同埋超級市場,要添置日用品都非常方便!另外,水前寺綠富酒店每日都會為客人提供早餐,相當貼心,嚟熊本自由行不妨考慮一下呢間性價比極高嘅酒店啊!

 

水前寺綠富酒店
地址:JPN熊本1-8-5 Izumi (顯示地圖)
星級 | ★★☆☆☆
位置 | ★★★★★
設施 | ★★☆☆☆
環境 | ★★☆☆☆
價格 | 查看價格  

 

 

📖延伸閱讀:【獨遊大阪行程2018】一個人去大阪可以點玩?一個人大阪自由行攻略!
📖延伸閱讀:【日本福袋攻略】日本新年又到!必搶日本福袋推薦2019!
📖延伸閱讀:【九州好去處】5日4夜九州鹿兒島自駕遊行程攻略!連鹿兒島Outlet必買懶人包!
📖延伸閱讀:【日本露營遊記】日本露營用品購買攻略連東京戶外用品推薦!
📖延伸閱讀:【大阪購物篇】心齋橋購物必掃!大阪藥妝 + 大阪零食指南2019!
📖延伸閱讀:【大阪Outlet攻略2018】日本三大大阪Outlet懶人包(連臨空城Outlet、神戶三田Outlet必買推介)

 

Hotels.com酒店優惠Hotels.com酒店優惠