定期送上世界各地最新、最地道嘅旅遊資訊!

【濟州美食推薦】Top 5濟州必食餐廳 + 必食Item推薦!

濟州係韓國人最鍾意嘅旅遊小島,自然風光保存得好好之餘,濟州係一個靠山食山,靠水食水嘅地方,所以去濟州唔食好啲都對唔住自己,今日就等小編帶大家食盡濟州必食餐廳啦!

 

濟州自由行 | 濟州必食 | 大水 큰물

大水 큰물
@dosods

濟州四面環海,盛產海鮮,所以去得濟州一定唔可以錯過海鮮鍋!今日小編就為大家介紹只有濟州當地人先識去嘅海鮮鍋餐廳大水!餐廳命名為大水,含意係入到餐廳道好似去到海底世界咁,周邊嘅所有海鮮都好生猛,而事實亦真係如同餐廳名一樣!

大水 큰물_2
@dosods

海鮮鍋產嘅鮑魚係上枱時仲見倒佢小幅度咁郁下郁下,蟹嘅件頭大大隻,再加上蝦、青口等海鮮煮成嘅海鮮湯相當鮮甜好味!咗咁足料嘅海鮮鍋唔好以為佢會好貴,2人份亦只而₩50,000(約HKD$350),好抵食!

大水 큰물_3
@jsfinale

呢度除咗海鮮鍋做得好之外,前菜都一啲都唔馬虎,會食到各式各樣自製嘅前菜外,前菜仲有醬油蟹,非常鮮甜新鮮,亦有烤魚、章魚等,超豐富又好食!

 

大水
地址:濟州濟州市朝貢浦路49 (顯示地圖)
           제주 제주시 조공포길 49
電話: 064-712-8253
營業時間: 10:00 – 22:00, 星期日休息

 

濟州自由行 | 濟州必食 | NOLMAN 놀맨

NOLMAN 놀맨
@naver

海鮮鍋雖然好好食,但價格唔算平民,如果窮遊嘅朋友去濟州,又想食平民海鮮嘅話,海鮮拉麵會係唔錯嘅選擇!Nolaman只賣一種食物,就係海鮮拉麵,佢地嘅海鮮拉麵每一次放嘅食材都唔同,每次去食都會有驚喜,不過,每一次都真材實料,基本材料有蝦有蟹,有時會有青口、章魚等唔同嘅材料,所以熬出嚟嘅湯頭每次都會有少少差異,但都非常濃郁,鮮味十足㗎!

 

NOLMAN
地址:제주특별자치도 제주시 애월읍 애월로1길 24 (顯示地圖)
           濟州濟州市涯月邑涯月路1街24
電話:064-799-3332
營業時間:10:00~16:00 (星期二公休)

 

濟州自由行 | 濟州必食 | Dombe豚 돔베돈

Dombe豚 돔베돈
@raonhappiness

黑豬係只生長於濟州島嘅獨有品種,加上濟州得天獨厚嘅環境使得黑豬嘅味道亦異於一般豬肉,成為咗濟州必食item之一,濟州島產甚至有黑豬肉一條街 (흑돼지 거리) 集中咗大量黑豬肉店,不過係咁多間店入面,小編最推就係Dombe豚! 

Dombe豚 돔베돈_2
@raonhappiness

Dombe豚除咁可以單點肉之外,仲提供set餐,set餐包含燒黑豬肉,同埋濟州產豬肉嘅菜包肉,兩樣食物加埋就已經抵過單點,set餐仲包含韓式蒸蛋同大醬湯,cp值超高!至於肉質就非常鮮嫩,店家亦揀選脂肪部份較少嘅部份比客人,絕對唔會食到成口油,又會食到濟州黑豬獨特嘅味道,必試呀! 

 

Dombe豚
地址: 濟州特別自治道濟州市觀德路15街25 (顯示地圖)
            제주특별자치도 제주시 관덕로15길 25
電話: 064-753-0008
營業時間:12:00 – 24:00

 

濟州自由行 | 濟州必食 | 神的韓某 신의한모

神的韓某 신의한모
@guejoto

好多人喺韓國食嘢可能會食唔慣,覺得太辣太濃味,會想食清淡啲,位於濟州嘅「神的韓某」就係其中嘅清淡之選,「神的韓某」係一間豆腐料理專門店,店主仲遠赴日本學習整豆腐,所以呢度嘅豆腐同一般係出面食嘅好唔同,呢度嘅水源、豆嘅品質都受店主嚴格監控,做出嚟嘅豆腐又香又滑!

神的韓某 신의한모_2
@gksskhh

除咗豆腐之外,呢度仲有賣其他豆類製品,包括豆漿、豆漿麵、豆腐蓋飯等,素食嘅朋友一定要試吓!

 

神的韓某
地址:濟州特別自治道濟州市涯月邑下貴1裏 1620-4 (顯示地圖)
           제주특별자치도 애월읍 하귀1리 1620-4
營業時間:11:30-15:00、17:00-22:00(星期一休息)

 

濟州自由行 | 濟州必食 | 濟州金萬福 제주김만복

濟州金萬福 제주김만복
@ALINA 愛琳娜

濟州金萬福始創於1988年,係名符其實嘅老店,但近年就喺韓國備受關注,佢哋嘅飯卷造型相當特別,成為咗新晉嘅影相打卡網紅店!

濟州金萬福 제주김만복_2
@ALINA 愛琳娜

呢度最有名嘅就係萬福家飯卷 (만복이네 김밥),正正方方嘅外形,中間夾咗超厚嘅玉子燒,飯中間亦夾住鮑魚粒同鮑魚嘅內臟,再淋上麻油,帶出非一般嘅鮮味!另外,好多客人會加購一客涼拌章魚泡菜 (오징어무침) 同飯卷一齊食,更加惹味之餘,味道層次更豐富!

濟州金萬福 제주김만복_3
@ALINA 愛琳娜

濟州金萬福係一間外賣店,好多人會買返酒店食,但小編認為最高嘅享受莫過於喺海邊一邊吹住海風一邊食!

 

濟州金萬福 本店
地址:濟州特別自治道 濟州市 吾羅路 41號 (顯示地圖)
           제주특별자치도 제주시 오라로 41
電話:+82 64-759-2924
營業時間:10:00-20:00

 

濟州金萬福 LOUNGE店
地址:濟州特別自治道 濟州市 西門路 73 2樓 (顯示地圖)
           제주특별자치도 제주시 서문로 73 2층
電話:064-759-8582
營業時間:11:00-20:00

 

濟州住宿推薦 | 濟洲新羅大酒店 (The Shilla Jeju)

濟洲新羅大酒店 (The Shilla Jeju)

濟洲新羅大酒店位於中文觀光區,不論係去奧雪綠綠茶博物館定Hello Kitty Land都相當方便,中文觀光區景點比較多同集中,所以可以節省唔少交通時間㗎!

濟洲新羅大酒店 (The Shilla Jeju)_2

濟洲新羅大酒店部份房間可以望到濟州嘅海景,而酒店內仲有泳池,環境超級舒服!

 

濟洲新羅大酒店
地址:KOR西歸浦75, Jungmungwangwang-ro 72beon-gil (查看地圖)
星級 | ★★★★★
位置 | ★★★★☆
設施 | ★★★★★
環境 | ★★★★★
價格 | 查看價格

 

濟州住宿推薦 | 天空里德斯酒店 (Sky Leaders Hotel)

天空里德斯酒店 (Sky Leaders Hotel)

位於濟州市市中心嘅天空里德斯酒店去機場只需要20分鐘車程,去濟州市商圈的話,步行亦只需要10分鐘,係相當方便嘅選擇!酒店亦有提供車位,啱晒自駕遊人士!

 

天空里德斯酒店
地址:KOR濟州106, Singwang-ro (查看地圖)
星級 | ★★★☆☆
位置 | ★★★★☆
設施 | ★★★☆☆
環境 | ★★★☆☆
價格 | 查看價格

 

📖延伸閱讀:【去旅行用韓國App】超實用!韓國旅遊app + 自由行首爾App推薦
📖延伸閱讀:【濟州自駕遊】濟州景點推薦 (無邊海景GD Cafe, 濟州神話世界)
📖延伸閱讀:【快閃濟州】濟州島4日3夜自駕遊行程!
📖延伸閱讀:【濟州機場汗蒸幕】編輯親試—龍頭岩海水樂園汗蒸幕!連濟州島機場必買手信及濟州住宿推介!

 

Hotels.com酒店優惠Hotels.com酒店優惠